كام مدونة عندنا فى مكتوب تعتبر مدونة صحافة شعبية

الصحافة الشعبية يعنى خبر
والخبر يعنى صحفى
وحاليا يعنى كاميرا
ومدونات الصحافة الشعبية يعنى خبر وكاميرا
ودا شئ يترتب عليه جهد ومصاريف ومسئولية
لكن مصداقية الصورة تعادل مليون مقال من اللى احنا بنكتبه
والخبر ولو صغير اهم من كل التحليلات
انا كان اقتراحى ان نشجع الشباب على مستقبل افضل للتدوين مما فعلناه نحن
وان يستبدل- يوازى-تدوين- لوكلوك لوكلوك-وههههه-بتدوين صحافة شعبية ورقابة شعبية حقيقية -كأمل وحيد لبلادنا
كاميرا- وتجيب لنا اخبار الحى او القرية او جزء من المدينة اللى انت ساكن فيها
مفيش وكالة انباء ولا صحيفة ولا الجزيرة تقدر على كده
الاف -الكاميرات والمراقبين النشطاء
مفيش حرامى هيعرف يعيش فى البلد دى
ومفيش مسئول مهمل هيقدر يستمر
صورة عيال بياكلوا من الزبالة- او خراب فى موقع ما- وطبعا لن نحتقر اى شئ ايجابى بالصورة مش بالكلام
هى دى الصحافة والرقابة الشعبية
وهى الامل الوحيد فى مشاركة الشعب ونشوء مدونات تحمل هم القرى والنجوع والمدن والاحياء والمدارس والجامعات
صحافة خبر
خبر يمس الناس
خبر يحفزهم على الرقابة والمتابعة المشاركة واخذ مصيرهم بايديهم