وكتب التاريخ كتب تاريخ
والشئ اللى انا متاكد منه ان مفيش حد مننا عنده ختم على كتابه من المصدر
وان الايمان بالدين ده او ده- تعتمد اساسا على الوراثة-اللى بتعمل نوع من المزاج والكيميا فى المخ اللى بتخليك اميل لدين معين من دين اخر
دا فى اغلبية الناس- ولو قعدت تقول للصبح ان الدين ده غلط- مفيش فايده
وفيه اقلية امنوا بالقراءة المتفحصة للكتب كلها بالاضافة لايمانهم الوراثى
وفى كل الاحوال- انا مش شايف ضرورة ولا نتيجة للتسويق بتاع- على فكرة يا احباب- دينكم غلط-الا ان يكون
1-حقد بحقد
2-هبل ابو عبط
3-ان يصبح التعايش السلمى فى وطن واحد- فى مازق
انا عن نفسى قرايت الانجيل-كمسلم- بتركيز شديد واعرف فضائلة-وعشان اقعد الوش فى المسيحيين بدون ذكر الفضائل دى- يبقى انا داخل فى الابواب التلاتة اللى قلناها
واللى مش شايف فضائل القران يبقى برضه كده
لكن عشان اتبلى على كتاب مقدس عند الاخرين- دى سهلة بس مش مفيدة ولا منتجة
لان العرض بيقى منحاز وتشويهى جدا-وبعيد عن جوهر الدين اللى بننتقده
اعطيك مثال
العقيدة المسيحية- الاقانيم الثلاتة والفداء والخلاص-شئ رائع فلسفيا ودراميا
انما انا مش قادر اقبله -كدين-بكيمياء مخى
مش معنى كده انى اقعد اشوه فيه والعنه
لمجرد ان يصبح دينى رائعا اذا وسخت اديان الاخرين
كذلك فجوهر التوحيد فى الاسلام راقى جدا
مش معقول ان تهيل عليه التراب-لانه كلاهما تراث انسانى وملك البشرية
والمشكلة بتيجى من انه بعد كل واحد ما يتف على دين التانى- مطلوب ان نتعايش سلميا فى وطن واحد وعمارة واحدة
هنا المشكلة
الدين زى امك-حبك لها غريزة وارتباط غير خاضع للنقاش والاثباتات
مش معقول انك تغيرها لمجرد ان اوريجانوس قال لى امك وحشه
ولعلمك انا شفت ناس غيروا دينههم
لابيقى مسلم ولا مسيحى- بيقى حاجة تالته مشوهة
ومابيقدرش بيطل شتيمة فى دينه الاصلى- ابدا-لانه مازال مرتبط به ولو سلبيا
يعنى لو المقصود هو التبشير-من الطرفين- اظن ان التحول من دين لدين نسبته شبه منعدمة- بمعنىانه لايستاهل ان نكسر المجتمع عشانه
انا مش منزعج انك تهاجم الاسلام زى مانت متصور- هاجم براحتك- بس قول لى ايه المستهدف على ارض الواقع
وانت مستغرب انى اتهمتك بالتشنيع-قال يعنى انت مش بتشنع- فيه حاجة اسمها السياق-
ياراجل-عمليات المراجعة ماشية فى كل الاديان
من كام سنىة طلع البابا شنودة بشجاعة نادرة وقال ان المسيح لن يعود لارض- كما يقولون- وان ملكوته فى السماء وهو سيعود لملكوته المعنوى مش لاقامة مملكة على الارض\
والدنيا قامت ولم تقعد واضطر الراجل مايكررهاش
دا تحدى للشائع الشعبى مش بس عند مسيحيى الشرق لكن حتى فى امريكا-ملايين بيحضروا نفسهم لظهور المسيح وبيساعدوا اسرائيل عشان يظهر المسيح فيها
الشائع الشعبى له سلطان هائل
دا حتى الشائع الشعبى عندنا ان المسيح حيرجع ويقيم مملكة لمصلحة المسلمين
كل الكلام ده ليس له علاقة بالدين حتى ولو كان مكتوب فى كتب- انت بتخوفنا بيها وتقول لى المقريزى قال وابن كثير قال- مايقول زى ماهو عايز-وانا لى عقل
انت استخدمت نفس حجة المتطرفين-ALL OR NON
لكن الايمان المدرك مش هيناسبك ولا يناسب المتطرفين- وانت خايف على لاحسن يقتلونى
ياعزيزى فى الاسلام المسئولية العقلية فردية
والمحاسبة فردية
وربنا خلق لكل انسان عقل يقبل اشياء ولايقبل اشياء اخرى

وطبعا مسئول عما اعتقد
وانقطاع الحبل السرى- بقساوة- هو ايذان انك تفكر لوحدك
وحتى التوائم الملتصقه- كل واحد بيقى له تفضيلاته
فالايمان العقيدى لايكون شرطا له ان يكون خلال مؤسسة كالكنيسة او الحاكم