يعنى انا سعيد بالنقد ده -لكن مش قوى -لانه لم يتعدى الشكل -لانه لا يناقش النص كما هو بل يريد تعديلة تربويا-وهنا الامر يصبح مدرسيا -اكثر منه نقد للشكل والمضمون-فالافتراض من الناقد-مثلا ان كتاباتى موجهة لسوق الخضار -او السكارى -يتناقض مع ان الكاتب على سجيته وبيقول اللى فى باله وضميره على الفطرة -لان لو ان الكاتب استخدم اسلوبا معينا -خرج ممثلا لشخصيتة -كبتاع خضار وسوقى ومبتذل وشوارعية -وده يراه الناقد انه طبيعة شخصيتة -فكيف يطلب منه الناقد ان يعدل من طريقته ليكون مناسبا للاخوة المثقفين الذين يزورون المدونة-وحقيقة ياعزيزى دكتور احمد انا انتمى لهؤلاء السوقة وبياعين الخضار والسكارى والشوارعية -ومرارتى مفقوعة اصلا من ثقافة الافندية المزيفة -ولذللك انا اكتب لناسى هؤلاء ولا اكتب للمثقفين ابدا وكنت حريصا على توضيح ذللك من البداية -ومن المدخل -وعلى هذا الاتفاق -يظهر للقارئ لاول وهلة اننى امثل قاع المجتمع المصرى -اللى انا قادم منه -وطبعا اذا القارئ لم يعجبه ذللك فالبدائل متوفرة ومن غير زعل -ومع ذللك حتى لا تلمح الى الغرور ففى نفس المدونى -اشياء تليق بالخوة المثقفين -مثل مجموعة مقالات عم كريشنا مورتى وكذللك الشعر الروحى وغيرة-فانا دورى المفترض ان اكام ناسى بطريقتنا وليس بطريقة غيرى واذا اخترت اسلوبى السوقى والشوارعى الذى اتكلم به يوميا لاكتب فيه بمدونتى -فانا كده لم اختلق امرا مصطنعا لاضايق احدا-ولم يخطر ذللك على بالى ولم اطلب من احد المدونين ان يكتب لى ما يعجبنى وان اكتب له ما يعجبه-وانا حريص تماما على كتابة ما اريده انا وما هو فى ضميرى فعلا ولا اعدله ولا انمقه ولا اظبطه -فانا لا اكتب كتابه ادبية -وهنا اختار الناقد مقياسا خطا لقياس ما اكتب -انا اكتب كتابة شوارع ومصاطب -فكيف تقارنها بالكتابة الادبية-وكيف تلومنى على استخدام الفاظ شوارع ولغة دارجة -فى غرض هو اصلا كتابة شوارع -وهنا انا لا استهين بمن يكتب باسلوب مختلف عنى -فكل واحد يختار الاسلوب اللى يعجبه -فى اطار القانون -ولا توجد اى الفاظ نابية عندى -لكنها الفاظ حوارى وفكر حوارى -انا اظن انه يستحق -مع الاغعتذار لكا ابناء الذوات -يستحق ان يودع بامانة الانترنت -ونخلى الومن يحكم-اما ان يتصور الناقد ان اساليب التعبير يجب ان تقتصر او تقترب من اسلوب واحد-فاسمح لى -انا اريد التواصل مع ناسى -وهم يحسون بذللك -فيما اعتقدواقول لهم مافى نفسى

————————————–

3- رغم ما تحمله المدونه من موضوعات قيمة الا انه فقدها اهميتها بافراطه في الاسلوب المصطباوي الذي ينتهجه دائما—-هذا مايقولة الناقد -وهو كلام عجيب جدا -لانى فعلا حريص ان تفقد مدونتى ذلك الاحساس بانها مهمة وياسلام-انا اسخر حتى من ما اكتبه واحطمة -واعيد بناءة -لان الطبيعة علمتنا كده خلايا تموت وخلايا تولد -اما اللى متصور انه فقع مقالة-خالدة- تمام ماتخرش الميه -فهو حر فى تفكيرة -اما كتاباتى فكلها مخرومة-ويا عزيزى لو اننى فرضا اخترت ان اتوجه ل80 مليون مصرى -وهذا غير صحيح-فمعنى ذللك اننى اكتب لنصف الامة العربية و-اترك لغيرى النص التانى -وهنا احب ان اؤكد ان اللهجة المصرية مفهومة او محسوسة من غالبية القراء غير المصريين -وانا اتابع مع كثيرين من اصدقائى هذا الاسلوب -ويهمنى ان يكون المعنى محسوسا -لانى لا اكتب فى علم الذرة-وثانيا -اى حد عاش فى مصر -يعرف جيدا ان المصريون يسخرون من كل شئ -حتى من اكثر الاشياء احتراما -دون ان يعنى ذللك تحقيرا او استهانة بالموضوع -وهنا يقع المتصيد فى كونهم يسخرون من الدين مثلا -وهذا غيرصحيح اطلاقا -اعود لاقول انا تواصل مع ناسى -وهم يعرفون اسلوبنا فى الانتقاد -ولكن لن نعدم احدا يغضب لاذكار الصباح والمساء -فيكون هو الصح واحنا السشوارعية الغلط -طيب لو انت مستريح كده خلاص-انا سعيد انك مرتاح بالتقسيمة دى -احنا سفلة ولاد شوارع عديمى التربية

———————————

وهنا احب استفزك -لانى مستفز-ودى شغلتى -فاقول لك ان كل ماسبق ليس دفاعا عن اسلوب معين اخترتة لمرحلة ما ولضرورة ما-فالاسلوب اللى انا اخترته ليس مقدسا -وممكن اغيره -لكنى هنا ادافع عن حق المدون فى اختيار الشكل واالمضمون واللغة التى يريدها-وانالمدون ليس اديبا ولا كاتبا -ولا يحاسب على مقياس العقاد-وانما يحاسب على اسيفاءة لما اختاره -فهل هو نجح فى ان يكون شوارعيا عندما اختار ان يستخدم هذا الاسلوب -ام لا -واحب استفزك مرة اخرى -يا دكتور -فاقول لك انا دورى فى المدونة كالممثل عل خشبة المسرح -فهل نجحت فى اداء دور الفيل الشوارعى ام لا -طيب -ولو كان اسماعيل ياسين فى حياته الشخصية هو هو كما تراه على الشاشة -وهذة حقيقة -فهل نطلب منه ان يكون متعقلا شوية على السينما حتى نقيس اعماله على اعمال كلارك جيبل -صدقنى يا استاذ -انا كده

———————————-

ومع ذلك انا استعمل اسم الفيل حتى اكون مفارقا للمدونة والانتقاد لها -لا اعتبره انتقادا لشخصى اطلاقا -فانا اخترت ان اكون حرا حتى من هذة المدونة -

ياعم اللى باكتبه هنا هو بالضبط اللى انا بافكر فيه -بنفس لبصوت والنبرة والوجع والتهكم والعدوانية والبواخة وخفة الدم…-الخلطه دى هى انا —حلو ولا وحش -مش ده اللى انا حريص علية -انا حريصفقط ان يكون اللى باحسه وبافكر فيه هو اللى باكتبه وانه يكون حقيقى واصلى genuinوزى عزف الناى-عازف كويس او تعبان-بيطلع فيه صوت نفس وروح العازف -وانا باحاول ان يكون ما اكتبه باين فية خربشة الريشة واخطاء العرضحالجى الدايخ -وطعم الطبيخ البيتى-وانا لسة فى بداية المحاولة-ومش حاسس انى عملت حاجة لسه-وما امسحة من كتابات يفوق بكتير ما انشرة-وهاتجنن- ناقص حاجة -ناقص حاجة-وانا ارفض ان اكتب المقالات الحلوة المصنوعة -مع انك عارف كويس انى ممكن ابقى صنايعىعلى كيف القارئ -اما حكاية خدوهم بالصوت -فانت ابقى وطى الصوت لان ما اكتبه يضع الحمل على القارئ فى تلوين الايحاءات بالشكل اللى هو عاوزة-وكلامك ان الصوت زاعق بيجاوب على سؤالى الدائم هل كده انا واضح وفاضح والا الاسلوب لسه مش مظبوط- لسه مش مضبوط -حاضر

——————————————–

 بص ياعم السخرية ماهى الا وسيلة لاظهار التناقض -ولمناقشة الفكرة بالنقيض -وهنا على المدون -انا وانت الا يعتبر ان السخرية مما يقول ليست سخرية منه شخصيا -ولكن الشتيمة امر اخر غير الانتقاد -يهذى -هه -طيب مدونة تهذى ومدونة تكتب بعقل -مدونتك مثلا -وبكده انت متضايق ليه انا مش متضايق من مدونتك

0———————————

لما نتناقش مش مطلوب ابدا ان اقنعك او تقنعنى -او اغلبك او تغلبنى-وعندما اعرض ما اكتب علانية ف-ليس مطلوبا موافقة القارئ على ما افكر فيه انا- مش غباوة ولا استعلاء -ولكن لانك اذا قررت ان تكتب ماتفكر فيه انت بصراحة شديده وبدون تحايل ولا العاب -فانت من البداية قررت الا تلعب اللعبة المعروفة -ان اكتب ما يعجب الناس -فيجيئون الى مدونتى ويكتبون لى مقالتك رائعة وما اعظمك وجزاك الله خيرا وعشت ذخرا لهذة الامة-او ان اكتب ما اعرف مسبقا انه يضايقهم -فاحصل على الشهرة الوهمية بتاعة العداد-ونصف الزوار يشتموننى وانشر الشتيمة -امك وابوك- لتزداد المدونة والعداد اشتعالا- اما اذا قررت ان تكتب -تفكيرك هنا والان -فالمطلوب غير ما سبق -المطلوب هو اثارة الافكار والرفض عندى من القارئ يساوى الموافقة -بعيدا عن الناحية الشخصية انى انبسط-او ازعل -وساعات ييجى قارئ نبيه كده و يضرب مفك-ايوه مفك-ف يفك المقالة -صدقنى انا لا اصرخ- اه يا مقالتى واجرى احضنها -طظ فيها -ياما تدافع هى عن نفسهابمنطقها يا اما تموت- ولما قارئ يهد لى ماكتبت ف على ان اعيد بناءة بشكل افضل او ان اتوقف عن الكتابة -لكنى لا اخذ الامربصفة شخصية ابدا- وكلامك عندما يشد فى الناحية المعاكسة لما اقول -فانا اطمئن للمستقبل وافكر اننا بعد ما نتعب من الشد-هنتفق - وربما -لو مددنا الخطوط - الشعوب ستختارايضا - الوسط بين ما الامر ونقيضة -

——————————-

صدقونى انا لا ادافع هنا عن مدونتى -تولع بجاز -لكنى الل استفزنى هو الاحتقار الذى يضمره الاخوة المثقفين -لنا احنا الناس البلدى -وبعدين هتلاقى كل مدوناتهم بيصرخوا من الديكتاتورية وبيطالبوا بالتغيير -احنا الناس السوقة اللى هنعمل التغيير يا جماعة-والا يعنى لازم اقول انى حاصل على شهادات ايه واحط حرف الدال امام اسمى عشان تغيروا رايكم زى ما-طيب ما انا دكتور بس فيل - وسوقى وبلوة مسيحة

——————————

-ومن هنا انا قررت انى لا اكتب الا ما اريد ان اكتبه فقط -وده شئ لا يطاق عند البعض -انا عارف-لان اى اختيار غير ما اختاره انا هو امر لا يطاق -مع انى والله كتير بادخل مدونات واشجع المدون-مع انى مختلف تماما مع ما يقول-انا طبعا عارف انى لو كتبت الكلام بتاعى فى امتحان اللغة العربية -موضوع الانشاء او التعبير -هاسقط -وسيحصل زملائى على اعلى الدرجات وسيقذف استاذ اللغة العربية بالورقة ويمزقها فى وجهى -وانا راضى بكده -لان مدونتى مطروحة للزمن -ولا اريد منها شئ -وانا اخترت ان دورى يكون هو استفزاز الافكار -لكن للاسف البعض اخذها على انه استفزاز للاشخاص

————————————–

انا بادعى انى فيل -وهو معتقد انه مهدى-كل واحد حر- وعلى ان اقبل النتقادات مهما كانت قاسية مادمت قد قررت عرض افكارى للعلن-انا ضد الحذف -فمن اين لنا ان نتعلم ونرى مالذى يدور فى عقول ابناء وطننا -حلو او وحش -مش هى المدونات للتعبير عن اشياء لاتقال فى الاعلام العادى -واى قارئ انما جاء لمطالعة اشياء فير تقليدية -وان غير التقليدى هذا يحتمل ان –يشمل الهبل والعبط والشذوذ -بالضافة الى الابداع والابتكار -احنا شعوب عندها هبل بالاطنان -وغيطان الهبل بالهكتارات والفدادين -وطيور الهبل تتكاثر وتفرخ وتحبل وتستولد–فاين سيظهر هذا الهبل ان لم يكن على النت -وكيف سنتعرف عليه ونناقشه -والى متى سنحذف وندفن رؤسنا فى الرمال –ونقول احنا تمام ياسلام -الى ان نصل الى العراق–لابد ان نفتح الابواب –ونتناقش -واللى مش عايز يتناقش عليه ان يشاهد التليفزيون الرسمى ويقرا الجريدة الرسمية ويرتاح-او ان يقتصر قراءته على المدونات المفضلة التى يعرف مسبقا انها لن تثير موضوعات تضايقه

—————————————–

 -الفيل لا يرى التفاصيل -ولايقف امام التلاكيك -الفيل يرى الصورة الاجمالية ولاتشغلة الالوان -الفيل يخيف القرود واللى عاملين اسود واللى عايزين الباطل يسود-وهو مركز -فى التفكير -قوى فى مصالحة وبيعرف امتى ينتظر وامتى يثور-ولا يلتفت كثيرا ليرى كل رقاصة ملونة ولا كل منقبة مقموصة–دائما بيبص لقدام–لان جسمه كبير وقادر- 80 مليون- ومخه صغير لايفهم الامايفيده -ويحتقر الكلام الفارغ اللى لا يودى ولا يجيب -ومهما قال الاخرين عنه -هو يقاوم حتى الموت ويموت واقفا وبيضحك -مفيش اى حاجة –اللى فى دماغة فى دماغه-حقه هياخده هياخده
ومازال شلبى -ومانفك -يوجه سهام نقده الازع لمدونتنا- يقول شلبى -تعرف المدونة دى عاملة زى ايه- زمام لمتا كنت باشتغل فى الارياف=-وقرى نائية -كنت اخر النهار اروح المركز-البندر-استرى شوية حاجات -كنت اشترى ايه يعنى -عيش -خبز -ومخلل- ما هو اصلى كنت باجيب باقى الاكل معايا من مصر -وبعدين وانا راجع بالليل -والدنيا ضلمة -راجع محشور مع عشرين نفر جوه-عربية اجرة بالنفر الخضرا المكببة دى بتاعة الارياف زمان -كنت انزل منها عند الجسر الاسمنتى الصغيرالعابر فوق ترعة القرية -والاقى ناس فلاحين قاعدين مع بعض على الجسر -الكونيش يعنى-وسط بحر من الغيطان اللى بتتنفس الحياة بالليل-قاعدين الفلاحين -ومولعين شوية حطب وبيعملوا شاى -دور ورا دور- وبيحكوا ويتحاكوا ويضحكوا -وكان بيبقى نفسى موووت انى اقعد معاهم–اهى المدونة دى كده —انتهى كلام شلبى -و تظاهرت انى زعلان من كلامه -فقال انت زعلت والا ايه -هو انا قلت حاجة غلط والا ايه -طيب ماتزعلش

———————————

وانا لا اطلب من كل مدون ن يحدد لنا لماذا يدون اصلا -ما الدافع -لان كده-افترض جدليا ان كثيرا من المدونات هتقفل -ولا اطلب من الجميع ان يقولوا لنا الى من يتحدثون -وماذا ييدون ان يوصلوا الى جمهورهم المختار-لان برضة كده كتير من المدونات هتقفل -ولا اريد ان يشعر المدون بالمسئولية التامة والانتماء لما يكتب والدفاع عنه حتى الموت والسجن-لان كده كل المدونات هتقفل -والغريب انه لم يات فى بالك ياعزيزى ادنى احتمال انى اكتب بشكل معين ايضا لاعتبارات امنية-هل جاء هذا فى تفكيرك -طيب انسى هذا الكلام كله -انا بس حبيتاقول لك انى مشزعلان -بلالعكس النقد جاء اقل جذرية مما توقعت ولا تنسى ابدا اننى اللى اخترت الادراج الاول -يعنى اسمح لى استدرجت اهتمامك للنقطة دى -وكان ممكن اقول لك انقد لى نص كريشنا مورتى اللى هو قص ولزق -وكنت هاسمع مكنك كلام مختلف -مختلف تماما -دا اللى مزعلنى فى نقدك بصراحة -انصرافة التام للشكل دون المضمون -يعنى انا اللى شديتك نحو الكلام عن السوقية وبتوع الخضار وانت استجبت ببساطة بل انا اضفت للاعلان محل النقد قبلها بيوم وعمدا -اضفت جميع عناوين الادراجات ضمانا للوصول الى ما وصلت اليه انت -وانت لم تلتفت الى غير ذللك-دا اللى ممكن يزعلنى-يعنى لو فريق نقد -واحد هيمسك الشكل وواحد الالوان عشان ماتزعلش -وتقسم النصوص على الفريق -ونخرج للناس بنقد اتجاة فكرى =وتدوينى -لانه مش معقول هاروح انتقد مدونة واحد من الاخوان المسلمين -واقعد اقول له الالوان والصور -وعلى فكرة انا شايف ان مدونات الاخوان من افضل المدونات وظيفيا -يعنى محتواها هو بالضبط ما يريد المدون ايصاله لناس معينين -هو اختارهم سابقا -يعنى بصراحة كده مدون عارف هو عمل مدونة ليه وعارف هو بيكلم مين وعارف يختار ايه ويتواصل ازاى -وهو ده موضوع المناقشة والغرض من النقد -مش انى ازعل او افرح -ياحلاوتك يامدونتى

—————————-

ولكننا على اساس ذلك ننتقد الضفدع على اساس ضفدعيته واستيفاؤه لذللك ولا نطلب منه ان يكون انسانا مثقفا مثلنا -وكذالك الفيل من حيث فيليته وليس ان نطلب منه ان يستفيد من نقدنا -ويصبح غزالا اذا هو سمع الكلام واكثر من القراءة والتدريب-الفيل سيظل فيلا -وكان بامكاننا ان نناقش ذلك وعلى الا يكون ذللك من منظرو طبقى وعنصرى

————————

المصريون عندما يتمسخرون -هم فاهمين انهم انما يتالمون من الواقع ويستهينون -يهونون المشكلة على انفسهم-وهى استهانة بمعنى التصغير والتجريد للمشكلة من هيلمان الافندية وتبسيطها الى اقصى درجة ونزع ريش الطاووس بتاع الافندية عنها -وليس استهانة بمعنى الطناش -هذا ابداع مصرى خالص يفهمه حتى الطفل المصرى -وهذا ليس تعاليا على الشعوب العربية الاخرى -فلديهم اساليبهم -ولكن ان نقول للمصريين بلاش تبقوا مصريين وخليكو عرب مسلمين احسن فده شئ غريب جدا-فالمصرى اضاف مصريته الى العروبية والاسلامية وهى اضافة وليست انتقاصا -وكان المفروض ان ده مايزعلش حد -انما حكاية اصلى مش بافهم مصرى -ولازم تغيروا لهجتكم الفرعونية المتعالية -فمش معقول -اولا لان كل من اعترض كان فاهما لكل مانقول -واحدهم مصرى ومعترض -وثانيا ان على النت مدونات كتير بالفرنساوى مثلا وانا لا افهمه ومع ذللك لا يضايقنى وجودها-فاذا كنت لا تفهم اللهجة المصرية -ولا تزعل -زعلان ليه -اقرا مدونات اخرى بالفصحى -والغريب ان هذا الكلام مازال يتردد بعد الفضائيات واعجازها الديمقراطى فى كونها جعلتنا نفهم لهجات بعضنا البعض-وطبعا انا فاهم ان الاعتراض مش عشان اللهجة المصريةوانما لاسباب افندية اخرى -وما سمعتش حد من الدول العربية قال لعمرو خالد والشعراوى- -يعنى بصراحة المطلوب هو كبت مضامين معينة واخفاءها فى الفصحى العاجزة عن التطور وملاحقة العصر ومتطلبات التعبير ومتطلبات العلوم -نعم عاجزة -عايز استفزاز اكتر من كده للافندية -ومن يكتبون بها لم يبذلوا اى مجهود لتطوير قدرتهاعلى النفاذ والاختراق -واقرا بقى المقالات المحنطة الخالية من اى مشاعر وتاثير لتعرف ماذا اقصد بالافندية-الكلام بالعامية احدث ثورة-مازالت فى بدايتها -وهكذا بدات اوروبا التخلص من نفاق الكلام بلغتين–واحنا لسة بنعلم العيال فى المدرسة ان فيه لغة للكلام الكويس والكذب ولغة لما تعوز تتكلم زى البنى ادميين

———————————

-وبعض القراء عاوزين يسجنوا المدون فى اقفاص حديدية تصنعها تفضيلاتهم الخاصة-عيب ياواد اكتب زينا ماتكتبش بحرية-اكتب بمزاجنا -ماتكتبش بمزاجك -اسمع كلام ابوك -ما تسمعش كلام امك

——————————

يدهشنى اننا متصورين ان المدونات -ك ميديا -عملت وهتعمل انقلابا عبر العالم والحكومات بتترعب منها -اننا المدونيين بنشوفها كراسة تعبير وانشاء -واتكلموا بالفصحى وعندك اخطاء مطبعية يا بتاع الخضار انت -يانهار ابيض -ياعم عاوزين نقد توجهات مش اشكال -نقد للميديا ك ميديا مش ككراسة تعبير وانشاء-ازاى تقدر توصل مفاهيمها بشكل اكثر نجاحا فى المدى اللى هى اختارته مش اللى احنا نختاره لها باسلوبه مش باسلوبنا احنا

——————————

 اخوانا رجاء فكروا شويه ان فيه اشياء تطالع غير كتب الافندية–ياسيدى انا عديم ام المطالعة للعقاد وطه حسين -ولا اجيد القراؤءة والكتابة ولم ادخل مدارس اطلاقا -وباجيب حد يكتب لى على النت -انا باحاول اقرا الشارع والناس -والسؤال هو ليه الافندية لا يمكن ان يقبلوا زائرا جديدا كهذا-طيب تحب اقص والزق لك مقال من النت واثبته فى صدر مدونتى عن اشكاليات الحداثة فى الواقع العربى عشان تقول دا مثقف ومطلع -يا اخوانا انا من الاول قلت انا فيل -هو فيه فيل مثقف فى الدنيا وبيقرا كتب من بتاعتكم-

البوب كلتشر -ثقافة شعبية -غير ثقافتكو خالص وفى كا البمجتمعات الحديثة لها مكانتها ومنتدياتها واساتذة بيدرسوها ومعاهد لانها اكثر تاثيرا فى الدول والمجتمعات من كتب المثقفين ونفوذها يطيح بالحكومات وبيغير المجتمعات -شوف كده وراجع عن ثقافة الجينز -وغيرها ونشوف انها اهم بكتير من النظرية النسبية-مع وجود رابط خفى بينهما

يعنى انا باكتب عن حياتنا -ولم اكتب ابدا اى مقال عن الجيولوجيا فى المريخ -ولا عن النظرية البنوية ومابعد الحداثة –باكتب عن حياتنا وهى متشعبة -
-اما حكاية فى اى الانواع يكتب -فدى بتفكرنى بالمدرسة وكانوا بيعلمونا اغراض الشعر –مافيش اغراض يا استاذ دى حياتنا ولو حطيت كلامى الفارغ مع كلام غيرى النص نص مع كلام التالث المليان -هيطلع من المدونات كلها حاجة -الحاجة دى بتعمل تغيير وبترعب الحكومة -يعنى انا لما انتقد مدونة انتقدها كجزء من ميديا شاملة-وليس ككتاب فى الحلول النموذجية والكتابة العبقرينية-يعنى انا ما قلتش ابدا انى زغلول النجار

 شوف -مهما عملت - واتنططت -العقل العربى يحب الدراما دون غيرها -ويحب التشخيص -ولا يرضى عنه بديلا ى الان تعرف لماذا استخدمت الاسلوب المسرحى فى مدونتى واسلوب التناقض واحيانا الخناقات المخطط لها مع بعض الزملاء -لان العقل العربى لا يحب الموسيقى البحتة ولازم كلام الاغنية عن الهجر والصد -مثلا -فاذا غنت شادية ان حبيبها هجرها -فنقول -انشا لله مايكسب الحبيب الكلب اللى يهجر الحاجة شادية المؤمنة العاكفة وهو مايستاهلهاش اصلا -واذا غنت هيفاء ان حبيبها تركها بلا رحمة -قلنا تستاهل الحرمة السيكو سيكو -لازم سمع عنها حاجة ولازم الموضوع فيه ان -واذا غنت ام كلثوم بالهجر قلنا يعنى دى ست كبيرة قد امه وع العموم رامى يتمنى ضفر رجليها -وهكذا عندنا اختلفت الاراء بين مسكين يافيل من ناحية ومن ناحية تانية يستاها اللى يجرى له-والمواضيع والقضايا مش مهم -ولذللك انا اخرج بنتيجة ان اهم شئ يعملة المدون ان يجعل لمدونتة شخصية -حلوة او وحشة -او بتاعة خضار -المهم شخصية للمدونة -وتانى شئ اعتقد انه علينا فى مخاطبة اهلنا ان نستخدم التناقض دائما بين شيئين ونعكس الصراع الموجود فى حياتنا او فى نفوسنا بينهما –ودى اهم بكتير من ممدونة وفيل –وعلى مارجع لكم -اسمحوا لى اتطاول شوية واقول انى اتعلمت هاتين النقطتين -وغيرهما كاستعمال اللغة العامية وتراكيب وافكار شعبية -كل ده اتعلمته من القران المكرم -اسمحوا لى القران اغلبه جدل -ومناقشات وصراع بين فكرتين -وعلى العموم عشان ماحدش يزعل –ولو اننا سبق ان ناقشنا مثلة بادراجات سابقة -ممكن مطالعتها عندنا -تحت تصنيف-تحرير العتبة

———————————–

لما نتكلم عن الجهل المفروض ده تخصصى بقى وانت هنا -تسمع وتتعلم -لان واضح انك جاهل بموضوع الجهل- الجهل له ناسه
مفيش حاجة ابدا اسمها الجهل التام -يااستاذ- فى انواه الجهل وخذ عندك مثال لكى تفهم هذا الموضوع الغامض على من هم مثلك-لم يخوضوا بحار الجهل وحواريه وازقته-فتعلم

يعنى طبعا كميا انا الجاهل وانت العالم
بس برضه مفيش شئ-اسمه جهل تام
ومفيش حد بيعرف كل حاجة
وكان لازم اعلمك شئ عن الجهل -لانك جاهل بالجهل
وانت بقى علمنى شئ عن العلم-انا منتظر ردك
ومن غير زعل
والا لازم انادى البت سنيه-بت ياسنية –هاتى الشاكوش والدقماق من فوق الدولاب وهاتى المسمار الصلب الكبير نمرة عشرة –توكلت على الله-الله اكبر -خلينا نثبت بالمسمار اواصر المودة مع الاستاذ  -اصله راجل طيب
—————————————

لكن مش معقول ان حد ييجى يصادر اغلبية الشع بدعوى الجهل -فنحن الناس العاديين نعلم انه ما اخرب بيوتنا الا علم الافندية -وصحيح اننا نتعلم من بعضنا -لكن على ان يكون ذلك بالتبادل وليس واحد بيعلم والباقين تلاميذ -يبقى عيب -خصوصا اذا اتضح من نقاش يومين ان المعلم لم يصمد امام النقاش - -لكن ساستمر انكل واعرض ببعض الافكار والاساليب-وسافضح كل تهافت وادعاء يحتقرنا نحن الفقراء والبسطاء والجهلةوبياعين الخضار -وهى معركة حتى الموت -بس لذيذ ان ياتى الشاطح بالموضوع الى هنا -وبيعكس الوقيعة على انها امور شخصية -ويبدو انه لا يعرف كيف يناقش نصا -لكن كيف يناقش شخصا-وهنا المشكلة بوضوح

—————————–

ماذا يريد المدون من الناقد -وحتى من القارئ

الا يتحدى هذا السؤال الناقد-انا جيبتك تساعدنى وسالتك السؤال -لانى لو ساعدتنى بس فى معرفة مين دول -لكنت قد اسديت لى افضل توجيه-وساعرف كيف اطور مدونتى -لكن انت رحت لطازة ياجرجيرلتعرفنى ان الجرجير سوقى -ياسلام- اى طفل يعرف ان كلمات كهذة خرجت من سوق الخضار لتحمل معانى اخرى اشد تعقيدا يعرفها المصرى والعربى فى الاغلب-طيب فيه ناس لا يعرفوها -طيب ما انا اخاطب الاغلب-لان دى ميديا
المدون والناقد يحاولان اقامة علاقات جديدة وروابط جديدة بين الاشياء -يستكشفان دلالت واضحة للناس-بين الكلام وبين الواقع-نحن غادرنا الادب الاستاتيكى ومجتمع الاربعينات
انا فى غاية القلق -اريد ان اعرف ماذا ساطبخ للناس غدا-وانت لا تساعدنى -انت كل اللى عملته انك بتقولى مناخيرك كبيرة
دى مغايضة مش نقد
والتوصيات قلل من الشطة فى الكل-يجب ان تقلل الحيوية فى مدونتك لتصبح مثل مدونتى
مش عاوز هزار ومش عاوز الفظ شعبية -
واستعملت كلمة سوقى لتوحى اننى استخدم الفاظ نابية وشتائم
وجاءت اميرة لتقول ان الفيل يخدش حياء ثوابت الامة وبيتمسخر ع الدين
والله عيب
النصف الاول من النقد عن الايحاءات الوهمية والصور المستخبية
والنص التانى سوقية-والضحك من غير سبب قلة ادب

——————————————————–

عمرك جربت

وبيقول مناخيرك كبيرة
ماهو لازم حد يستفزنى عشان كتب واكتب
يعنى مش زعلان
انا فى حالة كتابة

—————————————-

لانه ثبت ان اللى على البحر عوام
وثبت ان الايد البطالة-التى لا تنتج- نجسة—اسف -الايد البطالة نجسة

خليك مثقف
وحيثما
وربما
وليت شعرى
و حسنا
وثكلتك امك
—————
شفت برضه السوقى سوقى -حتى ولو بالفصحى
—————————————————————————-