في 5, نيسان, 2008 - 9:34 مساءاً الفيل–النت بتتكلم عربى كتبها …
هو بس الخلاف-فى بعض المصطلحات
يعنى بالنسبة لى مفيش حاجة اسمها افكار هدامة ولا مستوردة- فيه افكار والوصف موضوع شخصى كل واحديقول اللى هو عاوزة كوصف-والاخر القانون هو اللى يحكم
وثانيا مفيش حاجة اسمها نفتحها ع البحرى يانفتحها يانقفلها ويظهر ان الشروط الاتية من الحكومة وبعض الجماعات وحتى المواطنيين-وقد ثبت ان الحكومة افضل من بعض المواطنيين فى هذا الصدد- لكن مجموع الشروط من كافة الاطلراف تقفل ابوها
ثالثا- لما بنتيح الفرصة حتى للمخرف ولمزور التاريخ والحقايق-النتيجة ان الباب بيظل مفتوح للناس اللى بيحملوا افكار جيدة -ولو اغلقنا الباب على هؤلاء لانغلق على هؤلاء
ثالثا- انا مااعرفش حكاية السم فى العسل ولا الحاجة الصفرا اللى كتير مننا بيتهموا مدونيين زملاءهم بانهم بيحطوها فى التدوين
عقلك ف راسك تعرف خلاصك
واخيرا -مفيش حاجة اسمها قطيع اغنام
وحتى لو فيه- مفيش
وحتى لو فيه فليوهيهم اللى هم مش اغنام
فاذا لم يصدقوك- ولم يمشوا ورائك- طيب وهنعمل لك ايه
انت هنا بتقول -عن الوضع الداخلى فى مصر— اللى تعرفه احسن من اللى ماتعرفوش —"لو علمتم الغيب لاخترتم الواقع–فينظرون عامدين إلى نصف الكوب الفارغ-(فلننتظر) و انتظار التحسن التدريجى فى الأوضاع
———–
وانت لم تكن فى حاجة لان تنعت مخالفيك بانهم ينبحون-
وانت عارف بماذا يمكنهم ان يتهمونك
وندخل فى القصة اياها
ولا يمكن اتهام اى منتقد للسياسة الداخلية للحكومة بانه خائن او عميل او كلب ينبح اوهدام
ولا اعرف منين جبت الاحصاء بانهم لايرون الايجابيات
وحتى لو لم يروها فمقالك لايرى السلبيات
ومقالى منشورا مع مقالك فى موقع واحد يكملان بعضهما البعض واحد بينتقد وواحد بيدافع- وبكده تكتمل الصورة-
ولو سمحت لى اتكلم عن نفسى فانا عندى اكتر من مقال يمتدح بعض القرارات السياسية الخارجية للحكومة المصرية والرئيس مبارك
مش عيب
وها انت تخون وتسب من ينتقد السياسة الداخلية
طيب مقالك كويس من حيث الكتابة لكنه لم يقنعنى -هل كده ابقى كلب وخائن وعميل
وهل شماتة بعض القراء-الاجانب- مما نكتبة-ينزع المشروعية عن كل الانتقادات
يعنى كل الاتهامات دى محتملة لمن يريد ان يكتب رايه بصراحة
ورايك انا اتفهمه لكنه لم يقنعنى
هنعمل ايه
مفيش حل غير اننا نضع المقالين متجاورين ونترك الحكم والاختيار للقارئ
وانا لا اقسم الناس هنا لاغنام واخرين مش اغنام(الذين يوافقوننى فى الراى)
انا اعرف صيغة واحدة اسمها المواطن -الانسان
حتى لو مش مقتنع بما اقوله ممكن يقتنع جزئيا
وحتى لو مش جزئيا- اشكره انه جعل كلامى مطروحا امام عقله حتى ولو رفضه حاليا
الرفض زى القبول- كلاهما تفاعل مع الفكرة
ولو طرحت كل الافكار -امام الناس -مع شئ من الصبر- فربما نصل الى شئ واحد هو اهم من ان يقتنعوا براييى او رايك
بس يقتنعوا بان من حقهم ان يختاروا ويقرروا لانفسهم وان يفعلوا بانفسهم
مش انا اللى هاختار لهم ولا انت ولا الرئيس

يعنى اقترح هدم السور العنصرى الظالم وفتح المعابر

الماساة ان استاذ الجامعة والعاملالفقير كلاهما له صوت واحد فى الانتخابات وده شئ بعض الناس لا تقبله
واذا كانت المدونات تخاطب الراى العام- فلاستاذ الجامعة مدونة ولبائع الجرجير مدونة-مش عارف نعمل ايه امام رفضك-وكثيرين- للفكرة
\\اذا تكلمنا فى رغيف الخبز فربما الجاهل الفقير يفهم اكتر من استاذ الجامعة فى الموضوع ده-لان له مصالح لازم يدافع عنها-يعنى انت صاحب وجهة نظر- وهو صاحب مصلحة
والنظام الحالى بقاله 26 سنة فى الحكم-وكان عارف ان عدد السكان هيبقى كذا والمشاكل هتوصل لكده- ولم يستطع ان يخطط لمواجهة هذا الوضع ولا ان يواجهه فعليا
والسياسى الفاشل -يقول وانا هاعمل لكو ايه
اصلا وجودك فى السلطة وشرعيتك -نابعة من ادعاءك بانك تقدر بسياسات انت تختارها- ان تتغلب على المشاكل الموجودة-لدرجة ان حضرتك بتعترف علنا اان العفاريت بتزور الانتخابات-لان لديك فرصة لتنفيذ خطة اصلاح عجائبية
38 سنة اصلاح للاقتصاد ياحزب ياوطنى- اظن كفاية بقى
فاذا احسست انك ماتقدرش- بتقول انا مستقيل- انا اسف ماقدرتش
والسور العنصرى والمعابر المغلقة هنا يادكتور - هى نتائج السياسات الاقتصادية -ولما تنزل مصر ابقى شوفها بتشرخ المجتمع المصرى وبتهدمه
يعنى نظام متعولم-ومرتب عامل اليومية فى الحكومةخمسين جنية-ومرتب الطبيب-200-300 جنية
دا ستالين نفسه يخجل
هى دى خطتك فى الاصلاح-اللى بتنفذها من 30 سنة
30 سنة وانت خايف تشيل الدعم عن الرغيف وتقدم مرتبات معقولة للناس وكل يوم تذلهم هنلغى الدعم -لا لامساس
30 سنة وانت بتعلن ان الدعم يتسرب للصوص- ولايصل الى مستحقيه- وبعد تلاتين سنة تقرر القاء القبض على 12 الف شخص وتعمل 12 الف قضيةلمن يتلاعبون بالدعم بعد ان سرقوا المليارات فى 30 سنة
مش دا كلامك والا انا بافترى عليك-هنا الاتهام سياسى مش جنائى-وانت اللى قلت بنفسك هذة المعلومات فى الجرايد الرسمية-وانت بتعتبرها انجازات-لكنها تشهد ضدك
يعنى انت فشلت فى معالجة الامر فى 30 سنة-سياسيا واقتصاديا- وقلت انا باعمل اصلاح واعادة هيكلة- واستبعد 50 مليون من الخطة تماما ومن الهيكلة- وها انت تواجه مظاهر فشلك-وبتقول لى دى انجازات
ان يصبح الرغيف سلعة وصلت لدرجة الندرة-كما يقول د رياض– فى نظام عولمى يدار من القرية الذكية
بيقول لك الاسعار مرتفعة- لاياسيدى كذاب-الاجور هى اللى متدنية
الحد الادنى للاجور ياعم ستالين
يعنىان الانسان يشتغل 8 ساعات ويلاقى ياكل
ولما يشتغل يلاقى شغل يشتغله- وانت المسئول عن ادارة العاملين لديك- وخلال 30 سنة فشلت فى توفير شغل حقيقى للناس الموظفين يشتغلوه وانت اعلنت ان المصرى بيشتغل 10 دقائق يوميا ولايستاهل مرتب يوازى الاسعار
يعنى مش بنطالبك بتوفير الخبز ياعم بنطالبك بتوفير الشغل للناس اللى فى وظائف- مش حتى اللى فى بطالة
اغلب الادارة المحلية والناس على درجة مدير عام هم من حزبك الوطنى- وانت اللى بتختارهم- وخلال 30 سنة انت قررت ان اللى بيشتغل مايشتغلش
ملايين من البشر كل يوم رايحين الشغل عشان مايشتغلوش حاجة
يعنى دى مالهاش دعوة باسعار القمح العالمية- وخلال 30 سنة انت فشلت فى مواجهة الكارثة دى-
الادارة مسئولة عن ادارة العامل بحيث تحصل منه على اعلى انتاجية- فهل ادارتك يخطر على بالها شئ من هذا
والا نستدعى الجيش يحل المشكلة
امال هيكلة اية واصلاح ايه
لو مش عارف قول مش عارف- لكن ارجوك بلاش تحكيلى عن انجازاتك المهولة
يعنى لما عندك اغلبية من هم فى سن العمل مستبعدين من الانتاج-وانت بتقول هيكلة- واصلاح
الاغلبية مستبعدة من الحق فى عمل باجر كافى- ومن الزواج ومن الحصول على سكن ادمى ومن مواصلات انسانية ومن ررغيف الخبز-اما ل انت بتهيكل ايه وبتصلح ايه من 30 سنة
واخيرا بتقول اصل الجيش مؤسسة منضبطة وناجحة ونجحت فى حل الازمة
يعنى انت بتعترف ان الادارات العادية للدولةوالوزارات والهيئات المدنية- فشلت وتفتقد للقدرة على الفعل والانضباط والانجاز
يعنى 30 سنة وانت مش عارف تشغلها-ونفس الكلام بيتقال من خمسين سنة
امال يعنى
انتى جاية تشتغلى ايه
كل الضغط والهدد ده بينال اساسات المجتمع والدولة
وده الاهم
لان مشكلة الخبز مؤقتة- نتمنى ونتفائل
لكن الهدد اللى بينال قيم المجتمع والدولة واللىبيكسر الاساسات-هو ده المهم
لان من الصعب جدا اصلاحة