ياناسسس متحكموش بالظاهر
السكس مش هو الجواز
فيه شئ انسانى حقيقى بينشا-او مفروض نشتغل عشان ينشا- بين الزوج والزوجة بعد سنوات طالت ام قصرت من الزواج
سموه العشرة او الصداقة او التعود او الادمان او الارتباط التلازم او- الامومة والابوة -المعدلتين او الاخوة فيما هو بعد السكس- او اى اسم تانى
رباط اقوى من اى حب واى مظاهر- لايدركه غير الاطراف اللى فيه
عشق حقيقى بيعبر عن نفسه فى المواقف مش ع شاطئ النيل
وربما ينخدع السامع بلعنات الزوج او الزوجه كل منهما فى الاخر وهو لايدرك ان هناك اشياء اعمق من ها الكلام لانحب نحن المتزوجين ان نتكلم عنها
بس اكرر ان الرباط ده محتاج لان يفهم الزوجين ان عليهم الشغل لايجاده اى ايجاد مسارات اخرى غير السكس والفلوس فى الجواز ورعاية هذة المسارات بناء على الوعى بها والاحتياج اليها
زوجتى هى عمودى الفقرى وسند ظهرى حتى لو ظهرى بيوجعنى
والزوج او الزوجه لما يقعد يشتكى لك - لايحدثك ابدا عن ها الرباط- لانه يدينه ويطلعه غلطان فى شكواه ويثبت انه حمار وبيشتم فى نفسه وبيثبت انه اب ومنافق وفاشل وفصامى
هو بيستغل انك مش فاهم ان فيه اشياء اخرى هو بيتعمد اخفاءها
لكن لما واحد متجوز يقعد يشتكى لواحد متجوز- او ستات -تلاقى ان الكلام اتغير وعيون اللى بيشتكى بتحول وبتزوغ لان احنا بنفهم بعض
———-
الرباط اللى علينا ان نعمله بانفسنا- ده شئ مؤثر للغاية
مش بيربطك بالزوجة لكن بيربطك بالوجود كله من خلال ان لك بيت
الدنيا تختزل فى البيت
البيت ياخوننا مفهوم اوسع بكتير من الزوجة
ومتقدرش تعرف يعنى ايه البيت غير لما تمر بالاربيعينيات وتجى لك فرصة مع مزة زى العسل وتفكر وتفكر وتنوى وبعدين تقول لنفسك
لا انا اختار البيت
لو مريت بتجربة كده -بوعى - هتفهم يعنى ايه الحب الحقيقى والرباط الوثيق
هنا الموازنة مش بين سكس وسكس
الموازنة بين سكس وبيت وروابط بتتكلف سنيين وعمر وتجارب
زى ما بيقول لك مش هتعرف غلاوة الضنا الا بعد ما يبقى عندك عيال
صحيح ابنى هو انا من جديد
و كذلك زوجتى هى انا
دى خبرات لن تصدقها الا لما تجربها
يعنى مش هتعرف يعنى ايه الجواز غير بعد 15- 20 سنة جواز
وتسمع فلان وفلان بيشتكوا
طيب لما تشتكى- عليك ان تلوم نفسك اولا- عن اختيارك لشخص لايمكن اقامة مثل هة الروابط معه- انت اخترت بناء على اعتبارات اخرى
او لوم نفسك لان اختيارك طلع غبى
صدقونى الجواز بدون هة الروابط يتحول الى جهنم خالدين فيها ابدا
————————————

نصيحتى للبنت وللشاب- وخلينا فى صاحبة القرار الحقيقى-نصيحتى للبنت -لان هى اللى بايدها المفتاح-نصيحتى للبنت انها تتجوز الشخص اللى تعتقد ان شيئا من هذا يمكن ان ينشا بينها وبينه بحكم شخصيته وتكوينة-شئ من هذة الروابط
يعنى اختيارك هو مسئوليتك عن معاينة امكانية انشاء مثل هذة الروابط ثم مسئوليتكما معا عن تضفير هذة الحبال المتينة والميثاق الغليظ والمودة والرحمة
لان حبال الحب دايبة
وحبال السكس خايبة
مفيش غير حبال المسئولية
وصدقونى
احنا بنحب نهرب من مسئوليتنا