بعيدا عن الشتائم- ومادام اخيرا قلت الحق ياد. سيد -ان المقالات

منقولة–ردا على السؤال المهم اللى طرحه د سيد مختار

اى صفحة من الانترنت تعتبر مصدر؟

 اكتر من صفحة نقلت نفس الموضوع- على اى اساس نقول ده مصدر

المصدر يعنى المكان اللى انت نقلت منه فعليا وماديا ومباشرة

المسالة مش حماية ملكية فكرية-فقط
وردا على سؤالك ايه اسم الصفحة اللى اكتبهامع المقتبس مادام صفحات كتير بتنقلمن بعضها
الرد بسيط وواضح
تكتب اسم الصفحة اللى انت عملت منها نسخ-كوبى بيست-
ولو تتبعت المصادر هتلاقى الاكثر ثقة وثقلا- موقع اسلام اون لاين- الازهر-مثلا
المواقع دى بتذكر اسم الكتاب والصفحة والجزء والطبعة وكذا
والهدف من انك تكتب اسم اى صفحة- او الصفحة- الموقع الاكثر ثقلا-كمصدر لعملية الكوبى-بيست- الاهدف كالتالى
1-ان تبعد عن نفسك شبهة ان المقصود ان توحى للناس انك من قمت بالتاليف والصياغة لمقال انت نقلت متنه وليس كاستشهاد بفقرة
والاهم انه لما- عندما تتلقى التهانى-لو كنت ناسى تفتكر ان ده مش مقالى ياجماعة دا انا نقلته من مصادر- كدا وكذا وتذكر صفحات النت والغرض الاتنسب لنفسك جهدا لم تقم به- وتحدد ان جهدك هو القراءة والتلخيص والانتقاء-وهو جهد مشكور لكنه مختلف عن جهد التاليف
2-ان تصبح الصفحة الكاملة متاحة لمن يريد ان يقرا باقى المقال اللى اخذته انت او جزء منه او لتتحقق من كلامك ربما اخطات فى العرض-يعنى مثلا عرضت لوجه نظر واحدة مجتزءة والكاتب الاصلى عرض لعدة وجهات نظر-واظن دى الحيلة الاساسية لاورجانوس- يجيب مقتطف صغير وفى نفس الصفحة باقى الكلام المحجوب يناقض مااقتبسه لغرض فى نفسه
-ويقول دى مراجع باسماء كتب ومشايخ- لا ياحبيبى انت نقلت من النت اعطينى اسماء الصفحات لاتحقق من امانة النقل والعرض
هنا احنا بصدد اهم كوارث الاقتباس على النت على الاطلاق واساس تشويه ثقافتنا ولو استمرت سيكون عننا ثقافة مشوهة جدا
3-ان يكون هناك اعتبار للابداع والتاليف- بمعنى انك لقيت شئ اعجبك واقتبسته- مفيهاش حاجة بس اقل تقدير للمؤالف انك تشير اليه فيتشجع هو واخرين ان يبذلوا جهدا اكبر فى تاليف مقالات يحرص الجميع على اقتباسها والاشارة لمؤالفها- لكن بطريقة الاقتباس اللى تساوى بين المؤالف والمقتبس- مين الحمار اللى هيبذل جهد تانى لتاليف شئ او حتى نقل شئ من كتاب الى النت-مادام الاسهل متوفر وهو الكوبى بيست-ليه المبدع يضيع وقته فى التاليف مادام اى مقال بيكتبه يلاقيه منشور فى اربعين موقع دون اشارة لمجهوده- هنا احنا بنقضى تماما على اى جدوى لمجهود التاليف والابداع وبنخلى (كليبات) الكوبى بيست تسود-وبنخرب اساس ثقافة النت باللغة العربية-لان النقل ايضا تعمه فوضى الاخطاء وخلط المنقول بسطور من عندى كما فعلت انت -دون تفريق بينهما وهو امر يخلط رايك وسطرين من عندك براى القرضاوى-مثلا- ومايبقاش القارئ عارف ده مين وده مين- وبينتج كتير ان ينسب للقرضاوى كلام لم يقله نتيجة عدم تحرى الدقه فى النقل من مصدر الى مصدر
ودى كارثة الثقافة العربية منذ قرون واحنا بنعيدها تانى
يعنى الموضوع مش فلوس تدفعها مقابل الملكية الفكرية وان ده مشاع
حتى الكتب التراثية -الشخص او الموقع اللى تعب نفسه بنسخها من كتاب الى النت لازم نقول له شكرا ونذكر اسمه والا هيتوقف- ماديا-اذا انخفض عدد زواره-ومعنويا اذ انه هيحس بعدم الجدوى وعدم التقدير-هنا كلنا خسرانيين والثقافة العربية هتخسر كتير-بسبب فعل تراه انت او تعرضه على انه بسيط ومش مشكلة
4- كل الشعوب بتعمل كده- اشمعنى احنا اللى هنتبنى دعاوى الهمجية والسرقة والاستحلال-مع اننا بنتكلم بالدين كتير
5-المقالات اللى انت نقلتها -مقالات شديدة الدسامة-توحى بان كاتبها من هيئة كبار العلماء- وواحد من كل 1000 قارئ سيكون له الجلد ان يتابع قراءتها-وخلينا صرحاء- لو مقال ثقيل كده باسم الفيل او سيد مختار لن يقراءه احد -الا بالماوس عشان يشوف انت بتتكلم فى اى موضوع ويقولل لك برافو- لكن لو المقال منسوب لمراجعه الاصلية وباسم اصحابه فى مواقع ذات ثقل- اعتقد انه ده هيعطيه فرصة اكبر للقراءة-او هيعطى الصفحة الاصلية فرصة اكبر للرواج- بمعنى انك تكون قدمت خدمة للفكرة والموضوع-بقراء اكتر ومراجعات للاصل اكتر-وتقدر تدعىانك بتساهم فى حركة فكرية- وذيادة الوعى- تقدر تسميها دفاعا عن الدين لو حبيت- لان انا باسميها وعى تشغيل العقل-لان بتشغيل العقل-عقل الدين هيدافع عن نفسه
لكن بطريقتك فى النقل- اعتقد ان الفائدة تعود على المقتبس فقط- بانه يتلقى تهانى
وزغاريد النصر
وهات لى حد غير كريم الجزائرى ناقشك فى صلب مقالاتك
اخيرا وكى ننهى هذا الموضوع
اشكرك لاعترافك ان المتن منقول-وكان لازم تعمل كده من الاول دون حاجة لكل هذة الشتائم
طبعا موقف كريم الجزائرى مهم -بصفته الوحيد تفريبا اللى قرا مقالاتك واظن انه ادرك انها منقولة
وان اسف لو كلامى يضايقك- بس لازم تعرف انى مش مراقب ولابوليس-لكن اعتقد انه كان لازم اثارة الموضوع وكان لازم نموذج- انا كنت عارف من البداية ان المقالات منقولة ومطنش- لغاية انت ماجيت لغاية عندى وفى مدونتى وعملت اللى عملته وكانك بتقول انا متطوع اكون نموذج
انا قلت جيت فى وقتك
طيب لف فى المدونات وغيرها وشوف حجم الماساة
يعنى احنا مش امة من الصوص والهمج عشان نقبل كده ونسكت

وفيه جوانب كتير للموضوع نبقى نعرض لها مستقبلا

المهم——————————

 المصدر يعنى المكان اللى انت نقلت منه فعليا وماديا ومباشرة-مش اعتباريا-وبيعطينى فرصة لتتبع والتحقق-ولو انت حبيت تعطينا من الاول الصفحة ذات المصداقية الاعلى يبقى كتر خيرك
لو كتاب يبقى تذكر الكتاب

لو ذكرت الكتاب معناه انك بتطلب من القارئ ينزل من طنطا الى دار الكتب لاستعارة الكتاب والتحقق-وطبعا اذا كان معظم القراء- باستثناء كريم- لم يتفحصوا كامل النص- فمش معقول هيروحوا دار الكتب- يعنى انت بتقفل السلسلة وبتقطع الاتصال-وهييجى حد بعدك ينقل كلامك بالسطور اللى اضفتها على اساس انها مقال القرضاوى- او مقال للشيخ سيد مختار عالم بالازهر

دى كارثة-ثقافتنا العربية- ماقال لى وقلت له ياعوازل فلفلوا

النت حلت المشكلة- انت استعملتها كمصدر-خلينى احظى بنفس حقك فى المصدر ده

نفس المصدر اللى انت اطلعت عليه- لو سمحت خلينى اطلع عليه -حتى لو ضعيف اعطينى فرصة الحكم باستقلالية- يمكن اكتشف ان النقل غير صحيح 
ولو نت تذكر النت
وكتير من المقالات على النت منسوبة زورا للقرضاوى وغيره
المصدر بيعطينى فرصة للتحقق والحكم على مصداقية المقتبس
وبيعطى للمقتبس مصداقية تقوى فكرتك ودفاعك
شوف كده مقالات سامية عبد المطلب

هنا لازم اؤكد ان كلنا واقعين فى الخطا اللى حاولت انت فقط ان تنكر وقوعك فيه-بضجة وشتائم مهولة-ومش عارف ليه كان الانكار الرهيب ده- كلنا عندنا نفس الخطا

لازم نعترف ان الجريمة بتاعة الانكار والشتائم كانت افظع بكتير من خطا الاقتباس-وكانت تانى محاولة لاخفاء خطا صغير بكارثة كبيرة

طبعا دى سياسة حكومتنا ودى ثقافتنا انت لاتلام وحدك

وعمرنا ماهنواجه التهجم على ثقافتنا وديننا الا باتباع وسائل علمية منضبطة- لان سر قوة اورجانوس هو التلاعب بالمراجع وارجانوس جزء بسيط من الوف الصفحات على النت- يلزمنا تقوية اسلحتنا للرد- لكن الاسلحة الفاسدة تهزمنا ولا تنصرنا

————————————————————

(هذة التعليقات كتبت-فى مدونةكريم الجزائرى فى وقت سابق على وقت ادراجى اعلاه

في08,أيلول,2008  -  01:18 صباحاً, كريم الجزائري كتبها …