تواصل انسانى
كتبهاالفيل--النت بتتكلم عربى ، في 12 سبتمبر 2008 الساعة: 10:50 ص
الاستاذ الفاضل د. محمد الشرقاوى صاحب المدونة دى - دام
بعد التحية والذى منه
وبصراحة كده وعلنا وعلى بلاطة وبدون لف ودوران وبعد تفكير طويل
احب اقول لك انى ارفض كلامك لى وتحذيرك جملة وتفصيلا-وسارد عليه ردا تفصيليا جدا- واستطرد قائلا- زى مانا عاوز
هتقول لى كده علنا مش ع الماسنجر؟- هاقول لك علنا وانت اللى بدات
لان اللى يدون مايخبيش ضميره
وانت لم تدون كلمة ولست مدونا- واللى ايده فى الميه مش زى اللى ايده فى نار الصراعات الفكرية مع المالوف والمعتاد والمكرر والبطيخ
يعنى ايه تطلع فجاءة كده وتعنفنى على اساس انك صاحب المدونة-يعنى ايه صاحب مدونة -هى صيدلية والا محل بقالة
المدونة لمن يزرعها-وافهمها زى ماتفهمها
تييجى تقول لى مش عاوزين خناقات-وكانى مسئول عن كل واحد قبيح لسانه نجس مايعرفش غير الشتيمة
تلك المناقشات التى لو عف المشاركين فيها عن الشتائم-لصارت حوارات راقية
لكن المشكله ان بعض الناس لايجدون مايقولونه للاقناع فيشتمون
دا جزء من واقع حياتناا وثقافتنا-لازم نصارعة ونثبت انه فاشل
الصراع جزء اصيل فى الحياة-
واى واحد هيكتب فى موضوعات خلافيه- هى محل صراع سيدخل -بارادته- فى دائرة الصراع
وفيه ناس دخلت مش قصدها لكن انا قاصد
فيه مدونيين كتير تركوا التدوين كليا او جزئيا بسبب الشتائم- والصراعات
وانا مش فاهم اللى جاى التدوين بشرط الا يدخل فى اى صراعات فكرية- ويفاخر بذلك- مش عارف هو بيدون ليه-لما يعنى مفيش مشكلة -والحياة بنبى كده- جاى عاوز ايه-جاى يرتاح والا ايه
يعنى لازم اكتب عن حبيبتى فى الافق الالزوردى و بنت تكتب عن الندل اللى حبيته ومجاش-لازم كده عشان ترتاحوا
والا تحب اكتب لك- عزيزى القارئ- ايهم يضحكك بمجرد ان تراه-وتحس انك مقبل على سهرة مرحة- عادل امام والا سمير غانم والا القذافى-اكتب لنا رايك وهات ياتعليقات -
بيقول لك تواصل انسانى
يااخى كلم اصحابك ف التليفون وسمعهم ال هههههه بدل ماتكتبها
التدوين تسجيل
زى الفراعنة ماكانوا بيكتبوا على جدران المعابد- سيبقى كلامنا فى النت للابد
مش عارف ايه جدوى تسجيل هزارك مع اصحابك
التدوين تسجيل- تواصل فكرى مش تواصل فرفشة
والتواصل بالنت مش انسانى -دا افتراضى ووهمى
لذلك فهو لايناسب الا الافكار المجردة عن التشخيص
يعنى ماتقوليش صديقى من النت- مفيش صداقه على النت
عاملين زى العيل الصغير-5 سنوات اللى لسه بيمص صباعه
الصداقه بتكون للبشر مش للكى بورد
لما اكلمك اشوف عينيك وملامحك او اسمع نفسك فى التليفون
اكلم انسان حى
دا التواصل الانسانى
اى محاولة للاستعاضه عنه بتكتكة ع الكى بورد- تؤدى الى انك تقول عنه تواصل وهو مش تواصل لانه لايحقق لك اى اشباع
عمال بتمص ابهامك ليل ونهار-ولا عمرك هتشبع-
النت لايصلح الا لتواصل الافكار والمعلومات -كتحدى للجغرافيا وللزمن
اصبح التراث الانسانى كله موجود على النت من العصور التاريخية الاولى
لكن التواصل الانسانى
ياسلام يعنى انت عايز تفهمنى ان افراد اسرتك كلهم ماتوا-بعد الشر-او انك عاجز عن التواصل معاهم-لان التواصل هنا جهد ومسئولية- وعاوز ناس يزغزغوك ع النت- ما احلاك
يااخى عندك الشقة اللى جنبكم روح خبط عليها وقل لهم رمضان كريم انا جاى اتكلم معاكم شوية
بس يكون جوزها موجود ياسى عادل
التواصل
زملائك ف الشغل-صاحبهم- اتخانق معاهم
اى انسان
والا المقصود عندنا ان التواصل الانسانى يعنى النفاق اللى هيبقى بايخ قوى لو مش ع النت
تخيل واحد بيقول لواحدة ما ابهاك ايتها المدونة الرائعة-بيقول لها كده فى الشارع
عندى ابنتى الطفلة تموت فى الكتابة لصديقاتها ع الشات والماسينجر بالساعات
يابنتى صحباتك دول كلميهم فى المدرسة طول اليوم- طيب اطلبيهم فى التليفون- روحى زوريهم
طيب افتحى ميكروفون الماسنجر وكلميهم زى التليفون
تقول ماينفعش يابابا
الهبل بتاع الكتابة على الشات لو اتقال كلام هيبقى عبيط قوى
————-
ونستكمل بعدين
ـــــــــــــــــــــــــــــــــــــــــــــــــــــــــ
التصنيفات : مكتوب عليا أبص لفوق | السمات:مكتوب عليا أبص لفوق
أرسل الإدراج | دوّن الإدراج
سبتمبر 12th, 2008 at 12 سبتمبر 2008 11:59 ص
الفيل
افهم حقك فى الرد
لكن تغيير كلمة السر
والاستيلاء على المدونة بهذا الشكل
امر مرفوض
اما ان نتفاهم
واما سالجا لادارة مكتوب
لن تستطيع نزع اسمى فوق كل ادراج كمالك لهذة المدونة يرثها ابنائى من بعدى
كان عندهم حق اللى حذرونى منك
سبتمبر 12th, 2008 at 12 سبتمبر 2008 5:13 م
انت تعرض التفاهم
وانا قبلت
وكل ما ستكتبه سينشر هنا
وطبعا بدون رقابة
لان انت اللى علمتنى ازاى اقول كل اللى انا عاوزه دون شتائم
فليكن خلافنا وصراعنا دون اى تجاوزات
انا سعيد برد فعلك الاولى
رغم مانسبته لى من التنكر لك كاستاذ لى والاستيلاء على مدونتك كما تقول
فلنختلف- رغم ذلك- باحترام