-حول النقد

من المعروف عن الناس جميعاً أنهم يميلون إلى الثناء، والتقريظ، وينفرون من الذم والانتقاد.
وحب الثناء في جملته خصلة حسنة محمودة العاقبة، لأنه يدعو إلى طلب الكمال، وما لم يكن نزوة من نزوات "الأنانية" العمياء فهو سبيل إلى العمل الذي يستحق الثناء.
ولكن كراهة النقد ليست بصفة محمودة في جميع الأحوال، لأنها تنطوي على أخطاء كثيرة تدل على ضيق العقل، كما تدل على ضيق الخلق وضيق المجال.
أول هذه الأخطاء اعتقاد المرء أن الناقد أفضل دائماً من المنقود، فهو إذا سمع النقد ظن أن الذي يوجهه إليه يستعلي عليه ويدعي أنه مبرأ من العيب الذي يسنده إليه، ولولا ذلك لهان وقع النقد في نفسه لأنه يشعر أنه ومن ينقده سواء.
وقد يكون المنقود أفضل من الناقد فيما يتعلّق بذلك العيب وفيما يتعلق بسواه. والحقيقة المُشاهدة أن الناقد لا يكون أفضل من المنقود في عيوبه، ولا أقدر منه على عمله المنتقد ولا على سائر أعماله. كل منا يستطيع أن ينظر إلى بيت من البيوت فيرى أنه سخيف البناء غير صالح للسكن، ولكننا لا ندعي لهذا أننا أقدر على البناء والهندسة من بانيه ومهندسه، وقد يُعيي الكثيرين منا أن يقيموا حجراً على حجر في جدار صغير. وكل منا يذوق الطعام فيستعذبه أو يعافه، وليس كل آكل بقادر على إعداد صفحة من الطعام خير من التي يعافها، ولو كان عليماً بكل عيب من عيوبها في صناعتها وفي مذاقها. وكل منا يستطيع أن يقرأ كتاباً فيشعر بنقصه في جانب من جوانبه لأنه كان ينتظر المزيد من البيان في ذلك الجانب، ولكن لا يُفهم من ذلك أن القارئ المنتقد أعرف بصناعة التأليف من صاحب الكتاب.
وقصة المصور الصيني معروفة، تصلح للذكر في هذا المقام: كانت له صورة يعرضها ويتوارى خلف ستار المصنع ليستمع إلى أقوال الناظرين إليها. وكان منهم إسكاف عاب شكل الحذاء لأنه لا يُطابق القالب المخصص لصنعه فأخذ المصور بملاحظته وأصلح عيبه كما اقترح الإسكاف. وعاد هذا في اليوم التالي فأطمعه التفات المصور إلى رأيه وأكثر من الملاحظة على أجزاء الصورة من الرأس إلى القدم، فبرز له المصور من وراء الستار وأملى عليه درسه في هذه المرة: إنك أحسنت فيما عرفت، فلا تسئ فيما تجهل، وقف بقدميك على حذائك ولا تزد عليه.
ومهما يكن من إحسان هذا الناقد في ملاحظته فهو إحسان كلام لا إحسان عمل، لأنه لو سئل أن يُصلح الخطأ في حذاء الصورة لما استطاع أن يزيل عيب الصناعة فيها. ولا يزال المصور أقدر منه على إصلاح عيوب الصورة حتى في شكل الحذاء.
فالناقد يُبدي ما يشاء من العيوب، ولا يجعله ذلك أفضل ولا أقدر على إصلاح العيوب من صاحب العمل. إذا كره الاستماع إليه أنفة من التسليم له بالتفوق عليه. حتى لو اعتقد صاحب العمل أن التفوق عليه ممتنع أو مستحيل، ولا امتناع ولا استحالة فيه.
ويحسن بالناقدين والمنقودين جميعاً أن يذكروا أن القدرة على إظهار العيوب أسهل جدا من القدرة على إظهار الحسنات. فإن الطفل الصغير قد ينظر إلى أعظم العظماء، فيضحك منه ويلمح عيوبه الظاهرة من لمحة خاطفة، وقد يستطيع أن يحكيه في عيوبه سخرية وعبثاً فيجيد محاكاته كل الإجادة، ولكنه يقضي عشرات السنين قبل أن يعرف حسناته أو فضيلة من فضائله. كما استطاع في طفولته أن يُحاكي ذلك العظيم في مشيته أو لهجة كلامه أو جملة حركاته.
وما برحت معرفة العيوب قريبة إلى أصحاب العيوب، ومعرفة الحسنات عسيرة على غير أصحاب الحسنات.
ومن أخطاء الكارهين للنقد أن كراهيتهم لم تنم على ضعف الثقة بالنفس كما تنم على ضعف الثقة بالناس، وضعف الثقة بالقيم الأدبية، وكل قيمة من قيم التقدير والكرامة.
فالرجل الذي يعرف عمله لا يضيره أن يجهله غيره، والرجل الذي يملك ثروته ويأمن عليها لا يضيره أن يحسبه هذا أو ذاك في عداد الفقراء، ومن كان واثقاً من قوته فهي بين يديه يجدها حاضرة عنده كلما احتاج إليها. وإنما يضطرب الضعيف الذي تُشاع عنه القوة كذباً إذا شاع عنه الضعف بدلاً من القوة لأن ما تخلفه الإشاعة تقضي عليه إشاعة مثلها. وما يثبت على الحق لا تمحوه الأباطيل.
فليس أدل على ضعف الثقة بالنفس من خوف النقد واتقاء المزاعم، كذلك يدل على ضعف الثقة بالنفس أن يحسبهم الكارهون للنقد ألعوبة يلعب بها كل ناقد، وأرجوحة تميل بها الأهواء مع كل جاحد وحاقد. وما كان في وسع أحد قط أن يلعب بآراء الناس كافة وإن وسعه أن يلعب بآراء القليلين منهم إلى حين، وقديماً قيل ما قيل عن نوابغ الدنيا وعباقرة الأزمان فذهب القيل والقال، وبقيت مآثر النبوغ والعبقرية ساطعة سطوع الشمس، راسخة رسوخ الجبال.
وأشد من ضعف الثقة بالنفس
المزيد

أوربا والإسلام

«شيّع الناس بالأمس عاماً قالوا إنه نهاية الحرب، واستقبلوا اليوم عاماً يقولون إنه بداية السلم، وما كانت تلك الحرب التي حسبوها انتهت، ولا هذه السلم التي زعموها ابتدأت، إلا ظلمة أعقبها عمى، وإلا ظلماً سيعقبه دمار!
حاربت الديمقراطية وحليفتها الشيوعية عدوتيهما الدكتاتورية، وزعما للناس أن أولاهما تمثل الحرية والعدالة، وأخراهما تُمثل الإخاء والمُساواة، فالحرب بينهما وبين الدكتاتورية التي تمثل العلو في الأرض، والتعصب للجنس، والتطلع إلى السيادة، إنما هي حرب بين الخير والشر، وصراع بين الحق والباطل. ثم أكدوا هذا الزعم بميثاق خطّوه على مياه «الأطلسي» واتخذوا من الحريات الأربع التي ضمنها هذا الميثاق مادة شغلت الإذاعة والصحافة والتمثيل والتأليف أربع سنين كوامل، حتى وهم ضحايا القوة وفرائس الاستعمار أن الملائكة والروح ينزلون كل ليلة بالهدى والحق على روزفلت وتشرشل وستالين، وأن الله الذي أكمل الدين وأتم النعمة وختم الرسالة قد عاد وأرسل هؤلاء الأنبياء الثلاثة في واشنطن ولندن وموسكو، ليدرأوا عن أرضه فساد الأبالسة الثلاثة في برلين وروما وطوكيو!
وعلى هذا الوهم الأثيمِ بذلت الأممُ الصُّغرى للدول الكبرى قسطها الأوفى من الدموعِ والدماءِ والعرق؛ فأقامت مصرُ من حريتها وسلامتها في «العلمين» سدا دون القناة، وحجزت تركيا بحيادها الودي سيل النازية عن الهند، وفتحت إيران طرقها البحرية والبرية ليمر منها العتادُ إلى روسيا، ولولا هذه النعم الإسلامية الثلاث لدقّت أجراسُ النصر في كنائس أخرى!
ثم تمّت المعجزة، وصُرع الجبارون، ووقف الأنبياء الثلاثة على رؤوس الشياطين الثلاثة يهصرون الأستار عن العالم الموعود، وتطلّعت شعوب الأرض إلى مشارق الوحي في هذه الوجوه القدسية، فإذا اللحى تتساقط، والقرون تنتأ، والمسابح تنفرط، والمسوح تُنتهك؛ وإذا التسابيح والتراتيل عُواء وزئير، والوعودُ والمواثيقُ خداعٌ وتغريرٌ، وإذا الديمقراطية والشيوعيةُ والنازيةُ والفاشيةُ كلها ألفاظٌ تترادفُ على معنى واحد: هو استعمارُ الشرقِ واستعبادُ أهله!.
إذن برِحَ الخفاء وانفضح الرياء، وعادت أوربا إلى الاختلاف والاتفاق على حساب العرب والإسلام!
هذه إيرانُ المسلمة، ضمِن استقلالَها الأقطابُ الثلاثة، حتى إذا جَدَّ الجد تركوها تضطرب في حلق الدب، ثم خلصوا نجيا إلى فريسة أخرى!
وهذه تركية المسلمة، واعدوها وعاهدوها يوم كانت النازية الغازية تحوم حول ضفاف الدردنيل، وهم اليوم يخلونها وجهاً لوجه أمام هذا الدب نفسه يطرق عليها الباب طرقاً عنيفا مخيفاً ليُعيد على سمعها قصة الذئب والحمل!
وهذه أندونيسيا المسلمة، آمنت بالإنجيل الأطلسي، وقررت أن تعيش في ديارها سيدة حرة؛ ولكن أصحاب الإنجيل أنفسهم هم الذين يقولون لها اليوم بلسان النار: هولندا أوربية، وأندونيسيا أسيوية، ونظرية الأجناس هي القانون النافذ على جميع الناس.
وهذه سورية ولبنان العربيتان، أقرّ باستقلالهما ديجول، وضمن هذا الإقرار تشرشل، ثم خرجت فرنسا من الهزيمة إلى الغنيمة، واختلف الطامعان فخاس المضمون بعهده، وبرّ الضامن بعهده. ثم قيل إنهما اتفقا! واتفاقهما لن يكون على أي حال قائماً على ميثاق الحريات الأربع!
وهذه فلسطين العربية يفرضون عليها أن تؤوي في رقعتها الضيقة، الشريدَ والفوضويَّ واللصَّ، وفي أملاكهم سَعة، وفي أقواتِهم فضل! ولكنهم يضحون بوطن العرب لعجل السامريِّ ال

المزيد

كلمة الحق -ما تستغرقشى كتابتها 20 ثانية
قولها-والنتيجة -مش مضمونة لكنها مش تضييع وقت-
حرية المعتقد وحرية اعلان الراى للجميع
الراى لا يعاقب بالسجن
نتبنى الحرية للجميع -حتى من يخالفوننا فى الراى
ونقول كلمة الحق-للمخالف قبل الموافق
-فاذا كان الحق لى اشعل

المزيد

يقول لك ان علماء الاليكترونيات فى اليابان وغيرها-قرروا عمل نظام اليكترونى للبيت-

يتمركز اولا حول ان مستقبل الاتصالات سيكون مبنيا على ادماج خط النت -مع الكهرباءالواصلةلمنازل وليس خط التليفون

وامكن عمل ذلك تقنيا فعلا فى بعض الدول لان خط الكهربا يغنى عن انشاء خطوط -خيوط ضوئية-وهو يصل الى كل مكان حتى اللى لا تصل اليه خطوط التليفون عبر العالم

وبداو يرتبوا لعمل شبكة اليكترونية تربط جميع اجهزة البيت لتشغل نفسها بنفسها فى توقيتات محددة

والمنازل الذكية هي منازل اليكترونية، ملحقة بها أجهزة كمبيوتر وكل الأجهزة متصلة بشبكة منزلية ذكية، وكما يقول الخبراء إن العملية تشبه أفلام الخيال العلمي، فعندما يذهب الشخص للمنزل فإن تسخين الطعام وتحميص العيش وتدفئة البانيو وسماع الرسائل تتم في الوقت نفسه بالكمبيوتر الذكي فيمكن التحكم في تشغيل الغسالة قبل الوصول للمنزل بساعتين، كذلك التكييف يمكن أن يعمل قبل الوصول لمنزل بوقت كاف لتكون درجة الحرارة في المنزل م

المزيد

يعنى لو حد قال عنى-شئ وحش بس صحيح- لازم اقول له -الحقيقة
استفزازى اه-لكن حكاية طيب دى -مش مظبوطة-الحكم علبيها يحتاج لمعاملة طويلة-يومية
لكن استفزازى
والمصحف-انا اسفزازى
وانا عيل صغير امى كانت تقول لى روح ياغلس تعالى يا غلس-وطول عمر اصحابى يقولوا لى -انت زفت -لكن بتعمل ادمان
انا شغلتى استفز الافكار
واحرضها
وافجرها
واهدها وابنيها تانى
وافكها واربطها-والقارئ هو المبدع الحقيقى عندى-مش انا-لان هو الى يببنى ويربط-ويلزق-ويجمع-ويصلح-ويقرر ياخد ايه ويسيب ايه
هو اللى بيقوم بمعظم الشغل
وده بيضايق ناس كتير من القراء-لا يتعاملون الا مع الافكار المربوطه جاهزة
وبعض الزملاء -يظنون اننى مادمت نشرت مقال عن كريشنا مورتى يبقى انا -تبعة
وباشتغل فى التبشير-
وبعض الزملاء بيقولوا=مش معقول حد يعمل 1030 ادراج فى ست اشهر
دى لازم مدونة وراها جهاز كبير
واللى يراجع مدونتى -يلاحظ ان اول مقالاتى كانت هبل قوى-وكنت عاملها -عشان اهذر مع اصحابى
وبعدين قلت اجمع الاشياء اللى بتعجبنى عشان اولادى يبقوا يقروها -بعدى-لظروف خاصة
وبعدين قلت طيب ما اكتب تفكيرى
واستمر الاتجاهين السابقين للكثر من تلات شهور-الى ان فوجئت بان عدد القراء يصيبنى بالفزع-وفكرت بجدية ان اغلق المدونة-وثبت ادراج شهير-بيقول مين دول-انا هاتجنن
انا مش بتاع كده
ولا اقدر ولا مستعد لكده
انا كنت بافكر فى حاجة تانية خالص
ومجموعة مقالاتى-تحت تصنيف شلبى-كتبتها تحت تصنيف -شلبى-عشان اغيظ بيها واحد صاحبى-اسمه الحقيقى مش شلبى-لدرجة انه انفجر-بعد شهر- في-غاضبا مرة وقال-لا تكتب عنى مرة تانية-قلت له ليه هو انت شلبى-قال نعم -انا شلبى وظل يصرخ-انا شلبى
هذا الشخص الذى هو عبقرى على مجنون-هو اللى سمانى الفيل
قال انت فيل بعقل برغوت
ولم يسمينى الفيل -كموقف فكرى فقط-بل لانى تخين جدا جدا-ومن حيث العقل -فعقلى لا يختلف كثيرا عن عقل اسماعين ياسين-انا كده-وبرغم من كونى طبيبا-فان شغلتى تتلخص فى انى اضحك كل مريض-يدخل عندى-ده 3/4 علاجى-والباقى ادويه
واضحكت ناس بيلفظوا انفاسهم الاخيرة فى الرعاية المركزة-طبعا العلاج شئ مستقل
وانا انتحلت وصفة-وفعلا الشخصية المرسومة اخدت منى جهد كبير -لاقناع القارئ ان يقبل-جزئيا انه يكلم فيل -عبيط شويه-وكنت اقسى من انتقد مدونتى-بانتقادات رهيبه-لذلك فزعت عندما قال احد الزملاء انى زعلت من نقده لى-مفيش حد اقسى منى فى نقد ومسخرة مدونتى
وطبعا لو حد يقول ان مدونتى لا تعكس اتجاها معينا تجده فى كل المقالات-اقول عنه معذور
لان مدونتى حافلة بكل التناقضات
وربما لا يصدق القارئ-المتعجل بطبعة-ان كات

المزيد

بص ياعم
بين المثل الاعلى للاسلام-وقيمة العليامن ناحية
وبين-من ناحية تانية-واقع الاسلام المعاش
 بين ده وده—فيه فجوة كبيرة
وهوه ساحقة
هات ايدك كده
حطها فى الفجوة دى
دا مجال شغلى وتفكيرى
اظن الفجوة سخنة ومولعة
واللى ايده فى المية مش زى اللى ايده فى النار
انت بتتكلم فى الدين-بردا وسلاما
شغلانة حلوة والله
دين افتراضى -مثلا
وانا ايدى فى النار
وباتشتم كتير
لانها شغلانة مش سهلة
ومحتاجة مليون واحد احسن منى
بس اللى نفسى فية ان مش كل شوية ييجى واحد يقول لى انت بتتكلم فى الدين
مش شغلتى -الكتابة فى اللاهوت
وما حدش هيقرا لى اصلا لو كتبت-فى الدين
شغلتى هى الفجوة دى
لو سمحت لى يعنى
بعد اذنك
يعنى تانى انا
المزيد

 الفيل–النت بتتكلم عربى كتبها …

المزيد

السكس"

كتب مغترب في بلاد العرب …
صحة على قلبك يا مستر فيل …بس السكس وسيلة مو غاية متل ما نحنا عملناها…السكس والاكل امتع شي في الدنيا بس لما نصير بني ادمين وننتج اكتر ما نستهلك وقتها اقعدو في السكس للصبح يا عمي ….والعب العب العب

كتب الفيل-واحد تانى …
يا نهار اسود يا ابو خالد تصدق ان اول مرة اعرف حكاية ان السكس وسيلة مش غاية - لان اصلا ان الواحد يقضى عمره فى اللهاث ورا النسوان دى الوسيلة اما السكس فدة الغاية- دا اللى اخدناه فى المدرسة والا الامريكان غيروا المناهج والا ايه-واسمح لى انا هنا باقوم بدور محامى الاغلبية- يعنى هنفوت جملتك بارجاء السكس لغاية ما نبقى بنى ادميين- يانهار اسود تانى يعنى تاجيل الف سنة-ليه ياسيدى احنا مانا ما احنا حلويين اهو-و مدوخيين امريكا وضاربين البرجين… و الامريكان قاعدين يلطمواويعملو لجنة ورا لجنة مش عارفين يتصرفوا معانا ازاى-لان احنا ببساطة شديدة سلاحنا الاساسى هو السكس ولا نفكر غير فيه وباخلاص وتجرد…عشان كده بنخلف عيال كتير- ولما بينادى الوطن والدين بالفداء اى عيل بيلف الحزام الناسف حوايين وسطة وبمنتهى السهولة والبساطة ويروح يخلص كانه رايح السينما والعيل من دول مابيكلفناش تلاته ملييم ولما يموت ياخذ وظيفة شهيد واحنا نقعد نزغرط- زغروطة بعرس الشهيد وبعد العرس نروح نخلف غيره وهكذا- يعنى الامريكا بيصرفوا دم قلبهم على التسليح واشى صواريخ واشى صواريخ ضد الصواريخ واشى حرب كواكب وينصبوا صواريخ جنب روسيا فتتجنن روسيا انما احنا هادييبن وراكزين ومركزين قوى- وبتلاته مليم وقعده حلوة من اياهم نحبط الاستراتيجيات والمؤامرات الامريكية والتريليونات اللى بتصرفها ع التسلح - دا كفاية اننا وقعنا ما بينهم و شبطوا فى بعض وسابونا-صابونة =- ودلوقت الهوشة تولع بين الدمقراطيين والجمهوريين وبكرة تشوف والدم هيبقى للركب فى واشنطن-دى سى- وهاونات وصواريخ من الاعضاء بالكونجرس وجماعاتهم المسلحةوهيقصفوا البيت الابيض- وهتبقى فلوجة تمام- وجوانتاناموا

المزيد

شمعون بيريز رئيسا لاسرائيل  ويهود باراك وزيرا للدفاع وبيقول لك الحرب ياما الصيف ده ياما لو مامكنش يبقى السنة الجاية -وهم هيحددوا لسه هيحاربوا مين بالظبط-يمكن عشان كده جابوا ريحة حزب العمل عشان تبقى فاسوخة لاستعادة بركة 1967

متر الوطن بكام

دفاتر العامية المصرية – دفتر تمانية

سمير عبد الباقى

متر الوطن بكام ؟ العيال المخبرين صبحم دكاترة واللى كان باير فى سوق العيب جبر

حسره على اللي في الوطن شبعهم مذاكرة يخبزوا الأحلام ، وعيشهم .. ما خمر

فى حب مصر

فى حب مصر باكتب عشان رعب خايف يومى من بكره .. خايب

غفرت الذنوب ما قدرتش أن أكره حتى اللي مرمط سيرتها وباعها فى السكره

يوم كانت الفكرة – فاق سال دمه في الأسواق

فى حب مصر فى حب مصر اتفرط عمرى ولميته واللى فضل منها جوه القلب خبيته

أنا الذي ذلنى كل اللى حبيته اللى قاسيته نسيته من الألف للياء

فى حب مصر هرس العساكر أديمها كل ملة ولون اتكلفتت فى قديمها

قبور ودين وفنون تهرب له من بكره خوف على عقلها المسجون

كل الجنون تعلقه حين تقتله الأوراق .. فى حب مصر

طول عمرها – الوالى تركى يا تتارى يا صرب ..

يا شركسى أرناءوط من سرب يورث سرب كافة حميرها تفرق السباخ م الشرب

وهمه ما فرقش بين الوجع والداء فى حب مصر

الأولانى بيرمى فضايحه ع التاني سلسال تفرعن مالوش أول أو آخرانى ..

أوركستر الكدب سرقه .. أغانى ومبانى قصور لموتى وقبول للشعرا والأحياء ..

فى حب مصر كم فلاحينها استموتوا فى الطين عاشوها ع السحت موتى إن كانوا أو حيين

نشوها جنة .. عاشوها نص جحيم فى الغيظ يموتوا كمد ولا يحسبوش شهداء

فى حب مصر .. فى حب مصر اتلهيت على عينى حبيتها حرقتها

ف كل قطرة ف دمى وطفيتها طفحت على جتتى وأنا ظنى خبتيها

تهمونى بيها .. فغنيتها .. قتلنى الداء فى حب مصر ..

ويا حسرة اللى مالوش الخيرة فى حبه يزيد عليه المرض يفرى الوجع جنبه

كدب اللى حبه بيهرى فى دماغ شعبه يظل ذنبه لابنه وابنه يشكر الآباء .. فى حب مصر

لذاكم فى نفسى يا مصر أشكى لك كافة ولاد يوم خلفتى من اللى عكروا ماء نيلك

للى فاتوكى اتخلقتى وم اللى نسوا يعدلوا ميلك للي باعوكى اتسلفتى ..

سجنت روحى ف مواويلك .. كل اللى حيلتى اشتم .. وافتى ..

وبرضه اتهجى الأسماء ما فرقت مين حبك بغباء .. ولا مين بلاكي بسم الداء ..

ولا اللى رعبك ورماكى بعلته .. ما لحقتى العصر !

طول عمرى باشوفك بتطول ليلك وتهد بنفسك حيلك وترد اللى حب يجى لك ..

ترفض مين يحفظ مواويلك وتحط اللى يشيلك .. تمجد كل اللى سقاك المر ودعم عرشه

بويلك .. ما فهمتش سر خيابة أملك .. إلا ما شفتك وانت العطشان – من خبلك بتجفف نيلك !

سلاسل

 طالقينك للمستقبل خانقينك بخيالات الأمس .. جرحك ممنوع م اللمس ..

بتكوي لسان جمرة لهاليب الحمى ماسكين لك إنه ؟. والا مالكين فيك العنه

عشم المكسور النفس ف نعم الجنة تقفل شبابيك اللى يجيك منه الريح

تتعوز من شياطين الآه – شوق المجاريح .. بالتباريح .. انكتم .. انسد

خيبتك مش على حد – الجهل مريح بيخليك ع القد

ما تخطيش حد ولا تخطيش محصن نفسك من نفسك بالصلوات الخمس !

أصدقاء

مين فيهم يوم ما يصادفه عفريته بيفكر فيك ؟ أو لما يسأل عنك مخبر بيدارى عليك

مين فيهم شال وياك حملك ؟ حين عجزت ع الحمل ايديك

يا خايب .. ماكنتش ح تعاتب .. لو فيه حصوة ملحة فى عينيك !

اعتزال

آن الأ,ان نترمى حمولك .. ولا تنشغل باللى ما هولك .. شلت الهموم أحمال أجيال

ووقفت فى الأزمة بطولك .. آن الأوان ترتاح .. ريح جرحك مجوهر ومملح ..

لو كان مقدر لك تفرح كان الحزين صدق قولك .!

طموح

راعيت ياما يا أبو الهول الأصول وساعة القول عماك الخوف تقول ..

طرمست سن قلمك وخرست حسن ألمك صبح وجودك عله أشبه بعدمك

عشمك رشا إنك فى يوم ح تنول .. جايز يجوز بكرة تحقق أملك

لو يوم قدرت وشفت دون حلمك .. ساعتها ممكن يسمحوا ويسامحوا ..

ويسيبوا ايديك لجل مرة تطول !

خيرة هم

يا عم افهم الأمر واضح الكدب أفصح من أى ناصح

والصدق أصبح كما فعل فاضح .. فاقبل هواهم مادام معاهم

اللى بلونا بزمن فضائح قبوا النهارده ورمونا أرضاً

نهرب يا نشرب من بير هوانا على هوانا

فيا إما تعطش ألم معنا يا تروح تعب الندم .. صفايح

اكتشاف

تعرف .. إنك كل ما ح تحاول تعرف .. ممكن تعرف

لكن أول ما بتعرف إنك تعرف تبتدى فعلاً تعرف –

إنك قلة وواقع من قعر الحلة محكوم بالجهل وبالحاجة وبالعلة

ومقطف وبدون أودان ساعتها بتفهم لو إنك إنسان ..

ليه كل ما تعرف .. بتحس إهانتك وبتقرف .!

للضرورة احكام

كل الطيور هجت من العش صبح الغرام له طعم المش

وح تعمل إيه ؟ يا طير عشاق حتى اللقا فيه  طعم فراق

تموت من الحرمان مشتاق وتبتسم من باب الغش !

عالم تالت

رضا العويل بشروط يا تعيش معاه ذليل ووراه تكون له ديل

يا حدوة كعب خيل يا عروسة بالخيوط ..

مافيش سواه – دليل .. إلا إن لقيت بديل – قتيل هواه يموت !

خيره غم

وموهوب ؟ .. ح يلوعوك .. شريف ؟! يجوعوك ويقولوا الحالة أزمة ..

شعرك .. مالهش لازمة .. لكن – لو تبقى جزمة يمكن يلمعوك .!

كل برغوت على قد دمه

فى عصر عدم الحساسة خطية موالك ..الكدب أصبح موضة – عقبى لك ..

قول ما بدالك .. آخرتك سودة .. والجودة بالموجود باقية لك ..

هنيا لك .. طالت النجاسة خيالك يا عديم خالك !

بناء فوقى

غدرك زمان الديابة الكدابين ألوان ..الصدق يا دوب سحابة ..

وبخبخة دخان بين كدبة تسم البدن .. وكدبة تملا بالخيانة ديوان !

أقدار

الكدب له منطق معدول والصدق مهزوز كالبندول المعنى قرفان م الكلمات

معدش أصحاب ولا خلان ولا حتى اخوات

الشاعر بيتاجر فى جثث الأموات ولا بيراعى سن ولا حلم ولا أصول

البيت رنخ ريخ خايخ زهقان م الأساسات

وركبنا إحساس الذات – العاجزة عن طعم اللذات

الغول ابتول خوفه المجهول .. فى أطباق الفول

فحق على الوطن / الفقرا – فصل القول !

تباديل

كل شىء كان باختيارك حتى موت وخراب ديارك

كنت شارى التاريخ مقدم بعت له ورجعت تندم ؟!

كان حلالك مش بلالك خوف وعلى قلبك محرم ليه حرامك صار حلالك

وضميرك بات مخرم ؟ يا مرارك .. يوم ما تبقى يا شعرى – عارك حب مصر !

القضية ..

باتيه القصيدة مخشبة ف زورى الخوف ملبشنى بين أحزانى وسرورى

كل القضايا بقت فى السوق بخمس وسدس .. والقدس ؟!

ما بقاش لها غير شعر حنجورى وجريدة ريسها أشول .. عقله بعجوري !

وملك جمنهورى.

تاريخ

يا لهو قلبى عليك يا مصر يا بره أى نظام وعصر

علم خيالك الكون بحاله وإنتى عبده – حداكل قصر جوه الزريبه

فى لاستبالية فى عشه واطية أو قبة عالية ..

يمصوا دمك .. ويعصروكى فى الهم عصر

ويوم الخيانة ياخدوا الميدالية

ويشربوكى الهزيمة .. نصر .. !

الهم

لا تقول لي ولا اقولك السوس منخور فى خشب ضلك

سنة من سنة بتقل وتصغر على كلمة الحق تستعفى .. وتستكبر

وأنا كالغبيط العبيط ع البردعة باتشطر

والجحشجية اللى كبروا على رغيب ذلك متسلطين ..

متسلطين من أجل يا أذلك .. وأستغفر

من حزن عمرى اللى خلق شعرى – يا استحمر ! أهلل لك

جت منهم

صرت باتمنى خيانتهم إنما ربايتى الجبانة

وسوست لى أصون غيبتهم .. كان بخاطرى – اللى قلته

سواء غضب أو غضب عنى .. كنت راضى – باللى شلته

سوا زعلان أو باغنى .. على قدى وعندى ياما وقصايدى كبرتهم

صغرونى .. من خيبتهم وغفلة منى سبقونى بالخيانة ..

حررونى من جنونى وعلمونى اكشف عيبتهم !

الربيع المصرى

آه .. يا بقر ملعون أبوكو حمير غجر الشعر أرخص م الشعير

والجحش أفهم من الأمير وقلبكو أخرس حجر

عمال اصرخ فى الغيطان (ريان يا فجل !)

لا الكون وقف على نص رجل ولا شفت عجل نعر ولو كان رد فعل

ما حد عايز يشترى ..الكل بيفاصل يبيع .. حتى الربيع

هايج كإنه وزير خليع عمال يكسر فى الشجر !

خيرة ذم

تقدر تقول مين البقر من البشر من اللى نازلين مأمأة تحت الشجر؟

تقدر تقول مين العجول ومين الديول ؟

من اللى نازملين حش من برسيم وفول تقدر تقول ؟

ماعدش فرق بين الرجال ولا الفصول لا الشرف قيمه ولا خوف على الأصول

الكل من أجل الوصول باع الوطن غل وبطر وحجته ان الغيام خبى القمر !

قعر الحلة

إيه لسه فيه الجراب يا حاوى ؟ مخبى إيه لسه م البلاوي ..

البركة نشفت وطينها شقف ابن الحكومة الخبير المثقف ..

حسب أوامر الغفر يسقف فى الأوبرا سنتر .. أو ع القهاوى !

هبل

زعق الحرامى .. سرقونى .. كدبت من رعبى ظنونى ..

والشك زود لى شجونى .. أنا – اللى وقع لى سنونى

هموم لها عمر سجوني .. حمار .. وماقدرتش أصدق ..

طلعت من جبى اتحقق العسكر اللى بتحلق طفوا الحريقة .. وتهمونى!

الموعظة الحسنة

الرأسمالية .. نهبتنى وأنا عارف إنها – حرامية ..

والاشتراكيين الكمل سرقونى أنا وكل الهمل ..

على إسم خمسين فى المية .. طلع لى شيخها الشعراوى ..

وأنا الضحية يأتتنى .. ع الكفر وسلامة النية !

غل

العيشة بقت صعبة بجد ماحدش طايق حد

واللى انت لبسته امبارح صابح مش جاى ع القد ..

تتعتر فى الرصفان قلقان مفحوم متهان ..

جواك إنسان هربان براك باهته الأوطان كافة سكك الأحزان

ترميك فى الحارة السد خوفك عكر فى عينيك تزغر لى أبخ عليك ..

شوقك .. يطلع فى إيديك – وأنا ابوك اللى مربيك – تلزقنى جوزين ع الخد !

رجولة !

يا حبيبتى لكى محبتى .. على شرط تكونى جاريتى .. ورده منقوشة على مخدتى ..

أشبكها إن عزت ف شال عمتى .. على قد ما امد الحقى خطوتى ، منطقى كلمتى

على حسب هواى وجهة نظرتى ، ضعفك قوتى ، خلفك عزوتى

وتجوعى وتشبعى ببواقى بقية باقى لقمتى

تدخلى تخرجى من جلابيتى .. تنزلى تطلعى تلبسى تقلعى

ساعة ما اهواك – ألقاك على طول – جثة ممددة جوه ف فرشتى !

مجد

للسلطة شهوة أقوى من النسوان  وحدا المرة أنكح من الرجالة ..

حين تعتليها حتى لو بلهوان .. يظبطوا عرضك بطول الحالة ..

يشمروا لك فى الشتا القمصان .. وان شئت يبقى الصيف بلا قيالة..

يشربوك البحر بالفنجان .. ويدمسوا لك شعب فى الفوالة ..

فتنجعص على الكرسى بيه / سلطان وعباية امك من زبالة البالة !

ع الموضة

فى عصر طبيخ الديمقراطية الشايط وف مصر الهامبرجر والفن الهابط والأدب المكشوف

فى مصر العسكر والأوهام المدنية المرة والشيبس وعدم الشوف

تصبح موضة الأحلام والأفكار والأحزاب زى اللبس

لذا بيليق البكا والعايط ع الشعرا المعدومين الحس ..

واللى بيخجل من نفسه يتخبى .. واللى ح يقدر يكشف وشه للسوق الحرة

ح يتعلب وح يتعبى شرايط .. (شعر كليبس) !!

تحولات

الناس دى أكيد غير الناس .. المصريين ماعادوش مصريين ..

والا أنا مش أنا ؟ واحد تانى .. الخايب أصبح عدوانى

والعايب داس ع القوانين والجاهل عامل علمانى ..

ولا عاد للحب ولا للحزن اللى م القلب أغانى

السيما مالهاش قيمة الشعر ماعادلوش سعر وسرقه السكين

الفن التشكيلى مؤامرة خردة وقلة ذوق تايهين ..

بان قعر الحلة وانكشفت لعبة حظك يا مسكين من يوم ما صبحت انت الفرود

القيم سيد العارفين .. وقعدت على الكرسى تلعب فى عقول الملايين

مع إنك عارف أن ماعادش لكرسى أمان .. حتى لو جددوا لحسن مهران .. عمك عاطف صدقى " بعد ما قفلوا على صباغه ضرب الدكان طالع ع الشاشة وبالألوان ..

كومبارس ف حلقة فوازير رمضان .. والاخت الفنانة مرات المرحوم الفنان

نزعت توب الأحزان وحزام العفة لما وقعت من قعر القفة

فرشت ع الأرض ستارة المسرح .. علشان تتكلم بعضشى فى التليفزيون !

أوهام شعبية

شوبش على كل التجار .. من كتبة أشعار.. لصحافه لثوار

زغروطة على رأس الميت بانى السد وهادم بارليف

على على كتافه الأهرام – المتصيت اللى ضيع أحلامه بغشمية

على وهم ينول الحرية على إيد ضباطه الأحرار !

حب أعمى

غنيت له بكل حماسه .. هونت عليه الليل ..

ما قبلش غيره رياسة .. ومليت عصره مواويل

كان شعرى غذاه اليومى .. كان دمى ف سككه دليل

لكن ملاعيب الساسة وأباطيل التضليل

عايزينى بكل خساسة وبدون أيتها حساسة

أنسى ذلتى بهوايا ومن أجل رضاه / برضايا ..

فى قفاه اتركب .. ديل ‍‍‍!

سياسة

لبوه .. وح تعمل إيه فى فيل مفترى . برطع يدهوس فى النجيل الطري ..

يضرب بزلومته النخيل يقتله .. فى حين جرى السبع فلسع فى احترام عبقرى ..

خيانات

إدبحه فى السر وقول دا – نفق وإن خفت تقر إعمل له اعمل له – نفق

القتل يجوز من أجل تعيش .. دا قانون الجيش لو يا كل عيش

أحلى من الحب الشرعى .. رفق ‍!

حراشيف

أنونه تحفة وحيزبون الدهر أهل الروتين سلطونها تمضى طول الشهر

بالاستمارة تصلى ترتل الأراشيف

وناوية للقبر تاخد الكرسى وش وضهر !

المزيد