فك وتركيب
كتبهاالفيل--النت بتتكلم عربى ، في 29 يوليو 2008 الساعة: 17:06 م
الممارسة مهمة
وخطوة خطوة نتعلم
دا احنا صاحيين من نومة عميقة -غيبوبة
يعنى الاعتصامات -تعبير فعلى عن الازمة
والازمة- يعنى وضعية فك - تركيب
فك النسق القديم واعادة الترتيب من جديد
ومشاركة الناس العاديين هى عز الطلب
والمطالبه هنا بتكون ملتصقة بالناس ومصالحهم الباشرة- ثم ياتى الوعى- الفاعل بالمصالح التالية
يعنى غاندى بدا بحملة ومسيرة الملح- يعنى ان ينتج الناس الملح بانفسهم -لانفسهم من البحر ويقاطعون ملح الحكومة اللى عليه ضرائب فاحشة
الحكومة بتقول البحر ده بتاعى محدش ياخد منه الا عن طريقى
والناس محتاجة الملح عشان يغمسوا بيه الخبز- بس
هنا انت بتبدا بمطالب متواضعة وشديدة الالتصاق باحتياجات الناس
وهنا النضال السلمى- بيحتاج وقت لكنه هو اللى بيبنى الشعوب
والعنف لا يخلق شعبا والدروس قدامنا
شوية بشوية- الناس بتتعلم تمسك مصيرها بايدها -افرادا وجماعات ولا يعطون لاحد ايا كان- توكيلا عاما على بياض
ده اللى يببنى الشعوب
لان اى تغيير لاتصنعه و تحمية الشعوب سرعان مايذهب للورثة
ـــــــــــــــــــــــــــــــــــــــــــــــــــــــــ
التصنيفات : خصوصى-مرسل مع مخصوص | السمات:خصوصى-مرسل مع مخصوص
أرسل الإدراج | دوّن الإدراج
