استاذ الفيل النت بتتكلم عربي

مساء الفل اولا واشكرك انك بتخاطبني بالاسلوب ده ووصفك ليا شاعر

كتر الف خيرك

شوف بالرغم اني مش بعرف اكتب بالطلب

لكن انا تحت امرك مادام الهدف جميل

اوعدك وفي اقرب فرصه اعملك المطلوب بامر الله تعالي

اكتبلي حتي الفكره وانا اعملهالك بالطريقه الشعريه العاميه

البيت الي انت كاتبه روعه والفكره روعه

بس تعمل حسابك اني مرووش وبكتب الي بشوفه قدام عيني

اديني افكار وانا بامر الله هشتغل عليها

وكمان قولي البيت ده حد كتبه قبل كده ولا لا؟

اقصد يعني دي فكره من اغنيه دي بدايه كلامها ولا البيت ده من عندك انت

لو من عندك هشتغل عليه زي ماهو كده ولو مكنش هيكون هو الفكره

تحياتي وشكرا ليك مره تانيه

مساء الفل

يا ساده الموضوع في مكتوب أصبح بايخ ودمه ثقيل جداً ..

كل يوم خناقة ومشكله وكل مدون واقف لزميله بالمرصاد علي الواحده ..

وهاتك يا تنظير وتوثيق وفرد ولت وعجن وكمان خبيز علشان يأكل المدون أخوه و,,,,,

الله أكبر …إنتصر عليه وكبسه ودحره وخلص عليه …

وإستخدام ألفاظ غير جيده ….

وإتهامات معلبة جاهزة …

من كل نوع عماله …. خيانه …. جهل …. تخلف …جبن …

وإديلوا …. الكل بيرضي غروره إنه جامد وشديد في التدوين بس للأسف علي زميله …

يا أهل الخير ( حته خليجي )

أرحمونا …. المدون وائل عباس في بلوجسبوت بيقول علي مدونات مكتوب نفخ البلالين

يرضيكم هذا ؟؟؟؟

مش حنقول صلح ولا إعتذار

حنقول هدنه علشان شهر رمضان لغاية ما نشوف حل في خيبتنا الكبيرة في الجدال والفصال والإستطال والإستعراض علي بعض ….

دعوة للدخول علي بعض المدونات في بلوجسبوت خصوصاً الأجنبية وشوفوا إهتمامهم بإيه …

ولا توجد هذه المهزلة والمسخرة إلا حدانا في مكتوب ….

سهل قوي والله إني أشرح مدون زميلي وأجيب مناخيره الأرض

وبعدين ما الفائده..؟؟

شرح وأفضح ووضح ظالم وفاسد وحرامي ومستبد

هذا الموضوع طلب ورجاء أرجوا أن نتقبله جميعاً …

الإساءه والجدال ممنوع من اليوم لغاية العيد ولنا عوده

سيبونا ندخل رمضان بقلب سليم ….

ممنوع من اليوم ….بنقول من اليوم ….

أسكت بقي ….أرحمونا …..

طاهر

ده مش طلب شخصى\\

دا المعنى هو اللى بيطلب

اربع كلمات اترصوا حنب بعض ممكن يعملوا مصيبة

المعنى كانك سمعته قبل كدا

طبعا لانك وانت بتقرا القران- رمضان- هتلاقى المعنى دى فى كل سورة تقريبا

المعنى ده هو اللى انا بكتب فيه فى اغلب موضوعات مدونتى-بس مش مباشرة

وهو لم يرد فى اى نص سابقا بالاربع كلمات دول

لكنه مش ملكى-دا جوهر الاسلام-معروف جدا بس ماحدش بيقوله

تحس ان البيت مش صياغة حد

تحس انه هو اللى عمل نفسه

لتحس انه مالوف جدا-تحس انك انت الى قلته

هو ده المطلوب فى الصياغة

و الله يا أخى قربت أشك فى نفسى ……….

الفيل ده راجل بيفهم … و بيشغل مخه

عنده عقل كويس ..

و العقل أهم شىء فى الانسان

هو الميزة اللى ربنا سبحانه ميزه بيها عن كل الخلق و منها فرض عليه التكاليف و الحساب

ممكن الفيل يكون موش مريحنى فى بعض حاجات

و حاجات تانية اختلف معاه خالص

لكن بصراحة

رغم كل مشاكساته و معاركه لما يغيب بسأل عليه

هو ايه الحكاية ؟؟؟؟

ممكن تقديرى يكون خاطىء للدرجادى

؟؟

و لا ايه الحكاية بالضبط

؟؟؟

كل عمامنا الكبار هنا .. كل سنة وانتم مدونين..

متفائلة جدا بشهر رمضان.. العام الماضي كان رمضان مكتوب رائع .. كله فكر وود وروحانية..

يارب يكون رمضان هذا العام بنفس المستوى..

على فكرة ياعمنا أبو هيثم.. شوية مناوشات أخوية بدون سوء نية .. لا تضر.. وأحيانا تنفع.. لكن خليها بعد رمضان.. وبعدين نفخ البالونات .. له أجهزة متخصصة وميزانيات مهولة على مستوى العالم.. وكل واحد ينفخ البالونة اللي تعجبه .. مفيش حد أحسن من حد.. بس مع مراعاة الذوق العام.. وتطهير النفوس من سوء النية..

بمناسبة تطهير النفوس.. ياريت أخونا الصوفاني يضع في غنوته الشعبية.. سطرين حلوين عن النية.. بيت الخير والشر..

أما عن حكاية القوانين.. انا مش فاهمة من أين جاءت.. غير منطقية.. فالمادة 147 في الجزء العام من قانون العقوبات .. وجرائم السب والقذف في الجزء الخاص يعني في الاواخر..

إلا إذا كانوا بيشرعوا من ورايا.. فيه حاجة غير مظبوطة في الموضوع.. عليك بالبحث في تشريعات سكسونيا.. ولو نيتك كويسة ستجد ما تبحث عنه.. المهم النية

عام عزة وكرامة لنا وللوطن بإذن الله.. كل اللي باطلبه من ربنا .. هو ان يعود لنا أحساسنا بعزتنا وكرامتنا..

تحيــاتي