—————————–

على ذكر اشارتك.. بانك لست ظريفا مع المعلقين. لماذا تتسم تعليقاتك بالحدة والنقد الساخر.

وكلامك كله حلو بس ابقى تعالى
كلامى عن لتعليقات بايخ مش كده
انا عارف
بس هى دى الحقيقة -اعمل ايه
طبعا قليل من التعليقات تاتى معقولة جدا-وبتفرح
لكن اكثرها -مالوش لزمة وكترتها سامة- خصوصا لما تكون كلها فى معنى واحد ياحلاوتك ياكاتب ياعظيم
انا عارف انى مش كاتب ولا عظيم
فبتضايقنى قوى
وخصوصا انى هاكون مضطر لللرد بالمثل واقول للمعلق وانت كمان كاتب عظيم
فيرد لا انت الاعظم
واقول له على الطلاق انت الاعظم
وهكذا لغاية ماحد -يرجع او مرارته تفرقع

طيب فليفتح القارئ مدونة من اياهم ويشوف الكلام ماشى ازاى

اى نعم مفيش مشكلة لان عدد الزوار يساوى عدد المعلقين-فهنا يكون فقع المرارة اختياريا-وهم احرار مع بعضهم-وده امر لا يخصنى- ولكن يعنى انا لم احس بانى مطالب-استجابة لمقياس الاكثر تعليقا وتهليسا-لم احس انى مطالب بتضيع وقت القارئ فى تعليق ليس له لزووم

وكون قلة من مدمنى التعليقات يعتبرون قلة العليقات عورة-فده لا يصنع مقياسا

صدقنى وبكل صراحة انا كنت حريص على قلة التعليقات

ولو ان الكلام ده هيزعل الناس- لكن الصراحة اشرف من الكذب- وادخل لمدونتى وتابع هتلاقى فلان جاء وعلق عندى خمس مرات ولم ارد له التعليق ولا مرة- مع انى اتابع عدد مهول من المدونات-وادرس مابها- فطبعا الزميل هياخدها انى مستغنى ومش عاوز صلة به- وده مش صحيح-

النقطة اللى مش واضحة انى عاوز صلة قراءة متبادلة مع الناس

وليس صفة شخصية

بدليل ان دى تانى مرة على الاطلاق اتكلم مع حد عبر الايميل-وافضل ان يكون الكلام فى المدونة دائما

وارجو منك نقل الحوار للمدونات

—————-

نرجع لموضوعنا ولتاكيد ماسبق

طيب شوف لعكس-اختار انت عدة مدونات تعتبرها انت او القارئ- مدونات محترمة-ولها محتوى معقول- وشوف هل المدون مضطر لان يستمر طويلا فى مثل هذا الاسلوب-اهلا وسهلا وازاى ماما

وطابخين ايه النهارده

حقيقى اسلوب التعليق ده بديل لجهد ومحتوى فى التدوين- اذ انه يعطيك شعور بان الامور على مايرام- وخصوصا لو مدمنى التعليقات عندك- كام بنت- معجبات بعظمة جلال كتاباتك المهولة-ساعتها هتحس بالدفئ -على راى واحد صاحبنا- والا يعنى الواحد يتبادل التدليع والهزهزة مع الاخ السليمانى-الله الغنى ياسيدى

——————–

حتى ان المرا ليظنك من هواة البحث عن الخصومات

الواقع سيفرز صراعات فكرية

يبقى جزء واحد ناقص- وهو الفشل الدائم فى ان نقبل صراعا موضوعيا يستمر فى الموضوع ولو 24 ساعة- على طول الصراع الفكرى يتحول الى صراع شخصى واتهامات وبذاءات

وانا ولا مرة سعيت لصراع

دائما بيجى المتطوع لغاية عندى

يعنى اول صلتى بثلاثى الامير جمال كانت اتهام لى بالكفر من الامير جمال-وحتى لا يكون التهام مرسلا- فقد منعت مكتوب مشاركته عده شهور حتى قام بحذف اتهامه لى بالكفر

وبعد كده جاء الزميل عبده- وكانجاى يعنى يساعد الامير -فهددنى بالاعتقال والتعذيب فى المخابرات-على اساس انه يدعى انه مخابرات

وانا اعلنت ان الوسيلة الوحيدة لانهاء الخلاف هو ان يعلنوا انهم كذبوا

فلما لم يفعلوا -اعلنت اننى ساستمر -بلا-حدود فى كشف كذبهم وتصنعهم

وفى كل سطر كتبته لم اشتم-احدا وكنت اناقش ما يكتبون وليس اشخاصهم

————————————————————————————-

* يلاحظ البعض انك متشدد مع المدونين انصار الجماعات الاسلامية في انتقاداتك اللادعة التي قد يفهما العديدون عداءا لا مبرر له.

———–

الامر مبرركما سيتضح لك

ليس عندى عداء لاشخاص ولا مجموعات انا اعادى الغباوة والجهل والعنف- سواء جاءت من اى طرح فكرى

واعطيك مثلا

على هذا الرابط -ادعاءات كاذبة على الرسول (ص

)http://alsolimany.maktoobblog.com/607207/%

فالرسول الذى اتبعه- والرب الذى اعبده لا يامران بقتل 1/3 المسلمين

يعنى انا لو رديت بشدة- بناء على عقيدتى-على من يستند الى الكذب على الرسول ليعم الذبح فى الشوارع وعلى الهوية-فهل تعتبرنى معادى للجماعات الاسلامية

هذا الكلام -بقتل الشيعة-كان مطموسا فى الكتب منذ عهد الفتن الى ان ظهر -بعد انتصار حزب الله فى جنوب لبنان

وكان له فورة -ايام انتشار دين صدام حسين فى حربه على ايران

وهو يظهر عند الحاجة الى ان نهزم انفسنا

ممكن الواحد يطنش-يعنى انا مش مسئول- وممكن انى اختار شوية عصافير -ازقزق معاها فى مدونتى- لكن اذا ناقشت كلام زى كده -موضوعيا- يبقى انا اسعى للخناقات- ايوه بهذا المعنى انا اسعى للخناقات-هو انا هاتكسف ليه

لكن هات لى كلمة مثلا من مدونتى ضد الاخوان المسلمين فى عز هوجة الهجوم على الاخوان فى مصر

اطلاقا- انا لا اهاجم معتقلين- او على وشك- لانه عيب

انا لا اشرك فى هجوم مخبرين ضد الاخوان

لكن ده لا يمنع من الدخول فى نقاش هل الموسيقى حرام ام حلال وطبعا هاخرج منه متهما بالكفر لانى قلت الموسيقى حلال

——————————–

* كنت قاسيا في معركتك ضد الزميل جمال والزميل عبد الحفيظ…هل هذا هو نمودج الحواروالسجال الذي تنتظر ان يسهم في انضاج ظروف الاعتراف بالاختلاف داخل ثقافتنا العربية

———————————————————————————————

كلمة قاسيا هنا مخففة شوية-

لكن لو حبيت الاطلاع على البوثائق لاكتشفت انه بعد موضوع التكفير-والشتائم القذرة والتهديد بالاعتقال

استمر عبد الحفيظ فى الرقاد على منضدة التشريح كنموذج- مثالى- فى نظرى لكل ماهو تلفيقى

هو اللى اختر-ورفض ان يعلن ان التكفير كان اكذوبة

ولكن مافئدة ذلك

هل تصدق لو قلت لك ان اشعار عبد الحفيظ تحسنت كثيرا من يوم ما احس ان هناك من يترقبه

الخلافات اللى بتخلى بعض المدونيين يقولوا يااااى-خناقة-هى بتنضج التدوين لانه تقريبا لكل مدون -قرين تحت الارض-بيخليه يكتب اشياء افضل

طيب قارن اشعار عبد الحفيظ القديمة وادراجاته الجديدة وانت تعرف الفرق

اكبر خدمة تعملها لكاتب او شاعر انك تستفزه وبقسوة وتقول له اللى بتكتبه كلام فارغ

صدقنى- انا كتبت كثيرا انى ادرس مدونة عبد الحفيظ بدقة شديدة-كنموذج-وطبعا هو اللى سمح لى بذلك بتدخله فى خصوصياتى- فبكده هو بيسمح لى تلقائيا بالتدخل فى ادق خصوصياته

لن صدقنى انا لا اكن حقدا ولا كلرها لاحد ولاحظ ان اى هجوم من طرفى بيكون على شئ مكتوب- ولا اخترع شيئا - وليس لى علاقة بالاشخاص

لكن يا اخى انا اكره الزيف والتنطع بطريقه مهولة

انت تتكلم عن تقافة قبول المختلف- مختلف ايه ياعم- ازاى تقبل لمختلف وهو يجب قتله شرعا

ازاى تقبل المختلف وانت معك توكيل من الله- وانت تقول الحقيقة المطلقة والمختلف معم ماهو الاطابور خامس وصهيونى متخفى- ومسيحى مندس

ازاى نقبل المختلف وانت متصور ان لكلام اللى بتكتبه فى مدونة -هو جهاد انترنيتى

يعنى طرقعة اللسان بالكلام اللى يخلى القراء يقولوا يا واد ياحلو انت- تجارة بالدين -اصبحت مش معقولة- كاسحة لدرجة لن تجدها فى اى مكان اخر فى العالم

فهنا الصراع الفكرى مع المتطرفين والقتلة والمحرضين على القتل-مفيهوش قبول للاخر

يعنى اللى قاموا بتكفيرى- وزوروا كلام على لسانى تجده فى مدونة عبد الحفيظ حتى الان- اليس هذا تحريضا بالكراهية وحضا على القتل

فقبول اخر ايه اللى انت بتتكلم عليه

دا بيتهمنى بابشع تهمة فى نظره هو وجمال - بيتهمنى انى نصرانى-

حط نفسك مكانى- انا مسلم اشهد بان لا اله الا الله

طيب التهمة دى معناها ايه

وهل النصرانية تهمة فاحشة لهذة الدرجة

يعنى هل فيه احتمال لقبول الاخر

يعنى المسالة كلها انه تدينى احلى ن تدينك

هى دى اللعبة كلها

هو المدافع عنم الاسلام- واحنا العلمانيين الكفرة الطابور الخامس

دا صراع لازم مجتمعاتنا تخوضة

ان لا يصبح الدين- مديونية-يعنى سلف- يعنى انا مش مديون لك بعقيدتى

مش من حقك التدخل-ولا التفتيش فى عقيدتى- ولافى اتهامى بالكفر- لو لم يعجبك تدينى- ولا ان تلزمنى ان افعل او افكر مثلكاو ان افهم النص مثلك

يعنى انفصال الدين عن معنى المديونيةالقبلية

الدين لله وليس الانسان مسئولا فى عقيدته الا امام الله-فالعقيدة امر شخصى بحت

اما الجزء الاجتماعى المشترك من الدين- فده ممكن مناقشته-والبحث الاجتماعى فيه-وده هو اللى بينصب فيه كل كلامى -حول الدين

لكن انا لا اكتب ابدا فى الدين نفسه

انا اكتب فى الجزء الاجتماعى المشترك

الدين كعامل اساسى فى الاحياء الثقافى وكمحفز كبير للحضارة

وده امر مستفز للبعض

وطبعا اى عاقل بيكون امامه اختيار ان يسكت- ويخلى الايام تعدى- والعصافير تزقزق فى المدونة- والاختيار التانى ان تتحمل بصبر -وتنصب عليك اللعنات التنطعية