للدخول فى معاميع المدونة

تدوين -حريتى وحريتك

كتبهاالفيل--النت بتتكلم عربى ، في 11 يونيو 2008 الساعة: 16:32 م

مواقفى محددة-فى القضايا المحورية السابقةفى التدوين

-نفسى القارئ يركز على الفايدة مش على الخناقات
دى مواقفى عند الخلاف مع اى مدون

1-لا اشتم احدا لان الشتائم لن تقدم لن تؤخر-وصراعى هو ضد فكرة وليس ضد شخص ولا مدونة بعينها
2- ماهو منشور فى مدونتى انا مسئول عنه وحدى ولا استشير احدا- والقرار لى وحدى
وكذلك كل مدون فى مدونته-والتقدير يكون لصاحب المدونة مفردا يحذف ايه ويخلى ايه والكلمة دى معناها ايه لان المسئولية تعادل السلطة-
3-ارفض استخدام الدين -كبشلة- موس حلاقة داخل الفم-وارفض الاستخدام الكيدى للدين واراه اساءة للدين وارهاب
فهمى للدين على مسئوليتى وفهمك على مسئوليتك- احنا مش عاملين غديوة وبناكل مع بعض
المسئولية فى الاسلام فردية
4- ارفض استخدام الدين كغطاء للبهتان وشهادة الزور ومسك العصا من النص
5- ارفض التهديدات بالاعتداء الجسدى او تحريض السلطة وارفض اى دعوة لاغلاق اى مدونة-او تهديد اى مدون ليغير من اراءه
6-القانون هو الحكم الوحيد-واللى شايف ان فلان يسئ للدين او للوطن عليه بتقديم دعوى للنائب العام فورا
7-لا اهادن الباطل ولا اصالحه-لان بينى وبينه الحق
وانا اعبد الحق
فالعبور على المسافه بين الحق والباطل -والتصافى كده -مسالة خطيرة بالنسبة لى
8- من حق اى حد يرفض كلامى

——————————————–

بالنسبة للتعليقات

كل مدون هو رئيس تحرير مدونته-ومفيش نص فى المدونات يعامل معاملة الوحى المقدس
لان محدش فينا بيوحى اليه
ودى كتبناها مليون مرة
ولما حد بيحذف لى تعليق او جزء منه انا لا ازعل لان النشر فى مدونة المدون على مسئوليته-
والاولى انك تنشر ما حذفه رئيس تحرير اى مدونة- فى مدونتك انت فيتحقق الغرض-لو انت شايف ان المحذوف شئ محورى وجوهرى
دا معيار مهنى لو حبيت نتحاسب على اساس مش بمزاجى او بمزاجك
اظن انا حر احدد مستوى مسئولياتى واختياراتى وايه اللى انا عاوزه ينشر وباى طريقة

هنا مدونتك تحل كبديل
وعشان كده ربنا خلق لكل واحد مدونة

زميل بعت لى تعليق نشرته كله بينتقد رئيس الجمهورية- وحذفت سطرين انا قدرت ان فيهم اهانة لموقع رئيس الجمهورية
اهانة رئيس الجمهورية جريمة عقوبتها السجن-لكن نقد سياساته لا
ولغاية مايتغير القانون ده- انا هالتزم بيه
انا باحدد سياسة مدونتى وانت تحدد سياسة مدونتك
مفيش زعل
حريتك كاملة فى مدونتك
لكن مدونتى مخصصة لحريتى انا-وبالمثل لكل مدون
والحرية تعادل المسئولية
واى كلمة تنشر فى مدونتى حتى ولو من مجهول- ابقى انا مسئول عنها قانونا واخلاقيا وادبيا
اللى بيكتب تعليق
بيقدم اقتراح بالنشر
ولما حد بيحذف لى تعليق لا انقمص ولا اتهمه بشئ
ولا عيونى بتطلع شرار
ده حقه
وانا اذا لقيت التعليق كله غير صالح للنشر-باحذفه كله
وكل تعليقات المديح الاهبل -او الشتائم باحذفها
والناس بتزعل
فانت بتعتبر انى انتقصت من فكرك- ايوه انا حذفت اهانة لرئيس الدولة

انا عارف حدودى كويس جدا-عشان كده اتهامات وتهديدات رياض ولا تهمنى
كل كلمة فى مدونتى هى تحت سقف القانون
وانا مجرد مواطن عادى
انا لا بطل ولا اصلاحى ولا تنويرى
واسال اى محامى مسئولية مين التعليق فى مدونة فلان-ولو تعليقك المشهور نشرته فى مدونتك كان الامر خلص
انت لك دور- وانا لى دور ودورى انا مقتنع بيه
انت تقدر تنشر كلام زى ده انا ماقدرش
وباكتبها علنا
ماقدرش لانى مش عايز وعارف حدودى وطريقى
والمساحة تحت سقف القانون تكفينى لاعبر عن رايى
انت اجرا منى- ارجوك سامحنى وانشرها فى مدونتك

يبقى لسه حريتك كاملة انا ما انتقصتهاش

حريتك على حسابك

أضف الى مفضلتك