الاسلام الصحيح
كتبهاالفيل--النت بتتكلم عربى ، في 9 أغسطس 2008 الساعة: 21:50 م
هو صحيح بذاته لذاته وصحيح لانه صحيح
ويتم الاحالة عليه لاغلاق اى مناقشة
عند بعض الاسلاميين–كتير- يكون معنى الاسلام الصحيح- يعنى- اللى انا عليه- اللى انا باقوله
او الاسلام الصحيح هو انا
وده موقف مرضى-مرتبط بطبيعة تكويننا النفسى
وقليل منهم يتواضع ويقول الاسلام الصحيح- شئ افضل بكتير مما انا عليه فعليا-وهو شئ مفارق للواقع الحالى
ومن هنا بتيجى فكرة التكفير والهجرة- الهجرة الى الافتراضى وتكفير الواقع-وهى داخله فى ذهنية اغلب الاسلاميين حتى ولو لم تقترن بالعنف والمفارقة المادية
اذ ان مفارقة الواقع للمثل الاعلى -شديد الارتفاع- والسقف الذى لا تبلغه حتى الملائكة- هذه المسافة الشاسعة تجعلنا فى حالة حرمان وفشل دائم وحالة من ملاحقة ما لسنا مؤهلين لملاحقته
وحتى العلمانيين يلوحون بهذا الاسلام الافتراضى-فى رفضهم للممارسات بعض الاسلاميين
وكثيرا ماتسمع -فى الخطب- عشان ابتعدنا عن ديننا- ياااااه بعيد قوى
ولو تاملنا العكس- يعنى انتوا ابعدتوا ديننا عنا بحيث ان المسافه بقت بعيدة فعلا
ولو سالت واحد متبحر هيقول لك موجود فى اللوح المحفوظ
ولو سمعت لبوش -هيقول لك ياااه دول ابتعدوا عن الاسلام الصحيح
واصبح الحلم هو ان ناتى بهذا الاسلام الصحيح من مكان ما- ياتى به بطل ما-ليفرضه بالسيف على الجميع وتبقى المشكلة اتحلت-والكل بيقول انه عاوز الاسلام الصحيح ده- وحتى امريكا والسعودية-انفقت المليارات لنشر الاسلام الصحراوى- لمقاومة الشيوعية- حيث كان هو الاسلام الصحيح لعقود- ثم قالت امريكا لا مش هو ده الاسلام الصحيح-شوفوا غيره
ومن اول بن لادن الى الراقصة فيفى عبده- بيتكلموا عن شئ اسمه الاسلام الصحيح اللى موجود فى مكان ما-وكل واحد بيقصد شئ مختلف
وكتير بيقولوا -لا دا الاسلام الصحيح هو النص بذاته ولوحده والواقع ده كله ملناش دعوه بيه- كانه مش موجود
يعنى النص نص لوحده فى فراغ معزول معقم -ولايبدا من الواقع ولايجب ان يتسخ بمخالطته
عشان كده-انا شايف ان عندك حق فى التساؤل- هو فين-لاننا ابعدنا الاسلام الافتراضى جدا عن انفسنا وجعلناه كالسراب- مبالغة فى تنزيهه
ولو اطليت على الصورة التى صورنا بها الصحابة- القدوة- مثلا- كنموذج لدور اجتماعى ما للدين لوجدت اننا جعلناهم فى صورىة تعجز الملائكة عن ادراكها وتحقيقها- ونرفض اى اعادة للنظر فى هذة الصورة لتقريب هؤلاء الناس الى البشرية التى تحتمل الصواب والخطا
ومن هنا ارتحنا واستمرانا الفساد والخلل الخلقى والذل الاجتماعى
لان الصورة التى يطالبنا بها الدين الافتراضى -مستحيلة-هنعمل ايه
وهناك من تزاكى وملا الفجوة بالتظاهر والكلام الكتير اللى يشبه الكلام القديم الماثور والمواقف المسرحية وبعض المكياج- اللحية المشعثة مثلا- ليوهمنا انه كده وصل للاسلام فى صورته المثالية-واحيانا احنا بنصدقه واحيانا هو بيصدق نفسه
ومادام كل واحد بيفتى بمزاجه- عن الاسلام الصحيح
خلينى احاول- من نفسى
————————–
الاسلام الصحيح هو كل ماهو نافع للانسان-كده
بشرط ان يبدا من الواقع ويعترف به ويسعى للترقى به معه-شبر شبر وسنتيمتر بسنتيمتر
لكن المفارقة -المتعالية- والمحتقرة للواقع-ولفردية الانسان ولاخطاءه
صنعت فجوه لايمكن جسرها بين الواقع والافتراضى
وخلقت فشلا ذريعا للمعانى الاسلامية فى ان تؤسس واقعا
———————————-
شوف- الموتور داير على اخره
وعامل اصوات رهيبة
لكن السيارة لاتتحرك
يعنى عندك مشكله فى جهاز نقل الحركة من الموتور الى الاجزاء
مشكلة فعالية وكفاءة
هنا بيعملوا حاجة اسمها الاصلاح الدينى-زى الاصلاح الزراعى
يعنى كل واحد ياخذ خمس فدادين يشتغل فيهم-بس يقدر
لكن الاقطاع بيرفض الفكرة-ومصمم على الاستمرار
وكل التروسات تدور -كل واحد على قد مايقدر-وعلى قد عقله- وعلى قد ربنا مايقدره
وكمان لازم عملية-جذرية
لنقل الموتور المتركب على الالسنة الى مكان اكثر فعالية
اقترح المخ
ـــــــــــــــــــــــــــــــــــــــــــــــــــــــــ
التصنيفات : ال....para.--دين ماحول وبين الدين والمجتمع | السمات:ال....para.--دين ماحول وبين الدين والمجتمع
أرسل الإدراج | دوّن الإدراج
أغسطس 10th, 2008 at 10 أغسطس 2008 8:47 ص
عزيزي الفيل/
أختلف معك في مسألتين بصفة أساسية في هذا الموضوع
الأولى/ الإسلام الصحراوي، لا يوجد شيء بهذا الإسم. يوجد الإسلام فقط لا غير. قد يجوز أو تقول فقه الصحراء. كما يقال الفقه الشافعي أو المالكي. فهذا اختلاف فقهي في تطبيق النص أو القاعدة الفقهية على النازلة أو على الواقع الحالي. فهو ليس إسلاما مختلفا.
الأخرى/ الإسلام الصحيح هو ماجاء به الرسول صلى الله عليه وسلم. وكله ينفع الناس. أفرادا أو مجتمعات. وإن كرهه البعض أو لم ندرك مدى فائدته حاليا. لكننا نؤمن أنه نافع لا ضرر منه.
وصحيح أن هناك الإسلام الصحيح من ناحية العقيدة التي لا يزيغ عنها إلا هالك. وهناك جزء من الفقه متفق عليه بلا خلاف. وهو ماكان معتمدا على نص قطعي الثبوت قطعي الدلالة. وأغلب خلافات الفقه في دلالة النص وتطبيقه على الواقع. وهذا خلاف لابأس فيه، ولا ضرر منه.
إن جزءا كبيرا من مشاكل الإسلاميين من أنصاف الفقهاء أنهم يرجعون إلى صورة الصحابة ثم يتوقفون عندها. دون النظر في تطور الفقه الإسلامي. مما يجعل الفارق بين الوضع الأمثل والواقع كبيرا جدا. ولكن عند النظر في تطور الفقه الإسلامي على مر الزمن، نجد أن المسافة ليست كما يظنها الكثيرون.
تحياتي
أغسطس 10th, 2008 at 10 أغسطس 2008 10:14 ص
الاسلام الصحراوى- ده فهم معين للاسلام اصحابه بيقولوا ان هو ده الاسلام الصحيح
وعلى النت هتلاقى مليون صفحه بتكره كل شئ حلو وبتكفر الجميع وانت عارف
وهنا كل واحد بينتحل صفه ان مايفهمه هو الاسلام الصحيح-لذلك بقى عندنا فعلا اكتر من دين باسم الاسلام
دا واقع- انت عاوز تتجاهله- انت حر
عاوز تتوقف عند اللفظ- انت حر
عاوز تقول لا دا الاسلام الصحيح هو واحد- وتتجاهل الواقع- انت حر
الغريب انك بتقول دا الفقه بس
ماهو الفقه يعنى الفهم- وهنا المشكله
يعنى اداة الايمان وهى العقل- هى دى المشكلة
لكن لو عندك نص -بتقدسه ومش قادر تستفيد منه-لان مخك-كامة- تعبان-فيعنى ذلك-ان كل ما اكلمك فى موضوع تقول لى- دا المشكلة مش فى النص
ماهو من غير عقل مفيش نص
العقل هو من يدرك وجود النص ومعناه ويستفيد منه
علة العقل تهدر النص وان ظل فى اللوح المحفوظ
الرسالة- هى تفاعل العقل مع النص- وفى غياب احدهما يغيب الاخر
الواقع انه فيه صراع عنيف
وانشقاق اوصل الامور الى انها اصبحت مجموعة اديان- كلهم يدعون ان هو ده ما اتى به الرسول وكلهم لديهم حجج قوية من بطون الكتب-اكرر كلهم
وموقفك هنا ربما مش مختلف عن موقفهم- انا اختيارى وفهمى-هو الاسلام الصحيح
اظن انه لازم نفكر فى حل للديلما دى- بدلا من تجاهلها
————-
مثال
انا شايف ان علوم الكومبيوتر والطب والفيزياء هى من صميم الاسلام
وشايف ان المصباح الكهربائى- مثلا من الاسلام
وشايف ان النقاب -ليس من الاسلام
————————————–
يعنى-انا باختصار ارى ان ماينفع الناس سيمكث فى الارض
والباقى كله سيسقط- ويطلع انه مش من الاسلام الصحيح
برغم كل العنعنات والحجج والاسانيد
والنقطة ان نقوم- كامة بتلك الغربله -بوعى- بدلا من ان يقوم بها الزمن وعدد القتلى واجيال تضيع فى الاوهام
أغسطس 10th, 2008 at 10 أغسطس 2008 6:18 م
شوف يا عم يا دكتور ….
بحث مؤرخوا اوروبا فيمن هو اعظم ملوك اوروبا فى تاريخها …
تفتكر اختاروا مين …
اختاروا امير مسلم للأندلس اسمه عبد الرحمن الناصر ..
كان شاب دون الثلاثين و استلم تركة مهلهلة …
قدس العلوم و رفع شأن العلماء و قربهم منه اول ما فعل ..
علماء الفقه و علماء الطبيعة طبعا …
و زود الجيش و رجع ما ذهب من اراضى سلفه
و طور البلد من الناحية الادارية
و من الجانب الاقتصادى حتى فاضت الاموال كعصر عمر بن العزيز …
“”"”"”"”"”"”
خلى بالك
كل ده تحت راية الاسلام …
و احنا المسلمين دايما لان ساعتها المنافس و العدو الجار الملاصق هم نصارى اسبانيا
يا ترى عبد الرحمن الناصر كان فاهم الاسلام صح و لا غلط …
؟؟؟؟
أغسطس 10th, 2008 at 10 أغسطس 2008 6:19 م
لى سؤال عند حضرتك
لا
هما حوالى حاجة و تلاتين
خلينا ف ده الاول
ليه بتخفى ايقونة راسلنى
افرض مثلا مثلا يعنى حد عايز يتعارك معاك على انفراد
واحدة تقولك يا جميل يا قمر
كده يعنى
تزعلك ليه دى
و انت ماتردش
؟؟؟
أغسطس 10th, 2008 at 10 أغسطس 2008 8:39 م
@عادل
طيب ماهو نفس اللى باقوله
كل شئ نافع فهو من الاسلام
والقتل والكراهية والعنصرية والتخلف والغباوة والهبل وشغل حلق حوش-كلها ليست من الاسلام\
——————–
ياعادل-ايميلى كان منشور-وكانت تصلنى رسائل كتيرة جدا لدرجة ازعجتنى
-فانا افتح الايميل مرة فى الشهر تقريبا
فالايميل بالنسبة لى امرسخيف-خصوصا كى اعثر على رسالة وسط الاف الرسائل
فاتفقت مع اصدقائى وحتى الاقارب انه\
اكتب ماتريد-هنا-فانا ادخل المدونة يوميا
واذا كنت لاتريد نشره اكتب -اولا انه مش للنشر
فيه زملاء يرسلون لى موادجيدة جدا-للاطلاع و ليست للنشر
وفيه ناس بيكتبوا حاجات كويسة لكن لاعتباراتهم الخاصة مش عاوزينه يتنشر -وبتلاقينى ارد عليهم فى الادراج التالى-طبعا احيانا القارئ يحس انى باناقش حد فى كلامى وطبعا انا لا اكتب انا باناقش مين
>وهو نفس فائدة الايميل-مع الاختلاف انه من حقى نشر الجزء الخاص بى-دون اى اشارة
أغسطس 11th, 2008 at 11 أغسطس 2008 9:35 ص
صباح الفل دكتورى العزيز
و الله يا أخى ما حد مصدق انى حتى لا أراسلك و تعمدت هذه الرسالة و كنت اتوقع ردها هكذا …
تخيل اكتر من واحد يطلب منى الاتصال بك
طبعا معك تليفون الفيل بلغه كذا …………..