لعبة شد الدين
كتبهاالفيل--النت بتتكلم عربى ، في 9 يوليو 2007 الساعة: 21:14 م
وائل عزيز كتبها …
عشان كده 90% من تعليقي كان يطلب توضيح النقاط… مش رفع اللافتات…
أنا متابع ما تقول وغيره… لكن دائماً فيه وجهات نظر متفاوتة… وانت طول عمرك بتحاول تعلمنا كده… ليه بقى شايف ما يجري في المسجد الأحمر من وجهة نظر مشرف مش من وجهة نظر عبد الرشيد غازي؟ وتعرف انت ايه عن المسجد الأحمر؟ وليه قطعت رأياً واحداً عن الختان (بالمناسبة أنا ضده على طول الخط) وأهملت آراء أخرى حتى من أطباء متعلمين بره (مش بس شيوخ رجعيين) واعتبرت انه غباوة؟
قل لي واحد فقط من العلماء يعتبر أن ضرب المرأة واهانتها وتحقيرها من الإسلام؟ سيبك من أفعال الناس… وكل واحد عنده بلاويه…
طبعاً أنا لن أتعقب أمثلتك واحدة واحدة… لأنه الموضوع مش شطرنج لعبة ليك ولعبة لي…
فيه تطرف عند بعض المسلمين…. وهذ التطرف مستنكر من الجميع…
وفيه تطرف عند بعض العلمانيين….. لكن هما مش عايزين يعترفوا بيه باعتبار انهم بتوع العقل والتنوير والتفكير الحر… واحنا الكخ بتوع قال الله وقال الرسول وقال علماء الأمة…
ومهم قوي بالمناسبة حكاية علماء الأمة دي… حتى لو حدث شذوذ في رأي بعضهم… وحتى لو اختلفوا… ما الدكاترة بيختلفوا لكن هل هذا مبرر أن أنكر الطب، أو أمسك المشرط وأعمل عملية… والا أفهم من هذا الخلاف ان ابحث عن الطبيب الأمين الثقة…
هانكمل الحوار…
بس بالراحة علي لأني مش حملك…
يا سعادة الفيل.
—————————————————————————————————————————-
واسوء-شئ-فى النقاش حول الدين-هو الاستهبال-ماقصدكش
يعنى خلينا نتفق الاول -انت لما بتتكلم عن الاسلام-تقصد ايه بالضبط(امثلة)
1-الله-سبحانة وتعالى
ب-ماهو فى اللوح المحفوظ
2- القران-الرسالة
3- القران والعقل يفسره
4-القران-والتفاسير القديمة-وعقول معينة فسرته
5- القران-الرسالة المنسوب الى الرسول-ص–السنة(بعض-كل)
6-القران وتفسير الفقهاء القدامى لما هو منسوب للرسول
7-ماسبق= اقوال الفقهاء(انتقائيا)
8-الاسلام المعاش-واقعيا
9-اسلام-الشيعة-الاباضية-الصوفية-الفرقان-الاحمدية -التيجانية-(رجاءمراجة الثقل المليونى-لكل طائفة—الخ
10-بن لادن
11-قيم الاسلام العليا-الحق الخير العدل—الخ
12-اسلام افتراضى
13-كل ماسبق
14-بعض ماسبق
15- ما اختاره -انا على مسئوليتى -مما سبق
16-مايقول علية المرجع الفلانى
وهكذا
————————————————————-
واقول لك بكل وضوح-اننى عندما اتكلم عن الاسلام -فان كلامى واهتمامى ينصب على الاسلام المعاش فى الواقع-بصورة المعقدة والمتشابكة-واهتمامى الاساسى هو فى مجال تفعيل دور قيم الاسلام فى المجتمع
وليس لدى ادنى اهتمام بالخوض-كتابة- فى اللاهوت-وهذا ماسبق ان كتبته-اكثر من عشرين مرة
وانا كنت قد طلبت منك سابقا-ان تقرا-شئ مما هو تحت تصنيفى-تحرير العتبة-والبارا-دين
فى مدونتى-حتى يتضح لك ضوابط-ما امتبه-وانت لم تقرا
ومن هنا تاتى -الدوشة الكبيرة
لان كل واحد يتكلم فى موضوع اخر
طبعا كلامى مش مهم-زى ما انت مابتقول-وهو كذلك-لكن انت اللى قلت نتناقش
ولو هنتناقش هنتناقش فى محتوى المدونتين-عندى وعندك-بالتساوى-
————————-
وبصراحة الدبش اللى انت عمال تحدفه-مش اسلوب مناقشة-
انت جاى تثبت ماهو -انت-مش جاى تتناقش
واتمنى ان الاسلوب يبقى خالى من تلقيح الكلام
والتهامات المسبقة
لانك اتهمتنى اكتر من 20 اتهام مبطن-مهعتاد حتى الان
ولو كده -ايه الداعى للمناقشة
ان كلامك صح وكلامى غلط
موافق
انت
مؤمن حلو وانا مؤمن وحش وعلمانى
موافق
انا عايزك تكون سعيد
ولو هنتناقش -هنخرج العامل الشخصى-وهيكون الكلام فى الموضوع فقط
يعنى كلام من نوع-
وفيه تطرف عند بعض العلمانيين….. لكن هما مش عايزين يعترفوا بيه باعتبار انهم بتوع العقل والتنوير والتفكير الحر… واحنا الكخ بتوع قال الله وقال الرسول وقال علماء الأمة
كلام زى كده عيب-
والتقسيمة دى -للناس-نوع من الاحتيال
والنصب-والتعالى واغتصاب الدين
وكلام من نوع
بقول عليه انه يافطة كبيرة واسطوانة مشروخة ولا يحمل أي معنى حقيقي
طيب بتناقش ايه-ماتقول سلاما وخلاص
————————————————————-
والردود اللى فيها مليون نقطة-مش هتنفع
نختار نقطة-واحدة ولما نخلصها ندخل للتانية-
انا مثلا اقترحت-اول نقطة-لما بتتكلم عن الاسلام الذى هو برئ-او غير برئ من تصرفاتنا-تقصد ايه بالضبط
ـــــــــــــــــــــــــــــــــــــــــــــــــــــــــ
التصنيفات : ال....para.--دين ماحول وبين الدين والمجتمع | السمات:ال....para.--دين ماحول وبين الدين والمجتمع
أرسل الإدراج | دوّن الإدراج
يوليو 10th, 2007 at 10 يوليو 2007 11:52 ص
بص ياعم————
بين المثل الاعلى للاسلام-وقيمة العليامن ناحية
وبين-من ناحية تانية-واقع الاسلام المعاش
بين ده وده—فيه فجوة كبيرة
وهوه ساحقة
هات ايدك كده
حطها فى الفجوة دى
دا مجال شغلى وتفكيرى
اظن الفجوة سخنة ومولعة
واللى ايده فى المية مش زى اللى ايده فى النار
انت بتتكلم فى الدين-بردا وسلاما
شغلانة حلوة والله
دين افتراضى -مثلا
وانا ايدى فى النار
وباتشتم كتير
لانها شغلانة مش سهلة
ومحتاجة مليون واحد احسن منى
بس اللى نفسى فية ان مش كل شوية ييجى واحد يقول لى انت بتتكلم فى الدين
مش شغلتى -الكتابة فى اللاهوت
وما حدش هيقرا لى اصلا لو كتبت-فى الدين
شغلتى هى الفجوة دى
لو سمحت لى يعنى
بعد اذنك
يعنى تانى انا مش باكتب فى الدين انا اكتب الى جوار الدين
فى الواقع الاجتماعى للدين-مش الدين نفسه
وسميته-البارا-دين
يعنى ماحول الدين
الموازى للدين
الدين الموازى
التفسير الشعبى للدين
ذهنية الفكر الدينى
والفكر الدينى مش هو الدين
الاعند اللى بيحاولوا الحاق حصانة دينية على تفكيرهم الدينى
ولما تناقش الفكر الدينى-يقول لك انت تنتقد الدين -ومش عاجبك الدين
لا انا مش عاجبنى تفكيرك انت
وانت والدين مش حاجة واحدة
مش عارف -هل لازم انى اعيد نشر هذا الكلام كل خمس ايام مثلا