متستعجبش متستغربشى
فى ناس بتكسب ولا تتعبشى
وناس بتتعب ولا تكسبشى

 
ورث له كام الف جنيه
و ده غير ياسيدى خمس عمارات
يجى بسلامته اسمالله عليه

 يعشقلى واحده بنت صالات
سعات البيه  جو الكباريه
والعب كارتيه  ب عشره جنيه
وتضحك فى عينه  وتكروت فيه
وتقوله هاتلى ابصر ايه
فلوس وجاتلوه ببلاش
وليه بقى ميجبلهاش

وهى تكسب ولا تتعبشى

 وهو يخسر ولايكسبشى
متستعجبشى متستغربشى

 
وادى واحد تلميذ خيبان
شوفوا وشه باين بصولوا
يشرب خمره كمان دخان
وفى مدرسته بليد على طولو
فى الغرميات يكتب جوابات
لو تقرأ فصحته تقول ياسلام
وفى التاريخ ينزل تلبيخ
ولا يعرف سته ف ستة بكام
وابوه مسكين مهدود حالوه
بيتعب نفسه ويديلوه
وكل ده ولا بيأثر

 
وابوه بيخسر ولا يكسبشى
وناس بتتعب ولا تكسبشى
وناس بتكسب ولا تتعبشى
ما تستعجبشى ماتستغربشى

 
و اثنين ووجها من الاعيان
غاويين يا فندم لعب قمار
يقضوا طول الليل كنكان
تقولش يعنى ما بنهم طار
فلان كسبان وفلان خسران
وتشوف العكس الليله التانيه

وصاحب النادى له على الميه
ويحط عمولته المعتاده هيهموا ايه لادا ولادا

متستعجبش متستغربشى
فى ناس بتكسب ولا تتعبشى
وناس بتتعب ولا تكسبشى