باقى الحوار مع العتيبى- نحفظه هنا مؤقتا
—————————–
على ذكر اشارتك.. بانك لست ظريفا مع المعلقين. لماذا تتسم تعليقاتك بالحدة والنقد الساخر.
النقد الساخر وسيلة لايضاح المفارقة والتناقض
اما الحدة - فلان التدوين فرصتى لاكون حرا ومحددا وواضحا-يعنى كلامى شديد الوضوح لا فيه دبلوماسية ولا طراوة
لكن المقصود اصلا وتحديدا فى الظرف مع المعلقين مش هو ده
لو اعدت القراءة لاتضح لك انك اقتطعت الجملة من سياقها- الظرف المقصود هنا -بتاع ياسلام عليك يامعلق ياحلو انت والله لقد احببتك- وانت حلو ومدونتك حلوه
وكلامك كله حلو بس ابقى تعالى
كلامى عن لتعليقات بايخ مش كده
انا عارف
بس هى دى الحقيقة -اعمل ايه
طبعا قليل من التعليقات تاتى معقولة جدا-وبتفرح
لكن اكثرها -مالوش لزمة وكترتها سامة- خصوصا لما تكون كلها فى معنى واحد ياحلاوتك ياكاتب ياعظيم
انا عارف انى مش كاتب ولا عظيم
فبتضايقنى قوى
وخصوصا انى هاكون مضطر لللرد بالمثل واقول للمعلق وانت كمان كاتب عظيم
فيرد لا انت الاعظم
واقول له على الطلاق انت الاعظم
وهكذا لغاية ماحد -يرجع او مرارته تفرقع
الناس -فيما عدا القلة- قرفت من الاسلوب ده
واذا كان يحقق لك اشباعا نفساويا -فلتستمر فيه -ماعنديش مانع
اما اذا كان لا يحقق لك شيئا -فلماذا نستمر فيه
طيب فليفتح القارئ مدونة من اياهم ويشوف الكلام ماشى ازاى
اى نعم مفيش مشكلة لان عدد الزوار يساوى عدد المعلقين-فهنا يكون فقع المرارة اختياريا-وهم احرار مع بعضهم-وده امر لا يخصنى- ولكن يعنى انا لم احس بانى مطالب-استجابة لمقياس الاكثر تعليقا وتهليسا-لم احس انى مطالب بتضيع وقت القارئ فى تعليق ليس له لزووم
وكون قلة من مدمنى التعليقات يعتبرون قلة العليقات عورة-فده لا يصنع مقياسا
صدقنى وبكل صراحة انا كنت حريص على قلة التعليقات
ولو ان الكلام ده هيزعل الناس- لكن الصراحة اشرف من الكذب- وادخل لمدونتى وتابع هتلاقى فلان جاء وعلق عندى خمس مرات ولم ارد له التعليق ولا مرة- مع انى اتابع عدد مهول من المدونات-وادرس مابها- فطبعا الزميل هياخدها انى مستغنى ومش عاوز صلة به- وده مش صحيح-
النقطة اللى مش واضحة انى عاوز صلة قراءة متبادلة مع الناس
وليس صفة شخصية
بدليل ان دى تانى مرة على الاطلاق اتكلم مع حد عبر الايميل-وافضل ان يكون الكلام فى المدونة دائما
وارجو منك نقل الحوار للمدونات
—————-
نرجع لموضوعنا ولتاكيد ماسبق
طيب شوف لعكس-اختار انت عدة مدونات تعتبرها انت او القارئ- مدونات محترمة-ولها محتوى معقول- وشوف هل المدون مضطر لان يستمر طويلا فى مثل هذا الاسلوب-اهلا وسهلا وازاى ماما
وطابخين ايه النهارده
حقيقى اسلوب التعليق ده بديل لجهد ومحتوى فى التدوين- اذ انه يعطيك شعور بان الامور على مايرام- وخصوصا لو مدمنى التعليقات عندك- كام بنت- معجبات بعظمة جلال كتاباتك المهولة-ساعتها هتحس بالدفئ -على راى واحد صاحبنا- والا يعنى الواحد يتبادل التدليع والهزهزة مع الاخ السليمانى-الله الغنى ياسيدى
——————–
حتى ان المرا ليظنك من هواة البحث عن الخصومات
——————-
يظن اللى يظن خليه يظن
التصور بان الواقع الفكرى والاجتماعى العربى سينتج مدونات -نتبادل فيها تعليقات عصافير الحب على اغصان الشجر- تصور غريب جدا
الواقع سيفرز صراعات فكرية
وانا شايف ان الصراع-الدراما- هى افضل وسيلة لتوصيل المعانى والافكار للقارئ
يعنى الصراع فى المدونات- وسيلة ايضاح-للافكار-اللى هى اصلا بتتصارع فى المجتمع
يبقى جزء واحد ناقص- وهو الفشل الدائم فى ان نقبل صراعا موضوعيا يستمر فى الموضوع ولو 24 ساعة- على طول الصراع الفكرى يتحول الى صراع شخصى واتهامات وبذاءات
وانا ولا مرة سعيت لصراع
دائما بيجى المتطوع لغاية عندى
يعنى اول صلتى بثلاثى الامير جمال كانت اتهام لى بالكفر من الامير جمال-وحتى لا يكون التهام مرسلا- فقد منعت مكتوب مشاركته عده شهور حتى قام بحذف اتهامه لى بالكفر
وبعد كده جاء الزميل عبده- وكانجاى يعنى يساعد الامير -فهددنى بالاعتقال والتعذيب فى المخابرات-على اساس انه يدعى انه مخابرات
وانا اعلنت ان الوسيلة الوحيدة لانهاء الخلاف هو ان يعلنوا انهم كذبوا
فلما لم يفعلوا -اعلنت اننى ساستمر -بلا-حدود فى كشف كذبهم وتصنعهم
وفى كل سطر كتبته لم اشتم-احدا وكنت اناقش ما يكتبون وليس اشخاصهم
————————————————————————————-
* يلاحظ البعض انك متشدد مع المدونين انصار الجماعات الاسلامية في انتقاداتك اللادعة التي قد يفهما العديدون عداءا لا مبرر له.
———–
الامر مبرركما سيتضح لك
ليس عندى عداء لاشخاص ولا مجموعات انا اعادى الغباوة والجهل والعنف- سواء جاءت من اى طرح فكرى
واعطيك مثلا
على هذا الرابط -ادعاءات كاذبة على الرسول (ص
)http://alsolimany.maktoobblog.com/607207/%
فالرسول الذى اتبعه- والرب الذى اعبده لا يامران بقتل 1/3 المسلمين
يعنى انا لو رديت بشدة- بناء على عقيدتى-على من يستند الى الكذب على الرسول ليعم الذبح فى الشوارع وعلى الهوية-فهل تعتبرنى معادى للجماعات الاسلامية
هذا الكلام -بقتل الشيعة-كان مطموسا فى الكتب منذ عهد الفتن الى ان ظهر -بعد انتصار حزب الله فى جنوب لبنان
وكان له فورة -ايام انتشار دين صدام حسين فى حربه على ايران
وهو يظهر عند الحاجة الى ان نهزم انفسنا
ممكن الواحد يطنش-يعنى انا مش مسئول- وممكن انى اختار شوية عصافير -ازقزق معاها فى مدونتى- لكن اذا ناقشت كلام زى كده -موضوعيا- يبقى انا اسعى للخناقات- ايوه بهذا المعنى انا اسعى للخناقات-هو انا هاتكسف ليه
المزيد
