المدونون يكتبون ضمائرهم- ولن يمنعنا احد
كتبهاالفيل--النت بتتكلم عربى ، في 5 مايو 2008 الساعة: 13:19 م
اعتقد ان الخطوة دي كانت لازم تتعمل من زمان - من غير ما اقول - بس عموما متشكرين ….
شوف يا اخي ……
انت دلوقتي الكورة في ملعبك ……..بشكل رئيسي -
تهديدات - واعتذرنا عنها
تشكيك في الملة - واعتذرنا عنها
اعتقد انك لو عاوز تصفي الجو , فعلا , ونيتك صافية ………انا مش هاقولك تعمل ايه …بس بص على مدونتي , ولو لقيت فيها حرف واحد ضدك ……حاسبني عليه …….
من حقك تنشر الاعتذارات - لأن ده مش شيء يخجلني - بالعكس - انا بعتير ان الاعتذار هو قمة الرجولة وقمة الشجاعة ….
لكن بقية الادراجات ؟؟؟
بامكانك يا فيل - ووببساطة شديدة جدا - طالما انا التزمت بكلمتي - انك تكتسب صديق ليك - كان في يوم من الأيام بينه وبينك مناوشات وصراعات - مش مع شخصه كشخص - مع افكاره او ارآؤه - أو …أو ……….
ومش عارف ليه انت مصر ما تاخدش خطوة ايجابية زي دي …….
صدقني ده أفضل بكتير من اسلوب تعليق العداوات او الخصومات إلى أجل غير مسمى ما بيننا
أما عن كلام الدكتور / محمد رياض , فيما يتعلق , بتأييد اتهاماتي ضدك …..فأنا بقول اهو …..وباسمي وفي مدونتي …..اني سحبت , واعتذرت عن الاتهامات دي ……. وانا مش من النوع اللي بحب اتمادى في خطأ - لا سيما اني اكتشفت ان موضوع التعليقات , ممكن يتم التلاعب فيها ….ومسألة التكفير , دي ذنب ماحدش فينا يقدر يستحمله …. آه في يوم من الأيام وجهت التهمة دي ليك - لكن مش هاتكسف اني اقول اني تراجعت عنها واعتذرت عنها - وانا بقولك خد تعليقي ده , لو تحب وانشره في مدونتك …وانا متحمل مسئولية كل حرف فيه , واعتقد ان اكيد استاذي الدكتور محمد رياض هايقراه …….
وبعدين انا ليا رجاء
احنا كلنا مصريين في بعض
بلاش ننشر غسيلنا كده قدام العالم ….
عاوزين نختلف مع بعض , وماله ما تختلف ……..بس بيننا وبين بعض …
وانا ضد استخدام الشتيمة …….ضدها تماما …….فالناس لا تكب على وجوههم إلا حصائد ألسنتهم …..
والمبدأ ده عندي طول عمري …… من وانا طفل صغير ……..
وايام الشقاوة عمري ما استخدمت لساني في الخناق …….
وأنا باعلنها بكل صراحة ….أنا ضد الشتائم - ضد الشتائم - ضد الشتائم …..
ويعني يوم ما بشتم وبقل ادبي وببقى في نص هدومي من نفسي , آخري زي اللي كتبته في الادراج السابق , ضد الهاكر " ناصر " …
انما شتيمة بالأب او الام …لا ….والف لا …
على فكرة يا فيل - انت بتتعامل مع انسان نضيف - بس انت اللي مازلت مصر تحطه في خانة الضد …….ومش هأقولك غير " فإن جنحوا للسلم فاجنح لها " ……
وتبقى الكرة في ملعبك …….حاول تسددها في المرمى الأكثر خيرا ونفعا ….
تحياتي ليك
والمشكلة انك تظن انى ساجدها صعبة ان احذف ادراج توحش المدون من صدارة الصفحة
بالعكس-ولاحظ ان بمجرد الطلب من اى شخص او جهة -ان الموضوع ده بيضايقنى- انا ماعنديش مانع من تعديل اى شئ كتبته
اصل اللى انا باكتبه مش يعنى جبت الديب من ديله
ساحذفها من صدارة الصفحة وليبقى الماضى ماضى-وساضع تعليقك الاخير مكانه
وموقفك-فى استنكار ان يستخدم اسمك فى مواضيع قذرة تنسب الى اسمك كالتكفير
يابنى والله العظيم مسلم
خليك مكانى وتخيل انك تعرضت لهذا التشهير وانك نصرانى متخفى- و و
طبعا المطلوب هو اغلاق مدونتى- وده شئ انا بس اللى اقرره-وليس ناصر الهاكر ولا اى شخص اخر مهما فعل
ارجوك قل لرياض عيب-والشتيمة كلها من طرف واحد واسمك مستخدم فيها كمصدر للمعلومات
ولاحظ دائما انى لا انسب لاحد شئ ابدا وانا عارف انه اتهام باطل-ولا انسب لحد كلام مش موجود او وهمى
وانت لما قلت من البداية ان الشتائم المقذعة لاتخصك- انا قلت مش مهم- لكن لازم تلاحظ
ان لما نتهم واحد انه جاسوس متخفى - يعنى احنا بنفتح الباب مش بس للشتم بالاب والام بل ربما للتحريض على القتل
وانت قلت انى كنت امين فى خصومتى معاك
يعنى هنا احنا بنتفق ان من حق كل واحد يقول رايه حتى لو كان بايخ او مهبب بستين نيلة
لان لما اوافق او احرض لاى سبب نبيل على منع شخص من ابداء مافى ضميره-فى حدود القانون-احنا بنوافق فورا على حق اللى يقدر على منع راينا- وحقنا فى ابداء الراى- والمقدرة هنا مش السلطة بس- لكن ممكن الشتائم والوساخة والتهديدات بالايذاء
اوعى تفكر ان لما حد بيهددنى انى مش باخد التهديد ماخذ الجد تماما- وانى بافكر كويس -هل استمر رغم التهديدات ام لا
اعطيك مثال- العيال الملحدين لما اتكلموا عن الاسلام بقلة ادب -يعاقب عليها القانون- انا اعترضت وكتبت لربانى وقلت له عيب-وقدمت شكوى لمكتوب- كل ده ممكن
ولكنى رفضت ان يمنعوا من ابداء الحادهم- على دماغهم- لكن المنع من السب والقذف مفيهوش نقاش
وصدقنى يا محمد انا عمرى ماكرهت حد- لا انت ولا رياض
انا بكره المواقف والاختيارات
ـــــــــــــــــــــــــــــــــــــــــــــــــــــــــ
التصنيفات : خصوصى-مرسل مع مخصوص | السمات:خصوصى-مرسل مع مخصوص
أرسل الإدراج | دوّن الإدراج
مايو 5th, 2008 at 5 مايو 2008 2:47 م
الفيل …
ياااااااااااااااه
يا واد يا تقيل …
يا واد يا فيل …
و الله يا واد يا فيل أنا اخدتها فرصة و قفل المدونة دى
أجازة اجبارية على اختيارية
و تخيل بقى
من زمان ما كتبتلكش ….
و انا بكتب كتير … و شغال
و النهاردة مقدرتش اسكت و انا باتابع من بعيد
و لا أعلق أبدا
و حتى مدونتى مقفولة
شوف يا عم
أولا أنا راجل مشاغلى كتير و عندى شغل مزعج و متعب للأعصاب و كله فلوس و الفلوس بتغير النفوس و تزعل الناس
كله صراعات ف صراعات
و دوشه ف دوةشه و هم على هم
و التدوين ده هواية
ربنا يتقبل و تكون هواية مفيدة ..
يا رب يستفيد حتى واح من ألف قرا …
الحمد لله …
بس الصراعات
و الخناقات و المشاكل
أنا عن نفسى
و الله موش قدها
موش معنى كده انك غلط على طول
لا
انت تقدر
عندك الأدوات
و الصبر
و الجهد
و الدأب
حلوة الدأب دى
لأستمرار النزال …
المهم لفت نظرى انك فعلا متمكن فى الشبكة و عندك خبرة بالنسبة لزملاء مكتوب عالية جدا
لا
فائقة …
بصراحة أنا كنت اتابعك من زمان عن بعد …
موش عايز ادخل فى اى صراعات و خناقات ..
تثصور مرة كتبت عنك ادراج الصيف اللى فات …
” من منا الى أسلوب الفيل … يميل ..؟ ” ..
و رفعته بعد ساعة واحدة
طبعا كان ح يمون مجزرة و الاقى مدونتى ذى العلمين اللى عليها حرب و الاتنين موش م البلد …\
عامة
الله يوفقك فى معركتك الجديدة …
و الأهم يوفقك أكتر فى نشر ثقافتك البسيطة السلسة …
و يا رب تفلح فى رفع درجة علوم مكتوب فى استخدام الشبكة العنكبوتية اللولبية الملعونة دى …
كفاية كده رغى و لا أية ..؟؟
يلا سلام
مايو 5th, 2008 at 5 مايو 2008 9:47 م
تصدق ياعزيزى -انى باكون مجبر على الدخول فى القصص دى- ولا اسعى اليها ابدا
وياما ناس شتمونى او شتموك- بس الاختلاف انى باعرف اختار اللى اتخانق معاه
وباعتبرها لعبة شطرنج
ولا اكره احدا ابدا
وبيكون كل تركيزى على اظهار السبب العام للمشكلة-
وان اعتقد ان خناقاتى كانت من الخناقات القليلة اللى لم اسب فيها احد= وعمرى ماقلت هؤلاء الجهلاء -اصل انا اخلاقى وتربيتى لاتسمح
انا لااشتم من باب المنفعة
لان الشتيمة لن توصلنى لاى مكان
وستظل مسجلة للابد
اما حكاية خبرتى فى النت- فلو عرفت الحقيقة لضحكت وقهقهت
اولادى بيتمسخروا على لما اطلب منهم حاجة
وكتير بيطلبوا اجر لاداء اى خدمة
ربنا يسامحك-
لكن اللى انت بتقول عنه ربما يرجع الى ان اختياراتى بتكون موفقة احيانا
وارجوك ابعت لى المناقشة دى اللى بتقول عليها
يونيو 23rd, 2008 at 23 يونيو 2008 8:50 ص
تقبل مروري
سبتمبر 19th, 2009 at 19 سبتمبر 2009 6:30 م
[...] المدونون يكتبون ضمائرهم- ولن يمنعنا احد المدونون- و عقيدة-انا مالى-والبلاك ووتر [...]