الفيل ابو عقل مخروم مش عاجبه العقل العربى قال جابو الاقرع يسرح لبنت السلطان
كتبهاالفيل--النت بتتكلم عربى ، في 1 مايو 2009 الساعة: 20:04 م
http://al-araby.com/docs/1154/invis/article2142180745.html
مدونون إشراف محمد حماد
|
الفيل: مفاصل العقل العربى عايزة تزييت بعد نقعها فى البوتاس لمدة كافية
http: //hadoota.maktoobblog.com/ اسمي: الفيل، واخترت الكتابة باسم مستعار لزوم التحرر العقلى من الارتباط بالخصوصيات، والجرى وراء الشهرة، وإعجاب الناس، يعنى اكتب ما يعجبنى، لا ما يعجب الناس، والفيل اسم اختاره أحد الزملاء فى بداية المدونة كنت أداعبه بمجموع مقالات كوميدية تحت عنوان أخويا شلبى، صديقى اقتنع تماما إن هو شلبى، وصار يتعامل على هذا الأساس، لدرجة عندما نشرنا شهادة وفاة شلبى، غضب جدا وقال: إن شاء الله أنت، وصاح: عارف إنت إيه؟، إنت فيل بمخ برغوت، قلت له: والله ما هى راجعة، ومن يومها بقى اسمى الفيل. *…………………. ؟ المدونة اسمها: النت بتتكلم عربى، لأن طموحى فى الأصل أن أجرى بحثا ـ قال ـ حول التوجهات الأساسية للنت اللى بتتكلم عربى، وواقعيا لقيت حقائق بايخة جعلتنى أتراجع عن المشروع، أولها أنى مش باحث، وتانيها إنها عايزة مجهود هائل وأنا كسلان، وآخرها إن البحث فى بعض توجهات النت اللى بتتكلم عربى حاجة تقرف والعمل فى تسليك البلاليع أسهل وأظرف. *……………… ؟ يعنى مثلا لما تقعد تراجع المواقع اللى بتكفر حسن البنا وسيد قطب والقرضاوى ومحمد الغزالى وماسكين لمحمد الغزالى حاجة غريبة انه كان بيحب يسمع أغانى فايزة أحمد، فقلت من راقب النت مات كمدا، ولكنى تحولت إلى مناقشة بعض هذه المفاصل الفكرية وغيرها على قد ما اقدر، فاكتشفت أن مفاصل العقل العرب عايزة تزييت بعد نقعها فى الجاز والبوتاس لمدة كافية، وتحت هذا الزعم بمقاومة الباذنجان تحولت المدونة بالوقت إلى سمك لبن تمر هندى، وهو نفس المحتوى للنت اللى بتتكلم عربى، يعنى جبتك يا عبد المعين، وعقلك فى راسك تعرف خلاصك، عشان كده اخترنا العبارة دى كشعار للمرحلة. *…………………… ؟ ـ كل مدون ـ تقريبا ـ عنده خيال بعيد أنه فى يوم من الأيام يصبح الكاتب الكبير المشهور، قول عليه: حلم، قول: خيال، قول: تهيؤات، كلهم يحلمون أنه فى يوم من الأيام سيأتى الفارس أبو حصان أبيض ليخطف كلماتهم من المدونة المحدودة إلى عالم الشهرة وإلى علالى سلم المجد، ممكن أنت تنكر، وأنا أنكر، لكن هذا هو العفريت الذى يحرك أغلب المدونين، أن يظهر فى الصورة المثالية، وأن يكتب الكلام المضبوط الصح قوى جدا، نحن نرسم لأنفسنا صورة مفارقة لحقيقتنا، ومن هنا تأتى أهمية التعليقات من نوع: ما أروع كلماتك أيها الكاتب الذى ولد عملاقا، أنت ما حصلتش، ومفيش منك أتنين، مثل هذه التعليقات ما هى إلا تصبيرة، وبشارة على الطريق، وكثير من المدونين يقولون إن الجرايد تسرق كتاباتهم، وتلاقى المدون يصرخ يا ناسسسس أنا اتسرقت، لدرجة أن احدهم أكد أنه يسجل أشعاره فى الشهر العقارى قبل نشرها وكأنها تركيبة دواء، مضاد حيوى جديد، وكتير يصرخون عن ضرورة حماية الملكية الفكرية، وعن الجواهر التى تسرق ليل نهار، ولدرجة أن زميل قال انه مش بينشر الأشعار اللى بيخاف من سرقتها ويكتفى بنشر الحاجات اللى مش غالية قوى، كعينة فى الفاترينة، ويتعدى الأمر ذلك، إلى أن يسيطر العفريت على محتوى الكتابة نفسها، ومن هذا المنطلق يكتبون، وتنبع كلماتهم بروح مشروع الكاتب الكبير، يعنى هو يكتب ما يجب على كاتب كبير أن يكتبه ولأنه سيحاسبه النقاد فى المستقبل على ما كان يكتبه أيام كان فيها مجرد مدون عادى قبل أن يشتهر. *……………… ؟ ـ طبعا الحلم مشروع، وكل واحد حر فى حلمه، وليس الغرض أن نسفه من أحلام الناس، لكن أن ينسى المدون أن الأصل فى التدوين هو أن يتاح المجال للناس العاديين ـ ملح الأرض ـ أن يعبروا عن أنفسهم، يعنى إن المدون هو إنسان عادى بكل أخطائه اللغوية والفكرية وتناقضاته المشاعرية والملوخية، وأنه ليس مطلوباً منه الاستعراض الاستربتيزى أمام أحد لأنه ببساطه يا عزيزى المدون أنت مواطن عادى، لا أنت عبقرى، ولا إنت المنفلوطى ولا فيكتور هوجو ولا هيفاء وهبى، وكونك تتصور انك جوهرة سقطت سهوا وقدرا بين الألف من المدونين العاديين، صدقنى دا مش هيوصلنا لأى مكان، ومش معنى إن مقالة من عندى أو عندك نشرت فى جريدة إنه خلاص، ومش معنى إن حد أهبل اقتبس أو لطش حتة من كلامك انه يا سلام، وسائل الإعلام اتسعت ومحتاجة حشو كثير. *……………….؟ ـ لف على المدونات تلاقى إن نسبة التشابه فيما هو مكتوب تتعدى الخمسين فى المائة وتلاقى إن الأغلبية لا يكتبون أنفسهم، بل يكتبون (العفريت)، إحنا بقينا زى القنوات الفضائية، كله يشبه بعضه، ونسبة المبتكر أصبح محدودا جدا ومختنقا وسط ركام التكرار، يعنى الموضوع يظهر فى إحدى المدونات ثم يستولد بسرعة فائقة فى باقى المدونات، ناهيك عن الموضوع العاطفى الأزلى بتاع حبيبى هل تظن أن من السهل أن أنساك، وموضوع وتنسكب المعانى فوق تخوم الذكريات، وينفشخ الأفق اللازوردى، وموضوع الكينونة المتسربلة فى الشيكولاتة، وموضوع جاءنى تعليق وقح من مجهول جاهل كافر، وموضوع اتحادات المدونين واللقاءات فى بلكونة التدوين، وتناولنا العشاء، والخلاصة أننا فى حاجة للبحث عن مخرج لما ادعى أنه مأزق التدوين، المأزق اللى وقعنا فيه مبكرا. *…………………. ؟ ـ كتبنا موضوعاتنا، وشتمنا الحكام العرب، وأمريكا وقلنا يا غزة، وعرضنا أفلام التعذيب، وأننا بعدنا عن ديننا، وبحلقنا فى الأفق اللازوردى، وفعصنا فى أم الكينونة، وقلنا اللللى، وكتبنا ميتين أم مقالات وتعليقات نفاق لا تخطر على بال الشيطان نفسه، طب وبعدين، تفليسة ولا إيه يا جماعة، مش ده اللى بيشغل معظمنا وما حدش بيتكلم عنه، مش ده اللى خلى ناس كتير تسيب مدوناتها وتطفش، السر اللى كلنا عارفينه، إحنا كده ـ أسرارنا كلها مكشوفة ـ وأنت فاهم وأنا فاهم لكن لا أحد يجرؤ أن يقول. *……………..؟ المدون لا قيمة له إذا ما كتب وصرخ وطالب وشاغب ولطم وندد وتنهد وشجب واتهم ولعن وتفل، أليس هذا هو معظم ما نكتبه، كلام فارغ فى مواجهة قوى راسخة ـ حكومات قلبها ميت ومجتمعات عقلها صدئ، هذه المجتمعات التى تقاوم التغيير بأعتى من أى حاكم متخلف، لا قيمة إذن لمئات الألوف من المقالات، ولا قيمة لكل ما يكتبه المدون إلا إذا كان يحوى شيئا من الإبداع والابتكار، الإبداع يخترق، وأول الإبداع أن نكتب أنفسنا لا أن نكتب الحكومة ولا أمريكا، أن نكتب أنفسنا بأنفسنا لأنفسنا، وإلا فما نكتبه هو ورق كلينكس كما قال البعض. *……………… ؟ ـ أظن أن القادم من التدوين سيكون أهم بكثير حتى من الأمثلة التى نراها الآن رائجة، لذلك فكرت انه ربما يجب أن تكون هناك رؤية نقدية من الذين خاضوا التجربة فى مراحلها التجريبية لتكون متاحة للقادمين حتى لا يبدأوا التجربة من الصفر. |
ـــــــــــــــــــــــــــــــــــــــــــــــــــــــــ
التصنيفات : ادراجات محورية-ع المحور | السمات:مدون, مدونة, الفيل, النت, النت بتتكلم عربى, العقل, تدوين, صحفى
أرسل الإدراج | دوّن الإدراج
مايو 1st, 2009 at 1 مايو 2009 10:17 م
هذه مقالة فديمة ولا جديدة؟؟؟
أعتقد إني قرأتها لك قبل هيك في جولتي زمان بمدونتك؟
مش متأكد
على العموم
كلام صحيح…بصراحة..احنا عارفين ومطنشين وساكتين
الكلام ده صح 100%
للعلم..القارئ بيقدر يشعر فورا بكل شيء…ده المفروض
مايو 1st, 2009 at 1 مايو 2009 10:25 م
دا حوار ضبطه واعده الاستاذ محمد حماد كاتب الصحفى ونشر بجريدة العربى الناصرى
المحتوى
من مجموعة اقتباسات -من مدونتى-انا ستخدمتها للرد على بعض اسئلته
الصنعة برضه مهمة
وتضبيط محمد حماد فاجئنى
وكانى اقرا الكلام ده لاول مرة
مايو 1st, 2009 at 1 مايو 2009 11:02 م
على فكرة النشر تم من حوالى اسبوعين
و قريت الحوار فى وقته
و ما حبيت أعلق عليه
عامة هو حوار فعلا بتاع الفيل و يعكس أسلوبه و طريقة تفكيره و علاقته
و
رؤيته للتدوين
حوار صريح جدا
مع تحيات
منى الحسينى
مايو 1st, 2009 at 1 مايو 2009 11:58 م
عادل سعيد
حلوة حكاية منى الحسينى دى
—–
القضاء على محمد رمضان
ايه المهمة العظيمة دى
دا اخر حدود مايمكنك تصوره
طيب هات دليل على ماتقول
انت عملت عندى عدة تعليقات حول الشكليات-انت بتضرب رمضان- انت هتموته -هو قدك ده-الفيل بيضرب العيال وياخد سندويتشاتهم
-وقلت انك هتعلق على المتن لاحقا
انت كتبت كده
لكن اهتمامك لم يتعدى ذلك
وده انت حر فيه
اختيارك واضح
واظن انا تعاملت مع وضوحه بشكل معقول
——–
لكن تفكيرك
مش صحيح
والدليل المناقشة الدائرة حاليا فى مدونتى مع نظيرة واسماعيل
——–
انا جيت اردعلى تعليقاتك
ومش ملزم اعلق على المقال زى مانت مش ملزم تعلق على المتن
ولاده لا ده يتعلق بالذوق وقلة الذوق
دا اختيار
اما حكاية بيت وناس بيتكلموا- فده مجاز لزوم الكلام فى قلة الذوق
وبالتاكيد منهى الذوق منى انى لا اعلق على المقال بتاعك ده بالذات
وانت الوحيد اللى عارف ليه
وكونى امتنع -عن التعليق بصراحة اظن ان ده منتهى الذوق ومراعاة الزمالة
بس انت عامل نفسك مش واخد بالك
انت راجل ديبلوماسى
ودى احسن من ان تكون مش واخد بالك فعلا
—
اماان تصور الامر اى تضايقت عل افتراض انك بتدافع عن رمضان
فده مش فى تفكيرى
وماعنديش اىمانع انك تدافع لو عاوز
لان رمضان لم يكن موضوع النقاش
انت تصورت كده
وانت حر
وسالت مليون سؤال عن ان الموضوع هو رمضان
وجاوبتك
لكن ان الحمار ينكح الناس فى احلامهم-وان ينسب ذلك للاسلام-دا كان موضوع هامشى
لايلفت النظر
المهم ان الفيل هيموت رمضان والفيل لازم يقضى على خصومهوعلى حد قولك حرفيا
صار هدفك واضح و محدد أيضا ….
محمد رمضان وقع تحت أيدى و يجب نسفه من أساسه
اما ان تصور الامر بانه كان حوار بين الاديان فده مش صحيح
اسمح لى
دى كذبه
الموضوع انى طلبت تحديد مصدر الاقتباس عند محمد رمضان
وهو قعد يكذب ويلف ويدور ويشنع
فين الحوار بين الاديان
اما انك حاولت تحويل الامر الى حوار بين الاديان
فده مش صحيح
انت سالت سؤال واحد مع اسئلةكتيرة عن حمد رمضان
وجاوبتك
ان الحوار يكون فى جوهر الاديان -والذى يسمح بالتعايش
اما ان يتف كل واحد على دين الاخرين كل يوم على غيار الريق- فده مش حوار وضربنا مثل باوريجانوس ومحمد رمضان وغيرهم
—–
عموما حصل خير
الفيل–النت بتتكلم عربى قال:
مايو 1st, 2009 at 1 مايو 2009 8:55 م
الخلاصة
انت بتقول
—
يعنى مثلا أنا معك أنه يجب عدم أقحام الدين فى كل أمر خاصة و أن كان هذا الأمر ليس له سند
فقه
ثوابت شرعية
مثل تفسير الأحلام
—-
وهو ده المهم
اتفقنا
هنا مش مهم لا الفيل ولا محمد رمضان ولا العفريت
وهنا تتضائل فكرة القضاء على محمد رمضان ونسفه كما تتصور او تريد ان تصور
الخزعبلات والخرافات اهم بكتير من محمد رمضان والفيل
ومحمد رمضان مش واخد منى فلوس ومرجعهاش
ولا بيننا محاكم وقضايا
انت نفسك عجبتك فكرة هات دليل على ماتقول والا تبقى كذاب
وانا ياخى هتجننى فكرة الكذب على الله
جراءة مش معقولة=لكنها اصبحت امر عادى مقبول وحلو
ونفاذها فى المجتمع بهذا الشكل يعنى ان لها جذور وامكانيات اظن انه يجب ان تبحث
مش تقول لى محمد رمضان
مايو 2nd, 2009 at 2 مايو 2009 3:05 ص
همهة جدا حكاية المراجعة
استعدادا لمرحلة اخرى من التدوين
مشكلة التدوين انه يتحول شيئا فشيئا الى مجرد دردشة وكوبي باست
اي انه يفقتد لخصوصية ما
وهذه ازمة واضحة في المنتديات
كثير من المنتديات تبدأ جادة وواعدة ولكن سرعان ما يغزوها هواة القص واللصق
فتتحول الى مجرد سلة مهملات
هو نفس الامر الذي يحدث مع المدونات
انادخلت التدوين من سنتين تقريبا
كانت حوارات ونقاشات حاولت اني اكون مختلف نوعا ما
اي ان اقول ما يشغلني دون الوقوع في فخ ” الثيمة الرائجة ”
ولكن قليلون من المدونين من يشاركون بالراي حول المواضيع الجادة
والعميقة
الكل يحب الاسترخاء
اي انه يدخل للمدونات بذهنية من يدخل لغرفة دردشة ليقول كلام فاضي ويطلع
لهذا اتفق معه بضرورة العمل على مراجعة التجربة التدوينية
مش مراجعهة استاذ
لكن شهادات عن التجربة من جوانب مختلفة
يمكن تفيد من يريد ان يخوض التجربة بجدية ويضيف المميز
مايو 2nd, 2009 at 2 مايو 2009 3:11 ص
بالنسبة لموضوع الاخ رمضان
ارى انه عينة لرجال الدين والدعاة المعاصرين الذين فقدوا صلاتهم
بالواقع الاجتماعي الذي عيشه ناس الزمان ذا
المشكلة في الكثير من رجالالدين، والدعاة
انهم يتصورون ان كلامهم ( وهو فهم خاص للقرآن والسنة )
هو كلام الله عينه
مع ان جل ما يكتبون وينطقون هو فهم او محاولة فهم ذاتية للنص
الديني
والنتيجة انهم يخلطون بين الفهم الانساني والنص الذيني عن قصد بغية
جلب مشروعية اكبر لما يكتبون
جل خطابات الدعاة المسلمين تتميزبالكثير من العقم وبعدها عن
الواقع
هي تسبح في عوالم بعيدة وغائرة في القدم ونادرا ما نجد خطابات
تلامس الهخموم الواقعية لمجتمعاتنا
وهذه الحالة هي التي جعلت هيفاء وهبي اكثر تاثيرا من كل الدعاة
المسلمين مجتمعين
انهم لا يخاطبون الناس بلغة الناس
وفي الغالب يعتمدون على التلفيق بغية توصيل بعض الافكارالتي لا
تستقيم الا بشيء من التلفيق اللفظي والشرعي ايضا
تحياتي الخحالصة
مايو 2nd, 2009 at 2 مايو 2009 12:37 م
حوار صريح لأبعد حد .
وأعجبنى تشخيصك الدقيقة لظاهرة أوهام النجومية لدى المدونين - وإن كان حقا مشروعا لأى أحد لا نستطيع أن ننكره .
وبالفعل
هناك من المدونين من يستحق أن يصبح ( نجما ) !!
شعراء ..لا يعرفون طريق المطابع .
كتاب مقالات …أدباء …صحفيون ..الخ .
وربما كانت (نافذة) التدوين انقاذا للكثيرين من اكتئاب محقق !!
وللأمر أيضا زاوية اجتماعية لم تتطرق إليها فى ملاحظاتك : التعارف !!
الطريق الوردى لعلاقات (عاطفية) خارج مكتوب ..أو ..حتى ( اشتغالات ) ظريفة على المسنجر !!
وإن كانت هناك صداقات حقيقية نادرة ممكن أن يخرج بها الإنسان أحيانا ..أنا مثلا ..تعرفت على صديق حقيقى إلى أبعد الحدود من خلال مكتوب ..طاهر الصوفانى , عكس وجهة نظرك بعدم وجود صداقات حقيقية على النت !
ممكن !
وان كان …أمر شديد الندرة !!
………….
تحياتى ..على صراحتك ..ووضوحك .
مايو 2nd, 2009 at 2 مايو 2009 1:20 م
الفيل ابو عقل مخروم مش عاجبه العقل العربى- قال جابو الاقرع يسرح لبنت السلطان
معقول ده عنوان المقاله
مايو 2nd, 2009 at 2 مايو 2009 2:01 م
“..المدون لا قيمة له إذا ما كتب وصرخ وطالب وشاغب ولطم وندد وتنهد وشجب واتهم ولعن وتفل، أليس هذا هو معظم ما نكتبه، كلام فارغ فى مواجهة قوى راسخة ـ..”
ربما يجب أن تكون هناك رؤية نقدية من الذين خاضوا التجربة فى مراحلها التجريبية لتكون متاحة للقادمين حتى لا يبدأوا التجربة من الصفر.
هي فكرتين من ذهب: يلا وينها نظيرة
مايو 2nd, 2009 at 2 مايو 2009 4:30 م
نظيره هنا هو بتسلم عليكي ولا بتسلم عليك ماهي دي مشكله
مجهول ولا مجهوله عشان اقول ياحبيبتي ياقمر ولا مااولش كدا
يعني هم بتوع المكتوب كانو خسرو ايه لو كتبو مجهول وجمبيها مجهوله
وبرضو كتب وجمبيها كتبت يعني صعبه اوي انهم يعملو كدا مش احسن من اللي حاصل دلوئتي كتب اميره كتب نيفين حاجه غريبه
يامجهول ربنا يسعدك اهو كدا احسن
مش في ناس بيكتو احنا نقابه بتوع اللي بيكتبو طب هم بيعملو ايه بقى مابيحصلش عندهم كلام زي اللي بتقولو دا
وبعدين مافيش انتخابات خالص يعني ان دول يبقو نقابت حد ولا لأ
هي ايه يعني عافيه زي بتوع اوديكي فين ياصحه
مايو 2nd, 2009 at 2 مايو 2009 7:39 م
نظيرة
شكلك بتحبى تتاملى فى المجهول
طيب ماتقولى لنا رايك فى المقال اللى فوق
خلينا نعيد فهمه من خلال دهشتك
مايو 2nd, 2009 at 2 مايو 2009 7:45 م
عادل حجازى
المشكلة فى تاثير ذلك على المحتوى
مايو 2nd, 2009 at 2 مايو 2009 7:49 م
مجهول اول
ماهو انا برضه مجبتش الديب من ديله
عشان كده قبلت العنوان ده من صياغة د محمد الشرقاوى صاحب المدونة دى
لان فيه بينا حساسيات وكده
فقلت ياواد يافيل سيبه يبعبع يمكن قلبه يستريح
وهو مابيعرفش يكتب كلمتين على بعض
فقلت خليه يصوغ العناوين
بدل مايقعد يشنع على الفيل انى طردته من المدونة وكلام زى كده
الفيل
مايو 2nd, 2009 at 2 مايو 2009 7:52 م
مجهول تانى
مجهول تانى
بتاع الدهب
غويشتين وحلقين وبنطنطيف وجوز احنشة بندقى
كلام من دهب
والنبى تفهم د محمدالشرقاوى اللى بيقول عايز استعيد مدونتة واكتب لقالات بدل الفيل
هو فاكر انن بنكتب كلام عادى كده
مايو 2nd, 2009 at 2 مايو 2009 7:54 م
كريم الجزائرى
ياخى بيلعبوا بالدين لعب
مايو 2nd, 2009 at 2 مايو 2009 7:57 م
كريم الجزائرى شيوع فكرة المدون الايس كريم والنفاق
جعل المدونات محلا للمرض الاجتماعى والفكرى والثقافى
وليس محلا للاصحاح
مايو 2nd, 2009 at 2 مايو 2009 8:26 م
اللي اولت عليه دا صحيح بس برضو حاجه عجيبه مش فاهمه ان يعني مفيش فايدا من كل دا عشان هم بيرسمو وان حتى يعني لو مارسموش برضو مفيش فايدا طيب ماشي
ماهو برضو اللي بيكتبو في الجرانين مافيش فايدا
يوبقى الفايدا دي مستخبيه فين وازاي نجيبها ماهو انت برضو مااولتش عليها واضح ومحدد
مايو 3rd, 2009 at 3 مايو 2009 12:28 ص
نظيرة
الحل فى الابداع
وتحرير العقل
—–
تانى
شيوع فكرة المدون الايس كريم والنفاق
جعل المدونات محلا للمرض الاجتماعى والفكرى والثقافى
وليس محلا للاصحاح
مايو 3rd, 2009 at 3 مايو 2009 3:03 ص
بسم الله الرحمن الرحيم
الفيل–النت بتتكلم عربى
الإخوة و الأخوات
السلام عليكم و رحمة الله و بركاته
لو أن كل كاتب إبتدع معان و كلمات و أدعى أنها عربية
فذلك يعني أن له معجما خاصا يريد أن يفرضه على الأحياء
و يحكم به على السابقين
و ذلك هدم للغة القرآن و الحديث
{{{{ و قد كررت ذلك بالتفصيل عدة مرات}}}}
مايو 3rd, 2009 at 3 مايو 2009 10:39 ص
كل ده كان ليه.. لما شفت عنيه: أقصدي تعليقاتك يانظيرة
مايو 3rd, 2009 at 3 مايو 2009 1:04 م
حلوه الايس كريم دي على كدا العيانين كتير اوي
مايو 3rd, 2009 at 3 مايو 2009 2:52 م
نظيرة
اللى عامل عملية استئصال اللوزتين بس اللى بيتقال له كل ايس كريم كتير
لكن انا مش شايف اى علاقة بين ان الكتابه فى التدوين ونفسية المعلق الايس كريم اللى يتحط على المقال يطيب
المطيباتية
مايو 3rd, 2009 at 3 مايو 2009 2:54 م
مجهول
نظيرة اصبحت معلم فى مكتوب ومعيار اساسى
ولعلمك تعليقاتها السهل الممتنع- وهى مفروض تعليقات مؤدبةلا تضايق احد لكن واقعيا طريقة تعليقها مضايقة ناس كتير
مايو 3rd, 2009 at 3 مايو 2009 3:32 م
ابو الفرقد
الكلام ده يقال من الف سنة
على اساس اننا الموالى- من سكان البلاد المفتوحة- مش عرب اقحاح
ونلحن فى الكلام
—-
والواقع بيقول ان القران لم يمنع ابدا-لحسن الحظ- تطور اللغة العربية
انا اعتقد ان صياغة القران الجدلية والمنفتحة لغويا ساعدت فى ذلك
ومن الف وربعمائة سنة ونحن نتكلم لغة عربية ليست قريشية
ولكنها ناجحة كاداة تواصل تتطور
وانا شايف ان العامية المصرية هى الصق اللهجات باللغة الجدلية واسلوب التراكيب فى القران
ولو ان اللهجة اللبنانية- ربما تناطحها او تغلبها احيانا فى التطور
واللغة التى لاتتطور باضافة مفردات جديدة وتراكيب جديدة وتساهل نحوى- اللغة التى لا تفعل ذلك تموت
واللغة العربية مرشحة للاندثار بسبب قلة المضاف اليها نسبيا
هنا العامية قادرة على انقاذ لهجة قريش لانها اكتر قدرة على التطور
والعامية فصيحة ايضا لانه تفصح وبليغة -قادرة على الابلاغ-
فالعامية تحمى لغة القران ولاتهدمها
وتطور اللغة يحميها
ولم افهم ابدا كيف ان شخصا ابتدع الفاظا- يريد ان يفرضها على الناس
يفرضها ازاى بس ياخى
نحت الالفاظ والمصطلحات والتراكيب-
لا احد يستطيع فرضه على الناس
التعبير واللفظ البليغ والمفصح والقادر على ان يكتسب شحنة دلالات متزايدة باحتكامكه بالواقع -هو الذى يتبناه الناس
هنا الناس تختار وظيفيا- وليس اجباريا
ولو كان معجمك ناجحا لاختاره الناس فى كلامهم والذى هو 99 فى المائة من استعمالات اللغة
اما المكتوب فلايزيد عن اقل من 1/2 فى المائة من استخدامات اللغة
باعتبار ان العرب لايقراون
لذلك قامت العامية بمهمة التطور والحفاظ على اللغة- فى حضن القران- وليس بعيدا عنه
وفشلت لغة الكتابة الرسمية فى ذلك
هذة امور فرضها الواقع -مش انا اللى فرضتها
ولايستطيع احد ان يصطنعها
لذلك
انا مش فاهم يعنى ايه ان فرد يفرضها على الناس
الفرد ممكن يقترح
وبرضه مش فاهم يعنى ايه يدعى انها عربية
تقصد يدعى انها قرشية
ياخى انا مش من قريش- وباتكلم لغة مش قرشية
ربنا خلقنى كده
لكن باتكلم عربى ومش لاوندى
وكلمة زى ايديولوجيا- اذا تبادلها العرب- تصبح كلمة عربية
كنا زمان مش عرفين غير الحبل والجبل والناقة
وكانت كلمة وزارة كلمة اجنبية
ثم اصبحت عربية
الان كلمة كومبيوتر كات اجنبية من 30 سنة لان اغلب العرب لايفهمونها ولايستعملونها
الان هلى عربية بامتياز
وبرضه مش فاهم معناها ايه ان تتهم الفرد- بان فى نواياه هدم لغة القران
يعنى ان اى اتنين بيتكلموا- واحد ومراته- بلغة عامية يبقوا بيهدموا لغة القران
طيب خلى الناس تتكلم بلغة قريش اذا استطعت
الان حتى المشايخ يتكلمون بالعامية
فهل هم يهدمون لغة القران
بالعكس
ياعزيزى الغة اداة تواصل
ولاقدسية للفظ او للغة
والمسلمون فى اندونيسيا وماليزيا لايعرفون اللغة العربية وهم- يدعى كثيرون- انهم انقى اسلاما منا
يكم السبب انهم لايعرفون اللغة التى تعرضهم للشوائب والبلاوى والخرافات اللى نشرنا عنها فى اكثر من مقال
نرجع لموضوعنا
اللغة لم تكن حائلا بين هؤلاء وبين التقاط جوهر الاسلام النقى
ومن ناحية اخرى
فان دعوتك الى تجميد اللغة -فشلت عبر قرون-يعنى من خلال تجربة ااستمرت لقرون- مش لسه هنجرب
وثبت ان حجة حماية القران- حجة واهية-عبر قرون يعنى من خلال تجربة ااستمرت لقرون- مش لسه هنجرب
وده واقع انت بتتجاهله
ومش هتقدر تغيره
ومش هتقدر توقف عجلة التطور بنظرتك الاستاتيكية- للغة وكانها تحمدت للابد فى لحظة نزول القران
هذة النظرة كارثية ومسيئة للقران وللاسلم ايضا
وقراءة بسيطة للقران -تكشف مدى انفتاح صياغة لغته على الفهم العامى والبساطة اللغوية العامية
وهو ماتبناه الفهم العامى وجاراه فى تطوير لغته-ططبعا ليس بالقدر الكافى
وهنا تاتى الانترنت لتساهم مع غيرها-الاذاعة -سابقا-لتساهم فى عملية التطور
صحيح ان عملية التطوير لها مخاطر وخصوصا وهى تحدث فى غياب كامل لجهد علماء اللغة والجامعات مثلا
لكن مخاطر التطوير- تعود لتنضبط بقانون المنفعة الساحق
والخلاصة ان محدش يقدر يقف امان قانون المنفعة
كل هذا انت تتجاهله لاسباب تخصك
——–
طبعا موقفك شيك ولذيذ
والذ بكتير من موقفى
مايو 3rd, 2009 at 3 مايو 2009 3:34 م
ايوا مش عارفه ليه ياامتن يشيلو كلامي على طول ياامتن يتعفرتو
ربنا يكرمك
ماهو على كدا يبقى كلهم شايلين اللوز وبيبللعو اي حاجه تتزلط
ايمتى حيخفو
يارب
مايو 3rd, 2009 at 3 مايو 2009 3:34 م
طبعا موقفك شيك ولذيذ
والذ بكتير من موقفى
لكن ثبت فشله عبر قرون
بس لسه لذيذ
وكل المورفينات كده
مايو 3rd, 2009 at 3 مايو 2009 9:56 م
استاذي العزيز
انا جدا معجبه بمدونتك واحب متابعتك
ولكن صدقا ما يزعجني بها هي بعض الالفاظ التي لا يجب ان تخرج من انسان خلوق
وفقك الله لمافيه خير
مودتي الخالصه لك سيدي
مايو 3rd, 2009 at 3 مايو 2009 10:10 م
نفسي الوطن يتغير …بدون ظلم بدون فساد ….بدون قيود
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كل انسان من حقه ان يتمني والامنيه الوحيده التي اتمناها و يتمناها الخمسه و سبعين مليون ان يتغير الوطن وان يصبح بلا قيود وتعم الديمقراطيه الحقيقيه التي لا نراها ولن نراها . واقصد بتغير ليس بتغير السلطه لاننا لسنا دعاة انقلان علي السلطه بل التغير الذي اقصده هو تغير في النظام الموجود علي الواقع المصري الذي لا نراه الا نظام فاسد بكل معاني الكلمه التغير وان تم من مبارك فانه سيكون نعم القائد وان تم من غيره فسيكون ايضاً نعم القائد و نرى ويري الجميع انه لا تغير في ظل هذه السلطة الموجوده حالياً لانها سلطه تعتمد علي الرئسماليه و النفوذ فمن اين سياتي التغير اذاً حتي ولو جاء بعد السيد الرئيس مبارك السيد الشاب الابن الاكبر للسيد الرئيس/جمال مبارك فلن يحدث تغير لانه ايضاً يعتمد كلياً علي الرائسماليه في النظام السياسي الذي يسير عليه .
نحن مع من سيعطى للشعب المصري و الانسان المصري كرامته ويرفع من شأنه غير هذا فلا نعم لا والف لا ؟؟؟؟؟
بم اني مقيم بدوله من دول الخليج وهي دوله اسلاميه وعربيه فلا اجد الشخص الذي يحمل الجنسيه المصريه له اهتمام سواء من سفارته الموجوده في هذه الدوله او من المواطنين في هذه الدوله . السبب هو ان هذه الدول تري الانسان المصري رخيص في بلده قد ضاعت كرامته في بلده فكيف يقدروه وكيف يحترموه ، من السبب اذاً السبب احبابي هو ان النظام المصري لا يعي ما يحدث للمواطنين المصرين بالخارج و السفارات و القنصليات لا تهتم الا بالحفلات و الزيارات و الولايم و الهدايه المتبدله من هذا وذاك اما ان يفكروا ويحققوا امال اللجاليه المصريه في الخارج بان يحافظوا عليهم ويجبروا هذه الدول ان تحترم كرامة المصري المقيم بصفة عمل او غيره فهذا من المستحيل
واين السلطه المصريه والخارجيه المصريه اصحاب السياده الذين يستمتعون بالوقوف امام شاشات التليفزيون للحديث واعطاء الوعود الكاذبه ، والمدهش ان وزير التجاره و الصناعه يسعي لكي يخرج من ارض مصر الملاين من الشباب بصورة فرص عمل اي عمل هذا يا سيادة الوزير ارض مصر اولا بشبابها ، هل تعلم ياسيادة الوزير المحترم ماذا يحدث لابناء مصر بالخارج فليس ما حدث للاطباء المصرين في السعوديه ببعيد و ليس ماحدث للشباب المصري في السجن دولة الكويت ببعيد وليس ما حدث للشباب مصر في لبيا ببعيد
هل كل هذا ليس في الحسبان ايها الوزير .
لايتني انا والكثير من شباب مصر المغتربين ان يحكوا ما يواجهم وما يفعل بهم في هذه الدول التي اصبحت مصر بنسب لهم من الدول الفقيره التي ترسل شبابها ورجالها و نسائها لكي يخدموهم فأن كان هذا يرضيكم ويرضي السلطة و النظام المصري فهيهات هيهات للنظام المصري من غضب الشعب المصر وهيهات هيهات للكل من هو مسؤل من ضيع هيبة مصر امام العرب و المسلمين و العالم كله
ايها الساده الكرام ان سماحة السيد / حسن نصر الله قال في احادث غزة نريد ان نري غضب الشعب المصري فهو صادق العالم يريد ان يري صحوة وغضب وتكبيرة الله اكبر من الشعب المصري الصامد ضد فساد وظلم وطغيان وجبروت المسؤلين، وهاهي قد اقتربة نعم اقتربت ضعت هيبت خير جنود الارض وضاعت كرامتهم وظهر الفساد و التخاذل و الخوف من جرثومه حقيره اسمها اسرائيل وبداء الغلاء في كل شئ حتي الاكل و الشرب وكثر الفقر وامتلائة السجون و المعتقلات واصبح المواطن المصري مهدد بالارهاب الامني في اي لحظه
كل هذا مؤشرات لبدأ الغضب المصري .
ختاماً ليس علينا الان احبابي المصرين ان نتمسك بوطنيتنا مهم كان الامر وان نقاوم كل من تسول له نفسه ان يبيع الوطن او يمسه بسوء حتي لو كلفنا هذا حيانتا فالموت بكرامه احسن من العيشه في زل واهانه .
مايو 4th, 2009 at 4 مايو 2009 12:34 ص
لين عبد الله
شكرا
بس انا مش استاذ لاى حد
ولا اخدع نفسى ولا الاخرين
وكمان انا مش خلوق ولم يسبق لى اطلاقا ان ادعيت ذلك
,ولا احب اخلاق القرود ابدا
وباقول للكذاب انت كذاب فى وشه
تانى نقول انا مش ايس كريم
ولغتى تعكس الطبقة اللى انا منها ولن اكذب باظهار غيرها
فممكن تتجاهلى الفاظ اللى مش عجباكى
وبالذات لو كانت لمدونيين انت بتعتبرينهم انبياء وانا لا اعتبرهم الا مشعوذين
فتتجاهليها وتقرى الباقى
لكن ان تشغلى بالك بتربيتى- فده امر مختلف
فلم اعد احدا منذ بدات المدونة انى ساكون خلوقا
ولم اتقدم الى اى واحدة للزواج- او بمراسلات الايميل او بتعليقات التسبيل والتزغزغ
فعلى هذا تكون اخلاقى ملكى
وما اكتبه هو لقارئ
يقرا اللى يعجبه
واللى مايعجبوش يرميه فى النت
مايو 4th, 2009 at 4 مايو 2009 12:37 ص
الحلوجى
مش مطلوب الشعب يغضب اكتر من كده
مطلوب ينظم نفسه ويدافع عن مصالحة بكل الوسائل لسلمية
وده ممكن -واظن لازم- من غير حسن نصر الله خالص
مايو 4th, 2009 at 4 مايو 2009 9:47 ص
شكرا لك على ردك الجميل
وصباح الخير
سيدي
مايو 4th, 2009 at 4 مايو 2009 9:39 م
تحياتي
أخي الطبيب..
صدقا..ليس نفاقا..ولا تبجحا..ولا اي نوع من
أنواع التمنع عن قول الحقيقة..لا يسكنني لا عفريت..
ولا جان ..ولا أي شيء من أي شيء..كل الذي ارغبه
هو التواصل معكم..في محاولة جدية وجادة لقول الحقيقة
كما اعبشها..وتصلني الى تلافيف مخي محدود المادة الرمادية..
تلبية لما يرغبه عقلي الباطن من بوح لمن اريد البوح له
بما هو ليس كذلك..في حياتنا البائسة التي نعيشها..بين خوف
مضى..وخوف آت..
كن بخير..لا تغضب مني..
مايو 4th, 2009 at 4 مايو 2009 9:48 م
لين عبد الله
الصراحة راحة
انا لا ابيع شئ
ولا اسوق لنفسى
ومش داخل انتخابات
ولا متقدم للزواج
مايو 4th, 2009 at 4 مايو 2009 9:50 م
فما الداعى للنفاق والادعاء والتظاهر اذا
الافرنجة الكفار بيقولوا
كون انت نفسك be yourself
احنا عايشين تحت الف قناع
وبنبقى مكشوفين
والكل عارف وبيعمل نفسه مش عارف
مايو 4th, 2009 at 4 مايو 2009 9:51 م
وافق اصيل
انا محتار
اغضب منك ولا ماغضبش منك
اغضب منك ولا ماغضبش منك
بس مش عارف على ايه
سبتمبر 19th, 2009 at 19 سبتمبر 2009 6:25 م
[...] الفيل ابو عقل مخروم [...]