وها هو رابط المقال لمن يرغب في الإطلاع عليه بالكامل.
http://manalaa.net/comment/reply/70838#comment-form

خلاص .. موضوع أخذ أكتر من حقه بكثير..
هو لازم كلنا نشتغل بنفس واحد كأداة للطامعين في تغيير نظام الحكم والجلوس على كرسي الحكم…
الأغلبية وأنا واحدة منهم تفتخر بعدم اندراجها في هذا.. ببساطة.. لا تريد أن تكون كوبري أو آداه وصول لجماعات كل همها تصبح حاكمة..
فين القضايا المهمة فعلا
\\—————————–
وهو ده كان الغرض من المناقشة
—————————————————————————————————————————

م الاخر

انا واحد معترف ان مدونتى ضعيفة-

وده  اعتراف صعب -لكن ضرورى-انا معترف بيه من زمان -

لان كتير من المدونيين -لو سالتهم ما هو التدويين-هيقول لك يعنى انا

وواجب اى مدون لكى يكون مدونا كويسا ان يتطابق معى

ويكتب مثلما اكتب-وف نفس الموضوعات

مثلا

كيف يرى المدونيين المشاهير- مثل علاء عبد الفتاح- مجهود مدونى مكتوب

يادى النيلة

دى مقتطفات من كلامه… -نطرحها للمناقشة-

ورد من احد المدونيين

———————

 أكتشفت مؤخرا أن خدمة مدونات مكتوب بها 1546 مدونة مصرية   و ولا عمرنا سمعنا عنها، ده معناه مئات من المدونات اللي مفيش ولا مدون من اللي نعرفهم بيربط ليهم

———————

موضوع مدونات مكتوب وإم إس إن والحاجات دي فأنا متحيز وغير موضوعي وشايف إنها زبالة فعلاً , يعني أنا تصفحت عشوائياً المدونات المصرية الأكثر قراءة في مكتوب , معظمها مجرد نقولات عن الصحف والمواقع الأخرى , وحاجات تانية باهتة وملهاش معنى , أعتقد معظم الناس دي عاملة مدونة من باب استكمال الوجاهة الاجتماعية على ويب ( يبقى راجل صاحب لينك يعني ) أو حتى بيستخدموا بريد مكتوب وفكروا يجربوا باقي خدمات الموقع فعملوا مدونة على مكتوب . أو كجزء من ثقافة المنتديات بشكل ما ( عشان يحط لينك المدونة في توقيع المنتدى , أو يبقى مرتاح نفسيا وعنده بديل لو المنتدى اللي هو فيه طرده ). و طبعاً فيه مدونات كويسة فيها محتوى حقيقي بس عددها قليل

—————————-

و كلام من ده، انحيازي العنصري ضد التكنولوجيا السيئة بيخليني مقتنع أن ال1546 مدونة على مكتوب أغلبهم زبالة لكن أنا مقتنع أن الزبالة جزء لا يتجزأ من التدوين و أن أحنا ظالمين الزبالة قوي و بعدين زبالة قوم عند قوم درر.

 مسألة إضافة مدوني مكتوب أنا بصراحة قرفان منهم ,

————-

تعليق من مدون اخر

بص يا علاء كلامك من اوله لاخره جميل بصراحة يمكن انا كانت فى رواسب من جوايا ناحيتك بس كلمتك دى

< مقتنع أن ال1546 مدونة على مكتوب أغلبهم زبالة لكن أنا مقتنع أن الزبالة جزء لا يتجزأ من التدوين و أن أحنا ظالمين الزبالة قوي و بعدين زبالة قوم عند قوم درر

تشيل و تمحى اى رواسب لان سببها انى كنت فاهم عكس كدة و انك بتسعى للشللية و دة كان خانقنى

يا رب تكون فهمت من غير شرح

و على انهو اساس زى ما قال علاء هانقسم الناس دى و نصنفها

دى بالضبط عاملة زى نظرية قتل الفقراء علشان نوفر

و استحالة دة يتعمل و علاء قال زبالة قوم عند قوم درر و انا واحد من اللى بيعشق الزبالة دى بقة بكل ما فيها لان الموضوع مش قاصر على مجموعة مثقفين و لا مستنيرين احنا عايزين الجزمجية حتى يدونوا

المهم دلوقت اللى بيعمل مدونات على مكتوب من المصريين دول اغلبهم اصحاب الثقافة الخليجية فى استخدام الانترنت يعنى بيدخل شات كتابة و يدخل منتديات خليجية و تعاملاته مع اى موقع باللغة الانجليزية يكاد يكون منتعدم الناس دى مش هاتترمى طبعا و الناس دى احنا الىل لازم نضيفها لان لو من كل عشرين واحد بيكتب كويس هايبقى مفيد و حتى لو كلهم مس بيكتبوا كويس اللى بيكتب بيكتب لنفسه ارهاصاته و تجاربه هوه ماهو نص القدام مش بيعرفوا يكتبوا اصلا و شغالين و حلوين و الناس بتحبهم

م http://manalaa.net/state_of_the_aggregator