موسيقى الدب
كتبهاالفيل--النت بتتكلم عربى ، في 8 أكتوبر 2008 الساعة: 09:12 ص
طلعت أدب
نزلت أدب
وطالع نازل
أقزقز لب
أردب.. أرادِبٌْ أرنب.. أرانِبٌْ
وده كله ده كله في بطن الدِب
وكمثل الدب كمثل الدِب
يجب في جبْ
يعبي في عِب
طلعت أدب
نزلت أدب
طلعت أدب
أدب دبيب
ونزلت أدب
سبع سراديب
أنا أخوك الدب مانيش الديب
ومفنجل عيني تقول ده أديب
ولا ده عاشق داب فى دباديب
الحلو اللي بيغطس ويقب
طلعت أدب
نزلت أدب
طلعت أدب البط ما باضش
نزلت أدب أخوك ما قبضش
أنا باستعبط وما باستعبطش
أنا باتلخبط وما باتلخبطش
أنا صاحب رقه وصاحب بطش
تزفر بقي ولا أسب
طلعت أدب نزلت أدب
طلعت أدب برجل وإيد
ونزلت أدب وعيشه بتقيد
ريحت رقبتي من التحويد
وعملت صغير قلت ياسيد
إن كنك مش شايف لبعيد
أعمل زيي علي ظفرك شب
طلعت أدب نزلت أدب
طلعت أدب السقف اترج
نزلت أدب البير اعرج
العالم ماله؟ العالم وج
قال كلت حبيبك.. كلته يا حاج
ويا حبيبي كان طعمك فج
إن كنت حبيب أنا برضه محب
طلعت أدب نزلت أدب
طلعت أدب ولاا الأمراء
ونزلت أدب يا وز عراق
يا حياتي وموتي ولقا وفراق
ويوماتي بتاكل مني في راق
آخرتي شماعه في قصر فراء
ماحاسيبش غير الفرو المجرب
طلعت أدب نزلت أدب
فؤاد حداد
ـــــــــــــــــــــــــــــــــــــــــــــــــــــــــ
التصنيفات : فول وطعمية- رز وملوخية | السمات:فول وطعمية- رز وملوخية
أرسل الإدراج | دوّن الإدراج
ديسمبر 15th, 2008 at 15 ديسمبر 2008 1:45 م
وااااااااو روعة والله يا فؤاد حداد
الله يرحمك ويغفر ليك