هز الاستقرار-بعد لعبة الروليت
كتبهاالفيل--النت بتتكلم عربى ، في 30 أغسطس 2008 الساعة: 10:07 ص
هيثم ابو خليل شاف عبارة مكتوبة ومعرفش يسكت
بيقول
عبارة يشاهدها الكثير من المعتمرين وحجاج بيت الله الحرام في لوحات عديدة علي جنبات الطريق من مكة إلي المدينة وهي مقولة للملك الراحل عبد العزيز آل سعود …
لفتت إنتباهي هذه العبارة في كل مرة أذهب فيها لأداء العمرة لكن في العمرة الأخيرة توقفت عندها كثيراً ..
وقلت لنفسي أي بلاد هذه التي لا يصلحها إلاالأمن والسكون ؟
قد يكون الأمن مطلوب للأمان خصوصاً في الفترة الزمنية التي صدرت فيها هذه المقولة وكانت عصابات قطاع الطرق تمرح في البلاد وتسطو علي قوافل الحجيج والمعتمرين ..
لكن لماذا إستخدام كلمة السكون وهي توحي بالهدوء والصمت المطبق … !!
طيب … وممكن كانت الأحوال أيامها فيها ضجيج ونزاعات ومشاكل والبلاد تحتاج للسكون ..!
لكن ما الحكمة الآن في القرن الواحد والعشرين من الإحتفاء بهذه المقولة ونشرها في طول البلاد وعرضها …؟
لماذا لا يكتب..
هذه البلاد لا يصلحها غيرالعدالة في توزيع الثروات وتداول السلطة…
أو ..
هذه البلاد لا يصلحها غيرالحرية والديمقراطية…
أو
هذه البلاد لا يصلحها غير الإستقلال وعدم التبعية لأمريكا ..
لماذا كان الأمن والسكووووووون .. ولا نفس ولا صوت …
المواطن نفسه غالبامقتنع بالمعادلة دى-ماعدا شرذمة قليلة من التترين ودول بنسميهم طابور خامس وعملاء للديمقراطية ام صهيونية وماسونية
—————————————–
الامن والسكون
دى المعادلة فى كل الدول العربية
الامن- يعنى اجهزة الامن- ودى فى بلادنا العربية مسئولة عن كل شئ حتى انها تخبز رغيف الخبز ومسئولة حتى عن الفكر لامؤاخذة
والسكون يعنى تخرصوا خالص يابهايم ياشعب عوالة-مش عايز اسمع صوت-حتى رغيف الخبز بنخبزه ونوكله لكم فى بقكم
اى اخلال بالمعادلة دى-بذمتك يبقى ايه غير محاولة لهز الاستقرار- يعنى هز الاستقرار بيصب فى مصلحة مين غير امريكا واسرائيل- هم دول اللى بيهزوا غالبا-ماهو بالعقل- واحد معارض بيهز وامريكا واسرائيل عاوزين يهزوا- يبقى اكيد كل الهزازين متفقين مع بعض
يبقى بالاستنتاج كده- المعارضين دول عملاء والا لا
ومع ذلك لو المواطن استعاذ بالله من الشيطان والتتريين اللى بيوسوسوا له- الافكار دى مش هتتملك من نافوخه ومحدش هيقدر يغير له اتجاهاته
طيب من احسن جهة تتعامل مع الهزهزة
طبعا اجهزة الامن-دا الرغيف بتخبزة منعا للهزهزة- ولو ضمنت انها تلغى الدعم من غير هزهزة والله ماكانت عجنت ولاخبزت بمليارات
طيب ولضمان ان الاجهزة دى تعرف تكشف المتهزهزين- لازم الاغلبية تسكت عشان فى السكون بيبان الهزهوز على طول
لكن لو كل الشعب بيتكلم- الهزهوز مش هيبان فى وسط اللغط
يعنى زى ماقالك الاستاذ عرباوى
السكون يؤدى الى الامن
والامن يؤدى الى السكون
———————–
الحكومة بتييجى بانتخابات وقاعدة رضا شعبى قول 60 فى المائة
ولما بتحكم بتفقد الرضا ده شوية شوية فبتعيد انتاج الرضا الشعبى بانتخابات جديدة
وهكذا
والرضا الشعبى بنسبة معقولة كل 6 سنوات مثلا هو اللى بيضمن الاستقرار
وان اللى عاوز يهز -يهز
مفيش حد يقدر يقلب نظام الحكم بجريدة او مدونة
وحتى الاعداء مايقدروش يهزوا الاستقرار
لكن عندنا- مفيش اى دور للرضا الشعبى فى ضمان الاستقرار
عشان كده السكون مطلوب
لان رايكم احنا عارفينه وعارفين انكم قرفانيين مننا-وان رضائكم لن يتحقق الا بتوزيع عادل للثروة
يبقى تخرسوا بقى-عشان الاستقرار مايستحملش نفخة
واى كلام مختلف ممكن يغير اتجاهاتنا ويودى البلد فى داهية
لان البلد -اى بلد- ماشية بكلام شخص واحد هو الواحد الاحد
والمنتفعين حوله
وهو لايثق فى اخلاص اى منهم
ولايريد منهم اى راى- حتى منهم
بدليل حكاية التوريث فى الدول العربية
الحاكم شايف انه لا احد من السياسييين محل ثقة وكلهم خونة
لذلك لايضمن الا ابنه ليورثه لحكم
وشوف الحاكم -فى داخل منطقه- قد ايه بعيد النظر
فى سورية مثلا -توريث- ثم تمر الايام لتثبت ان نائب رئيس الجمهورية- بعد 30 سنة من الحكم واخفاء وقتل كل معارض- اكتشف انه مفيش ديمقراطية
هنا نظام الحكم بيدافع عن نفسه بالتوريث
لانه لايحتمل ان يجئ شخص اخر بعد الرئيس غير الرئيس-ابنه
لانه سينهار-بمجرد فك القبضة
وبمجرد ان معارض ياخذ فرصة لتحليل حقيقى لكون نظام الحكم منهار ولايتحمل مجرد نفخة بعزم حقيقى-فى نقطة واحدة- وهى عدالة توزيع الثروة
وان امريكا واسرائيل هم احرص الناس على عدم هز هذة الانظمة الميته
ـــــــــــــــــــــــــــــــــــــــــــــــــــــــــ
التصنيفات : خصوصى-مرسل مع مخصوص | السمات:خصوصى-مرسل مع مخصوص
أرسل الإدراج | دوّن الإدراج
أغسطس 30th, 2008 at 30 أغسطس 2008 12:27 م
لا تقرأ القرآن في رمضان ..!!!!!!!!!!!!!!!!!!!!!!!!!!!!!!!!
أكيد أن تختم المصحف عدة مرات في رمضان أمر …رائع
وأكيد أن تصلي التراويح أمر ….. رائع
وأن تصلي بالمسجد … وتقوم للسحور …. وتحضر العزومات …
كل ده تمام ….
تعالي نغير هذا العمل في رمضان
لا نقرأ القرآن …. لا نصلي التراويح …. لا نذهب للعزومات ….ولكن
نفعل الآتي :
لانغش
لا نظلم
لانكتم شهادة
لانقول الزور
لانطفف في الميزان
لا نرتشي
لاندلس ولا نحتال علي الناس
لانأكل مال اليتيم والضعيف
نقول الحق
نأمر بالمعروف
ننهي عن المنكر
ننصر المظلوم
أعتقد هذا أفضل من ختم المصحف عشر مرات … وصلاة ألف ركعه …
ويتباهي اللص والمحتال والمرتشي ويقول : أنا ختمت المصحف خمسة مرات في رمضان …؟؟
قبل أن تختم القرآن في رمضان .. إبحث عن الحق الذي ضيعته ..؟؟؟
أغسطس 30th, 2008 at 30 أغسطس 2008 1:31 م
ماهى المشكلة جاءت من قراءة القران بالشفاة مش بالعقل
ولو يعنى مطلوب مننا نشوف عملنا ايه ونقول الحق
لاياعم الجعير احسن