عندى فكرة حلوة لمجلة التدوين العربىhttp://failkhair.maktoobblog.com/
لو عجبتك فهى من حقك ياتوفيق ياتلمسانى
وساساعدك فيها

————–
فى ملف جديد
نضع عنوان
افضل مقالات السنة 2009 مثلا او اللى بعدها
ويكون على الراغبين ان يرشحوا مقالاتهم-مقال واحد عن سنة- بنفسهم مقال ف السنة يرى المدون ان افضل ماعنده عن السنة
وممكن نعمل ملفات لسنوات ماضية-لانه حرام ان الجهد السابق يدفن زى اوراق الكلينكس
وممكن ان نبذل شوية جهد ويقوم مجموعة من المدونيين بترشيح مقال عن من لم يرغب بالترشيح بنفسه
يعنى الترشيح ياتى من المدزن نفسه او اصدقاءه و القراء
او من مجموعة المساعدين للملف-كقراء
واظن ان المجموعة البريدية -هى مبنى جاهز ممكن ان نستخدمه كبداية للترشيحات

———————–
الخلاصة
انها مش مسابقة ولا مين احلى
انما
سينتج عن ذلك ان يكون امام القارئ ملف جاهز حاشد بافضل المقالات- اذا احب ان يقرا ولما يكون عنده رغبه ان يتابع افضل ماكتب بدلا من تضييع الوقت ف البحث عن ابرة ف كومة قش
ويكون هذا التجميع مراءة لافضل ما عندنا باتجاهات فكرية مختلفة وربما متناقضة فى مكان واحد
اعتقد اننا ممكن نلقى الضوء على كتير من المدونين المبدعين الغير معروفين
واعتقد اننا ممكن نزرع اساس لحرية الراى وتجاور الاراء المتناقضة وقبول الاخر المختلف
واعتقد اننا سنفخر بما لدينا اذا اصبح لدينا ملف فيه عشرات من المقالات المبدعة
وطبعا ممكن نربط مافى مكتوب بما فى خارجة
الشرط الوحيد للمقال- مش انه حلو او وحش- انما ان يكون ناجحا فى ان يعبر عن حالة او توجه فكرى وان ينجح بنفسه ان يفسر فكرته-مهما كانت
———
التنفيذ بسيط
ادراج جديد يحمل مقدمة مختصرة للغرض
ثم تاتى الترشيحات على هيئة تعليقات من تحته
وتقوم انت باعتماد الترشيحات على اساس الشرط الوحيد
وتعدل الخط ف التعليق الى bold-وتعدل حجم الخط لتسهل قراءته
ثم اعتقد ان المشاركين واصدقاءهم والمرشحين لن يمانعوا ان يضعوا بانر او رابط صغير فى مدوناتهم للملف ده
ونقوم بعمل دعائى معقول من اجل هذا المشروع
الذى لن يخدم احدا سوى القارئ اساسا
لذلك
كان لازم يتولاه توفيق التلمسانى
لان ده صميم اهتمامه

عشان كده الفكرة تلبق لك

—————————————————————————————–2—————————

 المدون الصيدلانى اسماعيل العبد مرتضى

http://mortada8.maktoobblog.com/

اقتراح لمدونتك المتخصصة فى (الفارماكوبيا)
بعدما اصبح الملخص العربى  اهم فقرة فيها انجاز- بالنسبة للقارئ العادى- وللمدونة -لانها-الفقرة العربية- تفتح افاق مش متاحة كتير عندنا
وبعدما فرض نفسه- الملخص العربى انه يقفز الى اعلى صفحتك مش تحت المقال الاصلى
فيه فكرة كمان
ليه مايكونش عندك مدونتين
واحدة عربى
وف كل مقال تحط رابط نفس الادراج ف المدونة الانجليزى والعكس
هنا انا اقصد بس اننا مانخضش القارئ يلاقى كلام علمى فيقول وانا ايه اللى رجعنى للمدرسة تانى
وف نفس الوقت دا يعطيك الحرية لان تكتب بالعربى- ماهو يتجاوز الترجمة وانما بتصرف -لان المقال الانجليزى هنا يصبح مرجعا وليس نصا للترجمة تتقيد به لان المستقبل=- القارئ مختلف تماما فى استعداداته فى كل حالة بين دارس الصيدلة والقارئ العام والرسالة هنا قد تكون مختلفة تماما-
وده يعطيك الحرية ان تتوسع ف ابداء رايك الشخصى بما يناسب القارئ العربى- بالاضافة الى مقالات اخرى دون مرجع انجليزى

————-

فالقارئ العربى لايقبل حيادية اللغة الانجليزية

ولايستانس لكلام يخلو من الشحتفة الشخصية للكاتب بمئات من الصفات التى يضفيها على كل شئ وان ده حلو وده وحش -بدون ده- يحس القارئ انه لم يقرا شيئا(من فضلك راجع اى مقال عربى وشوف كمية الصفات والمجاز فيه)

لذلك اقترح ان ناخذ -مؤقتا -مسارا وسطيا بين الميلين فى تفضيلات القراءة ونغنم فرصة ان تضفى طابعا شخصيا على المقالت- يتمثل فى خبراتك الشخصية تجاه كل موضوع

والغرض ف النهاية هو الترويج للفكرة  والمفاهيم العلمية حتى لو اضطررنا لان نبدا من حيث  يفضل القارئ مع التخلى فى نسختك العربية عن تجهم الفارماكوبيا واستغلال مهاراتك الشخصية فى التواصل وخفة الدم بغرض ايصال المفهوم مغلفا بشوية سكر وليمون او حتى فلفل وشطة