صرخة سامية عبد المطلب
كتبهاالفيل--النت بتتكلم عربى ، في 8 يناير 2008 الساعة: 22:16 م
صرخت سامية عبد المطلب- صرخة عظيمة -فى المنور- فى نص الليل
http://nouon.maktoobblog.com/742528/%
ثم اغلقت الشبابيك- واغلقت باب التعليق
ولا ادرى ماذا افعل
الاستماع للصرخة مسئولية
مش عرف يعنى- اعمل لها ايه
اتصل بالشرطة والا اعمل ايه
———————————
الاخت العزيزة سامية- ليس امامك الا حل واحد-ان تكتبى
فى المدونات الشجار والنقار
اكتبى
اكتبى اكتر
اتهامات إلي إشاعات وتشكيك في الأديان إلي قذف وسباب إلى زعماء بالعافية
والبحث بإبرة عن أي فضيحة في الأوطان
اكتبى انت احسن
تنهمر مدونات ومدونات من كل شكل وكل لون
ماتسكتيش- اكتبى انت-فلنغرقهم بالمقالات
جنس ودعارة وتعارف مشبوه
اكتبى- اكتبى-اكتبى تانى
ما إحنا أصبحنا بنكتب في كباريه
ماتقبليش- واكتبى
لو واحد خرب فيها وعمل ثغرة .. ممكن نغرق كلنا .. ولو واحد دس سباي وير .. نتضرر كلنا .. ولو واحد اخترق للتجسس أو تحويل رصيد .. نقلق كلنا.. ولو واحد استغل الفضاء .. نتلوث كلنا .. لا مفر
مش صحيح-اكتبى
مكتوب.. يعمل نفسه طناش
انت اكتبى
عداد مكتوب بيخرف
أصبح عدد زوارها 4 آلاف يوم الأحد والخمسة آلاف أصبحت 400 زائر
اكتبى
.. المهم نتأكد من حسن النية.. لأن الشك شيطان
مفيش تاكيد
مفيش شئ اكيد
والشك يخليكى تكتبى-وتكتبى
ليس امامك حل اخر-سوى الهروب للامام-تكتبى
لن يقوم احد لنا بدورالقائد
ليحل كل المشاكل والصراعات-ويطمئننا ويحل لنا كل المشاكل-عشان نقعد احنا ندون فى هدوء
كل ما ذكرتية هى مشاكل مجتمع فى حالة مغص
وكونها انتقلت للمدونات-بالشفافية دى- فده انجاز جيد
وفى الحالات دى مفيش حل غير انك تكتبى
الحكاية شكلها وحش جدا.. فيه حاجة غلط..
يبقى تكتبى
مش لازم كل شئ يبقى صح
ومش لازم كل شئ يبقى حلو
يظهر انك تعبتى من اولها
دا احنا لسه فى اول الطريق-ومعندناش رفاهية الياس والانكسار
امام الشتيمة والباطل والمدونات اللى مش عجبانا
احنا بنطالب بالديمقراطية ثم نشتكى منها وانها اغرقتنا
دا صراع طويل
والا احنا عاوزين نخلى الساحة من المنافسين-وكل اللى مايعجبناش- اولا
طيب اذا عملنا كده فى المدونات- نقدر نعمله فى المجتمع
ماينفعش انى اطلب انهاء الصراعات لمجرد انى مؤدبة وبنت ناس ومش عاوزة ادخل فى صراعات
دا لسة بدرى
جواسيس- عملاء- مهرجين كذابين-انشاء الله عفاريت
ده هو ده السبب تحديدا انى عملت مدونة-لانى نويت اكتب واتحدى كل دول-على قدى
ولا مطلوب نعمل زار-
هو انتى لسه شفتى حاجة
على قولة البطل العربى- ابو عمار-اللى كانت التعابين بتنام فى عبه
قال
لسه بدرى قوى
ودائما
الانسان سينتصر
ـــــــــــــــــــــــــــــــــــــــــــــــــــــــــ
التصنيفات : معلهش احنا بنتكلم- تشكيلة يا معلم | السمات:معلهش احنا بنتكلم- تشكيلة يا معلم
أرسل الإدراج | دوّن الإدراج
يناير 9th, 2008 at 9 يناير 2008 7:59 ص
يقول صلاح جاهين
محلا الكلام ما ألزمه وما أعظمه
في البدأ كانت كلمة الرب الإله،
خلقت حياة، والخلق منها اتعلموا
فاتكلموا
يناير 9th, 2008 at 9 يناير 2008 8:15 ص
من الصحيح أيضا أن عداد الزوار في مكتوب بيخرف،،
أنا رأيت مدونة فيها إدراجين، و3 تعليقات، وعدد الزوار صفر..
طيب ازاي؟؟
ولما حطيت عداد من الخارج، اكتشفت الحقيقة المؤلمة،، عداد مكتوب حاسب 150 زائر،
العداد التاني عنده 32 زائر..
قد يكون خطأ تقني، وقد يكون أي شيئ، لا أدري..
وقد يكون ما حدث تصحيح للخطأ القديم..وده شيء جيد..
ولكن الصحيح أنه من الجيد أيضا أن تعلمنا مكتوب ما الذي يحدث، عشان نكون على بينة من الأمر، ولا تعاملنا معاملة الحكومات العربية لشعوبها، ومنعا لسوء الظن.
وأنا لا أتفق مع الأخت سامية في أننا نكتب في كباريه
إحنا بنكتب في الشارع، والشارع فيه الصالح والطالح، والمخلص والخائن، والصادق والمنافق والممثل والفنان والشاعر. والشيخ والرقاصة، كله بيمشي في الشارع..
وكله بيتكلم، والناس عندها القدرة على الحكم..
ويستطيعون الحكم على الكلام المعروض عليهم.. على صحة وأصالة الأفكار، وعلى جودة الفن، وعلى إتقان الكتابة، وعلى أصالة الروح المختبئة وراء هذه الكتابة.
ولو انخدعوا لبعض الوقت، فلا بأس من ذلك. كلنا انخدعنا في ناس، في مكتوب وفي الشارع وفي البيت.. والمرة الجاية ناخد بالنا أحسن..
حنتعلم، وناخد مناعة ضد الخداع..
ولكن لا بد من وجود الحق، ليظهر الباطل، ولا بد من وجود الجيد لينكشف القبيح،
تحياتي