للدخول فى معاميع المدونة

مفك-القارئ

كتبهاالفيل--النت بتتكلم عربى ، في 25 يوليو 2007 الساعة: 03:42 ص

لما نتناقش مش مطلوب ابدا ان اقنعك او تقنعنى

-او اغلبك او تغلبنى

-وعندما اعرض ما اكتب علانية ف-ليس مطلوبا موافقة القارئ على ما افكر فيه انا- مش غباوة ولا استعلاء -ولكن لانك اذا قررت ان تكتب ماتفكر فيه انت بصراحة شديده وبدون تحايل ولا العاب -فانت من البداية قررت الا تلعب اللعبة المعروفة

-ان اكتب ما يعجب الناس -فيجيئون الى مدونتى ويكتبون لى مقالتك رائعة وما اعظمك وجزاك الله خيرا وعشت ذخرا لهذة الامة

قال يعنى مقالتى انقذت الامة

وانا بذلت جهد خرافى -فى قصها ولصقها من موقع ما لمدونتى

لكن الجهاد حلو يارجاله وان تعيش وهما بانك المناضل الاعظم- حلو برضه

– اما اذا قررت ان تكتب -تفكيرك هنا والان -فالمطلوب غير ما سبق -المطلوب هو اثارة الافكار والرفض عندى من القارئ يساوى الموافقة

لان ده تفكيرى كده-وان كتبته ليس طلبا لرضاك او سخطك

ولم اكتبه لادخل الجنه

ربنا خلقنى كده- وان فكرت كده

يعنى دا تفكيرى ومش مشروع زواج -او انى طالب يد كريمتكم الانسه-هدى -ياعمى

بعيدا عن الناحية الشخصية انى انبسط-او ازعل

——————————————-

-وساعات ييجى قارئ نبيه كده و يضرب مفك-ايوه مفك-ف يفك المقالة -صدقنى انا لا اصرخ- اه يا مقالتى واجرى احضنها -طظ فيها -ياما تدافع هى عن نفسهابمنطقها يا اما تموت- ولما قارئ يهد لى ماكتبت ف على ان اعيد بناءة بشكل افضل او ان اتوقف عن الكتابة -لكنى لا اخذ الامربصفة شخصية ابدا- وكلامك عندما يشد فى الناحية المعاكسة لما اقول -فانا اطمئن للمستقبل وافكر اننا بعد ما نتعب من الشد-هنتفق - وربما -لو مددنا الخطوط - الشعوب ستختارايضا - الوسط بين ما الامر ونقيضة

ماهى كل مرة بتعمل كده

والا انت فاكر يعنى الشعوب هتعمل ايه -

أضف الى مفضلتك