سيبونى احب
كتبهاالفيل--النت بتتكلم عربى ، في 16 مايو 2008 الساعة: 04:57 ص
علمونا فى المدرسة ان الاستاذ يسال واحنا نجاوب- بالنص الوارد فى كتاب الوزارة ولايجوز تغيير حرف -وكنا نتفاخر باننا نحفظ حتى ارقام الصفحات وحتى -كلمات-طبع بحمد الله بالمطابع الاميرية حقوق الطبع محفوظة للوزارة-
ولم نكن نعرف اين يمكن ان يمضى بنا حفظ وببغاوية مالا نفهمه ومالا نحسنه ومالا نطيقه ومالا ينفع الا فى النفاق والتظاهر وابداء الشطارةوقئ الامتحانات وكله تمام يافندم
–وبعدين الدنيا علمتنا ان السؤال-السؤال- اجدع واشرف مليون مرة من اى اجابة - وان الحسابة غير الكتابة
وفهمنا انه مفيش حد فاهم وصح وحافظ كتاب الوزارة قوى كده غير الكذابين
وشفنا اللى قعدوا يقولوا لنا اكتبوا مواضيع انشاء عن العبور - لغاية ماغرقنا
-ويبدوا اننا -لما كنا صغار -وكل الصغار -حاسيين بكده -لذلك كنا اخر كلة سنة دراسية بنقطع الكتب المدرسية ونرميها م البلكونة -وتطير القصاصات الصغيرة بعيدا ونسال هى ممكن تعيد تجميع نفسها ككلمات وممكن تطير و توصل لغاية فين -كنا نسميها-عصافير الجنة
ـــــــــــــــــــــــــــــــــــــــــــــــــــــــــ
التصنيفات : صلح لى قلوعك ياريس | السمات:صلح لى قلوعك ياريس
أرسل الإدراج | دوّن الإدراج
