بكره- يوم مفصلى فى تاريخ  البشر-البشر

الدنيا كلها متوجهة لهذا الحدث-فى جنيف-ماعدا احنا

اكبر تجربة علمية فى التاريخ استغرقت سنوات من الجهد والفكر والانشاءات ومليارات الدولارات

التجربة شارك فيها 7 الاف عالم-لامؤاخذة- واستلزمت انشاء جهاز معجل-على هيئة نفق 27 كيلومتر تحت الارض-المعجل ده شغلته -يقذف الجزيئات الصغننة- لتصطدم ببعضها بسرعات هائلة-عشان نشوف هيحصل ايه

عكس انشطار نواة الذرة فى قنبلة نووية– المطلوب هنا اندماج الذرة- يعنىاندماج برتونات فى ذرات اخرى

ده نفس اللى حصل فى الانفجار الكبير اللى نتج عنه الكون حسب راى العلماء

التجربة ستظهر نتائجها بهد سنة

وهى تختبر عدة نظريات فى الفيزياء- لكن اهم شئ انها قد تكشف سر طبيعة المادة

مش زمان كانوا بيعلمونا ان المادة لا تفنى ولا تخلق من عدم

طيب من ايه اتعملت المادة اصلا

يعنى مما صنع كل شئ-كل المواد وكل العناصر-اتعملت ازاى

على هامش الموضوع اهتم الاعلام بتحذير بعض العلماء بانه قد تنشا ثقوب سوداء-عدمية- عن التجربة قد تبتلع كوكب الارض فى النهاية-تدريجيا

اغلب العلماء نفوا ذلك- ولكن من المستحسن ان نتحسب ان تجاربا من هذا النوع قد تنتج ثقوبا  وفجوات حضارية سوداء قد تبتلع بعض الشعوب

قلة ادب- مش كده