قال وزير الخارجية اياه تعليقا على وفاة شلبى - شوف يا اخى خلينا نتكلم بواقعية لان الكلام الثورى ده هو اللى ودا العرب فى داهية -خلينا نتامل الموضوع هنلاقى حقيقة واحدة راسخة وهى ان امريكا لها مصالح فى المنطقة يعنى من صغرى وان امى تقولى يابنى امريكا لها مصالح فى المنطقة ولما كبرت جه بابا يموت قالى ياابن قبل ما اموت احب اقولك كده على بلاطة ارجع عن اللى فى دماغك ده لانه من وساوس الشيطان ووصيتى لك ان امريكا لها مصالح فى المنطقة وما حدش يضايق امريكا ويكسب ابدا- واحنا شغلتنا نسيب امريكا تاخد مصالحنا- قصدى مصالحها فاحنا حراس هذة المصالح لان احنا حلفاء مع امريكا الند للند وهى لما فيه حاجة بتفضل بعد ما تاخد امريكا مصالحها فاحنا بناخدهاوبنشترى بيها سلاح من امريكا يعنى زى صفقة اليا… ماما _يمامة كده مثلا وزى مانت شايف كده الامور ماشية والحالة اشية -بصراحة انا ما كنتش مقتنع فى الاول بكلام مامى ولا دادى لغاية ما صليت صلاة استخارة واستفتيت قلبى بعد قراءة المعوذتين -فافتانى سيب امريكا تاخد مصالحها ياواد ياوزير - فانت تيجى تقولى شلبى -امريكا لايمكن تسمح ابدا بشابى لان ده بيخل بالتوازن الاستراتيجى فى المنطقة- واحنا دولة صغيرة -صغيرة جدا زغيرة جدا جدا-يعنى الواحد يمدد رجلية يجيب الحدود لكن احنا لانؤمن بالمثل اللى بيقول على قد حدودك مد رجليك-لان الاحقاد علينا شغالة جامد وكل واحد طمعان فينا - فمن هنا كان اختفاء شلبى من على مسرح الاحداث ضرورة وحتمية -لانه اضرب المربوط يخاف السايب