اصل القصة ياعزيزى لو تصدق- تجربة ظريفه- حصلت فى المصيف
كنا سهرانيين ومعانا اولاد الاسرة الكبيرة- وبيلعبوا وبعدين زهقوا من كل الالعاب اللى لعبوها-زينا كده مدونى مكتوب
فبعدين قالوا لى ماتعرفش لعبه نلعبها ياخالوا لاحسن زهقنا
فبتلقائية-قلت للبنت- اللى سالتنى- 4 سنوات-بنت اختى- قلدينى -تعرفى تقلدينى-كل واحد يقلد التانى
البنت المذهلة قلدتنى فى كل حركاتى باسلوب استدعى احضار كاميرا الفيديو وتسجيل ساعة كاملة
مصداقية مذهلة وتقليد من يرى بعيون غير عيوننا- ترى مالفناه وحسبناه عادى- بعين جديدة تراه مدهشا وملفتا للنظر-
وبعدين طلبت من البنت ان تقلد اباها
فصعقت
البنت قلدت اباها-نظرته حين ينصت لاحد يحدثه-قلدته بمشاعره الداخلية العميقه -نظرته التى هلى مزيج من الكسوف والقلق والترقب والخوف وو مزيج من عشرة عناصر على الاقل
التقليد لو كان متقنا-يجعلك ترى مالم تراه سابقا او ان تدرك ماكنت تراه دون ادراك مدقق لمعناه ودلالاته

واذا كنت ترى دلالة تدعو للسخرية -لم تكن تراها سابقا- طيب اعمل لك ايه انا لم اخترعها دى موجودة اصلا  
والتقليد مجرد فرضية قابلة للخطا والصواب
وهنا العبئ يقع على القارئ-او المشاهد
فى ان يرى بعيونه هو-وهو يفعل هنا 80 فى المائة من الشغلانة
وهو اللى بيحدد -من وجهة نظره المفرده-مامدى فعالية ونفاذية الطرح الكاريكاتيرى
فالبنت اللى قلدتنا لاتدرك- هل قامت بشئ كاشف ام لا
ولو انا قلت دى بتتمسخر على- يبقى انا عاوز اغلوش على شئ انكشف
لكن لو تقليدها بعيد عن الحقيقة- ولم يكشف لنا شيئا- او لم ندرك شيئا- او ان عقولنا رفضت ان تستقبل- فتبقى ايه المشكلة

واحنا بنقول للاطفال عيب لاتقلدونا لاننا مش عاوزين مكاشفه-لانها عيب- لاننا بنعمل الحاجة العيب ومش عاوزين حد يقول لنا انا شايفك- انا ملاحظ- عاوزين نعمل كلنا اننا مش شايفين ان الفيل تخين

عيب يابنت

البنت لم تخترع شئ

لابرضه ميصحش

——————

 لو الكاريكاتير ده بيكشف شئ- فطبعا احنا بنزعل قوى من المكاشفة- وبنحب اسلوب- انت عارف وانا عارف-بس اللى يقول يبقى هو المجرم

يبقى الرسم مش واضح- ونحاول نرسم غيره