للدخول فى معاميع المدونة

البطل يخربها ويقعد على تلها

كتبهاالفيل--النت بتتكلم عربى ، في 21 ديسمبر 2007 الساعة: 14:13 م

في 21,كانون الأول,2007 - 04:58 صباحاً, abed eljalil كتبها …

سيدي الفاضل إن امريكا لم تستدرج صدام الى الفخ الا بعدما شعرت بقوته لقد وصل صدام في الثمانينات بالعراق الي دوله عملاقه من ناحية التكنولوجيا العسكريه وصدقني لقد أنشأ صدام قاعدة علميه بالعراق لم تكن موجودة في أي دوله عربيه حتي مصر وعندما دخلت امريكا العراق كان الهم الاول لهم هو القضاء على النخبه العلميه ومن رأي العبد الفقير _ اللي هو انا_ أن صدام كان بطلا قوميا لن يتكرر كثير وعلى فكرة كل واحد وله أخطاؤه ولكن هذا هو راييي واشكرك على افكارك الرائعه

—————————————————————–

في 21, كانون الأول, 2007 - 2:13 مساءاً الفيل–النت بتتكلم عربى كتبها …

الطفرة التكنولوجية-باستيراد الاجهزة وبناء المبانى الضخمة- الغيرمستندة على قاعدة من المشاركة الشعبية تنهار عند اى نفخة
يعنى الشعوب هى اللى لازم تبنى نهضتها -لا ان يقوم طرزان-الحاكم العربى بالتنمية ويقول لنا استريحوا انتوا انا هاعمل لكم معجزة تنموية-بس تخرسوا خالص
تجربة ناصر لم تجد من يدافع عنها -عندما انهارت
حسنى مبارك يحقق نسبة نمو=7 فى المائة ومع ذلك-فالمواطنون لا يعتبرون ان ذلك امرا يخصهم
وهل تظن ان نموا كهذا هو امر قابل للاستمرار
لازم المواطن يكون شريك فاعل -والا تبقى الانجازات مجرد قصور على الرمال
والبطل فى نمو عراق اثمانينات -كان اسعار البترول -والفائض المالى
واى عيل صغير كان يقدر يشترى اسلحة ومصانع ويبنى مبانى فخمة
انا ل احاكم صدام ولا غيره هنا-فهو لم يقتل اخى ولم يحتل بلدى
انا مهتم ازاى ثقافتنا بتسمح بتبنى نماذج زى كده كابطال
يعنى مثلا بيقال ان دخل شركة نوكيا يعادل دخل البترول العربى- قبل ارتفاع الاسعار
انا مش متصور مؤسس نوكيا ده هل مفترض ان الشعب يعبده
مجرد موظفين قاموا بشغلهم كويس
والله لم يصطفى صدام حسين ليقوم بوظيفة مفترضة
بل و اللى اختار
واعلن انه يقدر يقوم بانجاز
واعدم كل من قال انا اقدر وصدام لا يقدر-ولو بالخيال
وطبعا ده يشمل الظروف الداخلية والخارجية-والا دى ماكنتش متوقعة
والعجيب ان الحاكم العربى فىالنهاية يقول معلهش انا فشلت لان الاعداء تدخلوا
طيب ماهى معروفة من البداية انهم هيتتدخلوا
والغريب ان كل حاكم عربى عنده قصة خراب تنتهى بحكاية ان الغرب استدرجه الى كذا
ولما الغرب استدرجه- غاب الالهام عن الحاكم الملهم-ما اخدش باله
يعنى مثلا الرئيس القذافى-او النميرى -او الاسد- كام مرة استدرجوه
واللى يقدر يعد يعد
دا حكاية الاستدراج الهبلة دى -تعطى الحق للرئيس مبارك= وانا من معارضيه- تعطى له الحق ان يفخر بان احدا لم يستطع استدراجه ابدا خلال 30 سنة- وانه استاذ فى فن المشى على حبال السياسة الدولية
قصة غريبة جدا
ماسمعناش ابدا ان حد استدرج حكام السويد او الدانمارك او غيرها الى الخراب
لان الحكم مش مزاج فرد يستدرجوه ويشربوه حاجة صفرا واحنا اللى ندفع التمن كل مرة
السياسى يدعى انه يقدر-دا المسوغ الوحيد لتوليه السلطة
فلما يقول انا ماقدرتش يبقى فشل ويغور
لكن يغور ازاى من غير ما يخربها
وبعدين احنا اللى نقول له انت بطل

أضف الى مفضلتك