فى الحرية
كتبهاالفيل--النت بتتكلم عربى ، في 23 مارس 2009 الساعة: 12:15 م
سؤال أخير - برىء …صدقنى
لو واحد فتح مدونة يدعو للالحاد ..- عياذا بالله
ما هو التعامل الأمثل مع هذا الأمر من وجهة نظرك ؟؟
مثلا يعنى
أو مدونة واحد بيمجّد فى الشذوذ …كما بحدث على مدونة تنتمى لقطر عربى حتى الآن !!
بجد
انت شايف …التعامل مع الأمر يتم ازاى ؟؟
انا فعلا عاوز افكّر معاك بصوت عالى
——————————————————-
-
انا ارى الا يمنع راى ولا تمنع مدونة الا بحكم محكمة -
-
مش عارف ليه اللى بيقولوا احنا متدينيين - ليه اول ما يطل فى وجههم عفريت بيكون عفريت الشذوذ والالحاد هو ليه عليناعفريت ياعادل وممكن نسحب بعدها العلمانية والمسيحيةوالغزو الثقافى وامريكا يعنى هو كام نسبة المقالات اللى بتدعو للشذوذ والالحاد بالنسبة لمجموع المقالات اقل من عشرة فى المليون مثلا هل تسعى الى الحصول على قاعدة عشان نسبة زى دى والا بنستخدم الفزاعة دى للحصول بس على قاعدة -الاغلاق والمنع ثم نتوسع فيها بمزاجنا ياعادل طيب لما القاعدة دى نسمح بيها- هتلاقى ان نص الناس بتتهم من لايتفقون معهم فى الراى بذلك سيكون سلاحا مشهرا فى وجه الجميع- بالحق والباطل- والباطل اكتر وستستخدم الحكومات هة الادعاءات لكبت الحريات-دوى تروى لان الفزاعة مضمونة ‘طيب سيبك من النظرى وخلينا فى التجربة العملية مثلا انت عارف انى اعترضت على زميل لانه يسب عرض الاخرين- وعلى اخرسرق مقالتين فلم يتورعوا ابدا عن المطالبة باغلاق مدونتى بدعوى انى اكتب الحادا وكفرا وشيوعية وشذوذ ا دى تجربة حصلت قدام عينك وعين القراء انا لا اذكر انك تدخلت فى تعليق لدى هؤلاء الزملاء وقلت لهم عيب انا مش شايف الحاد ولا شذوذ فى مدونة الفيل لماذا لم تتدخل خلينى احاول اجاوب-مؤقتا- نيابة عنك فى السؤال البايخ ده واعفيك من الرد انت لم تتدخل لانك مش قاضى ولا انت محكمة طيب ولاهم كذلك هنا المحكمة -القانون-هى الوحيدة القادرة على التمييز حين المطالبة بمنه شخص او فئة من التعبير عن واقعها
ولان ها السلاح سيستخدمه الحكوميون من جهة والمنافقين المتلاعبين بالدين من جهة- كسلاح فى صراعاتهم الاجتماعية والفكرية بل والشخصية
\لذلك —حتى ولو بدعوى الشذوذ والالحاد وكافة العفاريت- لا اقبل اغلاق مدونة الابحكم محكمة
ثقافة المنع كارثة فى مجتمعاتنا
انا دعو بان يحل محلها ثقافة الاحتمال والصراع الفكرى المنظم
والا كلنا هنطالب بمنع كلنا -
اذا قبلت الحرية لنفسك فانت تقبلها للاخرين
واذا قلت ان الحرية فقط لمن يكتب اشياء صحيحة
وحلوة
فباستطاعتى ان اثبت انك فى مدونتك بتكتب اشياء غلط ومش حلوة
والعكس بالعكس
من حقك ان تكتب ماتريد
ومن حقى ان انتقدك
ولكن ليس من حقى ان اطلب منعك
او نبذك او نفيك
——–
تقول
يعنى لو اغلقت هذة المدونات من الاول مش كنا ارتحنا
بصراحة
انا لم افتح مدونتى لكى ارتاح
مثلا-انا استفدت من مدونة اورجانوس ب 15-20 مقال كتبتهم فى مناقضته -
الخلاصة انا مش شايف اى خطر من ان يعبر اى شخص او جماعة عن انفسهم ومن حقنا ننتقدهم لكن هتقول لى نمنع الشذوذ والالحاد هاقول لك المنع اصلا غلط والحكومة هتقول نمنع ونحظر الاخوان المسلمين وبتقول انهم خطر انت هتقول مش خطر والحكومة هتقول خطر اصدق مين هنا كل واحد بيصور الخطر على مزاجه والنهاية انك بتلاقى ان جماعة الشواذ جنسيا وجماعة الاخوان المسلمين كلتاهما جماعة محظورة مع انها موجودة واقعيا وكلتاهما لها نواب فى البرلمان هتقول لى وهل تتساويان اقول لك نعم الفاشية فى فكر الحظر والمنع لدى طوائف كتيرة فى مجتمعاتنا- تساوى بينهما
سلاح المنع والتشوية والنبذ والارهاب والكراهية سلاح اعمى
سيطالك ويطالنى
واذا انت طالبت باستخدامه فقط ضد فئه معينة- فسيستخدم لامحالة ضد الجميع
ولذلك من مصلحتنا ان نتفق على ان نحتمل المخالفين و الايمنع احد الا بحكم محكمة
ونتناقش ونتناقض سلميا وف النور- بدلا من المناقشة فى غياهب الكراهية او المعتقلات
ـــــــــــــــــــــــــــــــــــــــــــــــــــــــــ
التصنيفات : لقطات مصرية ع الاخر-اوعى النار | السمات:الحاد, تدوين, عفريت, علمانية
أرسل الإدراج | دوّن الإدراج
مارس 23rd, 2009 at 23 مارس 2009 12:50 م
أولا أحييك على الادراج المهم
ثانيا عندى سؤال تفتكر لو محدش اتكلم عن الشذوذ والالحاد هل ده معناه انه مفيش شذوذ ولا الحاد ؟ وبعدين هنحارب الشر ازاى اذا مكناش نعرضة ونتكلم عنه
شىء مؤسف انه لسه عندنا عقليات بالشكل ده امنع صادر حرم اسجن هو احنا فى سنة كام عشان بنتصرف بالظلامية والرجعية دى؟
مارس 23rd, 2009 at 23 مارس 2009 1:23 م
ميادة مدحت
شكرا
اعود لقارئ اللى ممكن يبص للموضوع بعين واحدة فاقول
انا لا ادعو الى الكتابة عن الشذوذ والالحاد
هما موجودين من قبل ما انخلق
ولكنى ادعو الى ان نقبل الحرية لنا ولغيرنا وهو دواء مر له اثارة الجانبية
فاذا رفضناها لغيرنا-فنحن نقبل ضمناان ياتى احد اخر فيمنعا
وضربت مثال بجماعة الاخوان المحظورة
——–
واحتفظ بحقى برفض الالحاد والشذوذ
ومناقضتهما
اما الحكم فيكون للقانون والمحكمة وليس لى او لك
——
على ان المشكلة الحقيقية ليست فى فزاعة الشذو والالحاد
بل فى ان كل شئ لايعجبنا نتهمه بانه شذوذ والحاد
ونطالب بمنعه
اى ان الهامش بين افكار اسامة بن لادن واراء اى علمانى يجب ان يختصر بمنع كل الهامش الى ان نصل الى حدود اراء بن لادن فقط
لانها هى الحقيقة المطلقة
ومادونها تخاذل وانحلال
حتى الاخوان المسلمين
-والعالم الاسلامى جرب الاسلوب ده لقرون
السعودية جربت ده حديثا
وثبت انه مش نافع-بسبب حتميات العصر الحديث
وان المنع اصبح شبه مستحيل
فانا كان اقتراحى اننا نعمل نفسنا دعاة احتمال وتسامح احسن
ويترتب على ذلك ان نجتهد فى الدفاع عن معتقداتنا واعادة صياغتهاليكون بالامكان اجتذاب المزيد من المقتنعين- لا الخائفين ولا المنافقين- لها
وانا لا اسميها حربا لما نعتقد انه افكار غلط
انا اسميه صراع
والصراع لازم يكون منظم والا استدعى القتل والجريمة على اساس الفكر والانتماء
واساس اللعبة ان تعمل نفسك مستحملنى وانا كمان مستحملك
ونتصارع بشكل منظم
بغرض ان اجتذب مزيد من الناس لفكرتى
واحرمك من جمهورك
وده طبعا شئ صعب ومحتاج وقت
لذلك فاحنا اتعودنا انه بدال ما اصارع فكرك- احاول اقتلك معنويا-مادمت قد امنت العقاب
واذا سمحت الفرصة - وامنت العقاب- طبعا لن ارتدع عن ان اقتلك فعلا
والعراق وغيره اثبتوا اننا قد لانرتدع عن استخدام القتل او الشنيور- الدريل- فى لحم الانسان الخصم فى محاولة لاقناعه او لتخويف الاخرين
وانا بصراحة مش شايف اى مانع يمنع من يعتقد انه وكيل الله عن استخدام هذة الاساليب ضد خصومه مادام يعتقد باه الله متعطش للدماءلهذة الدرجة(قل تعالى الله عما يصفون)
ولا ارى مانع لدى هؤلاء من ان يستخدموا الشتائم والتكفير والتخوين وغيره- ماداموا يظنون بالله هذا الظن وانه سيحب ذلك منهم ويرضاه(قل تعالى الله عما يصفون)
مارس 28th, 2009 at 28 مارس 2009 12:43 م
الفيل
…………
الأخت ميادة
شايفة ان اللى بيطالب بالمنع , حتى لو عن طريق المحكمة زى منت بتقول
يبقى متخلف وظلامى ورجعى
؟؟؟؟؟؟؟؟؟؟؟؟؟؟!!!!!!!!!!!!!!!!!
يا سلااااااااااااااااااااااام
انا بسألها وكل الناس معاها سؤال مباشر
عشان نبطل هرتلة حوالين حكاية (الحرية المتلكة !!) …أقصد…الحرية المطلقة ..حرية الهلس …أقصد..حرية الابداع
السؤال بيقول :
القنوات الاباحية على الدش
حصضراتكم بتشفّروها ..يعنى …((بتمنعوها))..فى بيوتكم ..ولا بتسيبوها ..عشان ((المنع )) تخلف وظلامية ؟؟!!
المواقع اياها على النت ..بتسيبوا عيالكم يتفرجوا عليها ؟؟!!
ولا بتمنعوها ؟؟!!!!
واخدين بالكم
بتمنعوها !!!
اللى رافض المنع يا اخوانّا …يقدر يهاجر لمكان تانى مفيهوش تخلف ورجعية وما بيمنعش اى حاجة ..مهما كانت
يا..
متحضرين !!
وعلى فكرة الكلام موجّه للجميع .
مارس 28th, 2009 at 28 مارس 2009 4:00 م
يااستاذ عادل
الله يكرمك
واصله الامور معاك ومع غيرك لدرجة
—-
اللى رافض المنع يا اخوانّا …يقدر يهاجر لمكان تانى
———
يا اخى
الجماعة كانوا اكثر سماحة منك وهاجروا هم مع تنظيم التكفير والهجرة
على اساس انهم لما يتمكنوا يرجعوا لحكم المجتمع بالسيف
———-
ياعزيزى
امنع القنوات اللى انت عاوز تمنعها فى بيتك- محدش ضد ها النوع من المنع
دا قرارك
انت انسان كامل
ومعلق من عرقوبك
ولكن للاخرين ان يتمتعوا بنفس حرية القرار
واا قرر ملايين من الناس الامتناع انا مش هاكون زعلان
واذا شاهدها 3 فقط انفار حول العالم برضة انا مش هكون زعلان
دا قرارهم
وعلى مسئوليتهم
———
وماحدش هنطرده م البلد
هى دى المعادلة
تقبلها او ماتقبلهاش
انت حر
فكرة الوصاية الالهية والاجبار اصبحت ملازمة للثقافة العربية بشكل مش معقول
والاختيار
مارس 28th, 2009 at 28 مارس 2009 6:02 م
الفيل
بعد اذنك بس بلاش كلام كبير مش فى موضعه
تكفير وهجرة ايه اللى بتتكلم عليهم
وفين الوصاية الالهية اللى بتتكلم عليها ؟؟
الكلام واضح زى الشمس
فكرة المنع من اساسها ..دة محور الحديث مش حاجة تانية ..ولا انت مش مركز واهى فرصة للخناقات وتصوير اى كلام فى الدين على ان تطرف وارهاب طالما مش عاجب سيادتك ؟؟!!!
انت بتقول المحكمة تمنع
يعنى فيه منع ؟؟!!
صح ؟؟
متفقين اهوه !!
ونا موافق على اللجوء للقضاء ..مش للسيف اللى محدّش جاب سيرته غير خيالك اللى بيصوّر لك ان بقول حاجات معرفش ان حتى (لمّحت) الياه امتى فى حياتى ؟؟؟؟!!
المحكمة …موافقين عليها !
حكاية بقى الوصاية …مش عادل حجازى اللى بيعملها ..عشان اناواحد على باب الله
الأزهر يعملها ..وهو أعلى مؤسسة دينية
العلماء اللى (فاهمين) همّا اللى يمنعوا
القضاة زى اختيارك ماشى
لا فيه وصاية من العبد لله ..ولا حاجة !
ونا مطردتش اى حد من البلد عشان من دعاة (( الحرية المتلكة ))
لأنى مش رئيس دولة !!
اللى مش عاجبة وصاية القضاء ..أو الأزهر ..تااااااااااااانى
مع السلامة ..من غير اجبار من حد ..يرحل من البلد دى
من (البدو ) بتوع (الصحرا)…واخد بالك !!
يرحل مع الف الف سلامة لبلد مفيهاش منع
فيها
حرية
متلكة
!!!!!
اللى جوّا بيته بيعمل اى حاجة ورا الجدران ..يعمل اللى يعمله
ربنا ستّار .
لكن تكتب كتاب تدعو فيه للالحاد …ولا الشذوذ …وقول فزّاعة الاسلاميين زى ما يعجبك …, اللى يدعو للكلام لازم يقف عند حدّه
مين اللى يوقفه عند حده ؟؟
القضاء …زى منت اخترت …أو الأزهر…أو هيئة كبار العلماء
……….
أظن واضح الكلام ..ومفيهوش اى معانى جانبية .
وعلى فكرة
احنا مش مختلفين صدقنى
انت مع المنع ..بس عن طريق القضاء ..ولا ترفض الوصاية طالما رسمية , وصادرة عن جهات رسمية , وليست خاضعة للأهواء والميول .
كلام زى الفل
لكن رفض المنع على الإطلاق …والحرية المتلكة !!
محدّش يوافق عليها
الا اذا كان فعلا ..بدائى وهمجى وظلامى .والاتهامات الحلوة اللى بتتقال على اى حد بيتكلم فى الدين !
ونا هنا ما باتكلمش عن نفسى !
لأنى مش مفتى الديار
لكن
افتكر (الهوجة) اللى حصلت لما رواية واحد سورى عُشر مشهور اتمنعت
لاحتوائها على كلام لا يليق بالذات الالهية !
والكلام طويل جدا فى هذا الموضوع .
وياريت تكون وجهات النظر بتقرّب من بعض .
لكن حد يشتمنى على هذه المدونة ..معلّش
دة بقى اللى لا هو مناقشة ولا حوار ولا اى حاجة ابدا
عاوز المسألة تبقى مشتمة عمومية بينى وبينك ..فلن يحدث بيقين ,ولن .
لأننى كما قلت لك بصدق ..
أفكّر معك (بصوت عالى ) .
لنعرف ..ونصل معا الى قناعات وحقائق .
حتى لو اختلفنا ..
فيجب أن يسود الاحترام ..
صح ؟؟!!
…………..
مع الشكر .
مارس 28th, 2009 at 28 مارس 2009 6:48 م
هو ليه كل جملة تقول فيها المنع بالمحكمة تجرجر فيها او الازهر او هيئة علماء ماعرفش ايه
القضاء المستقل المحصن
فقط
غير اصحاب المذاهب
اصحاب المذاهب منحازون لمصلحة مذهبهم وبالتالى مناصب المذهب
وهم طرف فى خلاف وليسوا جهة محايدة
وبرضه
ومحدش هيخرج م البلد ياعادل
شيل الفكرة دى من مخك ارجوك
واذا كان فى كلام ميادة مااعتبرته موجها لك شخصيا فانا اعتذر عنه -فى حدود انتكون انت المقصود به- اعتذرعلنا وبدون تردد مادمت نشرته فى مدونتى فانت تعلم انى لا احب التعرض للشخص فى شخصه