1. قاسم غزيز قال:
   أكتوبر 12th, 2008 at 12 أكتوبر 2008 5:17 م

   مبروك الولادة الجديده , يا اخى والله فرحتلك , لأ وفرحت بيك كمان فكرتنى بحالى لما كنت ادور على حرف “ذ” غلبت لما لقيته وكمان الفاصله المنقوطه دى بقى من قلة استعمالها كنت كل مره احتاجها ارجع ادور عليها من جديد .
   
   بس على فكره انا عاجبنى قوى التلقائيه اللى بنتتكلم بيها دى , كده ببساطه ومن غير الضمه والكسره والالف واللام وما الى ذلك وكمان عجبتنى الفكره بتاعتك عن التحشيد الجماهيرى والمقشات , يا ترى نقدر نعملها ؟ ونعملها من غير ما نتساند على على الحيطان المايلة ” الاحزاب والمنظمات وخلافه ” ؟ يا عزيزى شرقاوى كل الدكاكين دى خلاص الجكومه اجرتها من الباطن وممكن تفشل بيها اى مسعى من دلهومه اللى بتفكر بيه واتذكر معايا اضراب خليك فى البيت التانى موش الاولانى “5 مايو” انا شايف انه فشل رغم فلاحنا فى التغطيه على فشله وعايزك كمان تتاكد ان الاخوان كمان كانوا سبب اكيد فى فشله اتذكر السيناريو وقتها كويس .
   
   الخلاصه : ما تعتمدش كتير عليهم ولا على احزاب ولا حتى نقابات ومنظمات اهليه , عشان زى ما قلت ليك ” .. ” …
   
   اتقفلة الدنيا ؟ لا طبعا لكن وليك ولى ولكل المدزنين اللى بيحترموا نفسيهم ما فا ضلشى غير الطريقه طويلة النفس ؛ طريقة الانبيا والمصلحين : ازرع وسيب غيرك يحصد , يعنى ما تنتظرشى نتيجه سريعه …
   
   الكلام ليه بقيه بينا ممكن تتوقع عودتى ؟؟؟؟؟؟
   

2. الفيل--النت بتتكلم عربى قال:
   أكتوبر 12th, 2008 at 12 أكتوبر 2008 6:47 م

   باقى ان الناس اللى مصالحهم مهدرة يطالبوا بمصالحهم بانفسهم ولاينتظروا مخلصا او منقذا يشتم لهم فى الحكومة

   اللى بينصر بينصر نفسه لنفسه
   
   الناس سايبة حقوقها لمن يستولى عليها
   
   لازم اصحاب المصلحة -الناس العاديين ياخدوا قرلارهم بالدفاع عن مصالحهم
   
   الفكرة ملك الجميع ومودعة فى ضمير الناس
   
   كل الناس بيقولوا -طفرنا بس هنعمل ايه
   
   الاحزاب هلاسة والحكومة بتستعبط والظروف وحشة وامريكا وحشة هنعمل ايه
   
   لا تقدر تعمل كتير وتنصر نفسك
   
   ممكن نبدا بان نهش الدبانة اللى على وجهنا-فكرة سهلة
   
   وهنطرح افكار زى دى كتير
   
   فى فرق انك تنادى بالتطوع لتحرير القدس وانك تنادى بتنظيف الشارع اللى احنا ساكنيين فيه
   
   الاول هتلاقى ناس كتير متطوعين عشان بنبقى عارفين ان مفيش حاجة
   
   والتانى بجد وسهل وبسيط ومقتحم ونافذ- عشان كده ممكن نتردد
   
   الفكرة بتطير عبر الايام والسنيين
   
   نودعها ضمير وتصرف الناس
   
   وده قرارهم -محدش هيحل لك مشكلتك
   
   والمسالة محتاجة وقت عشان الناس تكتسب ثقة فى نفسها وفى قيمة الانجاز الصغير فى التمسك بمصالحهم لان الطريق طويل
   
   الصبر
   
   والصبر املك من زمام الخيل

اكتب تعليــقك

يجب ان تسجل الدخول لكي تتمكن من التعليق