الضربة الكبيرة لفيروس انفلونزا H1N1
يتوقع انها ستكون فى الخريف والشتاء القادمين
وسيبدا الرعب العالمى قبلها بشهور

وعندنا سيكون الاختبار الكبير مبكرا- فور انتهاء موسم الحج
لذلك
كل نظام حاكم ف دولة متخلفة اجتماعيا- كل نظام عاوز يمرر مصيبة -بيعمل حسابه على اجراء انتخابات او تمرير اى شئ فى الفترة دى
ربما
عشان كده بيتكلموا عن حل مجلس الشعب المصرى لاجراء الانتخابات فى ظل موسم كهذا او تمرير بلاوى اخرى

والشعوب التى اصبحت لاتتقبل المزيد من البلاوى سيتم اخافتها بغول اخر غير بطش الانظمة

فشعوبنا لم تصل بعد لدرجة ان تاخذ مصالحها وقرارها  بايدها

 مازالت متشعبطة بالانظمة القائمة  بامل ان ياتى اليها من ينقذها

ومازالت متعلقة باشارة المفتيين لتعرف هل تذهب الى الحج والعمرة فى سنة الانفلونزا  ام لا 

ومازالت متعلقة بكلمة من امريكا اللى هتحل لنا مشاكلنا

———

مش عارف
منيين بنستنكر تدخل اعلامى غربى فى مصداقية الانتخابات الايرانية ومابعدها
وف نفس الوقت
نطالبها باعلان رايها والتدخل فى شئون الدول المتخلفةاجتماعيا الاخرى
وازاى يستقيم التناقض
هل نطالبها بالسكوت تماما بحجة اشمعنى ايران
ام نطالبها بالتدخل بالتساوى فى شئون الديمقراطية فى كل الدول بشكل عادل
وليه احنا مستغربين ان امريكا بتتكلم بمزاجها هى مش بمزاجنا وبمصالحها هى مش بمصالحنا

وان الطبقات الحاكمة فى بلادنا بتدافع عن مصالحها
وان كل واحد بيدور على مصالحه وبيمثلها
وان مصالحنا لن يمثلها احد غيرنا
الشعب الايرانى بيطالب بمصالحه
وامريكا قالت حلو قوى البتاع ده
خلينا نعمل زيهم ونشوف امريكا هتقول ايه
وياريت نعمل زيهم من غير ماننتظر امريكا هتقول ايه

ولا رجال الافتاء هتقول ايه

ولا المهدى المنتظر هيعمل ليه