مانيفستو الثوابت ومانيفستو التغيير
كتبهاالفيل--النت بتتكلم عربى ، في 29 يوليو 2009 الساعة: 10:17 ص
اتكلمنا كتير
لكن احد الزملاء هو اللى جاب اللحن الاساسى فى وسط كل الكلام
ليه وازاى مجتمعاتنا صنعت تخلفها بنفسها
اتناقشنا كتير وف الاخر بيقول
بيقول وماحاجتى اذا كانت لدى راى الاغلبية ان اعيد فحص ماتفقوا عليه ليكون لى رايى الخاص
حتى لو مش مقتنع فانا مع راى الاغلبية
ساقول بما تقول به الاغلبية حتى وان كان لى رايى الخاص
تعدد الاراء هو وكل واحد يتكلم من دماغة هو طريق الخراب والدمار وياما بلاد اتخربت بسبب تعدد الاراء
وعندما يكون اغلبية الشعب مقتنع بهذا الشي فحينها لا داعي ان اقول غير ذلك لاثبات انني املك الحرية.
——
سالناه
طيب ازاى تعتبر ده راى اغلبية اذا كان القانون او التخويف- يمنع اى راى مخالف
قال مفيش حد رايه مخالف
سالناه طيب دا حكمك لنفسك وللقبيله
بس نفترض ان حد عنده راى مخالف او فكرة جديدة مختلفة عما تعودناه وما تكرره وسائل الاعلام يوميا بانه راى الاغلبية
سال وليه اصلا يكون هناك من يدعى ان رايه مخالف
قال اللى عنده راى خاص به يحتفظ به لنفسه لكن لما ينشره
يبقى دا اكيد عميل او جاسوس او ناوى يخرب البلد
ليه
لان فيه احتمال ناس غيرى تقرا كلامه وتقتنع بيه ويضللهم
طيب وايه المشكله
طبعا مشكلة ولازم نمنعه من ذلك
لان كده البلد هتنقسم والغوغائية تسود
المفروض نتحد مش نختلف ونكون على قلب رجل واحد وراى واحد
سالناه طيب وايه المشكلة ان الاراء تتعدد وننظم اختلافاتنا
قال وليه نختلف اصلا مادام عندنا الشئ الصح وهو راى الاغلبية
سالناه
طيب ماهو انت ماتقدرش تقول ان ده راى تتبناه الاغلبية مادام الراى المخالف ممنوع قانونا وارهابا
المفروض ان كل الاراء تعرض ونسيب الحرية للناس تختار
قال
وكمان عاوز الناس تختار
ناس مين اللى تختار
نسيب شغلنا بقى وكل يوم نجيب الناس عشان تختار
وعشان ايه ندعو الناس انها تختار بين ماهو صحيح ومعروف انه صحيح وسلمنا بيه-وبين وماهو غلط
قلنا له ياعم ماهى الامم بتتقدم كده
قال بتتقدم لما تختار الغلط وتسيب الصح
قلنا له ماهو احيانا الامم بتلاقى صحيحها فيه حاجات -نسبيا ومنفعيا-غلط واللى كانت متصوراه غلط بيطلع صح فباخد باللى ينفعها
فتتبنى نسبيا الراى الجديد اوبتدمج الرايين معا فى حل وسط
حسب مصالحها - فبتتقدم خطوة
قال كده نفقد هويتنا
وده اللى انتو بتحرجموا عليه يادعاة الحرية والتعدد فى الراى
احنا بقى شايفين ان اللى احنا فيه ده هو الصح واحنا كده كويسين ووضعنا مش عاوزين نغيره دى ثوابت خلاص
قلنا له ياعم الارض بتلف والعالم بيتحرك والانسان بيتغير كل يوم كلامك ده بيرجع لفلسفة الحياة فى القرون الوسطى
قال اهو ده اول الكفر
احنا بالذات اول مابيقى فيه رايين- القبيلة والدولة بتنقسم فورا لقبيلتين ودولتين
عشان كده لازم لانسمح بانقسام الراى
لانه يعنى انقسام الامه والاعداء متربصين بينا
قلنا له طيب ياعم مالاعداء عندهم اراء متخالفة ومتصارعة ومحافظين على وحدتهم وهويتهم-وبيتقدموا بسرعة
واحنا بداعى المحافظة على الثوابت ثبتنا التخلف وبدعوى الوحدة منعنا اى فكر جديد
قال وانا عشان ايه اغير اللى عندى وانا عندى اغلبية تتبنى الصح
قلنا له ماهو برضه ممكن يكون صح بس مش فعال ولاينجز
فيكون علينا ان نبحث عن الاصح-وماهو فعال وماينجز
احنا باغلبيتك دى لم ننجز شئ
قال مش ذنبنا والله دا الاعداء بيتامروا علينا لكن احنا كويسين
ولما مالقيوش حيلة معانا بعتوا لنا جواسيس من ابناء جلدتنا يقولوا لنا ان فيه الاصح م الصح والكلام الفارغ ده
احنا اغلبية واحنا صح الصح والناس متفقة ومبسوطة
قلنا له عمر الناس ماكانت مبسوطة=(محمد صبحى)
الناس عمرها ماكانت مبسوطة
مبسوطة الناس عمرها ماكانت
قال
عنها مانبسطت ياخى
يعنى لازم نتحزم لكم ونرقص عشان الناس تنبسط
(يستكمل-تصور انه بعد اللكلام الطويل ده الكاتب يقول لك لسه يستكمل- ايه البجاحة دى هو احنا فاضيين لك)
ـــــــــــــــــــــــــــــــــــــــــــــــــــــــــ
التصنيفات : ادراجات محورية-ع المحور, النت لو عطشانة | أرسل الإدراج | دوّن الإدراج
يوليو 29th, 2009 at 29 يوليو 2009 10:40 ص
ههههههههههه
يوليو 29th, 2009 at 29 يوليو 2009 11:07 ص
والنبى يامعتز
وجودك فى اى موضوع بيحوله لتفاهة وهبل ويثير الغثيان
مجرد ظهورك فى مدونة اصبح له رائحة
روح عننا ياشيخ ع الصبح
والا الفار بيحب من يخنقه
يوليو 29th, 2009 at 29 يوليو 2009 11:26 ص
يا فيل …
أنا عايز اتعرف عليك …؟
مش نازل اسكندرية قريب نظبط قاعدة حكاية انا وانت والمهندس عادل سعيد وكام مدون معانا
قاعدة للصبح والخناق حيكون للركب قصدي النقاش …
يوليو 29th, 2009 at 29 يوليو 2009 12:46 م
هيثم ابو خليل
انا ارسلت لك ايميل-ع الايميل بتاع راسلنى فى مدونتك
بلغنى اذا وصل ام لم يصل لان فيه مشكلة فى النت
يوليو 29th, 2009 at 29 يوليو 2009 3:25 م
الأخ الفاضل هيثم أبو خليل
والأخ الفاضل الفيل
مساء الخيرات
كنت ومنذ البداية أتجنب الخوض في المواضيع السياسية ليس
جبنا مني ولا لأننا في الأردن لا نملك حرية التعبير عن آراءنا
كما قد يتخيل البعض ولكن لأنني دخلت كمدونة اجتماعية .
الأردن والحكم الملكي ….أنا لست مدعومة من أحد ولست أكتب
غير ما يمليه علي ضميري كمواطنه تعيش في الأردن ومطلعه
على أوضاع الدول العربية المحيطة في الأردن من كل النواحي
السياسية والاجتماعية والتعليمية وكافة النواحي الأخرى
لذلك يحتم علي ضميري قول كلمة الحق
في الأردن البلد الفقير بموارده الغني بالإنسان …كان التعليم فيها
وما زال الأقوى والأكثر انتشار بين الدول العربية المحيطة ولولا
الرعاية الملكية ما كان والجميع يعرف هذا
النواحي الطبية الأردن من الأقوى في الشرق الأوسط ولا تحتاج
لشهادة أحد بذلك فسمعتها بلغت الجميع …وأيضا لولا الرعاية
الملكية ما كان ذلك
ننام في البيوت بكل أمن وأمان ونحن نعرف أن هناك من يأخذ
لنا حقوقنا في حال سلبت بلا تحيز لا لفلان ولا لفلان فالجميع
أمام القانون والقضاء سواسية ….وهذه أيضا برعاية ملكية
تهتم بالشعب ….
لا أجد مانع بأن أكون موالية ولا هو خوف ولا جبن أن أعترف
بأنني مع الملكية قلبا وقالبا …فإذا كنا نتحدث عن الأوضاع
العربية فنحن بحمد الله نعيش في ألف نعمة وخير والملكية لم
تستغل في الأردن كما أستغل البعض الجمهوريات وجعلوها جمهوريات
وراثية …..في الأردن لا تكذب الناس عندما تقول أنها مؤيدة للحكم الملكي
لأننا نعي الوضع الذي نعيشه والوضع الذي يعيشه المحيطون بنا
نحن يا سادة نستطيع إذا تم القبض على أحد الأفراد أن نراجع الجهات
المختصة ونعرف تهمته ولما تم القبض عليه ومتى سيحاكم وهذا بحد
ذاته مفقود في أكثر الدول العربية
وما أردت أن أوصله بكل سهولة ويسر مقارنة مع الأوضاع العربية
نحن حصلنا على الأفضل من وجة نظري الخاصة
وعندما تطبق الديمقراطية الغربية في كل الدول العربية ويحصل
الجميع على كافة حقوقه قد نفكر عندها بمساوئ للملكية ونغير
رأينا بناء على ما نجد عند الباقين …
هذا رأي الخاص وبكل تجرد ومن غير التأثر بأي رأي أخر
ولن أدخل بنقاش في هذا الموضوع مرة أخرى وقد أضطر
لوقف أي تعليق يسيء للأردن …لأنني ما زلت أراها الأفضل
من جميع نواحي الحياة
تحياتي للجميع
يوليو 29th, 2009 at 29 يوليو 2009 9:41 م
رائدة زقوت(أم ليث)
هلا برايك
بس انا مستغرب جدا يعنى ايهانا لن ادخل فى نقاش مرة تانية انا هاقول كلمة ومحدش يناقشنى
الكلمة دى اتكررت من مدونين كتير
وهل وصل لمدونتك منى ا تعليق يسئ للاردن فتبلغينا انك ستحذفين اى تعليق سيجئ مسئ للاردن
اذا كنت قد نشرت اى تعليق مسئ للاردن فى مدونتك فساعتذر عنه فورا
وكان واجبك تحذفيه -لا ان تنتظرى للمرة الجاية
اما اذا لم يكن منى تعليق يسئ للاردن فلماذا توجهين لى تهمة غير صحيحة
اما باقى كلامك فهو غير قابل للمناقشة بناء على كطلبك بعدم مناقشته
يوليو 30th, 2009 at 30 يوليو 2009 1:47 م
سؤال صعب يحتاج لوقفة نظر :
حين تكون القضية شاملة وحين يكون العدو واحدا، وحين تضيع القضية بين تفاصيل النزاع ، وتكسوها طحالب الطمع والأنانية والمصالح الشخصية ، حين تخرج القضية عن مبادئ الثورة وتتوزع المقاصد في الفنادق والمنتجعات . حين تكون القضية الفلسطينية جسد بلا روح .. من يعيد لها مجدها ومن يأخذ بيدها وينجيها من نتانة الفرقة والتناحر ؟؟ ..القضية الفلسطينية …قضية لن تموت ..
تحيتي وسلامي وتقديري وإخلاصي ..