اغلب وزارات الصحة استجابت للارشادات لمنظمة  الصحة العالمية

وتتلخص فى التالى

فى اى تعامل احنا مش هنتكلم عن انفلونزا خنازير او غير خنازير

احنا هنستخدم تشخيص موحد عام و بالجمله اسمه- مرض يشبه الانفلونزا    ILI    Influenza-like illness

لان الواقع لن يسمح لنا بعمل تحليل للفيروس ونشوف نوع الفيروس لكل مشتبه به ومخالط وقد اصبحت الاعداد اكبر واقعيا واقتصاديا من قدرة اى دولة

هنا بتتحول فلسفة اى خطة صحية -نسبيا-الى علاج المجتمع والنظرة الاجتماعيةSOCIAL  ,ومصلحة المجتمع بعد ماكنت بتتبنى فلسفة العلاج الفردىINDIVIDUAL لكل مريض على حده-مع الاحتفاظ بحقوق الفردية عند اللزوم

فمدام مش هاقدر اشخص فيروسيا -يبقى مفيش داعى نقول خنازير وعصافير ويبقى الكلام عن مرض يشبه الانفلونزا فقط

وكذلك مش هنقدر نصرف التاميفلو لكل من تمثلت لديه الانفلونزا فى اعراض تنفسية بسيطة  الى متوسطة هذا المريض يذهب اقاربة ال30  وقد اصابهم الفزع للمطالبه بدواء التاميفلو لانهم مخالطين لحالة تم تشخيصها 

مما هو امر غير واقعى وغير عملى وغير محتمل اقتصاديا ولا علميا 

وكذا بالنسبة للاثار الجانبية للتاميفلو نفسه اضافه الى اهدار قدرة الدواء على مكافحة الفيروس بتكوين الفيروس لمناعة له عبر استخدامه لعلاج حالات بسيطة الى متوسطة وهى اكتر من 90 ف المائة من الحالت وتتمثلل فى اعراض برد بسيط الى متوسط

——————————

فاذا كان المريض(المجموعة الاولى) يعانى من اعراض بسيطة الى متوسطة

وليس من مجموعات الخطر التى سنتنالها فى المجموعة الثانية

فكل ماعليه ان يتبع الارشادات الصحية(لاحقا)

ويقعد يرتاح ف البيت 7 ايام-ويلبس قناع الفم والانف-MASK  واللى فى البيت يلبسوه

او يوم بعد ان تصبح الحرارة طبيعية-ايهما اطول

ويشرب مشروبات ساخنة وياخد علاج بسيط عادى من بتاع للزكام والكحة والسخونة اذا احتاج

ويقعد فى غرفه لوحده او تكون تهوية المنزل جيدة ان لم يتسنى ذلك

وتطهر الاسطح اللى بيتعامل معها بالكحول المركز او سائل الهيدركس المطهر

وتمسك بياضات السرير والمخدات بقفاز لتغسل مع الغسيل العادى مع شوية كلور وتجفف بمجفف الغسالة ع الساخن

والادوات زى المعالق والاطباق-تغسل جيدا  بمنظف قوى او كلور

(دى الاجراءات للتعامل لو- بعد الشر- عندك مريض ف البيت)

وطبعا المخالطين يكونوا حذرين ويتابعوا قياس حرارتهم كاجراء بسيط من غير فزع

————————————

اما( المجموعة الثانية)

فهو مريض ولديه اعراض انفلونزا بسيطة الى متوسطة بس من الناس المعرضين لخطورة تفاقم المرض وتحولة الى التهاب رئوى يهدد حياتهم

وهم

1- اطفال اقل من سنتين- وفى رواية اخرى- سنوات

2- ناس فوق65  سنة

3- مرضى السكر والربو وامراض الصدر المزمنة والقلب والسرطان

4- امراض انخفاض المناعة او تعاطى ادوية تخفض المناعة كالكورتيزون او ادوية السرطان وكبح المناعة

دى المجموعة التانية

وتنطبق عليها نفس تعليمات المجموعة الاولى -لكن يتناول المريض دواء التاميفلو فور الشك فى حالته دون الحاجة الى احالته للمستشفى او الابلاغ عن حالته

ويتابع الطبيب يوميا فاذا لاسمح الله تدهورت الحالة- يحال الى المستشفى ودى المجموعة التالتة

 —————————————————————————————-

(المجموعة التالتة)

وده مريض حالته متدهورة- يعنى التهاب رئوى صريح وصعوبة تنفس وحالة العامة صعبة وحتى مش قادر يشرب سوائل ولا يتعاطى العلاج

وده يحال فورا للمستشفى

ويعمل له فحص الفيروس

ويتناول التاميفلوا

وتبلغ وزارة الصحة عنه(الوحيد)

————-

هنا لو تلاحظ ان التبليغات اللى كانت بتشتغلنا بيها وسائل الاعلام ستنخفض الى ربما واحد على عشرة الاف من الحالت

وكان الاول اعلانات الدول  يقول لك الحالات المشخصة فيروسيا فى المختببر فقط

الان استبعدت مئات الالوف من التشخيص ومن التاميفلوا واسبعد ملايين المخالطين من ده وده

والسبب كما قلنا ان 90 ف المائةمن الحالات بتبقى بسيطة جدا- ومفيش جهاز صحى فى العالم هيقدر يستوعب هذة الملايين دون جدوى حقيقية

دى فلسفة الاجراءات الجديدة ولاشك انها ستكون محل تقييم وانتقاد

خصوصا انها بتعتمد محوريا على وعى ملايين الناس والذين تم ارهابهم سابقا بقصص التاميفلوا وان المخالط ياخده وقائيا

وربنا يستر

لان الخوف الحقيقى جاى من الضربة الكبيرة المتوقعة للفيروس فى شهر اكتوبر نوفمبر القادمينحيث يحتمل ان يطور الفيروس نفسه بطفرات جديدة تجعلة اشد شراسة

اضف الى ذلك  تبعات  افتتاح المدارس  وكذلك البرد وموسم الحج عندنا  اللى محدش بيرجع منه بدون زكام وكحة وكده فتجد ان المخاطر المتوقعة هى جدية فى منطقتنا

ويمكن هو ده اللى وراء توفير وترشيد استخدام التاميفلو والجهاز الصحى عموما وان يطلب من المريض ان يعتمد على نفسه بعدما كان اى مشتبه فيه ياخدوه من المطار و يحجز بالمستشفى فورا

الان-كل واحد يصرف نفسه ومفيش تاميفلو الا لحالات قليلة بمواصفات محددةظهر عليها المرض 

ولايشمل ذلك المخالطينCONTACTحيث سيكون عليهم ان يتجنبوا نقل العدوى كما سبق وان يراقبوا انفسهم صحيا