الهجوم كله بيتلخص فى تكنيك واحد وهو التقاط شوية حكايات وقصص من الكتب القديمة والنفخ فيها

مفيش اى هجوم خارج التكنيك ده

يعنى انا مش شايف مناقشة موضوعية لجوهر الاسلام

الاسلام رسالة-اوحى بها الله لرسوله- وهى القران

وفى غير هذة الرسالة فالرسول بشر-لم يحل الله فى جسده- مثلا

فالرسول مات ولم يرفع للسماء مثلا ولن يعود-وبقيت الرسالة-واصبحت المسئولية علينا مش عليه

وهذه الرسالة-القران- حفظت بان الرسول تلاها فى حضور الاف الناس-فى الصلاة وغيرها عشرات المرات

وبحساب ان االاف الناس سمعوها-مرات عديدة -وبحاصل الضرب لعددهم فى عدد المرات- نحصل على مصداقية عالية جدا

وقد تم كتابة نص الرسالة فى حياة هؤلاء الشهود -بالالف

وكان من الصعب بل المستحيل-ان يتم تزويرها

وقد كان لانجاز الحفظ بالكتابة الفضل فى نقل العرب من العصر الشفهى الى عصر الكتابة

والقارئ للقران يلاحظ بوضوح المزاوجة بين لفظى القران- قراءة -والكتاب-كتابة

ويلاحظ ان القران يركز كثيرا على انه يستمد اثبات صدقيته من نفسه–لا من عدد الشهود فقط -من حيث انجازاته فى التوحيد والمجادلة فى ربط الالوهية ب الحق والعدل وغيرها من القيم

بمعنى ان القران-الرسالة لايستمد صدقيته من اعجاز لغوى كما يقولون -بل من القيم التى يعلى من شانها

وكانت المعجزة الحقيقية للقران- فى نظرى- هى نفى التشخيص عن الله

ونفى الملائكية او الحلولية- عن الرسول

ومن قبيل ذلك ان ترى لوما موجها للرسول نفسه فى نص القران-واثباتا لبشريته-وموته- ومسئولية البشر بعده عن فهم الرسالة بانفسهم

دا جوهر الاسلام

وماعدا ذلك كله روايات تاريخية- اغلبها احاديث احاد-راى كثير من علماء المسلمين انها غير ملزمة فى التشريه او غير ملزمة

ممكن تقول مهمة بس مش ملزمة

والاحاد هنا يعنى حكاها شاهد واحد-ومهما قلت لى فى مصداقية الشاهد الواحدبيظل شاهد واحد

انا سمعت الدكتور العوا بيقول ان الاحاديث اللى مش احاد ممكن 400 حديث-والباقى احاد

دا بيختلف تماما عن السنن العملية

لان الوف الناس شافوا الفعل مش شاهد واحد

ناهيك بقى عن القصص والحواديت اللى وضعا ناس -فى عصرهم متخيليين انها تخدم الاسلام- فلما تغير العصر صارت فى احيان كثيرة- غريبة اذا ما ناقشتها انت-مستعبطا- بروح العصر الحالى

يعنى-مثلا لما تقول لى هو الرسول تزوج كام- هاقول لك ده خارج الرسالة -وده بشر عاش بروح عصره- انا ماليش دعوة غير بالرسالة وماليش دعوة غير برسالة الرسول-الرسول مات وبقيت الرسالة

وكل التشوية الاستعباطى-جاى من القصص والحواديت اللى لاتنتمى للاسلام الا كتاريخ يصدق ويخطئ–وليس جزءا من الرسالة اصلا

وكل الاديان عندها كتب تاريخية–يعنى لا تعايرنى ولا اعايرك

فلما تييجى تمسك حدوته تاريخية وتشنع بيها على الاسلام– وتقول ادى المرجع اهو انا باجيب من الكتب بتاعتكم مش من بره

لازم ننتبه ان قوة تشنيعك انما هى مستمدة من ان كتير من المسلمين بيعتبروا ان الكتب دى جزء لايتجزا من الاسلام- الرسالة- مع انها كتب تاريخ لا اكثر ولا اقل

يعنى التكنيك اللى بيستخدمه المتطرفين فى تشوية الاسلام باستخراج افكار ونصوص وحكايات من هذة الكتب- وعرضها على اساس انها هى الاسلام- هذا التكنيك هو نفسه اللى بيستخدمه اللى عايزين يشنعوا على الاسلام

تحديدا المشكلة هى فى اعتبار ان الكتب دى جزء من الاسلام مش من التاريخ

هى دى المعضلة تحديدا

واحد متطرف يقول لك الكتب دى بتقول الموسيقى حرام ورضاع الكبير ونقتل كل من هو ليس مسلما-يبقى الاسلام كده-

واالتانى يشنع من كتب التاريخ ويقول لك السيدة عائشة عملت ايه وعمرو ابن العاص ابصر ايه-يبقى الاسلام كده

الاتنين بيشنعوا

والاتنين-المشنعين- متمسكين حتى الموت بان الكتب دى هى جزء من الاسلام-ويرفضون ان تكون جزء من تاريخ يخضع لظروف كتابته فى عصور سحيقة

ثلاثة ارباع مشاكلنا –جاية من الكتب دى- شوف مثلا سنة وشيعة

-وكل التشنيع جاى من الكتب دى

انا عارف ان كلامى لن يعجب لاهؤلاء المشنعين- ولا هؤلاء

بس هى دى الحقيقة-اللى مش عاوزين نشوفها بحسم

مرة وللابد

الرسالة رسالةنميزها لوحدها بوضوح وشجاعةوبدون تردد او تلاعب بالالفاظ-مرة والى الابد

- والتاريخ تاريخ

نناقشه ونقول للراوية جبت الكلام ده منين

والكتاب ال300 صفحة يتلخص فى 3 صفحات

ونتخلص من كل اللى مالهوش فايدة

وكل اللى مش معقول

عملية الاحياء الدينى لازم تجتاز العقبة دى

العقبات التاريخية اصبحت بتعوق فعالية الرسالة نفسها وخلتنا امة مكسحة

واحد غير مسلم مبتهج بالتشنيع على ان احد الشيوخ راجع مايقال انه- اسماء الله الحسنى

يااخى فى الاسلام نقدر نراجع ونستبعد كل ماهو غير اسلامى واختلط بديننا عبر العصور-لان الرسالة بتاعتنا واحنا المسئولين عن فهمها -مش الكهنة بس هم اللى يفهموا لنا

كل فرد مسئول عن الفهم بفرديته

عندنا-بعضنا- الشجاعة دى

ورينى عندكو تقدروا على ايه-ونتحاسب

والا يعنى الخرافات التصقت بتاريخنا احنا بس

يعنى لاتبتهج قوى- دى علامة حيوية-وحياة

——————————