للدخول فى معاميع المدونة

التدوين ليه

كتبهاالفيل--النت بتتكلم عربى ، في 8 أغسطس 2009 الساعة: 12:30 م

فكرة ان الانتقاد هو عداوة وهدم وان مفروض كل واحد يبقى ف حالة
فكرة عجيبة ومترسخة
من حق اى حد ينتقد اى شئ
انا عن نفسى انتقدت هيثم ابو خليل وغيره وهم اتقدونى
الانتقاد قراءة
والقراءة انتقاد
النقاش
والاخذ والرد فى اى موضوع دون منع او حظر او ارهاب
يعنى ان من حق القارئ ان يختار بين فكرتين
يعنى اننا امتلكنا عقولنا وواقعنا ولو فى حدود الاختيار
ويعنى ان من حقنا ان نختار لانفسنا بانفسنا
ويعنى اننا مسئولين عن اختيارنا
لكن ياتى من يقول لا
انتم لاتملكون حفق الاختيار
ولا ولاية لكم على واقعكم وان الاختيار ياتى من مكان اخر وعليكم الالتزام به دون مناقشة
مثلا
وان الامر مفوض الى الملك او رجال الدين-واحنا مش من حقنا نختار
يعنى اى كلام فى الموضوع ممنوع ولاتجادل ياخ على
فالنقاش جعجعة وطلب للشهرة
والجدال حرام
ولكن الحقيقة انه لما تييجى تقول ل الكلام ف الموضوع ده ممنوع
فانت بتختار بالنيابة عننا وبتنحاز بالاجبار وبتنصر فكرة على فكرة بقوة المنع او القانون او الارهاب
يعنى مش من حقى افكر فى الموضوع واختار لنفسى

ولما تقول لى ان الكلام ممنوع فى الموضوع الفلانى
وان الاختيار فيه فقط يخص الملك
او الحكومة
او رجال الدين
فانت بتشهد انى لم اختار
ولو حتى فى حدود حرية التفكير وفحص البدائل وابداء التفضيلات
وبتشهد بكده انى مجبر
وبالتالى غير مسئول
ومن هنا بييجى التخلف
وبييجى الخراب
اختيارات الناس العاديين وتقفضيلاتهم المعلنة
هى قوة ضغط هائلة على متخذ القرار فى المجتمعات المتقدمة
وحتى لما اغلبية الناس تتبنى رايك فانت مازلت مهدد
والاختيارات تتحول مع النقاش
فممكن الناس تتبنى اختيار اليوم بغالبيتها
وبكرة الغالبية تغير اختيارها
وهو ده اللى مطلوب منعه بمنع النقاش عندنا
لما يقول لك ممنوع اعرف ان اللى بيمنع خايف وفيه حاجات عاوز يخبيها
وعارف وبيشهد ان النقاش لن يكون فى مصلحته
وعارف انه لو صار نقاش مفتوح فاغلبية الناس ستكتشف مايدعوها لتغيير اختياراتها
لذلك
فاما ان تمنع من ينافسك
بالقانون
او بالارهاب والتخويف والغلوشة
او بالتزوير
المهم الا تكون الفكرتين المتناقضتين معروضتين بانصاف والناس تختار
المهم الا تكون الفكرتين المتناقضتين معروضتين بانصاف والناس تختار

هو ده اللى يجب ان تستميت لتمنع حدوثه

فالوقاية خير من العلاج

فالمجتمعات المتخلفة دائما ماتسعى الى تكريس تخلفها بمنع اى افكار جديدة وتدعى ان تعدد الافكار والمذاهب هو سبب تخلفها وفرقتها

فى حين ان النقاش المفتوح وعصف الافكار وصراعها ينتج فى النهاية قناعات جديدة وافكار جديدة تجر المجتمعات باختيارها الى موقع اكثر تقدما فتعدد الافكار هو سر تقدمها باتاحتها للجديد بان ياخذ فرصة منصفة فاما ان يقنع الناس وينفعهم واما سيموت

احنا بقى عاوزين نتفادى كده

واى جديد او مختلف هتلاقى من اولها

دا عميل دا كافر دا جاسوس دا عاوز يبث سمومه دا عاوز يغير افكارنا

وكل دى محاولات للتخويف والارهاب وخداع الجمهور-ولعب قذر ومنافسة غير شريفة-قد تعيق لكنها لن تنجح الى الابد

مفيش قوة تقدر تمنع فكرة من الوصول للناس

وبعد 20- 30 سنة نتحاسب

غالبا لا انا ولا انت هنكون موجودين

ربنا يعطيك طولة العمر