عبادة صدام
كتبهاالفيل--النت بتتكلم عربى ، في 22 أغسطس 2008 الساعة: 09:16 ص
صبــــــــــــــــــــاح الخيـــــــــــــــــر يـــــــــــا مصــــــــــــــر
معلش حتبقى مصــــــــــــر قلـــــــــــــــــب العروبــــــــــــــــــــــة النابـــــــــــض
جمعة مباركة و اسعد الله كل ايامكم ويسر لكم كل امورك
ونحن معكم انه نعم المولى والنصير ………. فارس ـ بغداد
الطاغية والشعور الانثوي………..
( وعلى هذا النحو كنا نحن المتفضلين بينما غدر بنا المتفضل عليهم ، وساندوا الطاغية
الذي استهتر بنا وبقيمنا وبمبادئنا وبارواح شعبنا الابي .. ومن ثم وبعد سقوطه ارسلوا
الينا فرق الموت الاسود ليفجروا اجسادهم القذرة في وسط الاسواق والجوامع
والحسينيات ورياض الاطفال وتجمعات العمال ، لتجري الدماء الطاهرة كالانهار في كل مدن
العراق ، وتبادلـــــــوا التهانـــــي في يوم واقعة جسر الائمة التي ذهب ضحيتها اكثر من
الف عراقي ، كان ابائـهم واعمامهـم واخوالهـم اول المتقدمين في الجبهات العربية، حباً
بالطاغية ونكاية بأهل العراق …وهكذا قالها الامام علي عليه السلام ( اتق شر من
احسنت اليه ). فهل من صحوة ضمير ايها العرب.)
——————————————————-
الفيل
بص ياعم الله يسترك
عبادة صدام وغيره -غباوة عربية مستقله بذاتها لذاتها
وان تسترت بشبهة موقف معارض لامريكا ونكاية فيها
واعتقادك انها نكاية فى الشعب العراقى- مش صحيح
ببساطة لان العبادة العربية بدات بعد انتهاء عبادة كثير من العراقيين انفسهم لصدام-فالمنتج من عندكم وانتم صنعتموه-كتر خيركم
فالغباوة العربيةلانستطيع اعتبارها موجهه ضدكم لمجرد انه تصادف انكم صرفتم النظر عن المعبود واكلتم صنم العجوة- فعبده قوم اخرون
يزورون قبر صدام بالالف ويتمسحون به طلبا للبركة- هذة حقيقة اذاعتها البى بى سى وليست تشنيعا
العقل العربى وثنى بطبعه
يقدس الفشل والخيبة والعدمية والتدمير-ويعتبرها بطولة
يعنى انا افهم انه تنشا موضة تقديس لاحمد زويل مثلا او فاروق الباز او غيرهم من الذين نجحوا
لكن سيترتب على المثل الاعلى ده- ان الانسان العربى يصبح مطالبا بجهد كادح
ليتشبه بهؤلاء
لكن اذا ماتبنينا صدام كمثل اعلى- فما الذى سيكلفنا
شوية كلام وتباكى وصراخ
والواحد يبقى فى دور لذيذ جدا انه بينافح عن العروبة والاسلام-ضد عملاء امريكا اللى بيرفضوا هذا المثل الاعلى
دى غباوة التشرنق فى ماض تم اعدامه
ماض فاشل خائب مدمر
ومن ناحية اخرى- يتمحور الفريق الاخر -الذى يسبح ليل نهار بشتم صدام
يتمحور حول صدام هو الاخر
يعفى نفسه من مسئولية صناعة الصنم
ويعفى نفسه من مسئولية مافعلناه بعد تكسير الصنم
ويحمل مسئولية افعالة -حتى اليوم-للصنم المدفون تحت التراب
وهل يخرج ذلك التمحور عن كونه عبادة سلبية وغباوة لاتقل عن غباوة عبادة صدام
وهل مكتوب علينا يعنى ان نتمحور- عابدين وكفار–مقدسين وكارهين- حول هذا الصنم
زى عبادة ابليس السلبية- اى بالنيجاتيف ونسبة كل افعالنا له
الشئ الكويس يقول العبده- صدام
والشئ اللى مش كويس يقول الكارهون صدام
ولانبدا شئ الابذكر صدام-عبادة ام كرها
اليست عقدة تملكت العقل العربى وهو غير قادر على التحررمنها حتى اذا اراد-كرها
وقس على ذلك بقية العقد المحورية فى عقلنا العربى
ثنائيات مصطنعة- نتمحور حولها ولافكاك لنا منها-ونظل نلف حولها حتى نتعب
نلف ونلف كالثور فى ساقية بئر ناضب- لا تدر ماء
نطوف بالاصنام ولافكاك لنا منها-عابدين كارهين لها
اما ان اوان التحرر من كل هذة الاوهام
ـــــــــــــــــــــــــــــــــــــــــــــــــــــــــ
التصنيفات : ادراجات محورية-ع المحور | السمات:ادراجات محورية-ع المحور
أرسل الإدراج | دوّن الإدراج
أغسطس 22nd, 2008 at 22 أغسطس 2008 12:31 م
هناك صنم قريب جداً منك لاتحتاج الى سفره او تذكرة سفر ، — دام ضله ، للعلم صدام ادخل الى العراق اكثر من عشرة ملايين مصري بدون فيزة وتحويلاتهم شهرياً في ذلك الوقت مليار دولار تساوي في هذا الوقت مائة مليار بأعتراف الشرفاء من ابناء مصر العروبة ، وهناك مثل مصري جميل اللي اختشوا ماتوا .
أغسطس 22nd, 2008 at 22 أغسطس 2008 12:52 م
يعنى ياحبيبى الاصنام كلها تتشابه-بس صنمكم ماوردش زيه
المصريين صناع اصنام- بس زى صدام محصلش
وبعدين مش فاهم المصريين اللى دخلوا العراق -كانوا بيشتغلوا مقابل رواتبهم والا كانت دعوة سياحية من المهيب الركن
بيشتغلوا-واضافوا كام للناتج القومى
يعنى يستحقوا جزء من ناتج شغلهم
واذا كانوا لم يشتغلوا ولم يضيفوا للناتج القومى- تبقى خيبة من نظام صدام
يبقى فين المنة والفضل
ان كنتوا اخوان اتحاسبوا- نتحاسب
الاجر مقابل العمل وخالصين
سيبك من اللى رجعوا فى صناديق ونعوش- هم دول اللى اختشوا وماتوا
ومن كلامك
يعنى القائد استجلب عمالة بتعداد يساوى تعداد الشعب العراقى تقريبا فى ذلك الوقت- عشان يعادل التركيبة السكانية-وعشان الشعب مشغول فى الحرب مع ايران ياجماعة
جاب شعب تانى
وبعدين راح يحارب فى بلد تانى
وكده
ومش فاهم يعنى ايه من غير فيزة- ولو كان فيه فيزة هتفرق ايه وهتضايق اللى رايح يشتغل فى ايه-يعنى مظهرية فارغة وادعاءات وهمية قال يعنى بدون فيزة لان دى بلدهم مش محتاجين فيزة
ياراجل دا العراقى كان بيدخل ويخرج بفيزة من اجهزة الامن الرهييبة
مفيش فيزة يعنى نقلت الموضوع من وزارة الخارجية-الفيزا- لاجهزة الامن مباشسرة والا كمان لم يكونوا يسجلون فى وزارة الداخلية واقسام الشرطة
انما تقول لى مفيش فيزة- عشان العروب- دى طريقة صدام فى المهيصة والشعارات الفارغة
يابنى الامور لاتمشى باغتصاب الاوصاف- الشرفاء مثلا
الشرف انك ماتخربش بلدك ولا تورطها فى حروب مدمرة
ودى الميزة الوحيدة لحسنى مبارك-وباقى نظامه عيوب
وحسنى مبارك هو الرئيس العربى الوحيد اللى انتقدناه بضراوة اثناء حياته-من داخل مصر
لكن ان ادافع مثلا عن فشل نظام مبارك- ليه
ان تدافع عن فشل وخراب ادارة صدام لبلاده-ليه
هنوصل لايه من الدفاع ده
الفشل-لا احد يقدره غيرنا
أغسطس 22nd, 2008 at 22 أغسطس 2008 3:17 م
الاخ الكريم .. ما ذكرته موضوعي ويحمل في طياته الحقيقة الناصعة … نعم صنع الصنم في
العراق اولاً ولا ينكر احد ذلك ، صنع من ناس بسطاء خدعتهم الشعارات الرنانة والامال
العراض … حتى كبر الصنم وكبر فالتهم عباده … ولكن لكي تحطم الصنم يجب اولاً ان
تاتي امامه وان تدور حوله حتى تحطمه وتظل تدور حتى تحطمه …
اخي العزيز المحترم … لاحظ انني كنت اتحدث عن بعض العرب لا كلهم .وكانت النقطة
المهمة ان ما قدمه العراقيون كان بغض النظر عن الخلافات الداخلية… كنت اتحدث دفاعاً
عن شعبي العزيز الذي اقدسه حتى ولو كان فيه من صنع الصنم …فهو شعبي ولا يحق
لي التنصل منه مطلقاً …
الامر ليس مزحة او نزهة انه يتعلق بقتل الالاف من العراقيين على يد عبدة صدام الجدد
فكان لا بد ان ابقى ادور وسابقى ادور حتى اساهم في تحطيم صورته ، ذلك ما تفتضيه
مصلحة شعبي ووطني .
اما ما قدمه ابناء مصر العروبة للعراق فكان مصالح متبادلة ولم اذكره بين الافضال ، فاجرتهم
كانت في مقابل عملهم وهم مرحب بهم دائماً في ظل العراق الجديد
اعتز بصداقتك .. واعتز بثقافتك
سبتمبر 14th, 2009 at 14 سبتمبر 2009 1:24 م
صدام أشرف منكم جميعا وسوف تعرفون قيمتع يوم تدوس عليكم الفرس وألأملاريكان والصهاينة أسأل الله الخراب والتباب لهذه الأمة التي تحقّر أبطالها
سبتمبر 14th, 2009 at 14 سبتمبر 2009 1:25 م
صدام أشرف منكم جميعا وسوف تعرفون قيمته يوم تدوس عليكم الفرس والأمريكان والصهاينة أسأل الله الخراب والتباب لهذه الأمة التي تحقّر أبطالهاخسارة فيكم صدام حسين وجمال عبد الناصر
سبتمبر 14th, 2009 at 14 سبتمبر 2009 1:45 م
يعنى انت كاتب انك م الجزائر وبياناتك توضح انك من مصر
ومعروف انك كلب من كلاب النت المشهورين
غريبة
ليه التنكر ده كله
والا عشان ارد واشتم فى الجزائر
انت معرفتش انه اتضح انى عميل جزائرى وباقبض من بوتفليقة والجنرالات
والا يعنى نفسك تعمل وقيعة مع سامية يانمس
——————————
ناخد كلامك
اولا-(صدام اشرف) لاشرف لمن خرب بلاده وسلمها للامريكان والصهاينة
ثانيا- (يوم تدوس عليكم) هم داسوا على رقاب عرب العراق بسبب خيبة وفشل وغباوة وامراض السيد المهيب الركن رمز الخيبة العربية المستخبى فى الحفرة
فقيمته احنا عارفينها عمليا مش بالنظريات ولا بالتمنى
ثالثا- ان تتمنى للامة الخراب اكتر من كده لمجرد انهم مش مدركين عظمة معبودك الوثنى-فيعنى ليه ماتتركش لنا فرصه نشوف فيها قادة-ومثال اعلى- تانيين زى احمد زويل وفاروق الباز وطه حسين مثلا
يعنى بس قادة لاتكون اسماءهم قد ارتبطت بشئ مفيد مش بالهزائم والخراب
خلونا ننظر للمستقبل بدون قيود غباوة فشلنا وغباوتنا
صدام حسين مجرد واحد فاشل ف التعليم استقدمه حزب البعث لارهاب خصومه لانه معروف عنه انه يقتل دون ان تهتز له شعرة
ونجح فى ارهاب خصوم الحزب ثم اعضاء وقيادات الحزب
واستلم الشعب والشعب طنش
فقاده الى المهالك
وانت تريدنا ان نظل مسحوبين كالخراف فى نفس حبل صدام بعد موته لغيره من الديكتاتوريين الجهلة-مادام صدام هو المثل الاعلى لنستحق نفس المصير
هى دى اللعبة
مش عرف ايه الفايدة منها
هل تنتظرون انه سيعود صدام حسين كالمهدى المنتظر ليخلص الامه فانتم عاكفون على عبادته
ام الهدف ان تحتفظ ثقافتنا لنفسها بغباوة اعادة استنساخ الفشل
سبتمبر 14th, 2009 at 14 سبتمبر 2009 1:53 م
امش يس صدام - لكن اى ى نظام حكم فاشل ندافع عنه ونعتبر فشله منتهى العظمة
ان ندافع عن الخيبة
ونحن من يدفع الثمن دائما
شئ انا مش قادر افهمه
لا وبنقول يارب تعيد علينا الخيبة
واللى يرفض ندعو علىالامة بالخراب من اى طريق تانى مادام واحد مدون بس كتب انه مش معجب بصدام
ونتمنى من ربنا الخراب مادام مش ممكن استنساخ الخراب تانى على يد الفاشلين
يعنى انتم بتعبدوا صدام
براحتكم
لكن ان تتصور ان الله- الحق العدل- يخرب امة بكاملها لان واحد مدون كتب انه مش معجب بصدام حسين
هنا تصورك لربك فيه خلل شديد
يظهر انك بتخلط بين عبادة وعبادة والصور اختلطت عليك