تاميفلو
كتبهاالفيل--النت بتتكلم عربى ، في 14 أغسطس 2009 الساعة: 10:31 ص
-
هل شراء التامفيلو حرام أم مباح .؟
——————————————-
كتب- زكريا بيقول- أغسطس 12th, 2009 at 12 أغسطس 2009 1:42 موزارة الصحة حذرت من أن عقار التاميفلو ( والشكل الخارجى له كبسولات نصفها أصفر ونصفها أبيض ) ..
والموجود فى الصيدليات غير مطابق للمواصفات - يعنى مضروب فالممنوع مرغوب وله سوق تغشهإذا كنت تعاني أنت أو أحد معارفك - لا قدر الله - من أعراض الأنفلونزا فيجب المسارعة في عرض نفسك على الطبيب- اللى هو انا–فى عيادتى- والعنوان سهل جدا اظن نشرناه مليون مرة والا قول للمهندس خيرى يقرا الفاتحة على روحه وينشر النعى فى الاهرام من دلوقتى——————————————————————
الفيل–النت بتتكلم عربى قال:
أغسطس 13th, 2009 at 13 أغسطس 2009 5:18 ص-
مش عارف ازاى اى واحد يعطى لنفسه الحق انه يتكلم باسم وزارة الصحة والوكيل موجود
لا ويقول لك نصها ابيض ونصها اصفر
مش معقول الكلام الغير مسئول ده
الدواء متوفر وكله تمام ولا احلى -
وقول للمهندس خيرى
اتطمن خالص
وحط ف بطنك بطيخة صيفى
العمر واحد والرب واحد
وماحدش عندنا ف الوزارة بيموت ناقص عمر
لان احنا اللى بنكتب شهادة الوفاة والدفاتر ف ايدينا
عمرك شفت شهادة وفاة مكتوب فيها دا مات ناقص عمر
طيب يبقى ليه الهلع والفزع
ونسمع لكل من هب ودب حتى بتوع الاتجار بالام الجماهير ف العمود الفقرى -
وبعدين دى ثقافة مجتمعيه
معروف ان اللى معاه قرش محيره يروح يشترى بيه تاميفلو ويطيره
هل الوزارة هتتحمل كمان هوايات الجمهور وسخافاته
انت بتطير فلوسك
وتتيجى اخر النهار تقف فوق سطح البيت بالفانلة و بالعلم الاحمر وتصفر للفلوس عشان ترجع
مابترجعشى
هنا يعنى الوزارة هتعمل لك ايه
اما شعب غريب جدا والله
دا احنا نشكر اننا متحملينكم———————————————
حسن مدني قال:
شراء الدواء، ليس فيه شيء. . فكيف إذا لم يكن الدواء حرام.
والواجب على الدولة، أن تعمل على توفير الدواء للجميع بسعر مناسب.-
أخيرا لا أحد يموت “ناقص عمر” ليس بحكم شهادات الوفاة، وإنما بقوله تعالى
“لا يستقدمون ساعة لا يستأخرون”
والجميع يموت في الساعة التي حددها الله لموتهم، وأينما تكونوا يدرككم الموت.
ومن لم يمت بالسيف مات بغيره.
- الفيل–النت بتتكلم عربى قال:
يعنى تعليق الاخ حسن مدنى بيلف ويدور وبعدين فى الاخر بيقول الحكومة
يعنى انت كمثقف وكمفكر مهما قلت ومهما فكرت ومهما افتيت - ف الاخر بترجع تقول ياحكومة
خلاص
يبقى تسمعوا كلام الوكيل م الاول ومش عاوزين فلسفة
وكل واحد عامل لى مدونة وينجعص ويحلق فى افاق البوح الازوردى -
من بكره كله يقفل مدوناته
وينضم للحزب
ويقول ياحكومة———————————–
قال يعنى الراجل افتى ان شراء التاميفلو مش حرام
ليه هو ويسكى- بلاك اند هوايت؟؟!!!
وبعدين ماقلنا م الاول العمر واحد والرب واحد
والا لازم شغل المزايدات ياسى حسن
قال يعنى الراجل فقيه واحنا بتوع الحزب بتوع كفته
فاهمين ياسيدى ان الاعمار بيد الله
بس انا لازم اتنيل واكتب سبب محدد فى شهادة الوفاة ولازم اسدد كل الخانات
النظام علمانى وانا هاعمل ايه؟؟!!!
-
وبعدين
انا كوكيل بتنتهى مسالةان مواطن يموت- عندى بشهادة الوفاة وياخد رقم زى ماكان له رقم قومى اثناء حياته
محتوى حياته ايه- حلو او وحش دى مش شغلتى
ومحتوى اللى هيحصل له بعد الوفاة
برضه مش شغلتىرايح فين وجاى منين
وطالع لفوق معاه كارنيه الاخوان المسلمين والا لا
ولو كان من المدونيين -ميزان حسناته فيه كام ادراج وكام تعليق
كل ده مش شغلى
دا شغل الازهر ووزارة الاوقاف لا مؤاخذة!!!
احنا بلد مؤسسات
-
اما الكلام بتاع
ومن لم يمت بالسيف مات بغيره.
فده كلام عالم اخوانجيية محظورين مايمشيش عندى
دا تطبقوه لما تبقوا تستولوا ع الحكم وتبقوا تموتوا الناس بالسيف او غيره كله محصل بعضه
انا كوكيل الناس بتموت عندى من الامراض
لازم اسجل اسم مرض فى كل شهادة وفاة
امبارح
واحد برضه معارضة بيقول لى ان محدش بيكتب ابدا فى شهادة الوفاة ان دا ميت ناقص عمر لان مفيش خانة فاضية فى الشهادة المطبوعة ممكن نكتب فيها كده وان ده مات لانه مش لاقى تمن العلاج او مات بسبب اهمال او غيرهدا حتى الاخ الاخونجى اهو بيقول لك- مات بغيره
يعنى المفروض نكتب سبب الوفاه-كلمة واحده-مات بغيرهتانى باعيد
فلسفة مش عاوزين
ماقلنا
هتموتوا هتموتوا…والله هتموتوا.. وعليا الطلاق هتموتوا
لزمتها ايه بقى الهيصة والفلسفة والتفعيص ف الجثث ونجرى نشترى تاميفلوشعوب عجيبة
الله يرحمه صدام حسين كان هو الوحيد اللى كان فاهمكم و بيعرف يتعامل معاكم-حفرة وتحط فيها 500 نفر وتردمها -وتكتب عليها -مات بغيره
من يوم مافتحوا الزفت المدونات دى واحنا بنسمع كلام عجيب
لا ويقول لك توفير التاميفلو بسعر مناسب
كام يعنى ياسى حسن…….جنيه ونص كويس؟!!!
والا نضيفه للتموين والدعم مع المكرونة مثلا!!!!
مااحنا اصلنا فاتحينها تكية!!
يعنى قبل ماتزايد بالكلام كان لازم تعرف انا استوردت شحنة التاميفلو دى من الصومال بكام دا غير عمولات الاخوة القراصنة فى الصومال وهنا
-
محدش بيقدر جهودنا وكل يوم قصص وشوشرة وبلبلة
والله ما هاسكت غير لما الحزب يقفل كل المدونات -
وبعدين يعنى هل هنخسر بعض عشان مواطن مات
مواطن مات ييجى عشره غيره
يعنى هم هيخلصوا؟؟؟!!!انت شايف فى دولة متقدمة زى العراق- لا فيه انفلونزا خنازير ولا حاجة هل يعنى المواطنين خلصوا؟؟!!!
ـــــــــــــــــــــــــــــــــــــــــــــــــــــــــ
التصنيفات : صور مصرية | السمات:مدونة, المعارضة, الاخوان المسلمين, الحكومة, انفلونزا الخنازير, تاميفلو
أرسل الإدراج | دوّن الإدراج
أغسطس 15th, 2009 at 15 أغسطس 2009 3:04 ص
عزيزي الفيل
ليس في إجابتي أي لف أو دوران. أنا أجبت إجابة مباشرة وواضحة، بلا تهريج أو مزاح.
إذا كان السؤال عن حكم شراء الدواء، فلا أظن فيه شيئا.
وإذا كان السؤال عن ارتفاع السعر، فهو مسؤلية من رفع السعر. سواء كان تاجرا محتكرا أو حكومة سمحت بالاحتكار أو حكومة قامت بدور المحتكر في رفع الأسعار.
والحكومة المفروض أنها تمثل المجتمع، وأنها ممسؤولة عن روض الكفاية فيه. وإلا لماذا نحاسبها؟ ولماذا ندفع لها من أموالنا؟
—
وهذا كلام لا يحتاج إلى فقيه أو عالم. وإنما يحتاج إلى عاقل.
وأنا لم أدع يوماً أنني فقيه. وإن كنت أظن نفسي مثقفاً وعاقلاً.
—–
أما التهريج المتعلق بـ “من لم يمت بالسيف مات بغيره”. فسأعتبره تهريجا. وقد نصحني إخوة أعزاء أن أبتعد عن مجال التهريج الذي يبدو أنني لا أجيده.
ملاجظة مهمة
لست من جماعة الإخوان المسلمين.
وسأعتبر كلامك عنهم ضمن حملة التهريج.
تحياتي
أغسطس 15th, 2009 at 15 أغسطس 2009 10:30 ص
حسن مدنى
احيانا التهريج بيبقى جد
والللى عامل نفسه بيتكلم جد بتبقى قمة التهريج
بس انت مش واخد بالك
مفيش اى مشكلة
المهم انك تخليت عن ظرورة اللجوء اللى الفقيه وقبلت الاحتكام للعقل-احيانا-(كلام لا يحتاج إلى فقيه أو عالم. وإنما يحتاج إلى عاقل.)
وده انجاز هائل-وعاقل- ف حد ذاته
كما انك اعتمدت على الظن وليس اليقين(فلا أظن فيه شيئا)
وهذة مسالة جديدة فى طريقة تفكيرك
وارجو ان تلاحظ-ولو شوية-
فلقد نصحنى نفس الاخوه الاعزاء بعكس مانصحوك به
أغسطس 15th, 2009 at 15 أغسطس 2009 10:40 ص
اما الحاحك على تاكيد قرارك باعتبار كلامى تهريجا
فهو كذلك
بس انت مش واخد بالك
أغسطس 15th, 2009 at 15 أغسطس 2009 11:06 ص
وزى مانت شايف كده فانا اؤيدك 100%
أغسطس 15th, 2009 at 15 أغسطس 2009 5:31 م
أنا بشوف انو أي انسان بيقدر يحمي حاله من أي مشكلة أو مرض…فيعني مافي مشكلة…
بغض النظر عن الآخرين…
يعني تاميفلو…يبقى تاميفلو…وين المشكلة؟
تحياتي
أغسطس 16th, 2009 at 16 أغسطس 2009 12:38 م
http://alarab.com.qa/details.php?docId=93805&issueNo=601&secId=15