احنا مستهدفين -بنقول كل يوم عشرين وزير ومائة الف كاتب ومدون بيقولوا احنا مستهدفين

- - غريبة ما احنا عرفنا اننا مستهدفين -مش كده -الحل ل اننا نشتغل فى عكس الاستهداف -انت ازاى بتسالى سؤال زى كده -والا عشان بقالنا 50 سنه بيقولوا مستهدفين وما حدش قال لنا طيب وبعدين -سهلة جدا زى مريض الضغط لو اخد حباية الضغط كل يوم خلاص اصبح ماعندوش الضغط واذا لم ياخذ العلاج بيرجع عنده الضغط -واذا قعد يكرر من هنا لبكرة انه عنده الضغط ولم ياخذ الحبوب -ده مش هيفيده بحاجة

والثوم ليس علاجا للضغط-الا فى امتنا

والكركدية ليس علاجا للضغط

وعسل النحل -المذكور فى القران- ليس علاجا للضغط

والرقية الشرعية- اللى هى شرعية ليست علاجا للضغط

علاج الضغط تغيير اسلوب حياتنا وده صعب جدا

وكمان حبوب دواء للضغط

وانك تقول لا-انا لا اقبل

مش لامريكا يانمس

ولا للصهيونية

ولا للشيعة والاقباط

ولا كلمتين-هلس- فى قناة فضائية ولا فى مدونة

قول انا مش موافق وحرر نفسك

قول الحقيقة تحررك من العبودية

قول لا- مش لامريكا

لا- لمديرك فى الشغل ياحبيبى ولرئيس الحى والمدينة   

ساعتها بس تعرف نفسك- دا ابن حلال-رفض الذل اللى استمراءه مليون سنة

انت متضايق لان العار والمذلة اصبحوا متغلغلين فى كل خلية فى دمك

 نفسك تقول لا ومش قادر

ساعتها كلمة الحرام مش هتبقى ازمة -لان الحرام هو اللى انت عايش فيه مش اللى بيعمله الاخر بس

الحرام هو قبول الذل والعار والاختباء كالصرصور فى شق فى قاع بلاعة

ساوى الى شق يحمينى