احنا اللى عملنا كده
كتبهاالفيل--النت بتتكلم عربى ، في 17 نوفمبر 2008 الساعة: 09:00 ص
ممممم
انا مقتنع اننا احنا اللى عملنا كده فى نفسنا كشعب وكامة
مقتنع ان ثقافة اهدار القانون والطرمخة والتنازل عن الحقوق والطناش والوعى الزائف والنفاق- هى التى قادتنا الى ما تعرضه وما وصلنا اليه
مقتنع اننا عملنا كده فى انفسنا
كتير كتبوا ان صدام حسين قتل 200 الف عراقى فى مقابر جماعية
يعنى هل مطلوب نتصور ان صدام كان بيمسك السكينة ويدبح الف رقبة كل يوم
عشرات بل مئات الالوف من المواطنيين شاركوا بايديهم وملايين طنشوا وطرمخوا
واحوالنا فى مصر
مئات الالوف وبل الملايين شاركوا فى صنعها او الطرمخة عليها
ملايين يهدرون القانون كل يوم واصبح المبدا السارى هو البقاء للاوسخ
فلو تبنى الحزب الوطنى نفس المبدا
ولو استورد وزير مبيدات مسرطنة
هل يستطيع وزير او حاكم فى النرويج ان يفعل بنا مثل صدام او وزير المبيدات المسرطنة
الصرف الصحى متسرب لمياة الشرب فى كثير من المناطق والمنظفات الصناعية انا اعتقد هى السبب الحقيقى لاغلب حالات الفشل الكلوى والسرطان
هل يمكن ان يحدث ذلك فى دولة فيها شعب يراقب و لايقبل اهدار القانون ويطرمخ بل ويشارك ويستمرئ
اوعى يخدعك الكلام طق الحنك بتاعنا - دى حكومة وسخة وحرامية
احنا مستمرئين وموالسين ومطرمخين
وكل واحد موظف عارف انه بيطنش على اشنع المخالفات والاهدار للكفاءات والقوانيين مقابل حوافز 10 جنية وان يسمح له بالتزويغ وعدم الحضور الا يومين فى الاسبوع
ياعم خالد من كام سنة نشرت فى الصحف(الدستور-العربى الناصرى-) وف التليفزيون المصرى عن موضوع مهم
فقد وجدت ان المستشفى التى كنت اعمل بها فى مصر لا تقوم بتعقييم ابر خياطة الجروح من مريض الى مريض بغرفة الطوارئ، وان كثيرا من اغلب_المستشفيات والمستوصفات اعتادت نفس الممارسة مع خطورة مؤكدة نقل امراض مثل الايدز و فيروسات الكبد، وطول النهار الوزارة بتقول عن فيروس الكبد الوبائى واحنا عارفين كويس مين اللى بينشره ومطنشين
يقول لك ابر البلهارسيا بتاعة زمان - لا وحياة امك احنا عارفين وموالسين ومطنشين
فتقدمت بشكاوى للصحف والى نقيب الاطباء و وزير الصحة ومنظمات حقوق لانسان وجمعيات كتير
كنت بابعت حوالى 200 خطاب واميل يوميا معظمها لاقت الطناش وتكلمت كثيرا وحاربت كثيرا
واحب اقول لك من الاول ان سائقى التاكسى واصحاب محال التصوير للاوراق كانوا بيرفضوا ياخدوا منى فلوس دى جزء مهم لازم اؤكده قيل ما اتكلم فى العك التالى
واحب كمان اؤكد ان كل محلات الحلاقة تبدل موس الحلاقة من واحد للتانى
لكن ازاى ان خمسين الف طبيب شافوا وطنشوا وطرمخوا ان الابر تستعمل من مريض لمريضومنهم ااسلفى الى دقنة مشعثه وطول النهار مصدعنا ان الموسيقى حرام ومنهم المسيحى اللى هارى نفسه فى مدارس الاحد ومنهم المثقف العضوى والمناضل بتاع ابصر ايه
كلهم طنشوا واستعبطوا
شئ مخيف
اشنع من الايدز والسرطان
فى جيش اسرائيل كان فيه من رفضوا الخدمة فى الاراضى المحتلة وقتل الفلسطينى وده عدوه اللى بيقول عليه ارهابى ومنهم من دخل السجن دفاعا عن من يعتقد انهم ارهابيين يطلقون الصواريخ على المواطنيين
لكن الطفل اللى اتعور ورايح يخيط الجرح فى مستشفى مصرى لم يسئ ابدا الى الخمسين الف طبيب مطرمخ والمئة الف ممرض وكلهم بيصلوا ومؤمنيين وبيسمعوا عمرو خالد وبيقولوا فوائد البنك حرام والحكومة وسخة وبينادوا بالتغييييير وااننا خير امة اخرجت للناس وانا منهم ومثلهم ولا اختلف عنهم
هنا احنا امام مشكلة اكبر من انا نقول الحكومة مجرمة
دا كان السبب اللى انشاءت عشانة مدونتى
لذلك لما اشوف اتحاد المدونيين يتبنى الشتائم ويدافع عن انتهاك القانون ويطرمخ لازم اتعجب وانا لا اعتبره ترفا
الشتائم هى وسيلة اجتماعية لمنعك من قول الحقيقة ولكى تطرمخ كالمطرمخين-لكنها لاتغضبنى فى حد ذاتها
لكنها سلاح قوى وفعال فى جعل كل التعليقات فى اتجاه- امين- واللى بتقوله صح والا سينالك السب والقذف
لذلك فهى اسلوب مهم ومحورى واى واحد ناوى يقول الحقيقة لازم يحاربها ايضا
واللى مش ناوى يقول الحقيقة بيطرمخ ويقول اصل الفيل زعلان ويا سيد
لا
ماهو فى موضوع ابر خياطة الجروح ده اخد العبد لله- كمية شتائم وتهديدات وبلاوى وتحقيقات وخصومات من الراتب ونقل وتنكيل وكل ماتتصوره ولا اتضايقت لكن عرفت ان الباطل بيدافع عن نفسه بها الاسلوب لكن سلاحه الاساسى هو موالسة وطناش الناس وسكوتهم
من سنتين بدا برنامج التعقيم بجدية فى بعض المستشفيات الحكومية لادوات خياطة الجروح وهو يتوسع طبعا انا لا انتحل فضل كهذا لانى مجرد فرد وتاثيرى محدود مهما فعلت
لكن تخيل لو مليون مواطن ارسلوا خطابات فى موضوع معين- الى جهة معينة
تخيل لو 200 طبيب كانوا رفضوا الخياطة بابر ملوثة
لو 2 مليون موظف رفضوا مخالفات فى مكان عملهم فى يوم واحد بتاريخ محدد وكتبوا اعتراضاتهم فى نفس اليوم فى شكاوى رسمية
—————————————
موضوع سيد مختار واضح جدا
كل اللى حصل انى انتقدت ان سيد مختار نقل موضوعين من النت وادعى انهم من تاليفه وتلقى تعليقات التهانى عليهم
لذلك بقاله 6 شهور بيشتمنى
اقسم لك انى مش زعلان- لكن ساحارب هذة الوسيلة-الشتائم - مهما كان
لانها سلاح فى يد كل اصحاب الباطل
ولابد ان نسعى لتجريد الباطل من اسلحته
ـــــــــــــــــــــــــــــــــــــــــــــــــــــــــ
التصنيفات : جمال مبارك-تاريخ التوريث وكده---سياسة-egypt مصر | السمات:جمال مبارك-تاريخ التوريث وكده---سياسة-egypt مصر
أرسل الإدراج | دوّن الإدراج
نوفمبر 17th, 2008 at 17 نوفمبر 2008 9:45 م
أخيرا …. لقيت حد بيفهم
أخيرا …. فيه حد بيتكلم بعقله وقلبه - مش بقلة أدبه
الله يبارك لك … خليك زي مانت ما تتغيرش
علي الاقل فيه واحد بني آددم في وسط سبعين مليون حاجة
نوفمبر 17th, 2008 at 17 نوفمبر 2008 10:45 م
الاخ العزيز / الفيل
الظاهر انى ورطت نفسى معاك لما طلبت من مكتوب اعلامى بادراجاتك لمتابعتها , عارف ليه ؟
لانى مش ملاحق اتابع ادراجاتك الجامدة , حقيقى كلها قوية ومهمة , حتى اللى ممكن تدخل فى خانة الشخصى خاصة ما يخص خلافاتك مع ” … ” فلان او علان لانها عينة مما يملا حياتنا من موبقات .
مازلت اتابعك واضحك من القلب لتعليقاتك على احوالنا ولهجتك ابسيطى وغير المتكلفة , لهجة ابن البلد اللى فاهم بفهلوة وعلم وبديهة حاضرة , ما يسعدنى فى ادراجاتك تطابق تقريبا ووجهة نظرى فى امور كثيرة .
فقط اهيب باريحيتك ان تذكر صدام حسين بسوء , لانى فى الحقيقة احب هذا الرجل واعتبره رغم كل ما يروج عنه ” اخر الرجال المحترمين ” .
تقبل تحياتى وتقديرى .
نوفمبر 18th, 2008 at 18 نوفمبر 2008 6:35 ص
اطلاقا مفيش شئ شخصى
ازاى شخصى مع حد لا اعرفه ولا يعرفنى
انا باتكلم عن اسلوب تفكير ونمط عقلى سائد جدا
واختلف معك فى صدام-ليس الشخص انا ماليش دعوة بالاموات-
صدام الرئيس هو افراز لثقافة مريضة
نوفمبر 18th, 2008 at 18 نوفمبر 2008 6:41 ص
وحياتك يامجهول الناس كلها عارفة الحقيقة وبتطنش
وكل الكلام اللى انا باكتبه معروف عند كل الناس انا لا اخترع شئ
كل الناس عارفين الكلام ده
لكن بيخافوا يقولوه
بيخافوا من انفسهم ومن الاخرين
الانسان مسحوق الناس فقدت نفسها من الخوف والطرمخة والتنازلات
بييجى واحد ويقول للناس اللى هم عارفينه
ويتحمل شتائمهم
وبعد سنة بتلافقيهم كلهم بيقولوا نفس الكلام علنا
تجربتى ف مكتوب وغير مكتوب علمتنى كده
نوفمبر 18th, 2008 at 18 نوفمبر 2008 11:11 ص
قاسم
انا باكتب وخلاص لان الكتابة وقولة الحق- خلاص