قنبلة قدومى ومصداقية الاتهام
كتبهاالفيل--النت بتتكلم عربى ، في 21 يوليو 2009 الساعة: 16:11 م
فيه قصة او نكتة قديمة بيحكيها اصدقاء واعداء ياسر عرفات
القصة تنفع مديح او ذم زى مانت عاوز
لكنها اساسية فى السياسة
والسياسة لاتتعامل بمقاييس حلو ووحش
شوف القصة
——–
بيقولوا ان ياسر عرفات لما راح يحج
وقف عند رمى الجمرات والتى هى شعيرة رمزية تحمل دراما مكثفة ل رفض الشر والشيطان رفضا باتا
وقف ياسر عرفات عند رمى الجمرات ورمى الشيطان بسته حصوات فقط
سالوه المفروض لازم سبعة جمرات ترمى بيها الشيطان
ليه انت رميته بسته فقط؟
قال لكى احتفظ لنفسى بخط رجعة
—-
فاروق القدومى تلاعب بالقنبلة خمس سنوات
ثم رماها على ابو مازن- ولم تنفجر
ولم يبقى اى خط رجعة
سهل انك تتهم اى شخص باى شئ
لكن خلى لك خط رجعة
المصداقية بتخلى لك خط رجعة
ـــــــــــــــــــــــــــــــــــــــــــــــــــــــــ
التصنيفات : النت لو عطشانة | السمات:ياسر عرفات, قدومى, ابو مازن, رمى الجمرات
أرسل الإدراج | دوّن الإدراج
يوليو 21st, 2009 at 21 يوليو 2009 4:36 م
سيدك القدومي له من المصداقية ما تكفي جيلا قادم فل يتلحف انهزاميو فتح ولو بربع لحاف مصداقية القدومي ليغطو عوراتهم البينة للعميان قبل اسيادهم من دوي البصر الحاد حقيقة كل الفلسطنين يعرفون ان لعباس ودحلان اليد الطولي في مقتل الفقيد والرمز ياسر عرفات هو عباس و من منع ان تشرح الجثة ليعرف سبب الوفاة وهو من عجل بدفنه لكي يطوي صفحة سوداء من صفحات اجرامه في حق الضية الفلسطينية لقد اقبر ياسر عرفات واقبرت معه اخر رصاصات بنادق فتح في الضفة عباس دمر المقاومة ودعم النهج الانهزامي الخاضع للاوامر الصهيونية
لبؤة الجهاد
يوليو 21st, 2009 at 21 يوليو 2009 4:48 م
لا القدومى ولا عرفات ولا ابو مازن اسيادى
وامثالكم كانوا بقولوا على ياسر عرفات خائن اسلو العميل وبيطلبوا قتله
دلوقتى بقى حلو ورمز
عرفات نفسه لو حى لما فعل مافعله قدومى من باب خط الرجعة
وعرفات تحمل غباوات وحماقات القيادات حفاظا على خط الرجعة
دا المقصود من كلامى
انما العقل العربى كل اللى يهمه
ان فلان حلو وفلان وحش
ونحط الختم
—
شفتى
لا شتمناكى
ولا اتهمناكى بالباطل
وقبلنا الانتقاد لمانكتب
حتى لو كان الاسلوب غبى
يوليو 22nd, 2009 at 22 يوليو 2009 8:37 ص
فاروق القدومى تلاعب بالقنبلة خمس سنوات
ثم رماها على ابو مازن- ولم تنفجر
==================================
تعبير مميز
وقد تكون قنبلة موقوته
يوليو 22nd, 2009 at 22 يوليو 2009 8:38 ص
( انما العقل العربى كل اللى يهمه
ان فلان حلو وفلان وحش
ونحط الختم )
يوليو 22nd, 2009 at 22 يوليو 2009 11:31 م
يافيل القنبله انفجرة واخذة مداها واكثر ولكن الى مش عايزين يسمعوا كثير ومنهم انت وواقعها ومفعولها في ارضها والمصدات كثيره والدفاعات جامده لان الهدف ومن خلف الهدف سيد الموقف والمصيبه في الشعب الفلسطيني وياريت السي ان ان تنشر هذا التعليق وتهتم بيه مثلما اهتمت بتعليقك يافيل
يوليو 23rd, 2009 at 23 يوليو 2009 12:45 ص
ياعزيزى مجهول
انا لا اراسل اى وسيلة اعلامية
والسى ان ان تهتم وتنشر او ماتهتمش
دا لايعنى صحة الكلام من عدمه
—-
القنبلة انفجرت فى فاروق قدومى نفسه
ومن تجربة شخصية اقدر اقول لك اللى هيحصل
زيها
زى الاتهامات اللى اتهمنى بها كلاب النت -اصابتهم هم
سيب الوقت يثبت لك ذلك
—-
مش بالعافية
اصل الاتهام بلقتل او بالخيانة او العمالة دا امر تختص به المحاكم
وليس الاشخاص
فلو انت اتهمت حد باتهام كهذا دون محاكمة
هيرتد اليك غالبا
وده مش اتهام سياسى
دا اتهام جنائى
يعنى انا عن نفسى اتهم ابو مازن بالتقاعس عن حاجات كتيرة من احالة الهواجس حول وفاة عرفات الى لجنة قضائية مستقلة- تحدد اذا ماكان فيه شبهات جنائية ام لا
لكن لا اتهمه باكثر من ذلك فى هذا الصدد
العقل العربى غالبا بيكمل الشكل الناقص بمزاجه
يقول لك
طيب ليه مش عاوز يحقق الهواجس
اه ياختى
ماهو لازم فيه ان
يبقى انت اللى قتلت بابايا
—-
انا لا اسمح لنفسى باستكمال الاتهام كده
فانت والمعلقة اللىفوق يستنتجوا انى عميل لابو مازن
وبينى وبين فاروق قدومى مشاكل قديمة
احلف لك لا
تقول لى امال بتكتب كده ليه
—–
باكتب كده لان العقل العربى -غالبا-فى قفزاته واستنتاجاته شئ مش معقول
ويموت فى التهم الحراقة
ولايهتم لطريقة ولا مصداقية الاستدلال
يحب قوى فى التهم فى الوطنية والعرص والدين
لكن لو حد قال ان ابو مازن لم ينجح فى كذا وكا
دا مش كفاية
ولايروى عطش القارئ(بعض) وساديته ورغبته فى ان يرى الاخرين-المشهورين- مدانين بتهم تستلزم اما قتلهم او رجمهم او اغتيالهم او نبذهم نهائيا
او ان الاخر -المشهور- قد تطابق معه وذاب فيه-اسلام مايكل جاكسون مثلا
—–
اخيرا
اقول لك
القضية الفلسطينة تحتاج لواحد زى ابو مازن
وشئ زى حماس
والاتنين فى الفترينة-جنب بعض
واللى عاوز يختار يختار
اسرائيل عليها ان تختار
والغرب عليه ان يختار
وانا وانت-اختيارنا بينهما مجرد كلام فى الهوا ومكايدة لاسباب تخص المجتمعات العربية
واختيارنا مالوش قيمة كبيرة
لاننا خارج المعادلة
وشوف موقف السياسة المصرية -مثلا
هتلاقى انها تضع الاتنين فى الفاترينة
باشكال مختلفة وبممارسات مختلفة
مش بالكلام والحنجورى
يوليو 23rd, 2009 at 23 يوليو 2009 12:59 ص
حسن هلالك
انا كتبت اكتر من مرة اى اقدر ياسر عرفات استاذ علم المناورات السياسية
لكن الحقيقة السياسية بتقول ان عرفات مات لان دوره السياسى وقدرته على المناورة استنفذت
ده سبب الوفاة السياسية
عرفات مات عندما لم يبقى فى امكانه ان يستمر -ك عرفات
زى عبد الناصر تمام
مات كده
وعندما نتكلم سياسة- نتكلم سياسة
ماحدش يعمل فيها المفتش كرومبو ويشرح لنا الجثة جنائيا
واسرائيل قتلت عشرات الاف من الفلسطينيين
وعرفات واحد منهم
والاتهام لابو مازن اتهام مجازى- يشبع النفسية العربية
—
وبس نفسى اؤكد حاجة
ليس لدى يقين ابدا اذا كان ابو مازن قتل عرفات او مقتلوش
ماعرفش الناس اللى علقت بتجيب اليقين ده منين
لذلك فى المقال انا لم ابرا ولم ادين
انا باتكلم عن تكنيك الاتهام
وان الاتهام د فاشل
انا فلان قتل فلان او مقتلوش
مش هنعرفها الابحكم محكمة محايدة
مش فى خضم مكايدة سياسية وتربص عروبى
يوليو 23rd, 2009 at 23 يوليو 2009 1:00 ص
انا باتكلم عن تكنيك الاتهام
وان الاتهام د فاشل
انما
انما
فلان قتل فلان او مقتلوش
مش هنعرفها الابحكم محكمة محايدة
مش فى خضم مكايدة سياسية وتربص عروبى
يوليو 23rd, 2009 at 23 يوليو 2009 2:07 ص
بجد انا مستغرب للشتائم اللى جاءت عى موضوع زى ده
طيب بالذمة انا عملت حاجة
لمجرد انىماقلتش ملعون ابو مازن
ابقى مجرم
طيب
ولو قلت
ملعون ابو قدومى
برضة ابقى مجرم لان المزاج العربى الان وغالبا يكون مع الشريف التقى النقى اللى بيتهم اخوه بالقتل
مع ان اغلب القراء-غير الفلسطينيين- يمكن ماسمعوش بقدومى من 35 سنة
غير لما اعلن الاتهام
يوليو 23rd, 2009 at 23 يوليو 2009 2:08 ص
طبعا ان عارف ان المقالة اللى مابترسيش القارئ -بعض-على بر الاطمئنان- لانه ملعون ابو -فلان
القارئ مابيتحملهاش
يوليو 23rd, 2009 at 23 يوليو 2009 2:17 ص
معلهش
الكلام بيجيب بعضه
–
يعنى مقالى لم يوجه اى اتهام-عروبى- الى القدومى
مثلا ان القدومى بيقول كده عشان دوره تلاشى
او انه عميل اسرائيلى ايرانى برازيلى متنكر ومستخبى
انا تساءلت عن مصداقيته
وده اتهام مؤدب قوى ومسموح به فى السياسة
ولا اقدر ان اوجه له اى اتهام طرطشاوى
لان انا كمان لازم يكون لى مصداقية فى كلامى
ويبقى لى خط رجعة
مش كده والا ايه
بس البعض مستخسر اتهام زى كده لابو مازن بالقتال يطلع فاشوش
الناس بتشجع اللعبة الحلوة
وكورة زى دى تطلع اوت out
البعض بيحس انه- ياخسارة
يوليو 23rd, 2009 at 23 يوليو 2009 7:31 ص
مش بالعافية
اصل الاتهام بلقتل او بالخيانة او العمالة دا امر تختص به المحاكم
============================
صحيح ولكن لايوجد محاكم
يوليو 23rd, 2009 at 23 يوليو 2009 7:40 ص
( واسرائيل قتلت عشرات الاف من الفلسطينيين
وعرفات واحد منهم
والاتهام لابو مازن اتهام مجازى- يشبع النفسية العربية
—
وبس نفسى اؤكد حاجة
ليس لدى يقين ابدا اذا كان ابو مازن قتل عرفات او مقتلوش
ماعرفش الناس اللى علقت بتجيب اليقين ده منين )
=============================
نتمنى ان يكون له يد في ذلك !
او لا يكون له اي علاقة
المهم ان يتم ازاحته
ويأتي من هو أقضل منه بكثير
بالمصادفة !!!!!!
يوليو 23rd, 2009 at 23 يوليو 2009 7:42 ص
ضعف المجتمع المدني الشديد
يجعله يدور في نطاق الامنيات !!!!!!!!!!!!!
يوليو 24th, 2009 at 24 يوليو 2009 2:12 م
__ الفيل–النت بتتكلم عربى قال:
يوليو 23rd, 2009 at 11:54 م تحرير
يااخى انا مواطن عادى
يعنى نكرة
وسعيد انى نكرة
ومبسوط
ومش عايز ال التعريف
__________________________
صباحك سعيد وجمعتك مباركة ويومك ملى بالامل والتفاؤال انشا الله شكرا لمرورك وتقبل شكري وتقديري
سبتمبر 19th, 2009 at 19 سبتمبر 2009 9:33 م
[...] قنبلة قدومى ومصداقية الاتهام [...]