صراحة لم أفهم المغزى من النصف الثانى لأدراجكم …

هل هى سخرية من جميع من زكرت أسمائهم من المدونين الزملاء …؟؟؟

بالطبع ستقول أنا واحد منهم …

عامة بعض الأسماء لا يجوز من وجهة نظرى الشخصية على الاطلاق وضعها مع غيرهم فى سلة سخرية واحدة

تحياتى

الكارثة مش فى المدونيين

الكارثة فى الصديق اللى بيتخانق معايا وبيلطم وبيقول انت تقصدنى انى شلبى

ياعم انت مش شلبى

لا انا شلبى انا شلبى انا شلبى

وكل الناس عارفين انك تقصدنى

حتى زوجتى قالت الفيل بيقصدك يافلان

ومن يومها لاتنادى له الا باسم شلبى

بطريقة تحية كاريوكا فى فيلم خلى بالك من زوزو-تقول

شلبى[لهجة فيها امر)

نعم ياروحى(خضوع)

انكتم

انكتمت ياروحى

صدقنى انا لم اكتب- شيئا عشان القراء يضحكوا او يزعلوا

—————

مشكلة عويصة

ان الاغلب بيتجاهلوا-عمدا- عند محاسبتى- عنوان مدونتى

وانا اقبل مبدا المحاسبة- ومش متفق مع نظرية ياما ننافق بعض بالحسنى- ياما كل واحد فى حاله

التفاعل حتمى وطبيعة بشرية

لو بتحاسبنى عن مدونتى- بتحاسبنى عن ملائمة ما اكتب بالنسبة للهدف اللى انا حددته للمدونة- مش مقارنة باهدافك انت من مدونتك

انا مدونتى ليس اسمها- الحب الالزوردى

ولا فى ظلال الزيزفون

ولا علشانك يامصر تبقى خضرا

ولا من اجل حل مشاكل الوطن

ولا معانا المعارضة السخنة

ولا انا باحب عمرو خالد

ولا انا حلو تعالوا شوفونى

——————–

مدونتى اسمها النت بتتكلم عربى

يعنى بتنظر لطريقة تفكيرنا-اسلوب عمل العقل العربى

بيفكر ازاى- بيختلف ازاى وبيتفق ازاى

موقفه من المفاصل الفكرية الاساسية فى حياته

وطبعا كل ده من وجهة نظرى- مش من وجهة نظرك انت مثلا

هنا لازم هتلاقى صراعات واختلافات كتيرة

بتفرضها طبيعة المواضيع

مثلا

مدونتى عرضت -لكيف يختلف العرب-كيف يتحاورون- يتنازعون- يتهمون- يشنعون- يتقاتلون

انا ادعى ان مفيش مدونة تانية عرضت لتكفير سيد قطب مثلا-ان يدعى عليه سلفيون بتكفيره هو

وفى ذات الوقت عرضت المدونة لانوار الحب عند فؤاد حداد

هذة المدونة-كانت من اول مدونات العامية فى مكتوب

وكانت تعتبر كارثة من قبل الاخوة المحافظين-وبالذات من جنسيات معينة-واظن ان المكروه لم يكن العامية بل الاقتحام

ولما طلعت مدونات سيندريلا وغيرها قالوا الفيل اللى بيكتبها

سيندريلا نفسها اتهمتنى انى باكتب مدونة سلامة ابو سلامة

اليوم ثلت مدونات مكتوب بالعامية- حتى المغربية

انا اتهمونى انى باكتب نص مدونات مكتوب

وبصراحة وبدون ادنى غرور-انا باستحمل الشتائم والاتهامات لسبب وحيد

انى باطرح فكرة(احيانا مش دايما-) بتقابل بالرفض الحاسم وبعد شهور- الاقيها مكتوبة بصياغات تانية فى مدونات كتير

الفكرة مش انا اللى اخترعتها- لكن انا اول من عرضها -فى- مقتمع- مكتوب اللى له خصوصية معينة- وملامح فكرية شديدة التقلييدية

ولما بالاقى ان الرفض الشنيع تحول لاتفاق غير معلن-وان الفكرة بعدما كانت مرفوضة بتاتا اصبحت شئ مقبول ومتفق عليه-باعرف ان باقدر اعملها

وده السبب ان كتير قالوا اصل الفيل بيدس السم فى العسل-ياااه اوعى تروح عنده لاحسن يقنعك

وانا رضيت بهذا الدور- ومش طالب ابدا حد يقول لى ياحلاوتك- ولا تعليقات الونس بتونسنى

يعنى طبيعة الموضوعات اللى باطرحها مش هتخلينى عمرو دياب ولا تامر حسنى

وانا راضى

هنا الفكرة اللى بتنتصر- ومش لازم ان الترويج للفكرة- يعنى ترويج ومكاسب للفيل فى ذات الوقت

يعنى لما انشر مقال ويزعل منى 300 مدون- دى طبيعة الموضوعات- وانا متحمل الخسارة الناتجة من زعلهم

والخناقات اللى نشرناها-هنا- انا ادعى انها حظيت بمتابعة لصيقة من كل من قالوا- اوه- مابنحبش الخناقات

وادعى انها عوقت -اعاقت الخناقات والاتهامات فى مكتوب-الى حد كبير

واصبح صعب ان حد يتهم التانى ياكافر- ياعميل

لان دورى فى الخناقات- لم يكن مركزا على الدفاع عن نفسى بقدر ماكان موجها لاستنكار مثل هذة الممارسات وكشفها وتحليلها

ولما بيحب مدون يعمل علينا الناسك الوديع- اوه- مش باحب الخناقاتولازم نقعد نربع ايدينا– مفيش مانع- لان ده جزء من الدور اللى بيرسمه لنفسه

لكن من حقى انى اختار دورى انا كمان

ولو لفيت النت هتلاقيها ملايانة خناقات واتهامات- سنة وشيعة- ووو و و

واذا كانت مدونتى قدرت تنقل الصورة- فمعلهش مش هيخوفنى اتهام عيل مؤدب لى بانى بتاع خناقات

كل موضوع كتبته هو خناقه

انا لم اكتب موضوع ابدا الا ويقارن بين فكرتين بينهم صراع

وكل مايفعله العقل العربى هو ان يشخصن الخلاف

وكل من اتخانقوا معايا هم اللى اختاروا اولا

وهم اربعة اوخمسة-(بس)

شاعر فلسطينى قال حذائى اضرب به كل من فى مكتوب وحذائى فوق راس ملك السويد- ترك مكتوب واختفى من النت-نوع الخلاف تكفير

استاذ جامعة تونسى-وكانت المشكلة حول سوقية استخدام العامية-اختفى من مكتوب والنت

شاعر مصرى -من اصول ريفية- الموضوع تكفير- واعتذر وسحب اتهاماته واحنا دلوقتى اصحاب

محمد رياض-استاذ جامعة مساعد مصرى لسانه قبيح- تكفير- اختفى

الواد معتز- عرباوى وده لسه مشروع بيشاور عقله

ادى الاربعة خمسة ياسيدى

هات لى مدون غيرى لم يتخانق مع اربعة مدونيين-وحتة

الاختلاف- ان الخناقات عندى بتتحول الى عرض كامل للافكار ودراما مسرحية كاشفة

ولو تلاحظ ان الغالبية كانت حول استخدام سلاح الدين لاخافة من يختلف فى الراى

ودى من اساسيات الفكر العربى

وكنت لوحدى تقريبا فى مواجهة سلاح الدمار الشامل

فى مواجهة قرون من التراث الذى يمنع الاختلاف

اليوم الامر اختلف

نسبة كبيرة من المدونيين صارت ترفض هذة الاساليب بعدما كانت مسلم بها-

ليس لان حد رفضها فى كام مقاله

لكن لانهم شافوا تجربة عملية لصراع فكرى مفتوح-واغلب المدونيين كانوا يؤيدون خصومى -وهذا لم يقلقنى

انا فتحت المدونة لهذا السبب-ان اغلب الناس يؤيدون الرايجة وخلاص

لذلك البعض بيستغرب- هو انت مابتزهقش-مابتزعلش من الشتائم التى لم ترد عليها

والاجابة انى محدد اهدافى كويس- والعنصر الشخصى مستبعد

ولما الخناقة بتاخد وقت- بتبقى فرصة اكبر لان الناس تعرف انها مش خناقة مدونيين بتاعة فلان قرصنى وفلان بيزغزغنى

وعشان كده الاعتذار عندى كان شئ مرفوض فى الحالات الاربعة-ليس اقل من مناقشة موضوع الخناقة علنا امام الناس-وكل الزملاء الاربعة عرضوا الاعتذار وانا رفضته

بيقولك اصل الفيل مفترى وبيرفض الاعتذار

بس الحقيقة انا لم ادخل الموضوع عشان شخصى -لذلك الاعتذار لايهمنى ابدا- لكن اللى يهمنى ان يكون الامر واضحا وان يتحمل المدون مسئولية مايقول

واخيرا بعد كل ماسبق

بتضحكنى بعض التشنيعات الهبلة

واحد بيقول لك مدونة الفيل مدونة القيل وقال

طبعا لان اسمها النت بتتكلم عربى

مدونة الفتن

طبعا ودى الفتن بتاعة الامة مش بتاعتى ولم اخلقها من عدم ولم اخترعها من خيالى

مدونة قلق

طبعا وده قلقنا وافكارنا-تعرض علينا

كل دى شهادات للمدونة انها حققت بعض النجاح فى العرض وحركت الراكد واثارت النقاش بما نريد اخفاءه

باختصار- كل مقاله هنا صممت لتثير قلقا ما- موجود اصلا وانا لم اخترعه او اتخيله

فاذا حب حد يقول لا دا الفيل هو اللى وحش واحنا كلنا حلوين وملايكة ومعندناش مشاكل- انا معنديش مانع ابدا

بعد سنتين هتلاقيه بيقول نفس كلامى

الرفض والانكار الاولى- جزء من عملية الاقتناع الطويلة الامد

واللى مش مصدقنى يستعرض ادراجات مكتوب من سنتين ويقارنها باليوم

وده طبعا جهد ينسب لناس كتير غيرى- وانا ادعى جزء صغير منه

انا بس استخدمت قصتى مع مكتوب لعرض كيف تسير الامور- على -وتحت الترابيزة

ودى طبيعة الحياة

الناس بتتاثر ببعضها

وانا استفدت من مدونات كتييير- حتى المدونات اللى اانا بانتقدها استفدت منها

مش استفادة بتاعة المدرسة يعنى معلومات ونصائح

فالاستفادة لها اوجه كتير على مستوى الوعى وواللاوعى- وحتى الرفض والتناقض مفيد تماما كالاتفاق

هههههههههههههه

والله موتني ضحك جميل اني اعرف بعد المده دي كلها انك دمك خفيف وفي عندك حاجات تانيه اخف من دمك

عموما خليني احللك اللغز

شلبي توفي نتيجه انه غلط في شلبيه اللي جمعت اهل القريه واتلموا عليه وعرفوه من هي شلبيه

وبعدين في واحد تاني اسمه فلافيلو راح يحصل شلبي

لانه قليل الادب ومش عارف يختار خصومه

ونبقي بكده تخلصنا من شلبي وفلافيلو لانهم الاتنين غلطوا في شلابيه ومعرفوش يقدروها صح

وخليني اهديلك اغنيه بمناسبه اقتراب فلافيلو من مصير شلبي ان لم يحترم نفسه

الاغنيه الرائعه

حلوه يا بلحه يا مقمعه جرستي اخواتك الاربعه

تفوووووووووووووووو

وانا كمان احي فيك روحك الرياضيه ودمك الخفيف

ودي مناسبه كويسه علشان تتعرف عي مصير حبيبك الغالي

واللي انت فعلا قربت قوي قوي قوي منه

عموما الجميل في الموضوع اني بحب وبحترم جدااا اللي مش بيهدد بس بيعمل

وبعد ما يعمل لا يعلن

ولا انت ايه رايك

ولا تحب اننا نعرف رايك وقتها؟؟؟

صدقني قله الادب واستغلال الفرص سهله جداا

بس طالما الطرف الاخر بيعرف يسكت لانه واثق من انه بيعرف ياخد حقه

وده بيفسر للمختلين عقليا اختفاء كثيرين من اللي ممكن يفكروا روحهم شطار لانه حتي الشطاره لابد تتغلف بالادب

لانه قله الادب مالوش الا مكان واحد بس لما بيشوفوه بيعرفوا يصمتوا الي الابد

تحياتي وتحياتي اكثر لخفه دمك وروحك الرياضيه

وخللي بالك اني مش بتكلم كتير

للاسف فعلي دايما يسبق كلامي وعلشان كده مش برد علي الكلاب كتير

وبحذر مره واحده بس وعلي الملا اهو

في20,آب,2008 - 09:36 صباحاً, الفيل–النت بتتكلم عربى كتبها …

الأربعاء,آب 20, 2008

تحدى الهاكر وتحديات اخرى

اللطم والشنشلة والشتائم واللعنات هى الادوات المتاحة لدى كثير من المدونيين عند اى اختبار ومنها الهاكر ناصر

والتضامن حلو -لكن انا مش فاهم التضامن فى اللطم وبكام شتمة ولعنه- هل دا يبقى تضامن

السلاح الوحيد اللى يملكه المدون انه يكتب كلام فيه لمحة ابداع او فكر

وهو سلاح نادرا مانستعمله

وبرضه انا مش فاهم ايه المعجزة فى الصرخة- افيقى يامكتوب -سنترك مكتوب

والالذ هو موسم الشتائم الحلال- اصله يستاهل -

ومها انت لست مسلما ولست عربيا- ياناصر- مع انه مفيش شئ يمنع ان يكون ناصر مسلما وعربيا بس حرامى

مفيش شئ يمنع

وتصل الشتائم- سلاح العاجز- الى امك وابوك

واغرب جملة قريتها هى الجملة اللى بتقول

انت ياواد ياناصر مش شايف الناس كلهم بيتحايلوا عليك ترجع المدونات- لازم ترجعها

وسيبك من بيتحايلوا عليك وبيترجوا فيك- لكن الاعجب ان ناصر يعيد المدونات اللى سرقها فعلا- لانها اخر همه

هو اراد ان يحدث فرقعة واذلال- ونجح- نظرا لاستجابات اغلب المدونيين-

بدليل انه المرة السابقة ادعى انه بيسطو على المدونات بدوافع دينية

فانبرى له المدونيين وقالوا له نستحلفك باسلامك- وانت باين عليك ولد مخلص-نستحلفك ان تترك دول وتروح تهاجم فلان وفلان احسن

والسؤال-هنا- هل احنا ساعدنا ناصر- وغيره- على تحقيق سطوته-باسوبنا فى رد الفعل

وهل نحن نفعل المثل مع كل قوة غاشمة- الحكومات-مثلا-المستغليين- من يسرقون اقواتنا- مثلا

وبعدين نهدد بالانتحار

سنهجر مكتوب

تهديد طفولى عجيب

اى اطلالة على عدد المدونات الجديدة- التى تنشا يوميا-مفروض يخلينا نبطل استخدام السلاح الخايب ده اطلاقا

المدون الجديد مواطن-مدون- والقديم المعروف يتساوى معه فى الصفتين

وبالحساب يتساوى معه فى العدد

ومن غير الهاكر ناصر- الهاكر داروين والهاكر الوقت والهاكر الملل- يقومون كل يوم بتصفيات هائلة

ولو ادرك المدونيين للحظة ان كل الاسلحة الى بيتكرر استخدامها فى الازمات هى اسلحة لاتتعدى احداث دوى وفرقعات تعجب المدونيين-لو ادركوا ذلك لما كرروا نفس الاسلحة كل مرة

نحن لانخدع الا انفسنا وننشد نشيدا لا يفهمه سوى نحن- ولايؤثر خارج مفهوم الشلة

المدون لايرى فى التدوين سوى انا واصحابى والتعليقات

ننظر تحت اقدامنا فقط

التدوين نهر تتغير مائه كل يوم-واحنا مش حاسسين- لاننا لانرى الا مواقع اقدامنا وانا واصحابى والتعليقات

وساترك مكتوب- يعنى واحد زهق من السباحة فى النهر وعايز يخرج ومتصور النهر هيصاب بالهلع

كل يوم الاف بيلقوا بانفسهم فى النهر ياسيدى

—————-

اظن لازم نفكر شوية -معلهش

وليس لنا سلاح اخر سوى شوية ابداع

وبالمناسبة- القى الهاكر ناصر بتحدى جديد علينا

يدعى انه تلقى طلبات من مدونيين ترجوه بان يغلق مدونة فلان وفلان

والرد كان المزيد من الشتائم- وانه كذاب

والحقيقة-انها ماساة ان نتلقى دروسا فى الاخلاق من ناصر

الحقيقة ان مطالبات بعض المدونيين باغلاق مدونات اخرين لايعجبونهم امر مالوف فى مكتوب وتكرر كثيرا وعلنا- ولانحتاج لاسرار ناصر دا شئ معروف ومسجل

علينا ان نواجه انفسنا قبل ان نواجه الهاكر

وعلينا ان نتوقف عن مخاطبة انفسنا -بكلمات ترضينا ولايتعدى اثرها مابيننا

علينا ان نفهم انه ليس لدينا الا سلاح واحد- شوية تفكير

شوية ابداع

وان حرية التدوين لاتتجزا ابدا

الهاكر هو محاولة للمنع-مرفوضة من منطق رفض المنع-مهما كانت اسبابه ودوافعة

وليس من منطق البكاء ومجاس العزاء

واذا لم يستخدم المدونون سلاح قوتهم الوحيد- شوية تفكير وابداع وابتكار والتحايل على المصاعب- فكل اسلحتهم الاخرى لن تجدى

في20,آب,2008 - 05:21 مساءً, د : سـيـد مخـتـار كتبها …

ووهم أن يلقى أحدهم محاضرة ساقطة فى غير أوانها !

ووهم أن يخرج علينا فى وسط تضامن الشرفاء صوت شاذ !

ووهم أن يكون نداء المتضامنين فى مكتوب هو الخطأ والصوت الشاذ هو الصح !

ووهم أن يظن متوهم أنه فيلسوف وأن الآخرون يخدعون أنفسهم !

ووهم أن يصدق واهم كلام ناصر عن المدونين ويبنى عليه نظرية فلسفية أخرى !

مثل شعبى من واقع الإدراج ( خذ الأصيلة ولو كانت على الحصيرة )

ومثل آخر من واقع الأزمة (يا متوهم هداك الله )

في20,آب,2008 - 07:07 مساءً, الفيل–النت بتتكلم عربى كتبها …

اتفق مع اخى د سيد مختار جعله الله فى ميزان حسناتك

واسجل هنا الجزء الثانى من كلامى

لان فعلا زى مابيقول الكلام الساقط والشتائم من الاصوات الشاذة لاتفيد

ياعم اذا كان بيقول له هاضربك بالجزمة ياناصر ياهاكر واستفاض فى وصف مقزز للجزمة-ذات المواصفات الخاصة-اعوذ بالله-بذمتك مش صوت شاذ ومحاضرة ساقطة

وقانا الله من الاوهام

انا شايف ان فكرتى حازت شئ من القبول

وشايف ان التضامن يوم الجمعة لايكون بمقالات مثل اتضامن ياناصر يابن كذا واضربم بالجزمة

انا اقترح ان نعد مجموعة من اروع المقالات-فيها ابداع بجد-وفيها تحدى فكرى

دا باقى كلامى المنشور بمدونتى صباح اليوم

———————————–

شوية ابداع

وان حرية التدوين لاتتجزا ابدا

الهاكر هو محاولة للمنع-مرفوضة من منطق رفض المنع-مهما كانت اسبابه ودوافعه

وليس من منطق البكاء ومجالس العزاء

وبصراحة انا مش قادر افهم اننا نهدد بان نمنع انفسنا- ننتحر- ننسحب- نمنع انفسنا ردا على محاولة منعنا

المنع هو المرفوض اصلا

انت تهدد بان ترمى كل اسلحتك

واذا لم يستخدم المدونون سلاح قوتهم الوحيد–حرية النشر شوية تفكير وابداع وابتكار و التحايل على المصاعب- فكل اسلحتهم الاخرى لن تجدى

وتهديد احدنا لناصر انه هيضربه بالجزمة-تهديد يكشفنا-ويكشف اسلحتنا الخايبة التى لاتدعو -من يحاول منعنا الا للضحك والاحساس بان عليه ان يستمر فيما نجح وساعدناه فيه

يعنى نفترض ان الهاكر- او الحكومة او مكتوب- او اى عفريت نجح فى منع مدون من حرييته

الحل ببساطه ان كل المدونات اللى بتقول انها متضامنه- تنشر افضل مقالات المدون المعتدى عليه فى نفس الوقت- 500 مدونة مثلا-عاوز تقول 1000 ولو انى مش مصدق-ولو انت تاملت كيف سيكون احساس المعتدى-تجاه هذا النوع من رد الفعل

وبدون لطم ولا شنشلة

اظن ان اللى بيفكر فى منع مدون- هيلاقى ان فعله اتى بالعكس وانه مش بس عديم الاثر بل افاد المدون ونشر افكاره

هنا المدونيين يبقوا استخدموا جزء حقيقى من اسلحتهم وهى اتاحية النشر

لكن البكاء والانتحار- يحقق للمعتدى الضجة اللى هو عايزها بالضبط

ولو انا غلطان قولوا لى انت غلطان

في20,آب,2008 - 08:13 مساءً, د : سـيـد مخـتـار كتبها …

الأخت الفاضله \\أم ليث

سلام الله عليكم ورحمته وبركاته

مبدأ خالف تعرف له أتباعه ومريدوه .. بل إن لهم أحزاب سياسية منتشرة فى وطننا العربى

تتكلم عن المقاومة .. يقولون .. ولكن الله يقول وإن جنحوا للسلم فاجنح لها

تتكلم عن الإسلام ونظرته للحياه .. يتكلمون عن حقوق الدوله المدنية

تتكلم عن حزب الله ..يدخلون بمحاضره عن مخططات بعض طوائف الشيعه ضد السنه

تقول قال الله يقولون ..بردووووووووووو .. إبليس له وجهة نظر أخرى

أعرف أحدهم ومسلسل ألفاظه الوقحه التى تخرج عن الآداب العامه .. ولكن محاضرته اليوم هى عن مساؤئ الألفاظ المقززة وأثرها على الأطفال ما قبل العاشره وأثرها على الجهاز التنفسى لمن يعانون من كرشة النفس (والأخيره ليست عباره مقززه بل تدل على صعوبة التنفس )

حساس النهارده قوى يا واد .. ومطوتك مش فى جيبك .. ورابط جزمتك كويس ..

…………………………………..

ما سبق ليس خروجاً عن المشكلة الأساسية ..

ما نملكه هو كلمتنا .. ووقفتنا ..

ومطالبتنا لمكتوب مستمرة

وسنتضامن

في20,آب,2008 - 08:29 مساءً, الفيل–النت بتتكلم عربى كتبها …

عزيزى د سيد مختار

ياخى انا معجب بكلامك- ومعجب بنجاح حزب الله ومثلك اؤيد المقاومة الناجحة

مش الفاشلة ولا الهبلة-انا ضد الهبل بكافة اشكاله

وانا مع التضامن الفعال والنافذ-مش مع اللطم وشغل العيال واضربك بالجزمة ياهاكر

هى دى الحقيقة

والخلاف فى اسلوب التضامن لايدعو الى الحقد ابدا ابدا ابدا-

وطبعا مشهور عنى انى لا استخدم الشتائم كسلاح فاشل فى اى معركة-وشهد بذلك كل خصومى

وربما من المفيد هنا ان اعرض على القراء الكلمة بتاعة تضامن الاحذية- ومواصفات الحذاء اللى دعا احد الزملاء الى ان نتضامن من خلاله

وقول لى-بذمتك- لو حزب الله استخدم اسلوب كهذا -مش كان زمانه فى السكالملم

طيب اقرا النص التضامنى المروع -من احد الزملاء وانا راضى ذمتك

—————————-

وعلاجه(يقصد الهاكر ناصر) معروف وهو الضرب ثلاث مرات يومياً على أم رأسك بحذاء عفن يلبسه معتوه مثلك لم يغسل قدميه منذ سنوات وبشرط أن تكون لديك الرغبة فى العلاج

أما محاولته الإيقاع بين المدونين وتوضيح أنهم يطلبون تأجيره لعمليات قذره ..فهذا يثبت أن ناصر لم تقوم السيده والدته بتربيته جيداً وإلا ما ظهرت منه هذه الوساخات التى تدل على البيئه التى تربى فيها

————————–

في20,آب,2008 - 08:41 مساءً, الفيل–النت بتتكلم عربى كتبها …

واسال الزميلة ام ليث- هل تجدين تناقضا بين الاسلام وحقوق الدولة المدنية

وهل للمقاومة هدف الا السلام-

هو ليه الاسلام لازم يستخدم استخدام سئ-لاهداف شخصية صغيرة

في20,آب,2008 - 08:44 مساءً, الفيل–النت بتتكلم عربى كتبها …

وعند ادنى اختلاف- يبقى واحد بيمثل الله ويدعى ان التانى بيمثل ابليس- تقسيمة ظريفةخالص

في20,آب,2008 - 11:04 مساءً, د : سـيـد مخـتـار كتبها …

الأخت الفاضله \\أم ليث

وهم أن يسئ أحدهم لتضامن المدونين ويعتبره هبلاً ..

إذا كان التضامن بالكلام هبلاً .. فما هو مسمى السكوت والسلبية فى ظل أدوات غير متاحه لاستيضاح الأمور إلا بمناشدة مكتوب

مكتوب التى يدعى ناصر أنه كان يعمل بها مع البعض وينتقم منهم (تعليق الأستاذه منى صاوى )

فنحن نتعامل مع موتور استغل تواجده فى المكان ليضرب ضربته كل فترة

نحن نتعامل مع مريض نفسى ..والبعض يدعونا أن نهش لهذا اللص السارق ونخفض له جناح الذل من الرحمه ولا تنسوا يا أيها المدونون أن تتعاملوا بالحسنى

تعاملوا بالحسنى ولا تشتموا .. وتبرعوا لمسجد شبرا (!!)

هذا هو درس اليوم (!!)

وما أجمل أن تقرأ كتاب أبو لمعة (الصدق فى الكلام ) ونقرأ منه بعض السطور

كيف يا مدون تبتعد عن هؤلاء الذين يلطمون ويشقون الجيوب .. وتدخل إلا دائرة الفركيكو ..وما هو الفركيكو ..هو أن تفلسف الأحوال وتضعها فى قارورة محكمة الغلق وتدون فقط بدون أن تتعرض للهاكر لأن التضامن والندب لن يجدى مع الهاكر ( المبدأ السادس عشر من نظرية الفركيكو ) (ولا تنسوا أن تحذروا العامة ..وكل الرجال فى الطرقات ..وكل الحطابين فى الجبال .. وكل النساء أمام التلفاز .. وكل الأطفال فى الحدائق .. حذروهم ممن يضربون الناس بالأحذية ) (طبقاً لتعليمات مصلحة الأحذية والنقل البرى ) (انتهى النقل)

وفى كل تجمع أو تضامن أو مظاهره قد يحدث خروج عن النص .. قد يكون هناك غلاة ..

ولكن الخطأ لا يكون فى التضامن نفسه

وعندما يهدد البعض بالامتناع عن التدوين لحين حل المشكلة لا يجب السخرية منه وإعتبار ما يفعله تهديد طفولى

كل فى التدوين يعبر عن مشاعره ويكتب ولا يجب أن يفرض أحد وصايته

والسلام عليكم

في20,آب,2008 - 11:12 مساءً, د : سـيـد مخـتـار كتبها …

نسيت أن أضيف أن حزب الله استخدم الخطف .. وهو أسلوب بدائى ..

والبعض .. يا للمأساه .. يتكلم عن الضرب بالأحذية - وهو أسلوب ياى مقزز - للشواذ والساقطين !

………………………….

ما سبق ليس خروجاً عن المشكلة الأساسية ..

ما نملكه هو كلمتنا .. ووقفتنا ..

ومطالبتنا لمكتوب مستمرة

وسنتضامن

في21,آب,2008 - 07:53 صباحاً, الفيل–النت بتتكلم عربى كتبها …

تضامن ياعم سيد زى مانت عاوز

بالجزمة كما تريد وكما اقترحت انت

او بتحدى الابداع واستخدام المدونيين لاسلحتهم الحقيقية- كما اقترحت انا

لكن هات لى من كلامى كلمة انى بادافع عن الهاكر

مش معقول عشان تدافع عن نظرية الحذاء- تكيل لى الاتهامات

وعشان تثبت ان نظرية الحذاء صح- تطلعنى من الملة

ياراجل بذمى كلامك ه دعوة غير مباشرة لناصر ان يغلق المدونة اللى بتتكلم باسم ابليس

هنا دا اسمه دفاع بالباطل عن شئ خطا بدلا عن الاعتذار عنه-وكان سلاح الحذاء يماثل سلاح حزب الله وانا اعترضت على الاتنين

وخروج عن الموضوعية انك تتكلم فى حزب الله -بدلا من ان تقول معلهش -لقد خاننى التعبير مرة ومفيهاش حاجة وكلنا بنغلط

لكن المذايدة فى الهوا-شكلها وحش

وانا لم اعترض على اسلوب الحذاء خوفا على مشاعر الهاكر ولكن لانه اسلوب غير مجدى

ونص مقالى موجود

ويبدا من رفض الاسلوب الاغير مجدى وانتهاء باقتراح بديل مجدى

انت شايف ان كلامى مش مظبوط- قل لى انت غلطان

واخر سطر فى مقالى بيقول -لو انا غلطان قولوا لى انت غلطان

لكن ياراجل الاتهامات الشنيعة-لزمتها ايه-ياراجل -عيب

يعنى تقسيم الشغل ان انت ربانى وانا صوت الشيطان

ليه دا كله هو انا عملت ايه

واخره ا الاتهام بالفلفسة

مالها اللفسسسسسة ياعم سيد

من حقك تقول انك بترفض اسلوب التضامن بان ينشر المدونون افضل مقالاتهم يوم الجمعة القادم-كنوع من رد التحدى

من حقك تقول لا- اسلوب الحذاء احسن واضمن

ومن الممكن ان ننظم اختلافاتنا ونتعايش رغم الاختلاف

واظن ان بعض المدونيين اقتنعوا بفكرة التضامن الايجابى بالابداع والنشر

مفيش مانع ان كام مدون يقفوا بالاحذية كنوع اخر من التضامن

التضامن واسع ويساع الكل

والاسلام واسع ويساع الكل

مالك بس ياعم سيد

في21,آب,2008 - 08:00 صباحاً, الفيل–النت بتتكلم عربى كتبها …

لو عايز تشتم الهاكر اشتمه براحتك

لكن كلامى ان الشتائم لا بتقدم ولا تاخر

وانها سلاح العاجز

وان التحدى يرد يتحدى وليس بشتائم

وان التوقف عن التدوين هو القاء لكل الاسلحة

وتم تجربته فى المرة السابقة ومئات المرات

يبقى ده صوت الشيطان ياحاج سيد

والتضامن بالحذاء هو كلام ربانى

استغفر ربك ياحاج

في21,آب,2008 - 08:23 صباحاً, الفيل–النت بتتكلم عربى كتبها …

وبالمناسبة

انا لا اتضامن مع زهرة النسرين-من منطق اه ياكبدى

انا اتضامن معها كجزء من التضامن مع حرية التدوين وضد منع اى مدون من حقه فى نشر افكاره

ونوع من محاولة المنع ان يقال دا صوت ابليس

يعنى مش ناصر هو الهاكر الوحيد اللى قاعد يبرر محاولته لمنع المدون بتبريرات مرة دينية ومرة شخصية

يعنى احنا بنتضامن ضد كل الهاكرز

واخطرهم المتسربلين بالدين

في21,آب,2008 - 09:19 صباحاً, الفيل–النت بتتكلم عربى كتبها …

—————————————————————دى صورة من الصفحة الاولى لايميلى-الوارد

مدوّنات مكتوب ( .حدوتة… النت بتتكلم عربى): إدراج جديد على مدوّنات‏ 8:30 AM 8 KB

مدوّنات مكتوب ( .حدوتة… النت بتتكلم عربى): إدراج جديد على مدوّنات‏ Yesterday 8 KB

al-naser sidawi

ترقب ربما بعد ساعة او يوم او شهر

او سنة المهم ترقب‏

Yesterday 3 KB

——————————

دى رسالة التهديد يمكن رقم عشرين اللى بتجينى من حرامى المدونات ناصر-لم افتحها-مع انها 3 كيلو بايت يعنى مش حاجة

انا لم انشرها سابقا حتى لا احقق له اهدافه فى نشر الرعب فى غيطان الهبل

وياما تعثرت فى صفحات دخول مزورة-لبريد مكتوب او مكتوب -تطلب كلمة السر

وجانى اكتر من ايميل لتكريمى كمدون متميز- ولم اصدق لسبب بسيط هو انى مش متميز- وهيكرمونى على ايه

انا عارف ان ناصر نفسه فى مدونتى جدا

هيموت

وهيتجنن انه مش عارف يوصل لها

ربما لانى تحديته اكتر من مره ونشرت معلومات عنه

لكن على العموم

يعنى ياحرامى المدونات

لو قدرت تمسحها رغم الاحتياطات- اوعى تفتكر انى هابكى والطم واصرخ-

هاكتب غيرها واحسن منهاا

دا انا فيل ياولة اوعى تكون فاكرنى افندى

هاجيب الكام مقال الكويسين- من نسخة مخباءة واعيد نشرهم

والباقى مسجل فى النت -فى نسخة مخباءة-وهيتقرا عن طريق جوووجل-عبر السنيين-والا مايتقراش -هو انا فاتح دكانة يااهبل انت

يعنى-نقبك هييجى على شونة-شونة مقالات

بذمتى انا عاوز احذف مقالات كتيره مستواها مش قوى من مدونتى لاعطى فرصة اكبر للمقالات الكويسة بدل ماهى مدفونة فى وسط الفين مقال بس مكسل اعملها لانه هتحتاج وقت كتير وكمان صعبان على احذف ده واسيب ده-مش هاقدر

وكل ما احاول اعمل غربلة- مش قادر

فيعنى رب ضارة نافعة

ونرجع نبدا من جديد

البداية من جديد-بعث جديد

والا انت فاكر انى راقد على كنز وبتهددنى انك تسرقه

ياحرامى

المقال الكويس هو المقال اللى لم اكتبه بعد

وهاكتبه انشاء الله

ماحدش هيقدر يمنعنى

يعنى تقدر انت او مكتوب او الحكومة او العفاريت- تقدروا تحذفوا مدونتى

لكن تكسر ارادتى–لا انت وال عفريت

لكن تخوفنى او تلعب فى نافوخى

لا انت والا العفاريت

والمدونة دى بالمقالات الالفين لاتساوى شيئا بالمقال اللى هاكتبه بكره او بعده

فهمت يااهبل

بصراحه هبلك متناسق مع هبل بعض مدونى مكتوب

تقولش فوله واتقسمت نصين

عشان كده انت حققت بهبلك نجاح هائل بفضل هبل الهنود الحمر من مدونى مكتوب والذين لايجيدون الا الصراخ

حررررررامى انا اتسرقت ياناس- تحويشة العمر راحت

لا ياحرامى يااهبل الفيل-غير

في21,آب,2008 - 09:44 صباحاً, أم ليث كتبها …

أخي مدونة الفيل النت بتتكلم عربى

أهلا وسهلا بك وبزيارتك لمدونتي المتواضعة

كل ما ارجوه أن لا تكون مدونتي للإعلان عن

شعارات وردود على الأخوة المدونين فهي

مدونة خاصة وليست مدونه للرد على البعض

فلكل مدون مدونته الخاصة التي تستطيع

الرد عليه فيها ……..اسعد بتواصلك أن كان

للزيارة ومشاركة الرأي بما اكتب

تحياتي واحترامي لك

في21,آب,2008 - 10:00 صباحاً, الفيل–النت بتتكلم عربى كتبها …

.حلو جدا

طيب لما هى مدونة خاصة

ليه بتسمحى بان ينشر طرف اتهامات بشعة ضد طرف اخر ولما يرد تقولى له دى مدونة خاصة

النقاش كله كان حول اسلوب التضامن- ومحتواه وهو فى صلب موضوع ادراجك-احد الاطراف خرج عن الموضوع بشهر سلاح- اتهامات -لم تتخذى انت منها موقفا- يعنى كده لم تعد مدونتك الخاصة-وقبل الاتهامات-وبعدها انا طبعا اعتبرها مدونتك الخاصة-ولم يسبق لى مثلا ان جيت كل يوم ونشرت تعليقات وشعارات هنا-ولم اتهم احدا بالكفر مثلا

لكن المتهم- من خلال وسيلة اتصال-زى مدونتك- وسيلة اتصال عمومى- مش كراسة مذكراتك الخاصة بك والمحفوظة فى دولابك-المتهم من حقه يرد-النقطة دى مش واضحة عند كتيير من المدونيين-الاتهام العلنى من خلال مدونتك- لايجعلها مدونتك الخاصة

والمدون اللى عاوز يخليها مدونته الخاصة عليه ان يجعلها خاصة- بان يتحكم بحذف اى تعليق يتهم الاخرين- بالكفر مثلا وانهم صوت ابليس- لان هذا يخرجها من الخصوصية الى المنبر العام ويعطى حق الرد للاخرين تلقائيا

والا انا غلطان

عموما اشكرك انك اتحتى لى فرصة الرد الكافى-ولم تقولى كفاية الا بعد ان اخذت حقى فى التوضيح

اما اذا كان قصدك كفاية كده- فطبعا كفاية-لان الامور لاتحتاج لمزيد من التوضيح

—————————–

سيد مختار يقلد الفيل- مقتبس من مدونة منى الصاوى

—-

في23,آب,2008 - 06:11 مساءً, د : سـيـد مخـتـار كتبها …

معذره

فلا يجب إتهام الهاكر ناصر - أو - الإساءه إليه

لأنه سيخرج عليك أحدهم ليقول

أن المواجهة - لا - تقتضى كل هذا

فالمدون -لا - مؤاخذه

ربما - حيثما - إنما

ودى نتيجه حتميه لتجربه - مع - المرحوم اللى نسيت اسمه

في23,آب,2008 - 06:42 مساءً, الفيل–النت بتتكلم عربى كتبها …

حلوة يادكتور سيد

ده نقد وكاريكاتير ظريف

ماقدرش اعترض عليه

ضحكت فعلا

النقد لايقتلنا

انت قلدتنى مظبوط من حيث الشكل

——–

بس فى موضوع ناصر- احنا اختلفنا فى مضمون ماندعوا المدونيين اليه

واظن انك تراجعت عن موقفك الاول برجولة

واغلب المدونيين تبنوا الراى القائل بايجابية المواجهة-وعدم الانسحاب

في23,آب,2008 - 07:23 مساءً, د : سـيـد مخـتـار كتبها …

مشكلة الأنا عند البعض عاليه

ودا بتعالج بمرور الوقت

مش عيب المدون إنه يهيأ ليه أشياء

خارج إرادته

ولكن العيب - هو - تصويره أشياء خاطئه

وكمان مش المفروض المدون ينام وهو بيكتب

أو يعتقد إن اللى قدامه تراجع

تراجع - عن - إيه

مش عارف

كل اللى مكتوب موجود

والرأى واضح من البدايه

يبقى تضبيط الزوايا واجب

منعاً للتهيؤات

ودا واجب المدون

مش واجب الدولة

ولا أمن الدوله

في23,آب,2008 - 08:30 مساءً, الفيل–النت بتتكلم عربى كتبها …

امن الدولة ياحاج سيد

ياراجل عيب عليك

صدقينى انا مش باكتب كتابة ساخرة- الوقائع هى اللى بتخلق السخرية

تناقضاتنا مهولة

———-

انا باهتم بالراى الاخر حتى لو شتائم لانه كتير بيؤكد وجهة نظرى

ولعلمك انا بالف فى مدونات كتيرة جدا -وبالقى حاجات مهمة تحتاج للتجميع لتكتمل الصورة

ولو قصدك انه يعنى ساعات المدون بيتزنق فبيقول اى حاجة- وده رد لايستحق المتابعة

لو قصدك كده- فلاحظى ان ده هو الموضوع تماما

بصراحة ان المواطن العربى كتير بيتكلم ويقول اى حاجةوخلاص- دى مسالة بتشغلنى

وليه النجليزى او الفرنسى مابيقولش الا كلام معقول وموزون واحنا كلامنا متجاوز للعقل غالبا

كتير بيظلمونى- لما يتجاهلوا ان ده اختصاص مدونتى

النت بتتكلم عربى

عندك حق الادراج طويل-جدا

ومتابعة الافكار المختلفة -المقصود منه رسم صورة متكامله-لفكره ما-فالمطلوب هو اقناع القارئ بشئ يلمسه بنفسه- مش هدفى ابدا ان سيندريلا وحشة او سيد مختار وحش

الادراج طويل

ولازم نتفق ان اغلب القراء بيقروا بالماوث-مش بعيونهم- يعنى الادراج الطويل ده مايخدش ثانية الا اذا حاجة شدت اهتمام القارئ

بالنسبة لتعليقات عم سيد

لو ان سيد مختار كان اختار ان يرد على انتقادى له فى مدونتى- كان يبقى احلى

لكن هو له اسلوب كده-كده

وصدقينى انا اتعثر فى انتقاداته- كده من زمان

من ايام تعليقه بتاع ياسلام المخابرات هتتدخل ضد الفيل- تعليقا على تهديد مدون اخر لى بالمخابرات

العزيز بالله عم الفيل الجميل

ادخل علي استحياء مدونتك وانا في نص هدومي ( النص التحتاني ) علشان مش جايب معايا هدايا ولا فوانيس رمضان

لكن اعرف انك طيب القلب وسوف تغفر لي

كلنا شلبي عزيزي الفيل والدور ياتي تباعا ولا تحزن بلد مثل لامؤاخذه بلدنا المحروقه ام الدنيا او الغرقانه في شبر ميه علي اي من شلبيات وطنها الغالي

ولكن يجب وقفه

علشان ناكل كلنا ونشرب كلنا ونشهيص مع بعضنا

دمت رقيقا مبدعا

وابعد الله عندك شلبي ورجالته

أصطبحنا و اصطبح الملك لله

يا فتاح يا عليم يا رزاق يا كريم

يعنى حضرتك بتخبط مع سندريللا و سيد مختار معا

و فى وقت واحد

؟؟؟؟

المرادى فعلا

حضرتك شايف ان كتير ح يؤيدوك

؟؟؟

هو ايه الموضوع بالضبط

؟؟

انا فعلا موش فاهمه كويس

و هل فعلا لا يستطيع الفيل الحياه بدون معارك

؟؟؟

أسئلة صعبة دى ؟؟

دكتور سيد

“”"”"”"”"”"”"

أنا قريت موش كتير

عناوين و علامات كده لمشروع معركة ليس لها اى داعى لك مع الفيل …

تحب تسمع رأييى …

أو أقتراح …

أنسى الكلام ده مؤقتا حتى بعد نهاية شهر رمضان الكريم …

أنا اصلا عندى شغل و بعدين طالع عمرة …

ان شاء الله لو لنا عمر انا و انت و الفيل

و معانا الزملاء جميعا

و ندعو أسماء على وجه الخصوص مثل حسن مدنى مثلا و وائل عزيز …

و نحدد ميعاد قبله بأسبوع ..

و نستدرج الفيل لحتة مقطوعة ..

قصدى يعنى مدونة بعيدة عنه …

و الكل ناس مؤدبين

لا شتيمة و لا بذاءة الحمد لله ..

و نسأل و نرد كده مثلا ساعة و لا اتنين …

و ننتهى بنتيجة محددة ..

مثلا الفيل ده بقت مشاكله كتير و مشاغب فنعدمه و نرتاح

يا اما نتفاهم معاه اذاى

يا اما نتعايش فى سلام و نحدد المناطق المنزوعة السلاح

اى حاجة ذى كده

موش حضرتك تلعب ماتش و انت اللى تحكم و انت اللى تصفر و انت اللى تحدد النتيجة

؟؟؟؟

يا جراح يا مفترى

“”

كل سنة و انت طيب

@ عادل مش كده ياعادل

نشنت غلط خالص

اولا -الكلام قدامك واضح والخناقة من جهة واحدة-

نفسى اعرف المدون بييجى يقول دى خناقة بين اتنين مدونيين على اى اساس

المفروض يحدد ايه اللى مش عاجبه

انتقاد كاريكاتيرى مؤدب جدا ومخفف جدا

ولا شتائم وتهديدات وتكفير

هتقولى مانت اللى استفزيتهم

ياسيدى ماهى هى دى النقطة اللى بنتكلم فيها

ايه حدود استجابة المدون لنقد موجه له-

يعنى عنفترض ان بدلا من الكاريكاتير اللى انا كاتبه- بدلا منه كلام موجه لسيندريلا وسيد مختار- امك وابوك

هل ردة فعلهم بالتهديد والتكفير والتخوين كانت هتختلف

هنا عندنا مشكلة- وهى عدم التناسب

وجبروت المدون

وفزعه على صورة وهمية رسمها

ورد فعله الغريب

هنا كل مدون اختار موقفه وكلماته بعناية وبعد تفكير وبمسئولية

يعنى انا مسئول عن كلامى لا هو نرفزة ولا حماقة ولا معلهش اصل استفزونى ولا اصل الشيطان بيوسوس لى

كلامك معناه ان الانتقاد -كما هو موجود اعلاه استدعى واستلزم العنف فى رد الانتقاد- وعاوزين نصالحكم

يعنى لما دكتور سيد استخدم اسلوب التكفيرةوالابلسة والتخوين- ليه انا لم ارد عليه بنفس الشئ

ولما سيندريلا هددت باللجوء الى العنف الفعلى واستخدام اجهزة خاصة او حكومية- لماذا لم ارد عليها بالمثل

هو ده الحد الادنى

ان سيندريلا تقول-كلاب- وانا ملتزم بالحد الادنى

هل الحد الادنى يحتمل انى انتقد المدون

هل يحتمل ان ارد عليه فى مدونة منى الصاوى-والا اتهاماته تبقى داخل موضوع الادراج وردى خارج الموضوع

وبعدين سيد مختار انتقدنى- فى نفس الصفحة بكاريكاتير

لماذا لم اشتمه ولم اهدده ولم اتهمه بانه صوت ابليس ونجيب له امن الدولة عشان تظبطه

هنا موقفى متسق مع نفسه

لكن انا اشهد ان سيندريلا وسيد- كتير استنكروا استخدام الاساليب دى ومع ذلك بيستخدموها

هنا المشكلة

—————————-

بص ياعادل

سؤالك عن نشر الشتائم

اولا احنا مش فى ابتدائى

والشتائم موجوده

وبتستخدم

وهتستخدم

والادعاء الملائكى بتاع اوه شتائم ياااى- مش معقول

انا ماعنديش الادعاء الملائكى ده

انا ضد الاستخدام الوظيفى للشتائم كسلاح-ومنها الاتهامات اللى بدون دليل والتكفير والابلسة وكلها تخضع لقانون العقوبات

هنا القانون اللى بيحدد

ولو القانون بيسمح باستخدام الشتائم كنت استخدمتها

و80 فى المائة-بلاش تمانين- من شعبنا بيستخدمها

واسههل حاجة اننا ننجعص وقول حكومة حرامية- مثلا

دى شتيمة وتخضع لقانون العقوبات

تصور

وكلنا بنمارسها

فمعلهش انا شايف انفيه نفاق جامد تجاه موضوع الشتيمة

يعنى على اساس ان اخلاقنا وتربية مامى لاتسمح لى

لا تسمح

وكلنا بنشتم

انا من زمان قلت انا ضد التوظيف للشتائم فى خلاف فكرى

لانه لايفيد

وسلاح الضعيف

وبيقى مسجل فى المدونات للابد-مش زى خناقه فى موقف ميكروباص

واعتقد ان بعض اللى استخدموا الاسلوب ده-ندموا-على استخدامه

انا ضده- لان لو حيدناه ضمن الحد الادنى- هنضطر نتكلم فى الموضوع المختلف عليه

الشتائم بتستخدم للغلوشة

ولان العرب بطبيعتهم عنهم ميل لتصديق ان اللى بيشتم منفعل وحقانى ومظلوم وفاض بيه- مش بيشتم للغلوشة ولان ماعندوش رد مقنع يقوله فى الموضوع

والشاتم يعلم تماما انه يشتم براحته وبعدين يقول اصله استفزنى- دا الشيطان المسئول مش انا

او بوقاحة قدر الله وماشاء فعل

والشاتم يعلم بيقين ان اغلب المدونيين هيقولوا =-ياجماعة بلاش خناق لاحسن الامور تتطور ويضربوا بعض-نصلح بينهم ومش مهم مين اللى شتم ومين اللى انشتم ومش مهم الحد الادنى

وكل مره نعيد من الاول

انت نفسك اتغظت لما اتقال لك ياعدل بلاش تزعل فلان فيشتمك- والان انت تعود من الاول- وتقول ياااهخ خناقه عايزين نعمل صلح

اول شرف الصلح والسلام ان يقول المدون مين اللى شتم ومين اللى انشتم

وبدون لفلفه الكلبام

اصله انتقده فشتمه يبقى خاصين والصلح خير واحنا مسلمين

اصله استفزه

لا فيه حد ادنى-حتى لو لعبت لك حواجبى

اعطيك مثلا- فى رد سيد مختار عن انتقادى لموضوع التضامن بالحذاء- تجنب تماما ان يقول ان ده كلامه وتظاهر انه بيدافع عموما

طيب لما انت مكسوف من الكلمة قوال خاننى التعبير وخلصنا

كده يبقى اتكلمنا فى حدود الموضوع

لكن تجنبا للكلام فى الموضوع- الاحسن انك تقذف المنتقد بكام اتهام يتلخم فيهم

هو ده دور الشتائم والاتهامات- وظيفيا

تجنب النقاش فى الموضوع بدعوى انه استفزنى وانا اصلى عصبى واحمق

هو ده اللى انت بتسميه تشهير

لما اعيد نشر الشتائم-مخففه-مع حذف اغلبها- واقول فلان بيهرب من المناقشة بالشتائم

طبعا تشهير

ياسلام- طبعا

اللى بيستخدم الشتائم لازم يشتهر-لان لازم نضع حد لاستخدام الشتائم والتكفير والاتهامات بدون دليل وغيرها كسلاح فى المناقشات-وحتى كسلاح معارضة للحكومة

عيب قوى انك تقول- دا جمال مبارك ثروته خمسين مليار

دى شتيمة-بنكتبها ونقولها كل يوم

ومش معارضه-فعالة ولا بتاثر

دا وعى زائف غير محرك الا لشهوة الشتم والشعور بالعجز والخيبة والفشل فى تحليل الواقع

لايحرك وعيا بسوء السياسات المتبعة

بالعكس بيعطى مشروعية للى بيحصل على قيادة فى اى مكان انه يسرق على اساس ان اصبح ده شئ عادى فى وعينا

الشتم هو اسهل شئ واقرب شئ عندنا ومع ذلك بندعى اننا بنستنكره

والتكفير اسهل شئ عندنا ومع ذلك بندعى اننا بنرفضه

المهم ان نتجنب مناقشة الموضوع بجدية ومجهود-احنا بنستسهل

ونموت فى النفاق والاستعباط

الشتائم موجوده

وعلينا ان نتعامل معها

ونختار حد ادنى بوعى-مش بطريقه اوووه نوووه شتائم يامامى

دا اسلوب موجود وغالب فى ثقافتنا لانه سهل ومنجز

مش انا اللى اخترعته

وعندما اعيد نشره هنا- تلومنى-

طيب ماهو سلاح موجود وفعتا وناجح

لف على النت وشوف

سيعة وسنة اخوان وسلفيين يمين ويسار

اسهل شئ الشتائم والاتهامات بالكفر والعمالة

وممكن بالزنا او اللواط-بالمرة-متفرقش-اصله عميل ويستاهل

والشتائم اللى وجهت لناصرالهاكر- اللى يستاهل- انا اعترضت عليها لانها هروب من مناقشة الموضوع والتحدى الحقيقى-مش زعلان على ناصر زى ماادعى سيد مختار

ايه الادعاء الخايب ده

————–

هو ده موقفى ياعدولة ممكن يكون صح وممكن غلط بس انا متحمل مسئوليته

انما مش باخاف من كلمة زى تشهير

ايوة تشهير

واللى بيعمل حاجة يتحمل مسئوليتها

تشهير بسلاح غالب فى ثقافتنا

مانقدرش نختلف الا اذا استخدمه احد الطرفين

والتكنيك واضح ان اهل الخير يتدخلوا ويقولوا بلاش نشتم بعض

ياسيدى انا لا اشتم -مش مهم

الشتم والاتهامات وسيلة لنفى الاخر واعدامه معنويا- شئ متاصل فى ثقافتنا

واانا بادعى انى باشتغل عليه

وييجى حد يسالنى اشمعنى انت

ياسيدى اسم مدونتى كدهفيها افضل ماكتب لالعربية -مقتبسا طبعا-وفيها الاشادة بالمدونات

بالمدونات الكويسة- فيها خيبتنا التقيلة

وارشفه المناقشات الفكرية اللى بيستخدم فيها سلاح الشتائم هو اللى خلى احد الباحثين يستخدم مدونتى فى رسالة جامعية عن الميديا الجديدة- المدونات

مش عشان انا حلو

عشان الارشفة والاحتفاظ بالادلة

يعنى ازاى اتكلم عن سلاح الشتائم من غير مااوريك قد ايه هو خايب- وان اعنف الشتائم لم تفيد-ازاى لا اعرض نماذج

حتقولى تانى اشمعنى انت

لانى اخترت-وده جزء من المدونة مش كلها

حتقولى طيب بعض المدونيين متغاظين وهيطرشقوا منك

هاقولك- طيب ماهو محتوى كلامى يغيظ احيانا وبيكشف حاجات احنا اتعودنا انه من الذوق ان نغطيها ونعمل نفسنا مش شايفينها– هاعمل لك ايه

الحاجات دى بنخبيها الا اذا حصل خلاف بنستخدمها

بنبقى محتفظين بيها زى سلاح تهديد وتوازن رعب

وبنتصنع اننا ذوق-وبارك الله فيك ايها المدون المتالق

لغاية بس اى خلاف

دا احنا مستحملينك وساكتين عنك من زمان وانت صفتك ونعتك

دا اسمه نفاق

وبعدين اكرر ان انا فكرت كتير اخلى كلامى بصيغة- ان بعض المدونيين بيعملوا كذا وكذا- زى اغلبنا مابيعمل

تنبيط يعنى زى ماعمل عم سيد مختار

وفكرت انى انشر النقد اللى فوق-بدلا من سيندريلا- مثلا اسم ميندريلا

وبدل سيد مختار- مثلا سيد محتار او سيد ممتاز

وكانت هتبقى مفهومة برضه -واغلب المدونيين بيعملوا كده

وبيتكلموا بدون ذكر الاسم والكل بيبقى عارف انه يقصد فلان

لكن انا قلت اتحمل مسئولية الكلام بصراحة

لقلت يعنى اشوف كده

وشفت

اخيرا عرض الحد الادنى موجود منى فى مدونة د سيد مختار

ودى مش محتاجة وساطة

محتاجة شراكة فى النقاش

مش معاك ياعماد

الموضوع محتاج صير

ولو مفيش امل مكناش كتبنا

ياراجل من سنتين كان اللى بيكتب ان الموسيقى مش حرام فى مكتوب بيكفروه

انا اخذت شتيمة بالطن عشان قلت ان الموسيقى مش حرام

دى ميزة الارشفة والتجربة اللىزعلان منها عادل سعيد

ودى ميزة المتابعة والانتظار اللى انتقدتهم منى الصاوى

لو اخذت مكتوب كبيئة للتفكير العربى

وخلال سنتين هتلاقى فرق كبير يشهد بحيوية-مش بموت

الاقناع محتاج وقت وصبر

وطبعا اللى اختاروا لنفسهم ان يكونوا جزء من عملية تغيير -هيتشتموا ويتبهدلوا

هم اللى اختاروا

وبعد شهرين او سنتين هتلاقى ان المدون اللى كان بيشتمك بيقول نفس كلامك- او انت اقتنعت جزئيا بكلامة او القارئ اختار حل وسط وده الغالب

الرفض جزء من الاقتناع وهو اول خطوة

ولما تنشتم بتعرف انك اقتحمت نقطة حساسة وان التفاعل بدا

خلى الموضوع مطروح امام القارئ فترة اطول

هتلاقى اللى بيقول لك بلاش خناقات- عشان يتهرب من الموضوع نفسه

وهتلاقى اللى بيشتم او مقموص او بيقاطعك

دا جزء من التفاعل

ثق ان المناقشة والاقتناع المتبادل شغال من تحت لتحت حتى لو فلان مخاصمنى وفلان زعلان منى

الفكرة بتقتحمه-وافكاره بتقتحمنى-والتبادل بيشتغل

انا مش بازعل منه لانى فاهم موقفه ومش خايف من افكاره ولا مرعوب من تحدية ولا حاسس بالتهديد

لذلك مش محتاج اشتمه

لكن ممكن بيكون الطرف الاخر زعلان من الاقتحام

والا هيزعل ليه

هو زعلان من الاقتحام لان الانسان بطبعه بيحب الاستقرار ومش كل شوية حد ييجى يخبط على نافوخه ويتحدى ما استقر عليه وارتاح

وزى ماقلت لك- الحل الوسط هو اللى غالبا الامم بتختاره

عشان كده خلال فترة بيظهر لك ان مفبش تغيير

لكن لو انت متابع بتلاقى ان فيه تغيير كبير

انا باتابع الخط الفكرى وتغييراته لعديد من المدونات

وشايف ان فيه تغيير ايجابى هائل

فيه حيوية

طبعا احنا طمعانيين فى اكتر

وان التغيير يكون بوعى الاختيار الحر المكاشف من غير مايبدا بالرفس

لكن لو راقبت الصراعات فى مكتوب هتلاقيها مثمرة جدا

ومفيدة جدا

واهم من الكتابة الاستاتيكية عن مشاكل الوطن- ان الحكومة وحشة واننا لابد لنا من ان نفعل كذا وكذا

الصراع- الديالكتيك- الديناميكا- واللى بتبدا بالرفس احيانا-اهم عنصر فى مكتوب

وده اللى يخلى واحد زى محمد رياض-مثلا يكتب لى -قبل مايمشى

شوف يافيل انا بدات احترمك

افكارك زفت

بس انت صاحب فكر متمسك بيه وبتدافع عنه

———————

هنا بنبدا

وهييجى بعدنا ناس يكتبوا افكار تخالف-تتقدم عل افكارنا

والدنيا كده

بس الناس متصورة ان الافكار بتعيش ثابتة

مش صحيح

التغيير بيحصل من غير مانحس

————-

وربما ييجى يوم اعرض فيه راى مدونيين من كام سنة وازاى اراءهم تغيرت- من واقع مدوناتهم

طبعا هاخد شتيمة رهيبة

وعادل سعيد هيقول لى ابوس ايدك بلاش

الناس بتزعل

طيب وانا اعمل لك ايه اذا كان تغيير الافكر بيزعل

ياراجل دا انا باقول للزميل سيد مختار انى معجب بانه غير موقفه برجولةفى موضوع التضامن

رد قال لى انا مغيرتش

اخى الفيل

مدونتك اكثر من رائعة

تحياتي وكل الود

مصعب

و الله يا اخى فكرتنى باللى باسأله عن أحوال محمود قالى محمد كويس …

!!!!!!!!

يا اخى

يا ابو حميد

أنا باسألك عن شىء محدد و أجابته محددة …..

و أنا معاك و بأيدك كمان فى أسلوب الشتائم و تاخد أمتياز فى التعامل مع أى مدون بذىء بصبر و أدب و طولة بال نادرة لأبد حد ..

على عينى و راسى يا اخى ….

المدون البذىء ده كتب كلام بذىء ضد مدونات زميلات …

حضرتك نقلته و ثبته فى مدونتك …

موش ده اللى حصل

؟؟؟

كان قصدك ساعتها ايه بقى ؟؟؟؟

أظهار صورة واضحة مكبرة لبذاءة هذا الزميل أو كان زميل للأسف أمام الجميع ..؟؟

و أعتقد أن ذلك كان مقصدك .. و تقديرى هذا ليس نابع من تعاطفى معك و لا اعجابى و لا صداقة و لا غيره .. لأنك حزفت الادراج او الغيت تثبيته بمجرد رحيله …. تحليل متواضع من متابع متواضع ..

صح

؟؟؟

و لا كان قصدك توسيع رقعة التشهير

؟؟؟

صعبة دى

؟؟؟

“”"”"”"”"”"”"”"”"”"”"”"”"

ما قولتليش ردك على المناظرة المشبوهة بتاعة بعد العيد ان عشنا و كان لنا عمر

؟؟؟

و ان ماعشناش يبقى ارتاحنا

“”"”"”"

سلام

@ عماد

الحل الوسط هو اكثر الحلول امنا

الشعوب القديمة الحضارة تفضله-عن الانتقال الفجائى-اللى هو استثنائى فى ظروف استثنائية

والحل الوسطCOMPROMISE مش كلمة وحشة-فى تاريخ الشعوب

اى نعم الراديكاليين- بيعتبروها قله ادب

لكن لاحظ ان بعد الحل الوسط- الشعوب بتعيد الفرز تانى للحصول على حل وسط تانى اكثر نفعا

يعنى الحلول الوسط سلم-درجة ورا درجة

انا اعتقد ان المنفعة هى العنصر الحاسم فى الحركة

واما ماينفع الناس

———

التطور اللى حاصل

ظاهريا اسؤا-لكن فى العمق تغيير ايجابى مهول

فى المدونات-اسلوب التفكير بدا يختلف-سيبك من محتواه

لكن التغيير فى اسلوب التفكير هو المطلوب-مش المطلوب ان الواحد يغير افكاره او دينه

وده تيار قوى- تلاحظه فيما هم تحت 20 سنه مثلا

لكن الظاهر يعطيك تصور انه مفيش فايده

أنا فاكر أنني تركت هنا تعليقا من قبل .. هو فين !!

أصل أنا من هواة قراءة تعليقاتي بعد نشرها في كل مدونة أمر عليها ..

نشرة اخبار العرب

ادخل وعيط قصدي وعلق

منتظرك لاتنسى الاستفتاء

حقيقى يلعن ابو الهبل ع التهيؤات ع البارانويا

دا اصبح مرض حقيقى اسمى مرض المدونات

دا اصبح كلام مجانيين

المدون بيفكر نفسه اصبح المطرب الشهير-وبيهدد اللى بيتصور انهم ضده

روحى الله يكرمك شوفى مين شتمك بعيد عنى

انا عمرى ماشتمتك ولا شتمت حد فى المدونات

لكن تهديدك للحصول على شئ من السطوة اتناء ما مدونتك مغلقة-شئ مريض

وانتى هددت كده عدة مرات وبتقولى مرة واحدة بس

طيب ليه رجعتى وهددتى تانى وتالت

ماهو التهديد بيبقى اما باجراءات قانونية

او باجراءات بلطجة

او انك تعملى لى عمل وسحر وشبشبة

وانتى بتقولى مش الاول ولا التانى

ومن حقى اعرف انتى بتهددينى باية- دى العدالة عشان ممكن اخاف من حقى اعرف حجم التهديد

يعنى انا مش قادر افهمك

انتى بتقولى ان فلان وفلان شتموكى باسم سيندريلا

ودى تعتبر مش شتيمة عشان دا مش اسمك الحقيقى

طيب لو انا نشرت قلة ادبهم وهاجمتها بعنف

دا يزعلك فى ايه

مشكلتك ان الشتائم دى كسرتك

كسرت نفسك

وعملت لك شلل

يعنى انا ياما شتمونى- نفس الاشخاص

ولا هددتهم ولا انكسرت

ولا حصل لى انتكاسة وشلل عند الشتائم

وحقيقى انا مندهش ليه سيندريلا حصلت على هذا الكم الهائل من الشتائم ومدونتها اصلا مش مدونة خلافية ولا بتطرح موضوعات يحصل خلاف عليها

الدرس المستفاد من تجربتك يااسيندريلا هى ان المدون وبالذات السيدات- لايجب ان يخرج من كونه مدون- الى شغل الايميلات والماسنجر والاندرجراوند

لانه ده باب خطير-والنتيجة احنا شوفناها فى اكتر من تجربة

هنا لازم تصارحى نفسك بمسئولياتك بدلا من تحميل المسئوليى لاخرين

انا طبعا فاهم ان قصدك تقولى لقراءك انك تمام والفيل هو السبب

لكن لم تجدى غير تهمة اعادة النشر-وهى شئ لاحق وليس هو المشكلة

والتهديدات دى ابشع وسيلة للتخلص من مسئوليتك امام نفسك او امام القراء

بتعطى صورة لواحدة مجنونة وغلاوية ناكشة شعرها- مش صورة السيندريلا

رياض بيتهمك فى مدونة عرباوى انك انت اللى عملتى مدونات اتهامه باللواط

ورياض كان صديقك- ومش عارف ايه حصل بينكم لكن انت لمحتى لمعاكسات

يبقى انا دخلى ايه

انتى اتهمتيه فشتمك

وجمال حمدان وغيرة شتموكى لما كتبتى عن الفلسطينيين

يبقى انا دخلى ايه-وازاى خيالك المترصد بيهرب من مسئوليتك عن علاقاتك بالناس دول والاسباب اللى شتموكى عشانها-وهى اسباب هبله- ومتصورة انى وراء كل شئ وبقالك سنتين بتاكلى فى نفسك ومرتاحة لتصورك ان الفيل هو سبب كل ده وانك ضحية

دى اسمها هلاوس

وانا مش هارد عليكى عشان مقدر حالتك النفسية

لكن اى حد بيهددنى باقوله طظ فيك وفى تهديدك

لكن واضح من كلامك انك فى حالة تشنج تدوينى

انا مندهش ان عشرات المدونات نشرت الشتائم كاعلانات من الشاتمين- وقليل اللى استنكروها

مش قادر افهم اشمعنى انا اللى معلق معاكى قوى

وايه تخيلك لسبب انى عملت المؤامرة الرهيبة دى بدون سابق احتكاك ولا زعل

يعنى ماهو لازم يكون فيه دافع

لو مفيش -يبقى تقعدى ساكتة

لو بتحليلاتك العظيمة دى عندك سبب- قوليه

وبصراحة كده- نتيجة تهديداتك دى- هتخلينى اعيد نشر بعض مقاطع من التاريخ الرهيب

مع اعادة تحليلها -عشاان نشوف الحالة التشنجية دى جات من ايه- وادعائك ده كله قائم على ايه

دا حقى فى اظهار الحقيقة مقابل اتهاماتك الهلوسانية

انى اعرض للناس انتى بتتكلمى عن ايه واذا كان كلامك صح او غلط

ولو عنك شجاعة انشرى شكواكى بالمستندات فى مدونتك

لان الاتهام بدون دليل موثق- باللى انا نشرته- اسمه قلة ادب

فعلا مفيش حل غير كده- لكن بعد رمضان

نحتكم للناس

واخيرا- انتى تهديدك بالنص ان اللى بتغضبى عليه بتنزلى المصايب على راسه وراس اصدقاءه بدون مايظهر انك انتى سبب المصايب اللى نازلة على نافوخه

عرفت

يبقى انت اللهو الخفى

طيب ويبقى لزمته ايه مادام مش هيقدر يعرف- فين الردع هنا -اللى بيعمل عملية ارهاب لازم يعلن مسئوليته عنها عشان الناس يخافوا- لكن لو مش معروف مين اللى عملها الناس هتخاف ليه

والا المقصود انه مثلا محمد رياض لو عمل حادثة عربية صدفه يقول دى سيندريلا هى اللى فكت المكابح-او يمكن دا ذنب سيندريلا

تكونيش مخاوية يا سيندريلا

شوفى اهو انا غلطت وذكرت اسمك تانى واستنفذت الفرصة الاخيرة على الفاضى- مش انتى قلتى لو ذكرت اسمك تانى- ياريتنى كنت استغليت الفرصة الاخيرة فى شتيمة او تهديد لك

وبعدين احب اقول لك ان المفروض المصايب تنزل على راسه هو بس وبلاش تشمل اصحابه0- لان دى تبقى عقوبات جماعية- وطرطشه ماهاش لزمة

وبتتناقض مع مبدا المسئولية- يعنى انت بتقولى انك هتعاقبينى على حاجة انا ماعرفش ايه هى–حاجة فى بالك انتى بس- لان كلامك بيؤكد ان اعادة النشر مش مستاهلة دا كله لانها صوحبت بحملة استنكار رهيبة-لكن الواضح الان ان بقالك سنتين بتاكلى فى نفسك لاسباب اخرى غير معلومة-يعنى انتى بتقولى ان رياض لم يسب عرضك- -كويس امال ليه زعلانه من اعادة النشرلماهو ليس شتيمة فى عرضك مع استنكاره بشدة

نفسى تفوقى لنفسك وتطلعى الخرافات دى من راسك وتتحملى مسئولية ماحدث- ولاتنكسرى امام الشتائم وتتخلصى من الوجه القبيح اللى ظهر فى تعليقاتك هنا واللى بيتناقض مع الماسك التانى

دا ثبت ان نفسيتك وحشة قوى

وبتقولى انى اجرب تهديدك المرة دى وتبقى اخر مرة تهديد-وبتقارنى تهديدك بتهديد اولاد السمكرى

الله يخرب بيوتكو هو انا هاقعد اجرب فى كل واحد يهددنى

اقترح ياسيندريلا انك تشوفى حد تانى وموضوع تانى يثير اهتمامك بالشكل ده

لان كلامك لايثير عندى اى اهتمام

وبصراحة انا لا اصدق ان فيه بنت تكتب هذا الكلام النجس ابدا

ومازلت متشكك فى الامر

وماليش مزاج ارد عليك

يعنى حوالى 30 تعليق شتائم ياسيندريلا-قعدت نص ساعة لكى احذفهم امال انت كتبتيهم فى قد ايه

ايه الغل دا كله

وايه التركيز والمجهود دا كلة

طيب مش احسن تشوفى حاجة تانية تلعبى فيها