بيقول لك دى نهاية عصر الراسمالية اللى عرفناها وبداية عصر الراسماية اللى مانعرفهاش

وكل اللى حلفوا بالطلاق  ضد تدخل الدولة -دلوقتى بيقولوا خلاص خليها تتدخل

وبيقول لك دى نهاية عصر العولمة اللى بيقولوا عليها-بدات وانتهت كده واحنا قاعدين

وبيقول لك دى نهاية التفرد الامريكى والقطب الواحد وهيبقى عندنا قطبين تلاتة كنوع من الونس

وبهذة المناسبة دارت كل المواتير فى امريكا واروبا لطباعة تريليونات الدولالرات واليورو- -لضخها فى الاسواق

مجرد مليارات من اوراق النقد-دون رصيد-وستشترى مقابلها سلعا وتبيعنا مقابلها التضخم -قول اشترينا

ومدخرات  وثروات شعوب العالم الحافية- هيقسموها معانا-بطباعة المليارات- كنوع من التضامن والتكافل

كل الدول العربية الغنية دفعت مئات المليارات للبنوك اللى بتفلس عشان تفلس-قرضا حسنا لايسترد-لوجه الله تعالى ولا من شاف ولا من سمع

ودلوقتى بيقولوا نعمل مؤتمر ونعمل لجنة

وهيعملوا نظام نقدى واقتصادى جديد بدلا عن النظام اللى باظ

ويشاء السميع العليم الا ان يخرج منها الرئيس بوش وقد خربها وقعد على تلها

كل ده بفضل دعا الولايا- الباليستى العابر للقارات

مسالة معروفة تاريخيا- ان اى امبراطورية بتدخل منطقتنا بيتخرب بيتها خراب لايعمر

والمهم الايؤثر كل ذلك فى مسيرتنا

واحنا مالنا