ادارة مكتوب

نحن لم نطلب بيانا توضيحيا لتقولوا لنا ان الحال سيبقى على ماهو عليه
ماهو الحال على ماهو عليه كان مش تمام
ومفيش ثقة
وفيه انتقائيىة وعشواءية
لذلم نطالب بتطوير الثقة والشراكة
نحن نطالب بالشراكة فى ادارة الحريات ف الموقع
لو عندكم مانع قولوا لنا
ولو موافقين من حيث المبدا نشوف ايه الاليات المتاحة
————-\

\انا اعتقادى ان العروبة افضل من الممارسات اللى انا شايفها
ومش قادر افهم ليه من يطرح وجهة نظر مختلفة- يبقى خائن للعروبة
انا لاموافق على الصفقة ولا رافضها لان الموافقة والرفض غير واقعيين
ببساطة لان محدش سالنى انت موافق والا لا
انا اهتمامى انصرف فورا لتتبر الامر واقعيا-وما سياتى
وهو نفس موقفى من ادارة مكتوب كما نشرت فى مقالى الاخير -خناقة حريات مع مكتوب 2007
اما مايكرره الاستاذ الحاج سليمان بمشاعر غير مفهومة من انى انسب فضلا لنفسى
ياراجل عيب
انا كل اللى عملته انى طقطقت ع الكيبورد شوية
والطلب كان فى توقيت محرج وكاشف
وتجاهله سميح طوقان ورد درا عنتريا
فاعدت مطالبته بالرد المحدد عن استحقاقاتنافى نقل المدونات والحريات
ده كل اللى عملته
فين الفضل ف كده
ايه الفضل فى كده
والنبى نفسى المدونيين يبطلوا اوهام وبطولات زائفة

—————————————

الفكرة المحورية
انه اذا كان باستطاعتى وجميع المدونيين نشر مقالاتهم فى عشرات المواقع فى ذات الوقت مع روابط بينها
هنا تسقط تماما اى سيطرة لاصحاب الموقع علينا
لاحظ ان مكتوب لم تعطينا هذا الحق غير وهم ماشيين
ولما قلنا لسميح طوقان ان ياهو ستعطينا هذا الحق بالتاكيد لانه نظام عالمى
للماذا لاتاتى المبادرة منكلاحظ ان احتكار مكتوب للمقلات كان باسم العروبة
ولن نسمح لاحد ان يحتكرنا بعد الان بشعارات العروبة او غيرها
انا سانشر مقالاتى فى اى ارض
سواء اكان المالك عربيا او عفريت ازرق
لان ده مجرد معرض
المهم الكاتب والقارئ
مكتوب معرض ورفوف
نعرض عليها بضاعتنا
ولو باع سميح طوقان ارض المعرض
فلا يستطيع لاهو ولاغيره ان يتحكم فى بضاعتنا اذا كانت مبدعة وتنافسية ومعروضة فى اكتر من معرض
ولا اى حكومة ولاجهاز مخابرات يقدر يتحكم فينا لو معانا قوة الكاتب المبدع والقارئ الفهيم وشوية ترابط بين المدونيين حول محورية الحرية
لذلك انصرف ذهنى فورا لهذة النقاط
اما عن عروبة المعرض
فده شئ يخرج عن اطار سيطرتى الفعلية والواقعية الا بالصراخ واللطم والتخوين
انا بصراحة عاجز عن فهم ان ملكية سميح طوقان او (المخابرات الاردنيةحسب الاتهام الشائع)مش فاهم ازاى ان ملكيتهم لمكتوب كان حماية لعروبتنا وثقافتنا
مش شايف يعنى ان ملكية سميح طوقان لمكتوب كانت كمثل الجبل اللى كان يعصمنا
مع احترامى لشخصه
مش شايف انها كانت ضمانة وزالت واصبحنا عريانيين
لا احنا عريانيين م الاول بس مغفلين لامؤاخذة ونحب نستنيم للشعارات
سميح طوقان مستثمر
صح والا انا غلطان
مين اللى جعله بالاوهام انه بطل العروبة وحامى حماها
هم نفس الاشخاص اللى بيتهموه بالخيانة الان
وعاوزين يسحبوا العروبة لانفسهم ويضربوا بيها غيرهم

الخلاصة
فيه اتجاهين واقعيين مطروحين-اذا استخلصنا الكلام من الاتهامات الشحبظية

الاتجاه الاول

1-نشوف هنعمل ايه فى المستقبل وازاى نقوى موقفنا التفاوضى وده بيشمل حقوق وحريات وضمانات اساسالاننا اصحاب البضاعة اللى على الرفوف- وازاى نحسن تنافسية البضاعة بحيث يصبح موقفنا اقوى فى حالة التفاوض بالاضراب وغيره تجاه مطالب محدده وليس لمجرد العنطزة
بمعنى اننا طرف غائب ف الصفقة ولازم يحضر
كما كنا دائما طرف غائب فى كل صفقات الوطن العربى ولا نملك غير الصراخ عند تجاهلنا فى كل صفقة

2- ان ننسحب و ننشئ موقع بديل
بس دا عاوز مستثمر(ين)
وماتزعلوش لو باع الموقع بعد سنوات وتقولوا اتخدعنا
وماتزعلوش لو طلع سميح طوقان كان احسن منه
وبرضه هنرجع نتفاوض معاه على حقوقنا وحرياتنا
فيعنى هى هى
وسيبقى علينا ان نواجه نفس التحدى مع اى موقع سواء اكان اصحابة اردنيين او امريكان او سعوديين او ملائكة او عفاريت زرق

اما حدوته ان الغرب هيسيطر فالغرب مسيطر
والنت كلها تحت اشراف المخابرات الغربية
والمحتوى العربى 1 ف المائة من النت

وكل اللى نقدر نعمله حاليا ان نركز على رفع قدرتنا التنافسية
وبرضه الهسهسة بتاعة ان ياهو امريكان والامريكان صهاينة
صهاينة مش صهاينة
انا باعرض بضاعتى وكتبت وهاكتب عن عنصرية اسرائيل
واللى هيتعرض لحريتى ساقاومه باساليب عملية اولها انانشر مدونتى فى مواقع متعددة
ولو واحد حذفها -رايى سيظل معروضا فى المواقع الاخرى
هى دى قوة المدون
ف بحريتنا محدش يقدر علينا
 

——————————

ببساطة كده
ياريت كل مدون يفتكر كام مرة اتعرض لمضايقات لحرية رايه من الحكومات
وكام مدون اتعرضوا للارهاب من صاحب الموقع
مقارنة بكام مدون تعرضتت حريتهم للاعتداء من المكفراتية ودعاة التخوين
التخوين -وطنيا
او التخوين دينيا
او جنسيا
وبالذات السيدات
وكام مدون اضطر يقفل مدونته لهذا الارهاب
الحريات لاتتجزا
وادارة مكتوب كانت غالبا مطنشة

—————-

عن نفسى
انا لم انخدع بشعارات مكتوب (و,لا غيره)ولم اصدقها اطلاقا
للك مش حاسس بالفجيعة ولا بالخديعة
ولست ممن يصدقون الشعارات بسهولة
و
مكنش عندى اى عشم فى كونهم من دولة عربية
ولم يكن ذلك ليفرق معى
ولا اعتبر نفسى ضحيت بشئ من اجلهم
ولم اكن لاتوقع ان يعطونى شيئااضافيا- عن اى شركة- لانى عربى
باختصار مش حاسس ان سميح طوقان ابن خالتى وخدعنى
يمكن ده السبب فى اختلاف وجهة نظرى عن غيرى
ولا مستعد اصدق اصحاب الشعارات من غير مكتوب بسهولة
ونقعد طول عمرنا نقول- لقد كنا نظن- فاكتشفنا
عشان كده
ودائما
وم الاول
حقى وحقك
وشعاراتك خليها لك
لن ابيع حقوقى مقابل شعارات
ولاصيحات
ولا نهنهات ولا نحنحات
لن اعطى عقلى لاحد
———-
عقلك ف راسك تعرف خلاصك

———————

ولذلك فما تسميه انت سقف حرية منخفض فى بعض الدول- اسمية انا انتقائية
لذلك فمطلبنا الذى استجبتم اليه مشكورين بفتح باب نقل المقالات- كان طلبا موضوعيا بالاضافه لكونه مستحقا
انا عن نفسى لن اغادر مكتوب لن الطم الخدود
لن قوة الانترنت المدون -تنحصر ليس فى قومية مالك الشركة ولا فى انتقائيته للحريات
بل فى ان اون موجودا فى اكتر من موقع
واذا لم يعجب ادارة مكتوب مقال لايناسب انتقائيتها- انشره فى عشرات المواقع الاخرى
دون لطم الخدود ان مكتوب تمنعنى وقد حذفت مقالى
هنا اصبح المدون مش محتاج لمن يخفض او يرفع له سقف الحريات
ولايصبح بامكان اى حكومة ان تحذف مقالا او ان تحجب موقعا
وعندما تضغط حكومة عل مكتوب يقول لها -انتم تهددون بحجبى- والمقال منشور فى 100 موقع اخر فماالفائدة
هنا يصبح ضغط الحكومات وموائمات مكتوب لسقف الحريات بلا معنى وسيتوقفون عن بذل جهد لكبت الحريات بلا طائل
وكما ترى فان المطلب كان جوهريا
كلك دعوتنا لك بان نناقش الانتقائية فى الحريات= بدون زعل او نفى متسرع-
فاذا كنت لاتحب ان نتناقش فى كلام مثل خيانة وكلام من ده
فارجوك اتن تكون مفيدا لنا فيما هو قادم بمناقشة موضوعية لموضوع الحريات
واعيد شكرك لاستحابتك للمطلب الاول المستحق بان يكون مكتوب موقعا مفتوحا

——————-

من غير ابتزاز
ولا مزايدة ولا ادعاءات ولا بطولات
شغلى على قدى
احنا(انا وغيرى) طالبنا بمطلب حرية نقل المدونات من زمان ومرارا
واتحقق لانه مطلب مشروع
مش بشطارة ولابطولة حد
وده مطلب تانى للى يتبناه
وهو مطلب مشروع
نحن لانريد شراكة فى ادارة الموقع
فقط ادارة الحريات
وده حقنا
لاعاوزين نتتدخل ف اسم المالك
ولا عاوزين نبقى زعماء فى حروب وهمية
حقوقنا تنصرف الى مايخصنا
اللى عاوزيتبنى المطلب ده
اهلا وسهلا
واللى مش عاوز يتبناه مش هنبتزه
ولا نقول له بانت لبتك ولانتهمه انه عميل
ولا ننشر قاذورات ضده

احنا اللى يخصنا ان يكون المدونيين ممثلين عضويا فى ادارة الحريات بالموقع
دا الشئ اللى يخصنا

—————

وكان فيه اشاعات عن مدونيين تتلقى مالا مقابل مقالاتهم من مكتوب

الاشاعات نشرها عرباوى وسيد مختار وارسلتها لمكتوب اطلب ايضاحا ولم اتلق اى رد
انا مش معترض واللهم لاحسد
بس الشائعات دى عصفت باحقادها وحسدها بالموقع
وكمان لو اللى بيتلقى مقابل تشجيعى اعلن ذلك -فمش شايف فيها حاجة
لان ده بيعطى القارئ الفرصة للتمييز هل مايتلقى من مكافئة يؤثر على محتوى مايكتب ام لا
ددا حق القارئ-وشرف الكاتب
اى كاتب ف صحيفة او موقع عالمى بيتلقى مكافئة تشجيعية
اما اذا تلقى الاموال سرا
فاسمح لى الاخفاء امر غير شريف
لاحظ انى حددت ان الاخفاء وليس تناول التشجيع المادى-الاخفاء هو الامر الغير شريف
لان الامر البروفشنال لازم يكون معلن
لكن شغل تحت بير السلم عيب
وهنا لا نستطيع ان نتهم احدا بمجرد اقاويل

————————–

——————-

مسئولو مكتوب
عاوزين تاكيد صريح ان المدونات لن تلغى
نائب رئيس ياهو بيقول ان فيه تعديلات كبيرة وان فيه خدمات ستدمج او تلغى
نريد توضيحا ملزما
هنا والان
عشان كل واحد يشوف مصلحته

—————

انا ماقلتش ان تجربة مكتوب كانت ناجحة
فى اطار الحريات وتطبيق القانون
مهيش ناجحة
وخد عندك مثال بسيط
مش اقل من نصف محتوى مدونات مكتوب مسروق
هنا لازم نواجه انفسنا كمان مش بس نعمل عنتريات
والملكية الفكرية من ضمن الحريات مش بس عدم الثقة فى القانون ولا تطبيقه الا بالمزاج

—————————————-

من حق المدونيين يكون لهم مشاعر
ويعبروا عنها
طبعا عندنا مشكلة  وصراع مع دولة العنصرية والاحتلال والتمييز العنصرى والدينى- اسرائيل
فهى دولة تحتل اراضى الاخرين بالقوة وتريد ان تفرض جنسيتها لاتباع دين واحد وليس لكل مواطنيها
طبعا فيه مشكلة
وعلى من ياتى ليستثمر فى المنطقه ان يعى ذلك ويتعامل معه
ونطلب منالادارة ان تتفهم حساسيتنا ضد اغتصاب الحقوق واحتلال الاراضى بالقوةوالتمييز العنصرى والدينى ونظام الفصل العنصرى المطلوب ان يقام فى اسرائيل مستقبلا
وان هذة الحساسية  والوعىبحقيقة الصراع هى جزء لايتجزا من احترامنا لحقوق الانسان

ارجو ان تحسم هذة النقطة بوضوح