انا اعرف نساء كتير ناقصات عقل ودين
واعرف رجال كتير برضه ناقصين عقل ودين
طيب نقص الدين - ربنا يهدى - ممكن نجيب حد من مكتملى الدين من المدونيين واللى عندهم فائض- يوزعه على ناقصى الدين
ودى عملية فى منتهى اليسر
بييجى مكتمل الدين على مدونة ناقص الدين ويلعن سنسفيل اهله
فالناقص بيلاقى ان الاسلم انه يتظاهر بانه يتبنى اراء متطرفة يستنكف بن لادن عن تبنيها ليوهمك انه ماشى فى لسليم و قد اخذ باطراف الدين ولم يترك فتفوته يعنى الزم نفسه كلاما بالاشد والاصعب وذلك لزوم التظاهر امام الناس والحقيقة انه لايلزم نفسه بشئ من ذلك وانما يزايد على الناس ليقنعهم بانه الاكثر تدينا

وكده تبقى المشكلة اتحلت
——————-
لكن نقص العقل علاجه ايه
حتى عملية زرع المخ -مازال الطب عاجزا عنها
وحتى لو وصل الطب الى تحقيقها
هتلاقى المتبرع لناقص العقل
اما ابوه او اخوه
يعنى معملناش حاجة

———————————–

دا شئ بيحصل ان يكون رجل او امراءة ناقصين عقل ودين
ربنا خلق الناس مختلفين
لكن محدش هيركز على معايرة الناس ودمغهم بنقصان العقل والدين
الا اذا كان يعتقد- لاسباب مرضية غالبة- انه مكتمل العقل والدين
لذلك فهو مطمئن جدا لجدارته واستحقاقه
لاتهام ودمغ رجل او امراة بنقصان العقل والدين