شلبى الداعية المفش
كتبهاالفيل--النت بتتكلم عربى ، في 16 نوفمبر 2007 الساعة: 15:49 م
دولة مناويشيا العظمى
وزارة الداخلية العظمى-
مكتب الوزير العظيم
هذا بيان للناس
ياناس -هو كل واحد مات متكهرب -تلزقوة فينا وهو يعنى احنا الوزارة الوحيدة الى دخلت الكهربا وبتستعملها–دا حتى ارقى دول العلم عندها كهربا وبتسدخدمها فى الانارة- وهو صحيح احنا كنا زمان بنستخدم الكهربا فى انارة العقول وانعاش الذاكرة ومكافحة الكذب والانكار-لكن جه الرئيس من كام يوم كده وقال بلاش الكهربا -يا عادل-لانى كل ما اسافر بره الدول بتاكل وشى –بلاش الكهربا وركبوا مراوح سقف-احسن- فى كل غرف التحقيقات ولذلك تعلن الوزارة بقلب جامد-لان احنا مابنخافش من حد-بجد-ملعون ابوكو كبير لصغير-تعلن الوزارة ان وفاة شلبى وفاة طبيعية-وانه صحيح كان معتقل عندنا بعد ما نشر الشعر اللى بيسئ لمصر-وابومصر-ومصر دى دوله- لوتعلمون- شقيقة -صحيح كان معتقل لكن والمصحف الشريف ما حد قرب له وهو الى مات لوحده عشان يشوشر على سمعتنا وسمعة البلد -اشكال وسخة حقيقى -ولذلك لاتلتزم الوزارة بتسليم جثته الى اهله لان ده هيحتاج اوراق ووجع دماغ وطبعا اهله هيخدوا اوراق الاستلام دى ويبرطعوا بيها على قناة الجزيرة وبعدها على المحاكم ومش بعيد السنين تمر والواحد يبص يلاقى ورق حقيرة دى ع البروجكتور زى ما حصل فى محاكمة الزميل صدام حسين-لذلك كله فاللى عايز الجثة من اهله-دا لوعايزنها- فهى متلقحة امام باب الوزارة وبسرعة قبل الكلاب ما تنهشها
توقبع مافيش(ماحدش ضامن الزمن) ختم الادارة العامة للرقابة على المصنفات الفنية– اى حاجة
مين هو شلبى ده بقه اللى معور بيه دماغنا ده _ الله يرحمه _
الدولةالعظمى -وزارة شئون الموتى
شهادة
تشهد ادارة التصعيدوالتفنيش-بان اللى كان مدعو -شلبى المفش الحلو-قد مات-مات لوحده كده-و بناء على طلبه ودون ادنى -باقولك ادنى -مسئولية علينا خالص مالص-مات يعنى مات -مات جدا -مات متعرفش يعنى ايه مات-هى كمان دى فيها فصال-مات فى تمام الساعة 4 افرنجىيوم7/7/2007 وان سبب الوفاه المباشر انه مات متكهرب -مش متكرب يعنى مسك سلك -لا دى شحنة كهربائية جاءت من مخه لان المخ كان فية بؤر كهربائية وصديدية وكده-سبحان الله-وجات الشحنه وكهربته-زلى ماتقول كده حضرتك يعنى شوية زعل-وبناء علية وفى ساعت تاريخة انتقلت انا-ابولهب القرشى-المامورعبد المامور-لمعاينة الجثةواستدعيت الزفت الطبيب الشرعى على ملا وشه-حتى قلتله تعالى فورا فجاء بالفانلة والملابس الداخلية-ولما قعد يفعص فى الجثة كتب التقرير اللى انا قلت له-خلصنا يابهيم واكتب اللى اقول لك عليه عليه
-اكتب يا ابنى من اول السطر
-كلب ومات
توقيعات ختم
————————————————————————————————————–
اعلن السيد بكيومون-بتاع الامم المتحده فى مؤتمر صحفى عقد على عجل -يعنى وهم راكبين بسكليتات وبيتفسحوا فى حديقة الامم يعنى ولا على بالهم-اعلن ان المنظمة تنظر بشوية قلق يعنى -من النوع اللى هو مشوب شوية بالحذر ده-اهو تنظر المنظمة كده وخلاص -تنظر زى ما تنظر- الى موضوع وفاة شلبى- واضاف لكن انا مش فاهم صراخكم والمظاهرات واعمال العنف اللى اندلعت للتعبير عن مطالباتكم بالتحقيق الدولى فى الموضوع - ليه هو شلبى زى الحريرى -والا يعنى شلبى قتلته الدنمارك يا خى- وبعدين هو كل ما تموتوا واحد ياغجر هنحقق لكم فيه جاتكم مصيبة تاخدكم وتريحنا منكم اجمعين
توقيع المين العام
توقيع بالنيابة-(عشان ايدى ماسكة البسكليته ومش مالك اوقع )عنه بجد -حاجى – بوش—- ذا موكوس باى اراب
توقيع
المنحوس بدعوة الولايا الهى ماتكسب ولا تربح ابدا روح
رئيس البك الدولى
ولوفوفتس
ـــــــــــــــــــــــــــــــــــــــــــــــــــــــــ
التصنيفات : كناسة الدكان- كل شى ان كان, معلهش احنا بنتكلم- تشكيلة يا معلم | السمات:كناسة الدكان- كل شى ان كان, معلهش احنا بنتكلم- تشكيلة يا معلم
أرسل الإدراج | دوّن الإدراج
