التدوين ده بالظبط عامل زى دفتر المذكرات الخاصة بتاعة زمان الى كان بعض الناس يكتبون فيه يوميا وقد يحرصون على اخفاءه حتى من اقرب الناس

لكن هنا انت بتفتح دفتر مذكراتك ليكون متاحا للناس جميعا

وانت حر

يعنى لو عاوز تكتب فيه اشياء انت بتفكر فيها انت حر

كل ما تراه يستحق التسجيل والعرض على الناس-ضعه فى مدونتك

وسيظل مسجلا لسنوات وربما للابد

ولو عاوز تسجل فيه سجل دقيق لكل الههههههه اللى بتتبادلها مع اصحابك بدلا من ضياعها على الماسنجر والشات برضة انت حر

ولو عاوز تسجل وجهات نظر مختلفة انت حر

ولو عاوز اقتباسات او اشعار او صور برضة انت حر

ولو عوز تسجل قد ايه الناس معجبين بعظمة جنابك ودايخخين من روعة ماتكتبه-انت حر

ولو عاوز تسجل اعظم الشائم والقباحات لكل من يخالفك فى الراى انت حر

لكن سامحنى واسمح لى——————————————-

قلة الادب ليس لها حدود-ونحن لانستطيع المنافسه فى هذا المجال

ومن يريد ان يعرض فكرتة بكل وضوح وبدون تشويش-لن ينزلق لطريق الشتائم مهما كانت الاستفزازات

وكلما ذاد تمسكك بهذا الغرض وكلما عرضت فكرتك بابسط الاساليب وبدون اى تشويش وبوضوح -كلما ذاد ضيقهم

وكلما تجاهلت محاولاتهم لتوريطك فى الرد عليهم- يقول لك انت جاهل فتقول له انت جاهل وحمار- كلما تجاهلتهم- كلما ذاد حقدهم

دى منطقة تفوقهم-العيال بتوع الحزب- الشوشرة وقلة الادب والتصنع وادعاء العظمة- لاتدخلها-فهم يتفوقون فيها عليك

فلنستدرجهم للمنطقة بتاعتنا

ان يعرض كل واحد فكرته بوضوح ودون شوشرة

هنا ينكشفون
وسلاح عجزهم الوحيد هو الشتائم والشوشرة

——————————————-

وان الواحد يتصور نفسه اعظم العظماء وانه وكيل الله تعالى لحماية الوطن والدين والتدوين

شئ متاح-وشعور جميل لكنه مفضوح و غير مفيد
واقول للاخ المجنون اللى بيرسل لى عدة تعليقات يوميا

والمشكلة ان امكانية الحظر مش شغالة

انا فاهم انك مضطر تعمل كده وانك مش قادر تسيطر على نفسك-
يعنى انت صعبان على-وطبعا كلما ضحكت وتسليت بتعليقاتك-شوية تمدحنى وشوية تشتمنى-100 تعليق- متصور انى سانشر المديح مثلا-انا اتسلى بتعليقاتك ثم اذاحذفتها الوم نفسى
لانه لايجوز ان تصبح الام المرضى نوع من التسلية
لكن اعمل ايه

انا عرفت سبب الامك النفسية والمشكلة القديمة-لانك كشفت شخصيتك بقبحك وبغبائك وبانك بتنسى اشياء بسيطة وبتقول اشياء للتعمية على شخصيتك وافعالك فتكشفها اكتر
وقبحك هنا معذور -لانك مش قادر تسيطر على نفسك
وبصراحةمش لاقى وسيلة لتعزية وتهدئة احقادك-لان اللى جرى لك مش شوية والتناقض بين احساسك بالعظمة وبين رؤية الناس لك- برضة شئ صعب مع احساسك بانك محور الكون والفاروق بين الصح والغلط وفى يدك كل المفاتيح والصكوك
كلما تجاهلتك يزداد جنونك وحقدك
فاذا رديت عليك يزداد جنونك وحقدك
وهل كده انت بتلاقى وقت تنام
يعنى انت حسيت انى باحتقرك وباتجاهلك-المفروض ان ده احساس مؤلم بالنسبة للانسان
وحتى لو انا غلطان فى تفكيرى لكن ده بيجعلك تبتعد عن مصدر هذا الالم
لكن انت عمال تحوم حول نفس النقطة وكل يوم تبعت لى كذا تعليق على مدونتى

ده تسميه ايه
نفسك اهزئك كمان وكمان

لكن انت عاوز تتهزا
ونفسك انى اشتمك
وادخل فى مجال تفوقك ومنطقة مرضك
نفسك تثبت ان كل ا لناس مثلك-يشتمون ويحقدون وينتحلون صفة المجهول للسب والقذف
ولو كت متضايق من تصرفاتك كنت شتمتك
لكن انت مسلى جدا
ومادام عندك وقت- اهلا بيك
لكن هل انت كده مرتاح
ولو جمعت لك توقيع 30 الف مدون ان الفيل مش كويس برضة مش هترتاح

ياسيدى الفيل جاهل ومش كويس ونكرة ومندس وعنده فيروسات

لكن كل ده مش مريحك
لان مشكلتك ان كل الناس-اللى مختلفين معك- وحشين وجهلة مش الفيل بس

وانك جيت لانقاذهم

وان دورك هو حماية الناس من هذة المدونة-وبترها واجتثاثها

وان انقاذهم يبدا بشتم كل من يناقشك ويختلف معك

اما من يوافقك ويقول لك ما اعظمك- فانت تراه عظيما مثلك

الى ان يخالفك فى كلمة- -فتصب علية شتائمك

انك تسجل قذارتك بنفسك لتخلد على النت عبر السنيين

هل ده يعنى بيريح نفسيتك

ياحبيبىلو عندك اتهام ضدى ارسله الى مكتوب او للنائب العام- اما ان تكون المسالة مجرد نفسنة-طيب وانا هاعمل لك ايه

—————————–

واتلم الخايب على متعوس الرجا

ويعنى الخمسة ستة عشرة- اللى عايشين على امل ان تختفى مدونة الفيل -اللى لو اختفت هيصبح الدنيا ربيع والجو بديع-هؤلاء بذلوا ويبذلون جهدا خرافيامن اجل هذا الهدف -مرة بدعوى الغيرة على الدين ومرة بدعوى الغيرة على الوطن ومرة بدون اى دعوى ولاغيرة وانما بالشتائم والاشاعات والشوشرة وعمل مدونات مخصوص لتسب هذة المدونة

ياجماعة انتم تعطون وقتا وجهدا لهذة المدونة اكثر مما تستحق

كل ماتعنيه هذة المدونة هى انها تعطى صاحبها الفرصة ليكتب مايريد

لاقيمة اخرى لها على الاطلاق

ولكن ان يكتب مايريد-هذا امر لايطاق بالنسبة لهم

انا لم تتعرض لى اى جهة حكومية او من مكتوب لتعترض او ان تحاول منع اى كلمة كتبتها

يعنى اقدر اقول- انا حر

حر حتى من اسمى

وده اللى بيضايقهم

ازاى تكتب زى ماانت عاوزوالراى هنا مجرد راى فردى

لا ازاى تكتب زى مانت عاوز-لازم تكتب زى ما احنا عاوزين والا فانت جاهل وحمار يلاحقونك بابشع الشتائم

طيب ياحماعة انا فعلا جاهل وحمار-ارتاحوا بقى

لا-مش مرتاحين..

—

يعنى اسمحوا لى تانى——————————-

انا انسان عشت -طول حياتى على قد ما اقدر-حر فى حياتى العادية وليس فى المدونات فقط

طبعا ده شئ متعب لكنه-مهم

وما اقوله هنا هو نفس ما افكر فيه بالضبط فى حياتى العادية وما اعتنقه من اراء

ورغم كل الضغوط والارتباطات الاجتماعية والشغل- عشت حرا كلما استطعت وقلت- وعملت اللى انا مقتنع بيه-حتى مع المدير والوزير

لم انافق ولم اكذب

وهنا هاكتب اللى انا عاوزه

——————————————————–

رسالة اخيرة-الى الصديق محمود الدرمللى

اذا كان المتكلم مجنون فلنفترض ان المستمع عاقل

 انت بتقول انك استقلت من شغلك فى احدى الدول الخارجية بمرتب ضخم لمجرد ان واحد من المدونيين قال لك انت بتشتغل عند الشعب الفلانى

وعاوز تقنعنا ان عرق الوطنية نقح عليك واستقلت-لمجرد كلمة

يعنى لو صدقنا كلامك لعرفنا انك لامؤاخذة احمق

وكلمة تجيبك وكلمة توديك

يعنى الناس بتستقيل لاسباب موضوعية تتعلق بالشغل ذاته

انما انت عاوز تقنعنا ان واحد عايرك بكلمة فى مدونة فاستقلت

هل ده تصرف انسان عاقل

طيب مالناس نازلة شتيمة فيك وانت بتشتم فيهم ولم نراك تاثرت

المنطقى انك استقلت لاسباب تتعلق بالعمل او لاسباب شخصية اخرى

وكونك عاوز توكلنا الاونطه وتقنعنا بان الاستقالة جاءت بسبب كلمة من مدون

يعنى الاخ حساس قوى

بيقول ويكررويؤكد انه استقال( حتى لا يتهمنى البعض بالعيش فى برج عاجى دون الإحساس بمشاعر و ظروف من هم بداخل الوطن

انا عاوز اى حد يفسر لى الجملة دى-البالوظة- او انها ممكن تصدر غير عن واحد من الحزب

يا اخى طيب اولا شارك احساس من يناقشك ولاتشتم كل من يناقشك وخليك فى وظيفتك 

طيب دا انت اصبحت محل احتقار كل المدونيين اللىشتمتهم واللى ستشتمهم اذا وقعوا فى خطا معارضتك

ونظرة واحدة لمدونتك تثبت انك راجل شتام وغلاط وتعشق القباحة زى عينيك

واضح انك يعنى لاتتمتع بهذة الحساسية

لكن ادعاءك بالوطنية وبالاستقالة عشان خاطر عيون الوطن-او عشان مجرد قطع الباب على ان يتهمك احد بذلك-يعنى لمجرد درء الشكوك والشبهات -واضح انه مجرد كذب

وطبعا القصة كلها لم تنجح فى اخفاء -جمال- شخصك الحقيقى

انا بجد مندهش من قدرتك الفذة على التعايش مع كل هذا الكم من الكراهية والحقد والعار
ثق ياعزيزى انه مهما تنكرت فى اى صورة

قبح نفسيتك يكشفك

——————————

منقول

مانيفيستو الهبل(كلاكيت عاشر مرة

——

و لابد من اتخاذ إجراء من إدارة مكتوب للقضاء على الفيروسات التى تنشرها عبر المدونات فما أكثر الوقت الذى نضيعه فى الرد على أمثالك دون جدوى …….و علينا أن نتعاون من أجل تطهير المدونات من أمثالك …  …فأنت جزء فاسد لابد من بتره نهائيا و تخليص الناس من شروره و سمومه 

هيئة الاجتثاث

رئيس قسم الاضيش الحزب

————————————

تعاونوا يااخويا–

والله دى شهادة تقدير من هيئئتكم الموقرة

وعلى فكرة انا ادخلت اشتراك

DSL

عشان الشغل يبقى اسرع

واستلم عندك

ـــــــــــــــــــــــــــــــــــــــــــــــــــــــــ
التصنيفات : الفيل ياخويا | السمات:الفيل ياخويا
أرسل الإدراج  |   دوّن الإدراج