حروب الهبل التدوينى

اورجانوس امير المهابيل

مازلت تستخدم نفس الاسلوب غير الشريف وغير الموضوعى فى انتقاداتك
وهو تقريبا نفس الاسلوب الذى يستخدمه من يهاجمونك بدعوى الدفاع عن الاسلام
انت لديك مقتطف من كتاب فتاوى كتبه شخص ما- هذة الفتوى لاتعجبك
فلماذا تضع عنوانا لمقالك هكذا-

مدة الحمل في الاسلام اربع سنوات
يعنى لو انك ناقد شريف وموضوعى لقلت
فتوى فى كتاب كذا تقول ان مده الحمل اربعة سنوات
ولكان النقاش موضوعيا بان هذا الكتاب ليس هو الاسلام وليس كاتبه كاهنا او متحدثا باسم الله
وفى نهاية كلامك تتساءل
4سنوات اي عقل اي علم اي دين يقول هذا
اى عقل فنرد عليك عقل صاحب الكتاب
واى دين- فنرد عليك مفيش
لكنك مصمم على ان تلوى الحقائق بمزاجك لمزاجك
وهو ما يجعل كتاباتك مخالفة للقانون واظن ان مكتوب قررت ذلك وقد كنت تجادل سابقا وتقول لا ليست مخالفة للقانون
وانت اعترفت بانها مخالفة للقانون بدليل انك طالبت بتطبيق نفس القانون على من يشتمونك يعنى انت قبلت واعترفت بالقانون وطالبت بتطبيقه
لكن ايضا نجد بوضوح ان كلامك وكلام مهاجميك يفتقر للموضوعية والشرف والامانة وليس فقط مخالفته للقانون
والافتقاد للموضوعية يعنى الباس اشياء من خارج الموضوع عليه
اكرر انت تنتقد فتوى فى كتاب وتقول ان الاسلام يقول كذا وهو غير حقيقى لان الصحيح ان صاحب الفتوى يقول كذا وليس الاسلام هو الذى يقول
وانت تعرف ذلك ولكنك ستبرره بشوية كلام فارغ من نوع ما هم اللى بيقولوا اصل هو اللى قالى
وكونك تعرف ذلك -يعنى افتقاد ماتكتب الى الشرف والامانة
وهو مايميز ايضا كتابات من يشتمونك
انت فتحت جبلاية قرود فى مكتوب وجعلت من بعض المهابيل مجاهدين
رميت لهم احلى هدية يتمنونها فى حياتهم
خدمتهم خدمة العمر

المراهقيين بيحبوا كده قوى عشان يتصوروا انهم انجزوا شئ

افتقاد القدرة على الابداع وانعدام الحيلة والعزيمة تدفعه لان يصوروا لبعضهم انهم انجزوا شيئا مهولا

البشر اللى هو بشر قادر على الابداع والابتكار والمواجهة حتى ولو الفيت على بلاده عدة قنابل نووية مش حته مدونة خايبة

فى حالتنا انتصرنا فى مواجهة الهبل بهبل اعظم منه وهنا عندنا كفاءات نحسد عليها وطبعا انتصارنا امر محسوم

واحد من المدونيين هدد اورجانوس بعدم دخول المدونة والا- اتيناك بجنود لاقبل لك بها
وبعض من يطالبون باغلاق مدونتك- يطالبون بذلك على اساس ان تظهر واحدة غيرها ليعيشوا وليربحوا ويسترزقون على حسابها ويحصلون على اشباع نفسى لامثيل له
احلى حاجة لما تلاقى الواحد زى المسلسلات التاريخية ناس لابسين ابيض وطيبين وناس لابسين اسود وشكلهم يخوف وهم دول الكفار ولاد الكلب
وهو يشتموا فيك وانت طبعا عايش فى عصر الاضطهاد من بشاعة المسلمين
لا ياحبيبى مدونتك لم تجتذب جهادا الا من بعض المهابيل اللى استجابوا للهبل اللى انت بتكتبه ببطولات وعنتريات اهبل من هبلك

لانهم عاوزين يتصورا ان الهبل بتاعك يسئ للاسلام
اطلاقا كلامك اهبل ولايسئ للاسلام فى شئ ولكنه ضد القانون ويسئ للمجتمع كله
لانه استدعى المهابيل من كل ناحية لعمل شابورة عظمى وكان المسالة بجد وهى لاتزيد عن كونها حرب الهبل والعبط وعيال بتلعب ومتصورين انه ده جهاد وصراع اديان
وانت واحد ممن يتصورون ان كام كلمة قاسية او وقحة على الانترنت فى مدونة ستغير العالم
مش حقيقى
لكن انتوا لبيتم لبعض احتياج نفسى
احساس طفولى بالاندماج فى بطولات وهمية وحروب احلام اليقظة
وبدلا من الاستمناء الذاتى بتاع التدوين لقيتوا اللى يساعدكم فى الوصول الى نشوة البطولة المزعومة والدور الحلم والابداع المفتقد والتاثير الضائع
اسلوبك استدعى دورا هائلا وزخما لهبل بعض المدونيين
وهو ده اللى انت كنت عاوزه
عشان تقول شوف المسلمين بيعملوا ايه وهم يقولوا شوفوا النصارى بيعملوا ايه
مع ان واضح جدا انك لم تستحوذ بهبلك المنفرد-لم تستحوذ-على الهبل الا من عشرة عشرين مدون

وانا اشهد لك بامارة الهبل فى جبلاية مكتوب

احنا ميزتنا اننا بنشوف الهبل وكانه شئ عادى يعنى

انا تحدى اننا نلاقى فى اليابان او اى دولة متحضرة هبل زى هبلكم

تخيل لو مركز دراسات علمى عالمى بيراقبكم انت وهم وبيخترع لنا مقياس للهبل زى مقياس ريختر

واتحدى لو وضعنا مكان كل منكم طفلا فى العاشرة او معوقا عقليا او عضوا فى جستابو النازى او عميلا فى المخابرات الاسرائيلية يكلف بمحاولة تخريب هذة البلد

تخيل لو وضعنا كل نموذج من هؤلاء مرة للتجربه مكانكم