واللى صدق .. فى الحب ..

قليل .. قليل ..

وان دام يدوم .. يوم ..

ولا يومين ..

واللى هويته اليوم .. دايم وصاله دوم ..

لا يعاتب اللى يتوب .. ولا فى طبعه اللوم ..

واحد مفيش غيره .. ملا الوجود نوره ..

دعانى لبيته .. لحد باب بيته ..

واما تجلالى .. بالدمع ناجيته ..

***

كنت ابتعد عنه .. وكان ينادينى ..

ويقول مسيرك يوم .. تخضعلى وتجينى ..

طاوعنى يا عبدى .. طاوعنى انا وحدى ..

مالك حبيب غيرى .. قبلى ولا بعدى ..

انا اللى اعطيتك .. من غير ما تتكلم ..

وانا اللى علمتك .. من غير ما تتعلم ..

واللى هديته اليك .. لو تحسبه بايديك ..

تشوف جمايلى عليك .. من كل شىء اعظم ..

سلم لنا .. سلم لنا ..

تسلم ..

دعانى لبيته .. لحد باب بيته ..

واما تجلالى .. بالدمع ناجيته ..

***

مكة وفيها جبال النور .. طلة على البيت المعمور ..

دخلنا باب السلام .. غمر قلوبنا السلام ..

بعفو رب غفور ..

فوقنا حمام الحمى .. على نجوم السما ..

طاير علينا يطوف .. الوف تتابع الوف ..

طاير يغنى الضيوف .. بالعفو والمرحمة ..

واللى نظم سيره .. واحد مفيش غيره ..

واما تجلالى .. بالدمع ناجيته ..

***

جينا على روضة .. هالة من الجنة ..

فيها الاحبة تنول .. كل اللى تتمنى ..

فيها طرب وسرور .. وفيها نور على نور ..

وكاس مجبة يدور .. واللى شرب غنى ..

وملايكة الرحمن .. كانت لنا ندمان ..

بالصفح والغفران .. جاية تبشرنا ..

يا ريت حبايبنا ينولوا .. ينولوا ما نلنا ..

يارب ..

يا رب توعدهم يا رب ..

يا رب عقبالنا ..

دعانى لبيته .. لحد باب بيته ..